ਕਿਹਾ, ਦੁਨੀਆ ਲਈ ‘ਕਿੰਗ ਕੋਹਲੀ’ ਪਰ ਮੇਰੇ ਲਈ ਹਮੇਸ਼ਾ ਚੀਕੂ ਰਹੋਗੋ Yuvraj Singh
ਨਵੀਂ ਦਿੱਲੀ। ਭਾਰਤੀ ਟੀਮ ਦੇ ਸਾਬਕਾ ਸਿਕਸ਼ਰ ਕਿੰਗ ਯੁਵਰਾਜ ਸਿੰਘ (Yuvraj Singh) ਨੇ ਸਟਾਰ ਬੱਲੇਬਾਜ਼ ਵਿਰਾਟ ਕੋਹਲੀ ਲਈ ਇਕ ਭਾਵੁਕ ਸੰਦੇਸ਼ ਲਿਖਿਆ ਹੈ। ਮੰਗਲਵਾਰ ਨੂੰ ਯੁਵਰਾਜ ਨੇ ਸੋਸ਼ਲ ਮੀਡੀਆ ‘ਤੇ ਇਕ ਭਾਵੁਕ ਸੰਦੇਸ਼ ਸਾਂਝਾ ਕੀਤਾ। ਯੁਵਰਾਜ ਨੇ ਕੋਹਲੀ ਨੂੰ ਗੋਲਡਨ ਬੂਟ ਦਾ ਸਪੈਸ਼ਲ ਐਡੀਸ਼ਨ ਵੀ ਗਿਫਟ ਕੀਤਾ। ਉਨ੍ਹਾਂ ਇਹ ਵੀ ਲਿਖਿਆ ਕਿ ਇਹ ਸਟਾਰ ਬੱਲੇਬਾਜ਼ ਦੁਨੀਆ ਲਈ ਭਾਵੇਂ ‘ਕਿੰਗ ਕੋਹਲੀ’ ਹੋਵੇ ਪਰ ਉਸ ਲਈ ਉਹ ਹਮੇਸ਼ਾ ਚੀਕੂ ਹੀ ਰਹੇਗਾ।
ਯੁਵਰਾਜ ਸਿੰਘ ਨੇ ਅੱਗੇ ਲਿਖਿਆ ਹੈ ਕਿ ਉਨ੍ਹਾਂ ਨੇ ਸਾਬਕਾ ਭਾਰਤੀ ਕਪਤਾਨ ਨੂੰ ਕ੍ਰਿਕਟਰ ਅਤੇ ਇਨਸਾਨ ਦੇ ਰੂਪ ‘ਚ ਵੱਡਾ ਹੁੰਦਾ ਦੇਖਿਆ ਹੈ। ਯੁਵਰਾਜ ਸਿੰਘ ਅਤੇ ਵਿਰਾਟ ਨੇ ਭਾਰਤੀ ਟੀਮ ਨਾਲ ਕਈ ਮੈਚ ਖੇਡੇ ਹਨ। ਇਸ ਦੇ ਨਾਲ ਹੀ ਦੋਵੇਂ ਇੰਡੀਅਨ ਪ੍ਰੀਮੀਅਰ ਲੀਗ ‘ਚ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਲਈ ਇਕੱਠੇ ਖੇਡ ਚੁੱਕੇ ਹਨ। ਦੋਵਾਂ ਵਿਚਾਲੇ ਬਹੁਤ ਪੱਕੀ ਦੋਸਤੀ ਹੈ।
To the little boy from Delhi @imvkohli
I want to dedicate this special shoe to you,celebrating your career n time as captain which has brought smiles to millions of fans all over the world.
I hope you stay the way YOU are, play the way YOU do and keep making the country proud! pic.twitter.com/mwVPPh0JwU— Yuvraj Singh (@YUVSTRONG12) February 22, 2022
ਖੇਡਦੇ ਰਹੋ ਅਤੇ ਦੇਸ਼ ਦਾ ਮਾਣ ਵਧਾਉਂਦੇ ਰਹੋ : ਯੁਵਰਾਜ
ਯੁਵਰਾਜ ਨੇ ਟਵੀਟ ਕੀਤਾ, ‘ਦਿੱਲੀ ਦੇ ਇੱਕ ਛੋਟੇ ਬੱਚੇ ਤੋਂ @imvkohli ਬਣਨ ਦੀ ਕਹਾਣੀ। ਮੈਂ ਇਹ ਵਿਸ਼ੇਸ਼ ਬੂਟ ਤੁਹਾਨੂੰ ਸਮਰਪਿਤ ਕਰਨਾ ਚਾਹੁੰਦਾ ਹਾਂ। ਇੱਕ ਕਪਤਾਨ ਵਜੋਂ ਤੁਹਾਡੇ ਕਰੀਅਰ ਨੇ ਦੁਨੀਆ ਭਰ ਦੇ ਕਰੋੜਾਂ ਪ੍ਰਸ਼ੰਸਕਾਂ ਦੇ ਚਿਹਰਿਆਂ ‘ਤੇ ਮੁਸਕਰਾਹਟ ਲਿਆ ਦਿੱਤੀ ਹੈ। ਮੈਨੂੰ ਉਮੀਦ ਹੈ ਕਿ ਤੁਸੀਂ ਉਸੇ ਤਰ੍ਹਾਂ ਰਹੋਗੇ ਜਿਵੇਂ ਤੁਸੀਂ ਹੋ। ਜਿਸ ਤਰ੍ਹਾਂ ਤੁਸੀਂ ਖੇਡਦੇ ਹੋ ਉਸੇ ਤਰ੍ਹਾਂ ਖੇਡਦੇ ਰਹੋ ਅਤੇ ਦੇਸ਼ ਦਾ ਮਾਣ ਵਧਾਉਂਦੇ ਰਹੋ।
ਉਸਨੇ ਅੱਗੇ ਲਿਖਿਆ, ‘ਸਾਲ ਦਰ ਸਾਲ ਤੁਸੀਂ ਆਪਣੇ ਕ੍ਰਿਕਟਰ ਦਾ ਪੱਧਰ ਉੱਚਾ ਕੀਤਾ ਹੈ। ਅਤੇ ਤੁਸੀਂ ਇਸ ਸ਼ਾਨਦਾਰ ਖੇਡ ਵਿੱਚ ਹੁਣ ਤੱਕ ਜੋ ਪ੍ਰਾਪਤ ਕੀਤਾ ਹੈ, ਉਹ ਮੈਨੂੰ ਤੁਹਾਡੇ ਕਰੀਅਰ ਵਿੱਚ ਸਫਲਤਾ ਦੇ ਨਵੇਂ ਅਧਿਆਏ ਦੇਖਣ ਲਈ ਉਤਸ਼ਾਹਿਤ ਕਰ ਰਿਹਾ ਹੈ। ਤੁਸੀਂ ਇੱਕ ਮਹਾਨ ਕਪਤਾਨ ਅਤੇ ਇੱਕ ਸ਼ਾਨਦਾਰ ਲੀਡਰ ਰਹੇ ਹੋ। ਮੈਨੂੰ ਉਮੀਦ ਹੈ ਕਿ ਤੁਸੀਂ ਉਨ੍ਹਾਂ ਦੌੜਾਂ ਦਾ ਪਿੱਛਾ ਕਰਦੇ ਹੋਏ ਸ਼ਾਨਦਾਰ ਪਾਰੀ ਖੇਡੋਗੇ ਜਿਸ ਲਈ ਤੁਸੀਂ ਮਸ਼ਹੂਰ ਹੋ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ
