UP Expressway News: ਮੁਜ਼ੱਫਰਨਗਰ (ਅਨੂ ਸੈਣੀ)। ਉੱਤਰ ਪ੍ਰਦੇਸ਼ ਨੂੰ ਹੁਣ ਤੱਕ ਬਹੁਤ ਸਾਰੇ ਐਕਸਪ੍ਰੈਸਵੇਅ ਦੀ ਬਖਸ਼ਿਸ਼ ਹੋਈ ਹੈ, ਸੂਬੇ ’ਚ ਐਕਸਪ੍ਰੈਸਵੇਅ ਦਾ ਨੈਟਵਰਕ ਲਗਾਤਾਰ ਫੈਲ ਰਿਹਾ ਹੈ, ਇਸ ਸੂਚੀ ’ਚ ਇੱਕ ਹੋਰ ਐਕਸਪ੍ਰੈਸਵੇਅ ਸ਼ਾਮਲ ਹੋਣ ਜਾ ਰਿਹਾ ਹੈ, ਯੂਪੀ ਨੂੰ ਸੂਬੇ ਦਾ ਸਭ ਤੋਂ ਵੱਡਾ ਐਕਸਪ੍ਰੈਸਵੇਅ ਮਿਲਣ ਜਾ ਰਿਹਾ ਹੈ। ਜਿਸ ਦੀ ਸ਼ੁਰੂਆਤ ਗੋਰਖਪੁਰ ਤੋਂ ਕੀਤੀ ਜਾਵੇਗੀ। ਗੋਰਖਪੁਰ-ਸਿਲੀਗੁੜੀ ਐਕਸਪ੍ਰੈੱਸਵੇਅ ਦੇ ਨਿਰਮਾਣ ਨਾਲ ਇਨ੍ਹਾਂ ਦੋਵਾਂ ਸ਼ਹਿਰਾਂ ਵਿਚਕਾਰ ਦੂਰੀ ਕਰੀਬ 600 ਕਿਲੋਮੀਟਰ ਘੱਟ ਜਾਵੇਗੀ, ਯਾਤਰਾ ਦਾ ਸਮਾਂ 15 ਘੰਟੇ ਤੋਂ ਘਟ ਕੇ ਸਿਰਫ 9 ਘੰਟੇ ਰਹਿ ਜਾਵੇਗਾ।
ਇਹ ਖਬਰ ਵੀ ਪੜ੍ਹੋ : SA vs NZ: ਰਚਿਆ ਇਤਿਹਾਸ, ਦੁਨੀਆ ਨੂੰ ਮਿਲਿਆ ਨਵਾਂ ਵਿਸ਼ਵ ਚੈਂਪੀਅਨ, 15 ਸਾਲ ’ਚ ਅਨੋਖਾ ਕਾਰਨਾਮਾ
ਇਨ੍ਹਾਂ 3 ਸੂਬਿਆਂ ਵਿੱਚੋਂ ਲੰਘੇਗਾ ਐਕਸਪ੍ਰੈੱਸ ਵੇਅ | UP Expressway News
ਤੁਹਾਨੂੰ ਦੱਸ ਦੇਈਏ ਕਿ 3 ਸੂਬਿਆਂ ’ਚੋਂ ਲੰਘਣ ਵਾਲੇ ਗੋਰਖਪੁਰ-ਸਿਲੀਗੁੜੀ ਐਕਸਪ੍ਰੈਸਵੇ ਦੀ ਲੰਬਾਈ 519 ਕਿਲੋਮੀਟਰ ਹੈ, ਯੂਪੀ ਦੇ 3 ਜ਼ਿਲਿਆਂ ਨੂੰ ਇਸ ਦਾ ਫਾਇਦਾ ਹੋਵੇਗਾ। ਜਦੋਂ ਕਿ ਗੋਰਖਪੁਰ ਤੋਂ ਸਿਲੀਗੁੜੀ ਜਾਣ ਵਾਲੇ ਇਸ ਐਕਸਪ੍ਰੈਸਵੇਅ ਨਾਲ ਉੱਤਰ ਪ੍ਰਦੇਸ਼ ਦੇ 3 ਜ਼ਿਲ੍ਹਿਆਂ ਨੂੰ ਲਾਭ ਹੋਵੇਗਾ, ਜਿਨ੍ਹਾਂ ’ਚ ਗੋਰਖਪੁਰਾ, ਕੁਸ਼ੀਨਗਰ ਤੇ ਦੇਵਰੀਆ ਸ਼ਾਮਲ ਹਨ। ਇਸ ਐਕਸਪ੍ਰੈਸ ਵੇਅ ’ਚ ਇਨ੍ਹਾਂ ਜ਼ਿਲ੍ਹਿਆਂ ਦੇ 111 ਪਿੰਡਾਂ ਦੀ ਜ਼ਮੀਨ ਐਕੁਆਇਰ ਕੀਤੀ ਜਾਵੇਗੀ।
ਕੁਸ਼ੀਨਗਰ ਦੇ ਹਨ ਸਭ ਤੋਂ ਜ਼ਿਆਦਾ ਪਿੰਡ
ਇਸ ਕੰਮ ਲਈ ਜਿਨ੍ਹਾਂ 111 ਪਿੰਡਾਂ ਨੂੰ ਐਕੁਆਇਰ ਕੀਤਾ ਗਿਆ ਹੈ, ਉਨ੍ਹਾਂ ’ਚ ਕੁਸ਼ੀਨਗਰ ਦੇ ਤਮਕੁਹੀਰਾਜ ਦੇ 42 ਪਿੰਡ, ਹਾਟਾ ਦੇ 19 ਪਿੰਡ ਤੇ ਕਸਾਯਾ ਦੇ 13 ਪਿੰਡ ਸ਼ਾਮਲ ਹਨ। ਇਸ ਤੋਂ ਇਲਾਵਾ ਚੌੜੀ ਚੋਰਾ ਦੇ 14 ਪਿੰਡ ਤੇ ਦੇਵਰੀਆ ਸਦਰ ਦੇ 23 ਪਿੰਡ ਸ਼ਾਮਲ ਹਨ।
8 ਜ਼ਿਲ੍ਹੇ ਬਿਹਾਰ ਦੇ ਜੁੜਨਗੇ | UP Expressway News
ਗੋਰਖਪੁਰ ਸਿਲੀਗੁੜੀ ਐਕਸਪ੍ਰੈੱਸਵੇਅ ਬਿਹਾਰ ਦੇ 8 ਜ਼ਿਲਿਆਂ ’ਚੋਂ ਗੁਜ਼ਰੇਗਾ, ਜਿਸ ’ਚ ਪੂਰਬੀ ਚੰਪਾਰਣ, ਪੱਛਮੀ ਚੰਪਾਰਣ, ਸ਼ਿਓਹਰ, ਸੀਤਾਮੜੀ, ਮਧੁਬਨੀ, ਸੁਪੌਲ, ਅਰਰੀਆ ਤੇ ਕਿਸ਼ਨਗੰਜ ਸ਼ਾਮਲ ਹਨ, ਇੱਥੇ ਗੰਡਕ ਨਦੀ ’ਤੇ ਇੱਕ ਪੁਲ ਵੀ ਬਣਾਇਆ ਜਾਵੇਗਾ।
ਐਕਸਪ੍ਰੈੱਸਵੇਅ ਦਾ ਕਿੰਨਾ ਹਿੱਸਾ ਕਿੱਧਰੋਂ ਲੰਘੇਗਾ
ਗੋਰਖਪੁਰ-ਸਿਲੀਗੁੜੀ ਐਕਸਪ੍ਰੈਸਵੇਅ ਲਗਭਗ 84.3 ਕਿਲੋਮੀਟਰ ਯੂਪੀ ’ਚੋਂ ਲੰਘੇਗਾ, ਜਦੋਂ ਕਿ ਬਿਹਾਰ ’ਚ ਇਸ ਦਾ 416 ਕਿਲੋਮੀਟਰ ਤੇ ਪੱਛਮੀ ਬੰਗਾਲ ’ਚ 18.97 ਕਿਲੋਮੀਟਰ ਹੈ।
ਆਸਾਨ ਹੋ ਜਾਵੇਗਾ ਯਾਤਰਾ ਕਰਨਾ
ਗੋਰਖਪੁਰ ਤੋਂ ਸਿਲੀਗੁੜੀ ਜਾਣ ਵਾਲੇ ਇਸ ਐਕਸਪ੍ਰੈਸਵੇਅ ਰਾਹੀਂ ਉੱਤਰ ਪ੍ਰਦੇਸ਼, ਬਿਹਾਰ ਤੇ ਪੱਛਮੀ ਬੰਗਾਲ ਦੀ ਯਾਤਰਾ ਬਹੁਤ ਹੀ ਸੁਵਿਧਾਜਨਕ ਤੇ ਘੱਟ ਸਮੇਂ ’ਚ ਪੂਰੀ ਹੋਵੇਗੀ।
ਇਨ੍ਹਾਂ ਹਾਈਵੇਅ ਨਾਲ ਜੋੜੇ ਜਾਣਗੇ ਇਹ ਹਾਈਵੇਅ
ਤੁਹਾਨੂੰ ਦੱਸ ਦੇਈਏ ਕਿ ਇਹ ਐਕਸਪ੍ਰੈੱਸ ਵੇਅ ਸਟੇਟ ਹਾਈਵੇਅ, ਨੈਸ਼ਨਲ ਹਾਈਵੇਅ ਤੇ ਮੇਨ ਰੋਡ ਨਾਲ ਜੋੜਿਆ ਜਾਵੇਗਾ। ਯੂਪੀ ਦੀ ਗੱਲ ਕਰੀਏ ਤਾਂ ਗੋਰਖਪੁਰ ਆਜ਼ਮਗੜ੍ਹ ਲਿੰਕ ਐਕਸਪ੍ਰੈੱਸਵੇਅ ਨੂੰ ਵੀ ਇਸ ਨਾਲ ਜੋੜਿਆ ਜਾਵੇਗਾ। ਪੂਰਵਾਂਚਲ ਐਕਸਪ੍ਰੈਸਵੇਅ ਨਾਲ ਜੁੜਨ ਦੀ ਤਿਆਰੀ ਜਾਣਕਾਰੀ ਮੁਤਾਬਕ ਇਸ ਐਕਸਪ੍ਰੈਸ ਵੇਅ ਨੂੰ ਪੂਰਵਾਂਚਲ ਐਕਸਪ੍ਰੈਸਵੇਅ ਨਾਲ ਜੋੜਨ ਦੀ ਤਿਆਰੀ ਕੀਤੀ ਜਾ ਰਹੀ ਹੈ, ਇਸ ਨਾਲ ਦਿੱਲੀ ਦਾ ਰਸਤਾ ਆਸਾਨ ਹੋ ਜਾਵੇਗਾ।
