ਹੁਣ ਖੁੱਦ ਨੂੰ ਆਈਸੋਲੇਟ ਕਰਨਗੇ | Biden
ਵਾਸ਼ਿੰਗਟਨ (ਏਜੰਸੀ)। ਅਮਰੀਕੀ ਰਾਸ਼ਟਰਪਤੀ ਜੋਅ ਬਿਡੇਨ ਕੋਰੋਨਾ ਪਾਜੀਟਿਵ ਪਾਏ ਗਏ ਹਨ। ਵ੍ਹਾਈਟ ਹਾਊਸ ਨੇ ਵੀਰਵਾਰ ਨੂੰ ਕਿਹਾ ਕਿ ਉਹ ਇਕੱਲੇ ਰਹਿ ਕੇ ਕੰਮ ਕਰਨਗੇ। ਇੱਕ ਦਿਨ ਪਹਿਲਾਂ ਹੀ ਉਨ੍ਹਾਂ ਕਿਹਾ ਸੀ ਕਿ ਜੇਕਰ ਡਾਕਟਰਾਂ ਨੇ ਉਨ੍ਹਾਂ ਨੂੰ ਅਨਫਿੱਟ ਐਲਾਨ ਦਿੱਤਾ ਤਾਂ ਉਹ ਰਾਸ਼ਟਰਪਤੀ ਚੋਣ ਦੀ ਦੌੜ ਤੋਂ ਬਾਹਰ ਹੋ ਜਾਣਗੇ। ਉਸ ਨੇ ਇਹ ਗੱਲ ਅਮਰੀਕੀ ਨਿਊਜ਼ ਚੈਨਲ ਬੀਈਟੀ ਨੂੰ ਦਿੱਤੇ ਇੱਕ ਰਿਕਾਰਡ ਕੀਤੇ ਇੰਟਰਵਿਊ ’ਚ ਕਹੀ। ਇਹ ਇੰਟਰਵਿਊ ਇੱਕ ਦਿਨ ਪਹਿਲਾਂ (17 ਜੁਲਾਈ) ਨੂੰ ਟੈਲੀਕਾਸਟ ਕੀਤੀ ਗਈ ਸੀ। ਬਿਡੇਨ ਨੇ ਪਹਿਲੀ ਵਾਰ ਜਨਤਕ ਤੌਰ ’ਤੇ ਇਹ ਗੱਲ ਕਹੀ ਹੈ। ਜਦੋਂ ਬਿਡੇਨ ਨੂੰ ਉਨ੍ਹਾਂ ਦੀ ਖਰਾਬ ਸਿਹਤ ਤੇ ਡੈਮੋਕ੍ਰੇਟਿਕ ਰਾਸ਼ਟਰਪਤੀ ਅਹੁਦੇ ਲਈ ਨਾਮਜਦਗੀ ਲਈ ਚੱਲ ਰਹੀ ਖਿੱਚੋਤਾਣ ਬਾਰੇ ਪੁੱਛਿਆ ਗਿਆ ਤਾਂ ਉਨ੍ਹਾਂ ਕਿਹਾ ਕਿ ਜੇਕਰ ਡਾਕਟਰ ਮੈਨੂੰ ਅਣਫਿੱਟ ਜਾਂ ਕਿਸੇ ਬਿਮਾਰੀ ਤੋਂ ਪੀੜਤ ਪਾਉਂਦੇ ਹਨ ਤਾਂ ਇਹ ਸਮੱਸਿਆ ਹੈ। (Biden)
Read This : Road Accidents: ਰਫ਼ਤਾਰ ਦੇ ਨਾਲ ਵਧਦੇ ਹਾਦਸੇ
‘ਅਮਰੀਕੀ ਰਾਸ਼ਟਰਪਤੀ ਬਿਡੇਨ ਸਿਰਫ 6 ਘੰਟੇ ਹੀ ਕੰਮ ਕਰ ਪਾਉਂਦੇ ਹਨ’ | Biden
ਦੋ ਹਫਤੇ ਪਹਿਲਾਂ ਐਕਸੀਓਸ ਦੀ ਰਿਪੋਰਟ ਨੇ ਬਿਡੇਨ ਦੀ ਖਰਾਬ ਸਿਹਤ ’ਤੇ ਕਈ ਸਵਾਲ ਖੜ੍ਹੇ ਕੀਤੇ ਸਨ। ਰਿਪੋਰਟ ਮੁਤਾਬਕ ਬਿਡੇਨ ਸਵੇਰੇ 10 ਵਜੇ ਤੋਂ ਸ਼ਾਮ 4 ਵਜੇ ਤੱਕ ਹੀ ਕੰਮ ਕਰ ਪਾਉਂਦੇ ਹਨ। ਵ੍ਹਾਈਟ ਹਾਊਸ ਦੇ ਕਰਮਚਾਰੀਆਂ ਦੇ ਹਵਾਲੇ ਨਾਲ ਪ੍ਰਕਾਸ਼ਿਤ ਇੱਕ ਰਿਪੋਰਟ ਅਨੁਸਾਰ, ਬਿਡੇਨ ਦਿਨ ’ਚ ਸਿਰਫ 6 ਘੰਟੇ ਕੰਮ ਕਰਨ ਦੇ ਯੋਗ ਹਨ। ਇਸ ਤੋਂ ਪਹਿਲਾਂ 28 ਜੂਨ ਨੂੰ ਆਪਣੇ ਪਹਿਲੇ ਰਾਸ਼ਟਰਪਤੀ ਭਾਸ਼ਣ ’ਚ ਬਿਡੇਨ ਕਈ ਮੌਕਿਆਂ ’ਤੇ ਬਿਨਾਂ ਸੋਚੇ ਸਮਝੇ ਬੋਲ ਰਹੇ ਸਨ। (Biden)
ਉਨ੍ਹਾਂ ਨੂੰ ਕਈ ਵਾਰ ਠੋਕਰ ਮਾਰਦੇ ਵੀ ਦੇਖਿਆ ਗਿਆ, ਜਿਸ ਕਾਰਨ ਉਹ ਬਹਿਸ ’ਚ ਹਾਰ ਗਏ। ਇਸ ਤੋਂ ਬਾਅਦ ਨਾਟੋ ਸੰਮੇਲਨ ਦੌਰਾਨ ਬਿਡੇਨ ਨੇ ਯੂਕਰੇਨ ਦੇ ਰਾਸ਼ਟਰਪਤੀ ਵੋਲੋਦੀਮੀਰ ਜੇਲੇਨਸਕੀ ਰਾਸ਼ਟਰਪਤੀ ਪੁਤਿਨ ਨੂੰ ਫੋਨ ਕੀਤਾ। ਇਸ ਤੋਂ ਥੋੜ੍ਹੀ ਦੇਰ ਬਾਅਦ ਉਨ੍ਹਾਂ ਨੇ ਆਪਣੀ ਗਲਤੀ ਦੁਹਰਾਉਂਦੇ ਹੋਏ ਅਮਰੀਕਾ ਦੀ ਉਪ ਰਾਸ਼ਟਰਪਤੀ ਕਮਲਾ ਹੈਰਿਸ ਦਾ ਨਾਂਅ ਭੁੱਲ ਕੇ ਉਨ੍ਹਾਂ ਨੂੰ ਡੋਨਾਲਡ ਟਰੰਪ ਕਿਹਾ।
ਪੋਲ ’ਚ ਦਾਅਵਾ, ਟਰੰਪ ਜਿੱਤ ਸਕਦੇ ਹਨ ਰਾਸ਼ਟਰਪਤੀ ਚੋਣਾਂ (Biden)
ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਡੋਨਾਲਡ ਟਰੰਪ ’ਤੇ ਐਤਵਾਰ (14 ਜੁਲਾਈ) ਨੂੰ ਹੋਈ ਗੋਲੀਬਾਰੀ ਤੋਂ ਬਾਅਦ ਅਮਰੀਕੀ ਮੀਡੀਆ ਸੀਐਨਐਨ ਦੇ ਇੱਕ ਪੋਲ ’ਚ ਬਿਡੇਨ ਦੀ ਹਾਰ ਦਾ ਦਾਅਵਾ ਕੀਤਾ ਗਿਆ ਹੈ। ਪੋਲ ਦੱਸਦਾ ਹੈ ਕਿ ਕੁੱਲ 588 ਸੀਟਾਂ ’ਚੋਂ ਟਰੰਪ ਦੀ ਰਿਪਬਲਿਕਨ ਪਾਰਟੀ ਨੂੰ 330 ਸੀਟਾਂ ਮਿਲ ਸਕਦੀਆਂ ਹਨ। ਬਿਡੇਨ ਦੀ ਡੈਮੋਕ੍ਰੇਟਿਕ ਪਾਰਟੀ ਨੇ 208 ਸੀਟਾਂ ਹਾਸਲ ਕਰਨ ਦਾ ਦਾਅਵਾ ਕੀਤਾ ਹੈ। ਅਮਰੀਕਾ ’ਚ ਰਾਸ਼ਟਰਪਤੀ ਬਣਨ ਲਈ 270 ਸੀਟਾਂ ਜਿੱਤਣੀਆਂ ਜ਼ਰੂਰੀ ਹਨ। ਇਸ ਤੋਂ ਪਹਿਲਾਂ 2020 ’ਚ ਬਿਡੇਨ ਨੂੰ 306 ਤੇ ਟਰੰਪ ਨੂੰ 232 ਸੀਟਾਂ ਮਿਲੀਆਂ ਸਨ। (Biden)
