Road Accident: ਗੋਬਿੰਦਗੜ੍ਹ ਜੇਜੀਆ (ਭੀਮ ਸੈਨ ਇੰਸਾਂ)। ਅੱਜ ਸਵੇਰੇ ਸੰਘਣੀ ਕਾਰਨ ਲਹਿਰਾਗਾਗਾ ਸੁਨਾਮ ਰੋਡ ’ਤੇ ਪਿੰਡ ਛਾਜਲਾ ਦੇ ਡਰੀਮ ਪੈਲੇਸ ਕੋਲ ਇੱਕ ਸਕੂਟਰੀ ਟਰਾਲੇ ਨਾਲ ਟਕਰਾ ਹੋ ਜਾਣ ਕਾਰਨ ਇੱਕ ਲੜਕੀ ਦੀ ਦਰਦਨਾਕ ਮੌਤ ਹੋਣ ਦਾ ਦੁੱਖਦਾਈ ਸਮਾਚਾਰ ਹੈ। ਉਸ ਦਾ ਪਿਤਾ ਗੰਭੀਰ ਜਖਮੀ ਦੱਸਿਆ ਜਾ ਰਿਹਾ ਹੈ। ਸਮਾਜ ਸੇਵੀ ਇੰਦਰਜੀਤ ਸਿੰਘ ਬਾਵਾ ਛਾਜਲੀ ਨੇ ਜਾਣਕਾਰੀ ਦਿੰਦਿਆਂ ਕਿ ਹਾਕਮ ਸਿੰਘ ਪਿੰਡ ਛਾਜਲੀ ਆਪਣੀ ਬੇਟੀ ਅਮਨਦੀਪ ਕੌਰ ਨੂੰ ਸਵੇਰੇ ਖੋਖਰ ਕਾਲਜ ਵਿਖੇ ਛੱਡਣ ਲਈ ਜਾ ਰਿਹਾ ਸੀ, ਜੋ ਕਿ ਖੋਖਰ ਕਾਲਜ਼ ਵਿਖੇ ਬੀਐਡ ਦਾ ਕੋਰਸ ਕਰ ਰਹੀ ਸੀ।
Read Also : Punjab News: ਪੰਜਾਬ ਦੇ ਇਸ ਸਕੂਲ ’ਚ ਵਿਦਿਆਰਥੀਆਂ ਨੇ ਕੀਤਾ ਵੱਡਾ ਹੰਗਾਮਾ, ਜਾਣੋ ਪੂਰਾ ਮਾਮਲਾ
ਪੈਟਰੋਲ ਪੰਪ ਨਜ਼ਦੀਕ ਡਰੀਮ ਪੈਲੇਸ ਛਾਜਲਾ ਵਿਖੇ ਸਕੂਟਰੀ ਓਵਰਟੇਕ ਕਰਦਿਆਂ ਟਰਾਲੇ ਨਾਲ ਟਕਰਾ ਜਾਣ ਕਾਰਨ ਲੜਕੀ ਦੀ ਮੌਕੇ ’ਤੇ ਮੌਤ ਹੋ ਗਈ ਅਤੇ ਹਾਕਮ ਸਿੰਘ ਗੰਭੀਰ ਰੂਪ ਵਿੱਚ ਜਖਮੀ ਹੋ ਗਿਆ, ਘਟਨਾ ਦਾ ਪਤਾ ਲੱਗਦੇ ਹੀ ਪਿੰਡ ਛਾਜਲੀ ਤੇ ਛਾਜਲਾ ਦੇ ਲੋਕ ਵੱਡੀ ਗਿਣਤੀ ਵਿੱਚ ਇਕੱਠੇ ਹੋ ਗਏ, ਸੜਕ ਤੇ ਲੱਗੇ ਜਾਮ ਨੂੰ ਵੀ ਖੁਲਾਇਆ ਗਿਆ। Road Accident
ਬੜੇ ਦੁੱਖ ਦੀ ਗੱਲ ਹੈ ਕਿ ਅਨੇਕਾਂ ਗੱਡੀਆਂ ਸੜਕ ’ਤੇ ਖੜੀਆਂ ਰਹੀਆਂ ਪਰ ਲੜਕੀ ਦਾ ਪਿਤਾ ਹਾਕਮ ਸਿੰਘ ਸੜਕ ਤੇ ਹੀ ਤੜਫਦਾ ਰਿਹਾ, ਸਰਕਾਰੀ ਜਾ ਪ੍ਰਾਈਵੇਟ ਵਾਹਨਾਂ ਨੇ ਕਿਸੇ ਨੇ ਵੀ ਉਸਨੂੰ ਚੁੱਕ ਕੇ ਹਸਪਤਾਲ ਤੱਕ ਨਹੀਂ ਪਹੰਚਾਉਣ ਦੀ ਕੋਸ਼ਿਸ਼ ਕੀਤੀ। ਮੌਕੇ ’ਤੇ ਪਹੁੰਚੀ ਥਾਣਾ ਛਾਜਲੀ ਦੀ ਪੁਲਿਸ ਪਾਰਟੀ ਨੇ ਘਟਨਾ ਦਾ ਜਾਇਜ਼ਾ ਲਿਆ, ਫ਼ਰਾਰ ਹੋ ਚੁੱਕੇ ਟਰਾਲੇ ਦੀ ਪੁਲਿਸ ਪਾਰਟੀ ਵੱਲੋਂ ਭਾਲ ਕੀਤੀ ਜਾ ਰਹੀ ਹੈ।
