ਦੇਹਰਾਦੂਨ। ਸ੍ਰੀ ਹੇਮਕੁੰਡ ਸਾਹਿਬ ਯਾਤਰਾ (Uttarakhand News) ਦੌਰਾਨ ਬਰਫ਼ ਦੀ ਚੱਟਾਨ ਟੁੱਟਣ ਕਾਰਨ ਯਾਤਰੀ ਹੇਠਾਂ ਦਬ ਗਏ ਸਨ। ਇਹ ਘਟਨਾ ਹੇਮਕੁੰਡ ਸਾਹਿਬ ਤੋਂ ਇੱਕ ਕਿਲੋਮੀਟਰ ਪਹਿਲਾਂ ਅਟਲਕੋਟੀ ’ਚ ਹੋਈ। ਇੱਥੇ ਗਲੇਸ਼ੀਅਰ ਦਾ ਟੁਕੜਾ ਟੁੱਟਣ ਤੋਂ ਬਾਅਦ ਇਸ ’ਚ 6 ਸ਼ਰਧਾਲੂ ਫਸ ਗਏ ਸਨ। ਇਹ ਸਾਰੇ ਦਰਸ਼ਨ ਕਰ ਕੇ ਪਰਤ ਰਹੇ ਸਨ।
6 ’ਚੋਂ 5 ਯਾਤਰੀਆਂ ਨੂੰ ਐੱਸਡੀਆਰਐੱਫ਼ ਨੇ ਬਚਾ ਲਿਆ ਸੀ। ਐੱਸਡੀਆਰਐੱਫ਼ ਅਤੇ ਆਈਟੀਬੀਪੀ ਦੇ ਜਵਾਨਾਂ ਨੇ ਰਾਤ ਭਰ ਇੱਕ ਲਾਪਤਾ ਔਰਤ ਦੀ ਭਾਲ ਕੀਤੀ, ਪਰ ਉਸ ਨੂੰ ਲੱਭ ਨਹੀਂ ਸਕੇ। ਐੱਸਡੀਆਰਐਫ਼ ਦੀ ਟੀਮ ਨੇ ਸੋਮਵਾਰ ਸਵੇਰੇ ਬਰਫ਼ ’ਚ ਦਬੀ ਹੋਈ ਮਹਿਲਾ ਦੀ ਲਾਸ਼ ਨੂੰ ਬਰਾਮਦ ਕੀਤਾ। (Uttarakhand News)
