ਵਿਸ਼ਵ ਪੱਧਰੀ ਸੰਕੇਤਾਂ ‘ਤੇ ਸ਼ੇਅਰ ਬਾਜ਼ਾਰ ‘ਚ ਆਈ ਤੇਜ਼ੀ
ਮੁੰਬਈ। ਵਿਦੇਸ਼ਾਂ ਤੋਂ ਆਏ ਸਕਾਰਾਤਮਕ ਸੰਕੇਤਾਂ ਅਤੇ ਰਿਲਾਇੰਸ ਇੰਡਸਟਰੀਜ਼ ਵਿਚ ਨਵੇਂ ਨਿਵੇਸ਼ ਕਾਰਨ ਘਰੇਲੂ ਸਟਾਕ ਬਾਜ਼ਾਰ ਬੁੱਧਵਾਰ ਨੂੰ ਤੇਜ਼ੀ ਨਾਲ ਵਾਪਸ ਆਏ। ਹਫਤੇ ਦੇ ਪਹਿਲੇ ਦੋ ਦਿਨ ਗਿਰਾਵਟ ਵਿਚ ਆਉਣ ਤੋਂ ਬਾਅਦ, ਬੀ ਐਸ ਸੀ ਸੈਂਸੈਕਸ ਲਗਭਗ 491 ਅੰਕਾਂ ਦੀ ਤੇਜ਼ੀ ਨਾਲ 38,124.94 ਅੰਕ ‘ਤੇ ਖੁੱਲ੍ਹਿਆ ਅਤੇ ਇਕ ਸਮੇਂ 38,140.07 ਅੰਕ ‘ਤੇ ਪਹੁੰਚ ਗਿਆ। ਰਿਲਾਇੰਸ ਰਿਟੇਲ ਵੈਂਚਰਜ਼ ਲਿਮਟਿਡ ਵਿੱਚ ਗਲੋਬਲ ਇਨਵੈਸਟਮੈਂਟ ਫਰਮ ਕੇਕੇਆਰ ਦੁਆਰਾ 5,550 ਕਰੋੜ ਰੁਪਏ ਦੇ ਨਿਵੇਸ਼ ਦੀ ਘੋਸ਼ਣਾ ਦੇ ਨਾਲ ਰਿਲਾਇੰਸ ਇੰਡਸਟਰੀਜ਼ ਦੇ ਸ਼ੇਅਰਾਂ ਵਿੱਚ ਡੇਢ ਫੀਸਦੀ ਤੋਂ ਵੱਧ ਦਾ ਵਾਧਾ ਹੋਇਆ ਹੈ। ਇੰਫੋਸਿਸ ਅਤੇ ਐਚਡੀਐਫਸੀ ਬੈਂਕ ਵਰਗੇ ਦਿੱਗਜਾਂ ਨੇ ਵੀ ਚੰਗੀ ਖਰੀਦ ਕੀਤੀ।
ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ 11,258.75 ‘ਤੇ ਖੁੱਲ੍ਹਿਆ ਅਤੇ 105 ਅੰਕ ਦੀ ਛਲਾਂਗ ਨਾਲ 11,259.55 ‘ਤੇ ਚੜ੍ਹ ਗਿਆ। ਨਿਵੇਸ਼ਕਾਂ ਨੇ ਮੱਧਮ ਅਤੇ ਛੋਟੀਆਂ ਕੰਪਨੀਆਂ ਵਿੱਚ ਪੈਸਾ ਵੀ ਲਗਾਇਆ। ਵਿਦੇਸ਼ਾਂ ਵਿਚ ਯੂਐਸ ਦੇ ਸ਼ੇਅਰ ਬਾਜ਼ਾਰਾਂ ਨੇ ਮੰਗਲਵਾਰ ਨੂੰ ਬੜ੍ਹਤ ਹਾਸਲ ਕੀਤੀ। ਇਸ ਕਾਰਨ, ਅੱਜ ਸਵੇਰੇ ਜਦੋਂ ਮਾਰਕੀਟ ਖੁੱਲ੍ਹਿਆ ਤਾਂ ਜ਼ਿਆਦਾਤਰ ਏਸ਼ਿਆਈ ਬਾਜ਼ਾਰ ਹਰੇ ਚਿੰਨ੍ਹ ਵਿੱਚ ਰਹੇ। ਖ਼ਬਰ ਲਿਖਣ ਸਮੇਂ ਸੈਂਸੈਕਸ 237.22 ਅੰਕ ਭਾਵ 0.63 ਫੀਸਦੀ ਦੇ ਵਾਧੇ ਨਾਲ 37,974.61 ਅੰਕਾਂ ਤੇ ਅਤੇ ਨਿਫਟੀ 68.40 ਅੰਕ ਜਾਂ 0.61 ਫੀਸਦੀ ਦੇ ਵਾਧੇ ਨਾਲ 11,222.05 ਅੰਕਾਂ ‘ਤੇ ਸੀ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ.
