3 ਪੰਚਕੂਲਾ ਦੇ ਰਹਿਣ ਵਾਲੇ, ਇਨ੍ਹਾਂ ’ਚੋਂ 2 ਨਾਬਾਲਗ
Panchkula Road Accident: ਪੰਚਕੂਲਾ (ਸੱਚ ਕਹੂੰ ਨਿਊਜ਼)। ਹਰਿਆਣਾ ਦੇ ਪੰਚਕੂਲਾ ’ਚ ਐਤਵਾਰ ਸਵੇਰੇ ਇੱਕ ਤੇਜ਼ ਰਫ਼ਤਾਰ ਕਾਰ ਹਾਈਵੇਅ ’ਤੇ ਖੜ੍ਹੇ ਇੱਕ ਟਰੱਕ ਨਾਲ ਟਕਰਾ ਗਈ। ਇਸ ’ਚ ਕਾਰ ’ਚ ਸਵਾਰ ਚਾਰ ਨੌਜਵਾਨਾਂ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ। ਇਹ ਹਾਦਸਾ ਸਵੇਰੇ 5 ਵਜੇ ਪਿੰਜੌਰ ’ਚ ਚੰਡੀਗੜ੍ਹ-ਸ਼ਿਮਲਾ ਹਾਈਵੇਅ ਦੇ ਸੋਲਨ-ਸ਼ਿਮਲਾ ਬਾਈਪਾਸ ’ਤੇ ਵਾਪਰਿਆ। ਸੂਚਨਾ ਮਿਲਦੇ ਹੀ ਪੁਲਿਸ ਮੌਕੇ ’ਤੇ ਪਹੁੰਚ ਗਈ ਤੇ ਲਾਸ਼ਾਂ ਨੂੰ ਪੰਚਕੂਲਾ ਦੇ ਸੈਕਟਰ-6 ਸਥਿਤ ਸਿਵਲ ਹਸਪਤਾਲ ’ਚ ਰਖਵਾ ਦਿੱਤਾ। ਮ੍ਰਿਤਕ ਨੌਜਵਾਨਾਂ ’ਚੋਂ ਤਿੰਨ ਪੰਚਕੂਲਾ ਦੇ ਰਹਿਣ ਵਾਲੇ ਸਨ ਤੇ ਇੱਕ ਮੋਹਾਲੀ ਦਾ ਰਹਿਣ ਵਾਲਾ ਸੀ। ਇਨ੍ਹਾਂ ’ਚੋਂ 2 ਨਾਬਾਲਗ ਵੀ ਹਨ।
ਇਹ ਖਬਰ ਵੀ ਪੜ੍ਹੋ : IND vs PAK: ਮਹਾਮੁਕਾਬਲਾ ਅੱਜ, ਚੈਂਪੀਅਨਜ਼ ਟਰਾਫੀ ’ਚ ਆਹਮੋ-ਸਾਹਮਣੇ ਹੋਣਗੇ ਭਾਰਤ ਪਾਕਿਸਤਾਨ, ਜਾਣੋ ਕਦੋਂ ਤੇ ਕਿੱਥੇ ਵੇ…
ਰੌਲਾ ਸੁਣ ਕੋਲ ਪਹੁੰਚੇ ਲੋਕ | Panchkula Road Accident
ਪੁਲਿਸ ਅਨੁਸਾਰ, ਇੱਕ ਵਰਨਾ ਕਾਰ ਸਵੇਰੇ ਪਰਵਾਣੂ ਵਾਲੇ ਪਾਸਿਓਂ ਪੰਚਕੂਲਾ ਦੇ ਬਿਟਨਾ ਆਈ। ਚੰਡੀਗੜ੍ਹ ਸ਼ਿਮਲਾ ਹਾਈਵੇਅ ’ਤੇ ਪੰਜਾਬ ਨੰਬਰ ਪਲੇਟ ਵਾਲਾ ਇੱਕ ਟਰੱਕ ਸੜਕ ਕਿਨਾਰੇ ਖੜ੍ਹਾ ਸੀ। ਫਿਰ ਕਾਰ ਟਰੱਕ ’ਚ ਜਾ ਵੱਜੀ। ਟੱਕਰ ਤੋਂ ਬਾਅਦ ਇੱਕ ਉੱਚੀ ਆਵਾਜ਼ ਆਈ। ਜਿਵੇਂ ਹੀ ਉਨ੍ਹਾਂ ਨੇ ਰੌਲਾ ਸੁਣਿਆ, ਨੇੜਲੇ ਇਲਾਕਿਆਂ ਦੇ ਲੋਕ ਮੌਕੇ ’ਤੇ ਪਹੁੰਚ ਗਏ। ਇਸ ਘਟਨਾ ਬਾਰੇ ਪੁਲਿਸ ਨੂੰ ਵੀ ਸੂਚਿਤ ਕਰ ਦਿੱਤਾ ਗਿਆ। Panchkula Road Accident
ਇੱਕ ਨੌਜਵਾਨ 10 ਮੀਟਰ ਦੂਰ ਡਿੱਗਿਆ | Panchkula Road Accident
ਟਰੱਕ ਨਾਲ ਟਕਰਾਉਣ ਤੋਂ ਬਾਅਦ ਦੋ ਨੌਜਵਾਨ ਕਾਰ ’ਚੋਂ ਹੇਠਾਂ ਡਿੱਗੇ। ਕਾਰ ਦੀ ਛੱਤ ਟੁੱਟਣ ਤੋਂ ਬਾਅਦ ਇੱਕ ਨੌਜਵਾਨ ਲਗਭਗ 10 ਫੁੱਟ ਦੂਰ ਡਿੱਗਿਆ। ਚੌਥਾ ਨੌਜਵਾਨ ਕਾਰ ’ਚ ਫਸ ਗਿਆ। ਪੁਲਿਸ ਜਾਂਚ ’ਚ ਮ੍ਰਿਤਕਾਂ ਦੀ ਪਛਾਣ ਵੈਭਵ ਯਾਦਵ (16), ਅਧਿਆਇਨ ਬਾਂਸਲ (17), ਵਾਸੀ ਪੰਚਕੂਲਾ ਤੇ ਮੁਹੰਮਦ ਅਦੀਪ, ਵਾਸੀ ਮੋਹਾਲੀ ਵਜੋਂ ਹੋਈ ਹੈ। ਚੌਥਾ ਨੌਜਵਾਨ ਵੀ ਪੰਚਕੂਲਾ ਦਾ ਰਹਿਣ ਵਾਲਾ ਸੀ।
