ਪਰਿਵਾਰ ਵੱਲੋਂ ਭਾਲ ਜਾਰੀ
(ਰਾਜ ਸਿੰਗਲਾ/ਨੈਨਸੀ) ਲਹਿਰਾਗਾਗਾ। ਲਹਿਰਾਗਾਗਾ ਸ਼ਹਿਰ ਦੇ ਵਾਰਡ ਨੰਬਰ 9 ਦੀਆਂ ਸਕੂਲ ਪੜ੍ਹਨ ਗਈਆਂ ਦੋ ਕੁੜੀਆਂ ਦਾ ਲਾਪਤਾ ਹੋ ਗਈਆਂ ਜਿਨ੍ਹਾਂ ਬਾਰੇ ਹਾਲੇ ਤੱਕ ਕੁਝ ਪਤਾ ਨਹੀਂ ਚੱਲਿਆ। ਵਾਰਡ ਨੰਬਰ 9 ਦੇ ਸਾਬਕਾ ਕੌਂਸਲਰ ਸਤਪਾਲ ਸਿੰਘ ਪਾਲੀ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਸਾਡੇ ਗੁਆਂਢ ਵਿੱਚੋਂ ਦੋ ਕੁੜੀਆਂ ਉਮਰ ਲਗਭਗ 14 ਸਾਲ ਜੋ ਕਿ ਸੋਮਵਾਰ ਨੂੰ ਤਿਆਰ ਹੋ ਕੇ ਲਹਿਰਾਗਾਗਾ ਦੇ ਸਕੂਲ ’ਚ ਪੜ੍ਹਨ ਗਈਆਂ ਸਨ। ਪਰਿਵਾਰ ਨੇ ਦੱਸਿਆ ਕਿ ਦੋਵੇਂ ਕੁੜੀਆਂ ਸਕੂਲ ਪਹੁੰਚੀਆਂ ਹੀ ਨਹੀਂ ਜਿਨਾਂ ਦੀ ਭਾਲ ਅਸੀਂ ਪੂਰੇ ਸ਼ਹਿਰ ਦੇ ਵਿੱਚ ਕੀਤੀ ਪਰ ਦੋਵੇਂ ਕੁੜੀਆਂ ਕਿਤੇ ਨਹੀਂ ਲੱਭੀਆਂ। Lehragaga News
ਇਹ ਵੀ ਪੜ੍ਹੋ: ਜੇਲ੍ਹ ’ਚ ਬੰਦ ਅੰਮ੍ਰਿਤਪਾਲ ਸਿੰਘ ਲੜੇਗਾ ਚੋਣ
ਦੋਵਾਂ ਕੁੜੀਆਂ ਦੀ ਗੁਮਸ਼ੁਦਾ ਦੀ ਰਿਪੋਰਟ ਪੁਲਿਸ ਕੋਲ ਲਿਖਵਾ ਦਿੱਤੀ ਹੈ ਪੁਲਿਸ ਦੀ ਮੱਦਦ ਦੇ ਨਾਲ ਸੀਸੀਟੀਵੀ ਕੈਮਰੇ ਫਰੋਲੇ ਗਏ ਹਨ ਪਰ ਕੋਈ ਜਾਣਕਾਰੀ ਸਾਹਮਣੇ ਨਿਕਲ ਕੇ ਨਹੀਂ ਆਈ। ਪਰਿਵਾਰ ਵਾਲਿਆਂ ਦਾ ਰੋ-ਰੋ ਕੇ ਬੁਰਾ ਹਾਲ ਹੈ। ਸ਼ੋਸਲ ਮੀਡੀਆ ’ਤੇ ਵੀ ਤੇਜ਼ੀ ਨਾਲ ਦੋਵਾਂ ਕੁੜੀਆਂ ਦੇ ਗੁੰਮਸ਼ੁਦਾ ਦੀ ਪੋਸਟ ਵਾਇਰਲ ਹੋ ਰਹੀ ਹੈ। ਪਰਿਵਾਰ ਵੱਲੋਂ ਬੇਨਤੀ ਕੀਤੀ ਗਈ ਹੈ ਕਿ ਜੇਕਰ ਕਿਸੇ ਨੂੰ ਵੀ ਇਹ ਦੋ ਕੁੜੀਆਂ ਕਿਤੇ ਵੀ ਮਿਲਦੀਆਂ ਹਨ ਤਾਂ ਉਹ ਪਰਿਵਾਰ ਨਾਲ ਜ਼ਰੂਰ ਸੰਪਰਕ ਕਰਨ। Lehragaga News
