ਹਸਪਤਾਲ ‘ਚ ਦਾਖਲ ਹੋਏ ਦੋ ਹਾਥੀ, ਲੋਕਾਂ ਕਿਹਾ- ਇਲਾਜ ਲਈ ਆਏ ਹਨ
ਨਵੀਂ ਦਿੱਲੀ। ਹਰ ਰੋਜ਼ ਕੋਈ ਨਾ ਕੋਈ ਅਜਿਹੀ ਵੀਡੀਓ ਸੋਸ਼ਲ ਮੀਡੀਆ ’ਤੇ ਆਉਂਦੀ ਹੈ ਜੋ ਖਬਰਾਂ ਦੀ ਸੁਰਖੀਆਂ ਬਣ ਜਾਂਦੀ ਹੈ। ਇਸ ਦੌਰਾਨ ਸੋਸ਼ਲ ਮੀਡੀਆ ’ਤੇ ਇਕ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ ’ਚ ਦੋ ਹਾਥੀ ਇਕ ਹਸਪਤਾਲ ’ਚ ਆਉਂਦੇ ਹਨ। ਜਿਵੇਂ ਹੀ ਇਹ ਫੋਟੋ ਵਾਇਰਲ ਹੋਣ ਲੱਗੀ, ਲੋਕਾਂ ਦੇ ਕਮੈਂਟ ਆਉਣੇ ਸ਼ੁਰੂ ਹੋ ਗਏ। ਇਹ ਘਟਨਾ ਪੱਛਮੀ ਬੰਗਾਲ ਦੇ ਜਲਪਾਈਗੁੜੀ ਛਾਉਣੀ ਸਥਿਤ ਹਸਪਤਾਲ ਦੀ ਹੈ।
Elephants in the room…
From Jalpaiguri Cantonment. pic.twitter.com/ipbFR8bthG— Susanta Nanda IFS (@susantananda3) September 4, 2022
ਮੀਡੀਆ ਰਿਪੋਰਟਾਂ ਅਨੁਸਾਰ ਭਾਰਤੀ ਜੰਗਲਾਤ ਸੇਵਾ ਦੇ ਅਧਿਕਾਰੀ ਸੁਸ਼ਾਂਤ ਨੰਦਾ ਨੇ ਆਪਣੇ ਟਵਿੱਟਰ ਹੈਂਡਲ ’ਤੇ ਇਹ ਪੋਸਟ ਕੀਤਾ ਅਤੇ ਲਿਖਿਆ ਕਿ ਉਹ ਦੋਵੇਂ ਹਸਪਤਾਲ ਗਏ ਹਨ। ਵੀਡੀਓ ’ਚ ਤੁਸੀਂ ਦੇਖ ਸਕਦੇ ਹੋ ਕਿ ਇਕ ਹਾਥੀ ਹਸਪਤਾਲ ’ਚ ਗੇੜੇ ਮਾਰਦਾ ਦਿਖਾਈ ਦੇ ਰਿਹਾ ਹੈ ਜਦਕਿ ਇਕ ਹਾਥੀ ਦਰਵਾਜ਼ੇ ਵੱਲ ਨਜ਼ਰ ਆ ਰਿਹਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਜਿਵੇਂ ਹੀ ਇਹ ਤਸਵੀਰਾਂ ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋ ਰਹੀਆਂ ਹਨ, ਲੋਕ ਤਿੱਖੀ ਪ੍ਰਤੀਕਿਰਿਆ ਦੇ ਰਹੇ ਹਨ। ਇਕ ਯੂਜ਼ਰ ਨੇ ਲਿਖਿਆ ਕਿ ਅਜਿਹਾ ਲੱਗਦਾ ਹੈ ਕਿ ਦੋਵੇਂ ਇਲਾਜ ਲਈ ਹਸਪਤਾਲ ਗਏ ਹਨ। ਜਦੋਂ ਕਿ ਇੱਕ ਹੋਰ ਨੇ ਕਿਹਾ ਕਿ ਅਸੀਂ ਉਨ੍ਹਾਂ ਦੇ ਘਰਾਂ ਵਿੱਚ ਜੰਗਲ ਉਜਾੜ ਦਿੰਦੇ ਹਾਂ ਇਸ ਲਈ ਉਹ ਹੁਣ ਸਾਡੇ ਘਰਾਂ ਵਿੱਚ ਰਹਿਣਗੇ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ
