IND vs SA: ਦੱਖਣੀ ਅਫਰੀਕਾ ਖਿਲਾਫ਼ ਭਾਰਤੀ ਟੈਸਟ ਟੀਮ ਦਾ ਐਲਾਨ, ਰਿਸ਼ਭ ਦੀ ਵਾਪਸੀ

By Sach Kahoon Punjabi Desk

Published On Nov 05, 2025 06:09 PM IST

ਰਿਸ਼ਭ ਪੰਤ ਦੀ 3 ਮਹੀਨਿਆਂ ਬਾਅਦ ਟੀਮ ’ਚ ਵਾਪਸੀ

14 ਨਵੰਬਰ ਤੋਂ 2 ਟੈਸਟ ਮੈਚਾਂ ਦੀ ਸੀਰੀਜ਼

IND vs SA: ਸਪੋਰਟਸ ਡੈਸਕ। ਦੱਖਣੀ ਅਫਰੀਕਾ ਵਿਰੁੱਧ ਦੋ ਟੈਸਟ ਮੈਚਾਂ ਲਈ ਭਾਰਤੀ ਟੀਮ ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਵਿਕਟਕੀਪਰ ਬੱਲੇਬਾਜ਼ ਰਿਸ਼ਭ ਪੰਤ ਤਿੰਨ ਮਹੀਨਿਆਂ ਦੀ ਗੈਰਹਾਜ਼ਰੀ ਤੋਂ ਬਾਅਦ ਟੀਮ ’ਚ ਵਾਪਸੀ ਕਰਦੇ ਹਨ। ਜੁਲਾਈ ’ਚ ਇੰਗਲੈਂਡ ਵਿਰੁੱਧ ਮੈਨਚੈਸਟਰ ਟੈਸਟ ਦੌਰਾਨ ਪੰਤ ਦੇ ਪੈਰ ’ਤੇ ਫ੍ਰੈਕਚਰ ਹੋ ਗਿਆ ਸੀ। ਉਹ ਵੈਸਟਇੰਡੀਜ਼ ਵਿਰੁੱਧ ਪਿਛਲੀ ਟੈਸਟ ਲੜੀ ਵੀ ਨਹੀਂ ਖੇਡ ਸਕੇ ਸਨ। ਬੁੱਧਵਾਰ ਨੂੰ ਮੁੰਬਈ ’ਚ ਚੋਣ ਕਮੇਟੀ ਦੀ ਮੀਟਿੰਗ ’ਚ ਪੰਤ ਨੂੰ ਤਾਮਿਲਨਾਡੂ ਦੇ ਨਾਰਾਇਣ ਜਗਦੀਸਨ ਦੀ ਜਗ੍ਹਾ ਸ਼ਾਮਲ ਕੀਤਾ ਗਿਆ ਸੀ। ਦੱਖਣੀ ਅਫਰੀਕਾ ਦੇ ਭਾਰਤ ਦੌਰੇ ’ਚ ਦੋ ਟੈਸਟ, ਤਿੰਨ ਵਨਡੇ ਤੇ ਪੰਜ ਟੀ-20 ਮੈਚ ਸ਼ਾਮਲ ਹੋਣਗੇ। ਟੈਸਟ ਲੜੀ 14 ਨਵੰਬਰ ਨੂੰ ਕੋਲਕਾਤਾ ’ਚ ਸ਼ੁਰੂ ਹੋਵੇਗੀ।

ਇਹ ਖਬਰ ਵੀ ਪੜ੍ਹੋ : Kotkapura News: ਚੰਡੀਗੜ੍ਹ ਤੋਂ ਅਗਵਾ ਕੀਤਾ ਗਿਆ ਪੱਤਰਕਾਰ ਕੋਟਕਪੂਰਾ ਤੋਂ ਮਿਲਿਆ, ਮੁਲਜ਼ਮ ਮੌਕੇ ਤੋਂ ਭੱਜਿਆ

ਦੱਖਣੀ ਅਫਰੀਕਾ ਵਿਰੁੱਧ ਭਾਰਤੀ ਟੀਮ | IND vs SA

ਸ਼ੁਭਮਨ ਗਿੱਲ (ਕਪਤਾਨ) : ਰਿਸ਼ਭ ਪੰਤ (ਉਪ-ਕਪਤਾਨ ਤੇ ਵਿਕਟਕੀਪਰ), ਯਸ਼ਸਵੀ ਜਾਇਸਵਾਲ, ਕੇਐਲ ਰਾਹੁਲ, ਸਾਈ ਸੁਦਰਸ਼ਨ, ਦੇਵਦੱਤ ਪਡਿੱਕਲ, ਧਰੁਵ ਜੁਰੇਲ, ਰਵਿੰਦਰ ਜਡੇਜਾ, ਵਾਸ਼ਿੰਗਟਨ ਸੁੰਦਰ, ਜਸਪ੍ਰੀਤ ਬੁਮਰਾਹ, ਅਕਸ਼ਰ ਪਟੇਲ, ਨਿਤੀਸ਼ ਕੁਮਾਰ ਰੈਡੀ, ਮੁਹੰਮਦ ਸਿਰਾਜ, ਕੁਲਦੀਪ ਯਾਦਵ ਤੇ ਆਕਾਸ਼ ਦੀਪ।

ਅਸਟਰੇਲੀਆ ਨਾਲ ਲੜੀ ਖਤਮ ਹੋਣ ਤੋਂ ਬਾਅਦ ਟੀਮ ’ਚ ਜੁੜਗੇ ਸ਼ੁਭਮਨ ਗਿੱਲ

ਭਾਰਤ ਦੇ ਟੈਸਟ ਕਪਤਾਨ ਸ਼ੁਭਮਨ ਗਿੱਲ, ਜਸਪ੍ਰੀਤ ਬੁਮਰਾਹ, ਨਿਤੀਸ਼ ਕੁਮਾਰ ਰੈਡੀ, ਅਕਸ਼ਰ ਪਟੇਲ ਤੇ ਵਾਸ਼ਿੰਗਟਨ ਸੁੰਦਰ ਇਸ ਸਮੇਂ ਅਸਟਰੇਲੀਆ ’ਚ ਟੀ-20 ਸੀਰੀਜ਼ ਖੇਡ ਰਹੇ ਹਨ। ਇਹ ਸੀਰੀਜ਼ 8 ਨਵੰਬਰ ਨੂੰ ਖਤਮ ਹੋਵੇਗੀ, ਜਿਸ ਤੋਂ ਬਾਅਦ ਇਹ ਸਾਰੇ ਖਿਡਾਰੀ ਟੈਸਟ ਟੀਮ ’ਚ ਸ਼ਾਮਲ ਹੋ ਜਾਣਗੇ। ਕੁਲਦੀਪ ਯਾਦਵ ਨੂੰ ਤੀਜੇ ਟੀ-20 ਮੈਚ ਤੋਂ ਬਾਅਦ ਟੀਮ ਤੋਂ ਰਿਹਾਅ ਕਰ ਦਿੱਤਾ ਗਿਆ ਹੈ ਤਾਂ ਜੋ ਉਹ ਦੱਖਣੀ ਅਫਰੀਕਾ ਏ ਵਿਰੁੱਧ ਦੂਜਾ ਚਾਰ-ਰੋਜ਼ਾ ਮੈਚ ਖੇਡ ਕੇ ਟੈਸਟ ਸੀਰੀਜ਼ ਦੀ ਤਿਆਰੀ ਕਰ ਸਕਣ।

ਗੁਹਾਟੀ ’ਚ ਪਹਿਲੀ ਵਾਰ ਖੇਡਿਆ ਜਾਵੇਗਾ ਟੈਸਟ ਮੈਚ | IND vs SA

ਭਾਰਤ ਤੇ ਦੱਖਣੀ ਅਫਰੀਕਾ ਵਿਚਕਾਰ ਪਹਿਲਾ ਟੈਸਟ ਮੈਚ 14 ਨਵੰਬਰ ਤੋਂ ਕੋਲਕਾਤਾ ’ਚ ਖੇਡਿਆ ਜਾਵੇਗਾ, ਜਦੋਂ ਕਿ ਦੂਜਾ 22 ਨਵੰਬਰ ਤੋਂ ਗੁਹਾਟੀ ’ਚ ਖੇਡਿਆ ਜਾਵੇਗਾ। ਇਹ ਪਹਿਲੀ ਵਾਰ ਹੋਵੇਗਾ ਜਦੋਂ ਗੁਹਾਟੀ ’ਚ ਕੋਈ ਟੈਸਟ ਮੈਚ ਖੇਡਿਆ ਜਾਵੇਗਾ।