Punjab Weather Update: ਮਾਨਸਾ (ਸੁਖਜੀਤ ਮਾਨ)। ਜੇਠ ਮਹੀਨੇ ਦੇ ਆਖਰੀ ਦਿਨਾਂ ’ਚ ਪਾਰਾ ਵੀ ਸਿਖਰਾਂ ਨੂੰ ਛੂਹ ਰਿਹਾ ਹੈ ਤੇ ਕਿਤੇ-ਕਿਤੇ ਪੈਂਦਾ ਹਲਕਾ ਮੀਂਹ ਤਾਪਮਾਨ ਘਟਾਉਣ ’ਚ ਸਹਾਈ ਹੋ ਰਿਹਾ ਹੈ। ਮੌਸਮ ਮਾਹਿਰਾਂ ਨੇ ਕੱਲ੍ਹ ਬਾਅਦ ਦੁਪਹਿਰ ਜੋ ਅਨੁਮਾਨ ਲਗਾਇਆ ਸੀ ਕਿ ਪੰਜਾਬ ’ਚ ਕਿਤੇ-ਕਿਤੇ ਮੀਂਹ ਪੈ ਸਕਦਾ ਹੈ, ਉਸ ਮੁਤਾਬਿਕ ਕਈਂ ਥਾਈਂ ਹਲਕੇ ਤੋਂ ਦਰਮਿਆਨਾ ਮੀਂਹ ਪਿਆ ਹੈ। Rain in Punjab
ਵੇਰਵਿਆਂ ਮੁਤਾਬਿਕ ਇੰਨ੍ਹੀਂ ਦਿਨੀਂ ਤਾਪਮਾਨ 42 ਡਿਗਰੀ ਤੋਂ ਪਾਰ ਜਾਣ ਲੱਗਿਆ ਸੀ। ਮਾਹਿਰਾਂ ਨੇ ਮੀਂਹ ਦੇ ਨਾਲ-ਨਾਲ ਇਹ ਵੀ ਦੱਸਿਆ ਕਿ ਤਾਪਮਾਨ 44 ਤੱਕ ਪੁੱਜ ਸਕਦਾ ਹੈ ਪਰ ਲੰਘੀ ਰਾਤ ਪੰਜਾਬ ਦੇ ਕਈ ਜ਼ਿਲਿ੍ਹਆਂ ’ਚ ਪਿਆ ਮੀਂਹ ਧਰਤੀ ਦਾ ਸੀਨਾ ਠਾਰ ਕੇ ਲੋਕਾਂ ਨੂੰ ਰਾਹਤ ਪਹੁੰਚਾ ਗਿਆ। ਇਹ ਮੀਂਹ ਆਮ ਜਨਜੀਵਨ ਤੋਂ ਇਲਾਵਾ ਸਬਜ਼ੀਆਂ ਤੇ ਹਰੇ-ਚਾਰੇ ਲਈ ਵੀ ਕਾਫੀ ਲੋੜੀਂਦਾ ਸੀ ਕਿਉਂਕਿ ਤੇਜ਼ ਗਰਮੀ ਨੇ ਸਬਜ਼ੀਆਂ ਦੇ ਪੱਤੇ ਝੁਲਸ ਦਿੱਤੇ ਸੀ। Punjab Weather Update
Read Also : Pakistani Spy Arrested In Punjab: ਪੰਜਾਬ ’ਚ ਪਾਕਿਸਤਾਨੀ ਜਾਸੂਸ ਗ੍ਰਿਫਤਾਰ
ਜਿੰਨ੍ਹਾਂ ਜਿਲ੍ਹਿਆਂ ਦੇ ਕੁਝ ਇਲਾਕਿਆਂ ’ਚ ਮੀਂਹ ਪਿਆ ਹੈ ਉਨ੍ਹਾਂ ’ਚ ਫਿਰੋਜ਼ਪੁਰ, ਸ੍ਰੀ ਅੰਮ੍ਰਿਤਸਰ ਸਾਹਿਬ, ਤਰਨਤਾਰਨ, ਕਪੂਰਥਲਾ, ਫਤਿਹਗੜ੍ਹ ਸਾਹਿਬ, ਫਰੀਦਕੋਟ , ਮੋਗਾ ਤੇ ਲੁਧਿਆਣਾ ਸ਼ਾਮਿਲ ਹਨ। ਮੌਸਮ ਮਾਹਿਰਾਂ ਨੇ ਅੱਜ ਵੀ ਮਾਲਵੇ ਦੇ ਕਈ ਜਿਲ੍ਹਿਆਂ ’ਚ ਮੀਂਹ ਪੈਣ ਦੀ ਸੰਭਾਵਨਾ ਪ੍ਰਗਟਾਈ ਹੈ। Rain in Punjab
