ਮੁੱਖ ਮੰਤਰੀ ਬੋਲੇ ਯੂਪੀ ਮਾਡਲ ਕਹੋ ਜਾਂ ਕਰਨਾਟਕ ਮਾਡਲ, ਸਖਤੀ ਨਾਲ ਐਕਸ਼ਨ ਲਵਾਂਗੇ
ਮੰਗਲੁਰੂ। ਕਰਨਾਟਕ ਦੇ ਮੰਗਲੁਰੂ ’ਚ ਕੁਝ ਨਕਾਬਪੋਸ਼ ਹਮਲਾਵਰਾਂ ਨੇ ਇਕ ਨੌਜਵਾਨ ਦੀ ਬੇਰਹਿਮੀ ਨਾਲ ਕੁੱਟਮਾਰ ਕੀਤੀ ਅਤੇ ਫਿਰ ਉਸ ’ਤੇ ਚਾਕੂ ਨਾਲ ਹਮਲਾ ਕਰ ਦਿੱਤਾ। ਹਮਲੇ ’ਚ ਜ਼ਖਮੀ ਹੋ ਗਏ ਹਸਪਤਾਲ ਲਿਜਾਂਦੇ ਸਮੇਂ ਫਾਜ਼ਿਲ ਦੀ ਮੌਤ ਹੋ ਗਈ। ਕਰਨਾਟਕ ਵਿੱਚ 10 ਦਿਨਾਂ ਵਿੱਚ ਇਹ ਤੀਜਾ ਕਤਲ ਹੈ। 26 ਜੁਲਾਈ ਨੂੰ ਦੱਖਣੀ ਕੰਨੜ ਜ਼ਿਲ੍ਹੇ ਵਿੱਚ ਬੀਜੇਵਾਈਐਮ ਆਗੂ ਦੀ ਹੱਤਿਆ ਕਰ ਦਿੱਤੀ ਗਈ ਸੀ। 19 ਜੁਲਾਈ ਨੂੰ ਦੱਖਣ ਕੰਨੜ ਵਿੱਚ ਹੀ ਮੋ. ਮਸੂਦ ’ਤੇ 8 ਲੋਕਾਂ ਨੇ ਹਮਲਾ ਕੀਤਾ ਸੀ। ਉਸ ਦੀ ਵੀ ਇਲਾਜ ਦੌਰਾਨ ਮੌਤ ਹੋ ਗਈ। ਕਰਨਾਟਕ ਦੇ ਮੁੱਖ ਮੰਤਰੀ ਬਸਵਰਾਜ ਬੋਮਈ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਅਸੀਂ ਇਨ੍ਹਾਂ ਮਾਮਲਿਆਂ ’ਚ ਸਖਤ ਕਾਰਵਾਈ ਕਰਾਂਗੇ। ਹੁਣ ਤੁਸੀਂ ਇਸਨੂੰ ਯੂਪੀ ਮਾਡਲ ਜਾਂ ਕਰਨਾਟਕ ਮਾਡਲ ਕਹਿ ਸਕਦੇ ਹੋ।
ਫਾਜ਼ਿਲ ਕਤਲ ਨਾਲ ਸਬੰਧਤ ਅਪਡੇਟਸ
- 12 ਸ਼ੱਕੀ ਹਿਰਾਸਤ ’ਚ, ਸੀਸੀਟੀਵੀ ਤੋਂ ਇਕ ਦੋਸ਼ੀ ਦੀ ਪਛਾਣ
- ਨੇੜਲੀਆਂ ਦੁਕਾਨਾਂ ਅਤੇ ਸੜਕ ’ਤੇ ਲੱਗੇ ਸੀਸੀਟੀਵੀ ਦੀ ਜਾਂਚ ਜਾਰੀ।।
- ਜ਼ਿਲ੍ਹੇ ਦੀਆਂ ਸਰਹੱਦਾਂ ’ਤੇ ਨਾਕਾਬੰਦੀ ਕੀਤੀ ਗਈ, ਆਸਪਾਸ ਦੇ ਇਲਾਕਿਆਂ ਵਿੱਚ ਟੀਮਾਂ ਵੀ ਭੇਜੀਆਂ ਗਈਆਂ।
ਮੋ. ਫਾਜ਼ਿਲ ’ਤੇ ਵੀਰਵਾਰ ਸ਼ਾਮ ਨੂੰ ਨਕਾਬਪੋਸ਼ ਵਿਅਕਤੀਆਂ ਨੇ ਕੀਤਾ ਹਮਲਾ
ਵੀਰਵਾਰ ਸ਼ਾਮ ਨੂੰ ਮਾਰੇ ਗਏ ਨੌਜਵਾਨ ਦਾ ਨਾਂਅ ਮੁਹੰਮਦ ਫਾਜ਼ਿਲ ਹੈ, ਜੋ ਮੰਗਲਪੇਟ ਦਾ ਰਹਿਣ ਵਾਲਾ ਹੈ। ਪੁਲਿਸ ਨੇ ਦੱਸਿਆ ਕਿ ਸੂਰਤਕਲ ਇਲਾਕੇ ’ਚ ਫਾਜ਼ਿਲ ਦੀ ਹੱਤਿਆ ਉਸ ਸਮੇਂ ਕੀਤੀ ਗਈ ਜਦੋਂ ਉਹ ਕੱਪੜੇ ਦੀ ਦੁਕਾਨ ਦੇ ਬਾਹਰ ਆਪਣੇ ਜਾਣਕਾਰ ਨਾਲ ਗੱਲ ਕਰ ਰਿਹਾ ਸੀ। ਚਾਰ ਵਿਅਕਤੀ ਕਾਰ ’ਤੇ ਆਏ ਅਤੇ ਉਨ੍ਹਾਂ ’ਤੇ ਹਮਲਾ ਕਰ ਦਿੱਤਾ। ਚਾਰਾਂ ਬੰਦਿਆਂ ਨੇ ਆਪਣੇ ਮੂੰਹ ਢਕੇ ਹੋਏ ਸਨ। ਖਬਰਾਂ ਮੁਤਾਬਕ ਫਾਜ਼ਿਲ ਪੁਲਿਸ ਦਾ ਮੁਖਬਰ ਸੀ।
ਇਸ ਮਾਮਲੇ ਵਿੱਚ ਪੁਲਿਸ ਨੇ 12 ਸ਼ੱਕੀਆਂ ਨੂੰ ਹਿਰਾਸਤ ਵਿੱਚ ਲਿਆ ਹੈ। ਕ੍ਰਿਸ਼ਨਪੁਰ, ਕੁਲਈ, ਸੂਰਤਕਲ ਵਿੱਚ 144 ਲਾਗੂ ਕਰ ਦਿੱਤੀ ਗਈ ਹੈ। ਮੰਗਲੁਰੂ ਸ਼ਹਿਰ ਦੇ ਪੁਲਿਸ ਕਮਿਸ਼ਨਰ ਐੱਨ. ਸ਼ਸ਼ੀਕੁਮਾਰ ਨੇ ਕਿਹਾ ਕਿ ਸੀਸੀਟੀਵੀ ਵਿੱਚ ਪਛਾਣੇ ਗਏ ਵਿਅਕਤੀ ਦੀ ਭਾਲ ਕੀਤੀ ਜਾ ਰਹੀ ਹੈ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ
