(ਸੱਚ ਕਹੂੰ ਨਿਊਜ਼) ਅੰਬਾਲਾ। ਯਮੁਨਾ ਦਾ ਪਾਣੀ ਹਰਿਆਣਾ ਦੇ 13 ਜ਼ਿਲ੍ਹਿਆਂ ਵਿੱਚ ਦਾਖ਼ਲ ਹੋ ਗਿਆ ਹੈ। ਸੂਬੇ ਦੇ 240 ਪਿੰਡ ਹੜ੍ਹ ਦੀ ਲਪੇਟ ਵਿੱਚ ਆ ਗਏ ਹਨ।ਅੰਬਾਲਾ ਵਿੱਚ ਹੜ੍ਹ ਨੇ (Ambala Flood) ਤਬਾਹੀ ਮਚਾ ਰੱਖੀ ਹੈ। ਹਰਿਆਣਾ ਦੇ ਗ੍ਰਹਿ ਅਤੇ ਸਿਹਤ ਮੰਤਰੀ ਅਨਿਲ ਵਿੱਜ ਦੇ ਘਰ ’ਚ ਵੀ ਪਾਣੀ ਵੜ ਗਿਆ ਹੈ। ਅੰਬਾਲਾ ਛਾਉਣੀ ਦੀ ਸ਼ਾਸਤਰੀ ਕਲੋਨੀ ’ਚ ਮੰਤਰੀ ਦਾ ਘਰ ਹੈ ਜੋ ਕਿ ਪਾਣੀ ਵਿਚ ਡੁੱਬ ਗਿਆ ਹੈ। ਗਰਾਊਂਡ ਫਲੋਰ ਦਾ ਸਾਰਾ ਫਰਨੀਚਰ ਪਹਿਲੀ ਮੰਜ਼ਿਲ ‘ਤੇ ਸ਼ਿਫਟ ਕਰ ਦਿੱਤਾ ਗਿਆ ਹੈ।
ਅੰਬਾਲਾ ‘ਚ ਲੋਕਾਂ ਦਾ ਛੱਤਾਂ ‘ਤੇ ਬੈਠ ਕੇ ਸਮਾਂ ਬੀਤਤ ਕਰ ਰਹੇ ਹਨ, ਜਿੱਥੇ ਉਨ੍ਹਾਂ ਨੂੰ ਖਾਣ-ਪੀਣ ਦਾ ਪ੍ਰਬੰਧ ਕੀਤਾ ਜਾ ਰਿਹਾ ਹੈ। ਅੰਬਾਲਾ ‘ਚ ਹੀ 9 ਮਹੀਨੇ ਦੀ ਗਰਭਵਤੀ ਔਰਤ ਹੜ੍ਹ ‘ਚ ਫਸ ਗਈ। ਇਸ ਦਾ ਪਤਾ ਲੱਗਣ ‘ਤੇ ਫੌਜ ਅਤੇ ਪੁਲਿਸ ਦੀ ਟੀਮ ਉਸ ਨੂੰ ਬਾਹਰ ਲੈ ਗਈ। ਜਿਸ ਘਰ ਵਿੱਚ ਔਰਤ ਫਸ ਗਈ ਸੀ, ਉਸ ਵਿੱਚ ਛੇ ਫੁੱਟ ਪਾਣੀ ਜਮ੍ਹਾਂ ਹੋ ਗਿਆ ਸੀ।
ਤਿੰਨ ਘੰਟੇ ਦੀ ਬਾਰਿਸ਼ ਦਾ ਅਲਰਟ ਜਾਰੀ (Ambala Flood)
ਹਰਿਆਣਾ ‘ਚ ਅੱਜ ਵੀ ਚੰਡੀਗੜ੍ਹ ਮੌਸਮ ਵਿਭਾਗ ਨੇ ਅੰਬਾਲਾ, ਕਾਲਕਾ, ਬਰਾਦਾ, ਜਗਾਧਰੀ, ਛਛਰੌਲੀ, ਨਰਾਇਣਗੜ੍ਹ, ਪੰਚਕੂਲਾ ‘ਚ ਤਿੰਨ ਘੰਟੇ ਦੀ ਬਾਰਿਸ਼ ਦਾ ਅਲਰਟ ਜਾਰੀ ਕੀਤਾ ਹੈ। ਮੌਸਮ ਵਿਗਿਆਨੀਆਂ ਮੁਤਾਬਕ ਸੂਬੇ ‘ਚ ਅਜੇ ਤੱਕ ਖ਼ਤਰਾ ਟਲਿਆ ਨਹੀਂ ਹੈ। ਪਹਾੜਾਂ ‘ਚ ਲਗਾਤਾਰ ਹੋ ਰਹੀ ਬਾਰਿਸ਼ ਕਾਰਨ ਸੂਬੇ ਦੀਆਂ ਨਦੀਆਂ ਖਾਸ ਕਰਕੇ ਯਮੁਨਾ ਦੀ ਸਥਿਤੀ ਹੋਰ ਵਿਗੜ ਸਕਦੀ ਹੈ। ਹਾਲਾਂਕਿ 15 ਤੋਂ ਬਾਅਦ ਸੂਬੇ ‘ਚ ਮਾਨਸੂਨ ਮੁੜ ਸਰਗਰਮ ਹੋ ਜਾਵੇਗਾ।
ਇਹ ਵੀ ਪੜ੍ਹੋ : ਘੱਗਰ ਤੋਂ ਪਾਰ ਤਿੰਨ ਪਿੰਡਾਂ ਦੀ ਨਹੀਂ ਲੈ ਰਿਹਾ ਕੋਈ ਸਾਰ, ਬੁਰੀ ਤਰ੍ਹਾਂ ਪਾਣੀ ਵਿੱਚ ਘਿਰੇ
ਯਮੁਨਾ ਨਦੀ ਦੇ ਪਾਣੀ ਦਾ ਪੱਧਰ ਵਧਣ ਕਾਰਨ ਹਰਿਆਣਾ ਦੀ ਦਿੱਲੀ ਸਰਕਾਰ ਨੇ ਸਿੰਘੂ ਬਾਰਡਰ, ਬਦਰਪੁਰ ਬਾਰਡਰ, ਲੋਨੀ ਬਾਰਡਰ ਅਤੇ ਚਿੱਲਾ ਬਾਰਡਰ ਨੂੰ ਸੀਲ ਕਰ ਦਿੱਤਾ ਹੈ। ਹੁਣ ਉਨ੍ਹਾਂ ਨੇ ਭਾਰੀ ਮਾਲ ਗੱਡੀਆਂ ਦੇ ਦਾਖਲੇ ‘ਤੇ ਪਾਬੰਦੀ ਲਗਾ ਦਿੱਤੀ ਹੈ। ਛੋਟੇ ਵਾਹਨਾਂ ਦੀ ਐਂਟਰੀ ਜਾਰੀ ਰਹੇਗੀ। ਸਰਕਾਰ ਦੇ ਇਸ ਫੈਸਲੇ ਕਾਰਨ ਹਰਿਆਣਾ ਤੋਂ ਜਾਣ ਵਾਲੀ ਸਪਲਾਈ ਵਿੱਚ ਦਿੱਕਤ ਆਵੇਗੀ। ਇਸ ਤੋਂ ਇਲਾਵਾ ਘੱਗਰ ਅਤੇ ਯਮੁਨਾ ਦਾ ਪਾਣੀ ਹਰਿਆਣਾ ਦੇ 13 ਜ਼ਿਲ੍ਹਿਆਂ ਵਿੱਚ ਦਾਖ਼ਲ ਹੋ ਗਿਆ ਹੈ। ਸੂਬੇ ਦੇ 240 ਪਿੰਡ ਹੜ੍ਹ ਦੀ ਲਪੇਟ ਵਿੱਚ ਆ ਗਏ ਹਨ। ਅੰਬਾਲਾ, ਕਰਨਾਲ, ਪਾਣੀਪਤ ਅਤੇ ਸੋਨੀਪਤ ਤੋਂ ਬਾਅਦ ਹੁਣ ਜੀਂਦ, ਫਤਿਹਾਬਾਦ, ਫਰੀਦਾਬਾਦ, ਪਲਵਲ ਅਤੇ ਸਿਰਸਾ ਜ਼ਿਲਿਆਂ ‘ਚ ਹੜ੍ਹ ਦਾ ਖਤਰਾ ਹੈ।
