ਅਫਰੀਕਾ ਨੇ ਚੋਕਰਾਂ ਦਾਗ ਹਟਾਇਆ | Afghanistan vs South Africa
- ਇਸ ਤੋਂ ਪਹਿਲਾਂ ਸੱਤ ਵਾਰ ਸੈਮੀਫਾਈਨਲ ਤੋਂ ਬਾਹਰ ਹੋਈ ਸੀ
ਸਪੋਰਟਸ ਡੈਸਕ। ਟੀ20 ਵਿਸ਼ਵ ਕੱਪ 2024 ਦਾ ਪਹਿਲਾ ਸੈਮੀਫਾਈਨਲ ਮੁਕਾਬਲਾ ਵੈਸਟਇੰਡੀਜ਼ ਦੇ ਤ੍ਰਿਨੀਦਾਦ ’ਚ ਖੇਡਿਆ ਗਿਆ। ਇਸ ਮੁਕਾਬਲਾ ਸਵੇਰੇ 5 ਵਜੇ ਸ਼ੁਰੂ ਹੋਇਆ ਸੀ। ਤ੍ਰਿਨੀਦਾਦ ਦੇ ਬ੍ਰਾਇਨ ਲਾਰਾ ਸਟੇਡੀਅਮ ’ਚ ਅਫਗਾਨਿਸਤਾਨ ਦੇ ਕਪਤਾਨ ਰਾਸ਼ਿਦ ਖਾਨ ਨੇ ਟਾਸ ਜਿੱਤਿਆ ਸੀ ਤੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ, ਪਰ ਉਨ੍ਹਾਂ ਦਾ ਇਹ ਫੈਸਲਾ ਗਲਤ ਹੋ ਗਿਆ ਤੇ ਪੂਰੀ ਅਫਗਾਨੀ ਟੀਮ ਸਿਰਫ 56 ਦੌੜਾਂ ਬਣਾ ਕੇ ਆਲਆਊਟ ਹੋ ਗਈ। ਦੱਖਣੀ ਅਫਰੀਕਾ ਨੇ ਆਪਣੀ 1 ਵਿਕਟ ਗੁਆ ਕੇ ਇਹ ਟੀਚਾ ਹਾਸਲ ਕਰ ਲਿਆ ਤੇ ਪਹਿਲੀ ਵਾਰ ਆਈਸੀਸੀ ਟੂਰਨਾਮੈਂਟ ਦੇ ਫਾਈਨਲ ’ਚ ਜਗ੍ਹਾ ਬਣਾ ਲਈ। ਅਫਰੀਕੀ ਵੱਲੋਂ ਰੀਜ਼ਾ ਹੈਂਡ੍ਰਿਕਸ ਨੇ 29 ਦੌੜਾਂ ਦੀ ਪਾਰੀ ਖੇਡੀ। ‘ਪਲੇਆਰ ਆਫ ਦਾ ਮੈਚ’ ਦਾ ਅਵਾਰਡ ਯਾਨਸਨ ਨੂੰ ਦਿੱਤਾ ਗਿਆ। (Afghanistan vs South Africa)
ਕਿਉਂਕਿ ਉਨ੍ਹਾਂ ਨੇ 3 ਓਵਰਾਂ ’ਚ 3 ਵਿਕਟਾਂ ਲਈਆਂ ਸਨ। ਦੱਖਣੀ ਅਫਰੀਕਾ ਦੇ ਲੱਗਿਆ ਚੋਕਰ ਦਾ ਦਾਗ ਵੀ ਮਿਟ ਗਿਆ ਹੈ। ਦੱਖਣੀ ਅਫਰੀਕਾ ਦੀ ਟੀਮ 5 ਵਾਰ ਇੱਕਰੋਜ਼ਾ ਤੇ 2 ਵਾਰ ਟੀ20 ਵਿਸ਼ਵ ਕੱਪ ਦੇ ਸੈਮੀਫਾਈਨਲ ਤੋਂ ਬਾਹਰ ਹੋ ਚੁੱਕੀ ਹੈ। ਹੁਣ ਫਾਈਨਲ ’ਚ ਪਹੁੰਚਣ ਵਾਲੀ ਦੂਜੀ ਟੀਮ ਦਾ ਫੈਸਲਾ ਅੱਜ ਰਾਤ 8 ਵਜੇ ਹੋਵੇਗਾ। ਦੂਜੇ ਸੈਮੀਫਾਈਨਲ ’ਚ ਭਾਰਤ ਤੇ ਇੰਗਲੈਂਡ ਦਾ ਸਾਹਮਣਾ ਹੋਵੇਗਾ। ਇਹ ਮੈਚ ਗੁਆਨਾ ’ਚ ਖੇਡਿਆ ਜਾਵੇਗਾ। ਹਾਲਾਂਕਿ ਮੈਚ ਦੌਰਾਨ ਕਾਫੀ ਮੀਂਹ ਦੀ ਸੰਭਾਵਨਾ ਹੈ, ਜੇਕਰ ਦੂਜਾ ਸੈਮੀਫਾਈਨਲ ਰੱਦ ਹੁੰਦਾ ਹੈ ਤਾਂ ਭਾਰਤੀ ਟੀਮ ਗਰੁੱਪ ’ਚ ਸਿਖਰ ’ਤੇ ਰਹਿਣ ਕਰਕੇ ਸਿੱਧਾ ਦੱਖਣੀ ਅਫਰੀਕਾ ਨਾਲ ਫਾਈਨਲ ਮੁਕਾਬਲਾ ਖੇਡੇਗੀ।
ਪਹਿਲੇ ਸੈਮੀਫਾਈਨਲ ਦੀਆਂ 3 ਗੱਲਾਂ | Afghanistan vs South Africa
- 1. ਅਫਗਾਨਿਸਤਾਨ ਨੇ ਟੀ20 ਵਿਸ਼ਵ ਕੱਪ ਸੈਮੀਫਾਈਨਲ ਦਾ ਸਭ ਤੋਂ ਛੋਟਾ ਸਕੋਰ ਬਣਾਇਆ, ਸਿਰਫ 56 ਦੌੜਾਂ। 20 ਓਵਰਾਂ ’ਚ ਸਿਰਫ ਟੀਮ 11.5 ਓਵਰ ਹੀ ਖੇਡ ਸਕੀ।
- 2. ਅਫਰੀਕਾ ਨੇ 1992 ਤੋਂ ਖੇਡਣਾ ਸ਼ੁਰੂ ਕੀਤਾ, 32 ਸਾਲਾਂ ਬਾਅਦ ਫਾਈਨਲ ’ਚ ਪਹੁੰਚੀ। ਪਹਿਲੀ ਹੀ ਵਿਸ਼ਵ ਕੱਪ ਭਾਵ 1992 ’ਚ ਸੈਮੀਫਾਈਨਲ ’ਚ ਪਹੁੰਚੀ ਸੀ। 1999 ’ਚ ਅਫਰੀਕਾ ਤੇ ਅਸਟਰੇਲੀਆ ਵਿਚਕਾਰ ਸੈਮੀਫਾਈਨਲ ਡਰਾਅ ਹੋ ਗਿਆ ਸੀ। ਅਸਟਰੇਲੀਆ ਫਾਈਨਲ ’ਚ ਪਹੁੰਚੀ, ਕਿਉਂਕਿ ਸੁਪਰ-6 ਦੇ ਮੁਕਾਬਲਿਆਂ ’ਚ ਅਸਟਰੇਲੀਆ ਅਫਰੀਕਾ ਤੋਂ ਉਪਰ ਸੀ।
- 3. ਅਫਗਾਨਿਸਤਾਨ ਦੇ ਕਪਤਾਨ ਰਾਸ਼ਿਦ ਖਾਨ ਨੇ ਮੈਚ ਤੋਂ ਪਹਿਲਾਂ ਕਿਹਾ ਕਿ ਅਸੀਂ ਕਾਫੀ ਐਕਸਾਈਟੇਡ ਹਾਂ। ਕਿਸੇ ਨੇ ਵੀ ਜ਼ਿਆਦਾ ਨੀਂਦ ਨਹੀਂ ਲਈ, ਪਰ ਅਸੀਂ ਜਿੱਤ ਲਈ ਖੇਡਾਂਗੇ।
ਅਫਗਾਨਿਸਤਾਨ ਦੀ ਹਾਰ ਦੇ ਮੁੱਖ ਕਾਰਨ | Afghanistan vs South Africa
1. ਓਪਨਰ ਬੱਲੇਬਾਜ਼ ਫੇਲ
ਅਫਗਾਨਿਸਤਾਨ ਦੀ ਟੀਮ ਨੇ ਇਸ ਵਿਸ਼ਵ ਕੱਪ ’ਚ ਸੈਮੀਫਾਈਨਲ ਸਮੇਤ 8 ਮੈਚ ਖੇਡੇ। ਉਹ ਭਾਰਤ ਖਿਲਾਫ, ਵੈਸਟਇੰਡੀਜ ਖਿਲਾਫ ਤੇ ਦੱਖਣੀ ਅਫਰੀਕਾ ਖਿਲਾਫ 3 ਮੈਚਾਂ ’ਚ ਹਾਰ ਗਿਆ ਸੀ। ਸਲਾਮੀ ਬੱਲੇਬਾਜ ਰਹਿਮਾਨਉੱਲ੍ਹਾ ਗੁਰਬਾਜ ਤੇ ਹਜਰਤੁੱਲਾ ਜਜਈ ਭਾਰਤ ਖਿਲਾਫ਼ ਨਾਕਾਮ ਰਹੇ। ਰਹਿਮਾਨਉੱਲ੍ਹਾ ਗੁਰਬਾਜ ਵੈਸਟਇੰਡੀਜ ਖਿਲਾਫ ਜੀਰੋ ’ਤੇ ਆਊਟ ਹੋਏ। ਦੱਖਣੀ ਅਫਰੀਕਾ ਖਿਲਾਫ ਰਹਿਮਾਨਉੱਲ੍ਹਾ ਗੁਰਬਾਜ ਜੀਰੋ ਤੇ ਇਬਰਾਹਿਮ ਜਦਰਾਨ 2 ਦੌੜਾਂ ਬਣਾ ਕੇ ਆਊਟ ਹੋਏ। (Afghanistan vs South Africa)
ਇਹ ਵੀ ਪੜ੍ਹੋ : Global Warming: ਸੰਸਾਰਿਕ ਗਰਮੀ ਦੀ ਸਿਖ਼ਰ ਅਤੇ ਲਾਪਰਵਾਹੀ
ਅਫਗਾਨਿਸਤਾਨ ਨੇ ਜਿਨ੍ਹਾਂ ਵੱਡੀਆਂ ਟੀਮਾਂ ਖਿਲਾਫ ਜਿੱਤ ਦਰਜ ਕੀਤੀ, ਉਨ੍ਹਾਂ ’ਚ ਓਨਪਰਸ ਦੀ ਵੱਡੀ ਭੂਮਿਕਾ ਸੀ। ਨਿਊਜੀਲੈਂਡ ਖਿਲਾਫ ਰਹਿਮਾਨਉੱਲ੍ਹਾ ਗੁਰਬਾਜ ਨੇ 80 ਦੌੜਾਂ ਤੇ ਇਬਰਾਹਿਮ ਜਦਰਾਨ ਨੇ 44 ਦੌੜਾਂ ਬਣਾਈਆਂ। ਦੋਵਾਂ ਸਲਾਮੀ ਬੱਲੇਬਾਜਾਂ ਨੇ ਅਸਟਰੇਲੀਆ ਖਿਲਾਫ ਅਰਧ ਸੈਂਕੜੇ ਜੜੇ। ਗੁਰਬਾਜ ਤੇ ਜਦਰਾਨ ਨੇ ਬੰਗਲਾਦੇਸ਼ ਖਿਲਾਫ ਚੰਗੀ ਸ਼ੁਰੂਆਤ ਦਿੱਤੀ ਸੀ। ਗੁਰਬਾਜ ਨੇ 43 ਦੌੜਾਂ ਦੀ ਪਾਰੀ ਖੇਡੀ। ਅਫਗਾਨਿਸਤਾਨ ਨੇ ਤਿੰਨੋਂ ਮੈਚ ਜਿੱਤੇ। ਭਾਵ ਅਫਗਾਨਿਸਤਾਨ ਦੀ ਜਿੱਤ ’ਚ ਸਭ ਤੋਂ ਵੱਡੀ ਭੂਮਿਕਾ ਓਪਨਰਾਂ ਨੇ ਨਿਭਾਈ, ਜਿਨ੍ਹਾਂ ਮੈਚਾਂ ’ਚ ਉਹ ਅਸਫਲ ਰਹੇ, ਟੀਮ ਹਾਰ ਗਈ। (Afghanistan vs South Africa)
2. ਮੁਸ਼ਕਲ ਪਿੱਚ ’ਤੇ ਟਾਸ ਜਿੱਤਿਆ, ਪਰ ਫੈਸਲਾ ਗਲਤ ਹੋਇਆ | Afghanistan vs South Africa
ਅਫਗਾਨਿਸਤਾਨ ਦੇ ਕਪਤਾਨ ਰਾਸ਼ਿਦ ਖਾਨ ਨੇ ਤ੍ਰਿਨੀਦਾਦ ਦੇ ਬ੍ਰਾਇਨ ਲਾਰਾ ਮੈਦਾਨ ’ਤੇ ਟਾਸ ਜਿੱਤਿਆ। ਅਜਿਹੀ ਪਿੱਚ ’ਤੇ ਬੱਲੇਬਾਜੀ ਕਰਨ ਦਾ ਫੈਸਲਾ ਕੀਤਾ, ਜਿੱਥੇ ਦੌੜਾਂ ਦਾ ਪਿੱਛਾ ਕਰਨ ਵਾਲੀ ਟੀਮ ਨੇ ਇਸ ਵਿਸ਼ਵ ਕੱਪ ’ਚ 5 ’ਚੋਂ 4 ਮੈਚ ਜਿੱਤੇ। ਕੋਈ ਵੀ ਟੀਮ ਸਾਰੇ ਪੰਜ ਮੈਚਾਂ ’ਚ ਕੁੱਲ 150 ਦਾ ਅੰਕੜਾ ਨਹੀਂ ਛੂਹ ਸਕੀ। ਵਿਸ਼ਵ ਕੱਪ ’ਚ ਇਸ ਪਿੱਚ ’ਤੇ ਸਭ ਤੋਂ ਘੱਟ ਟੀਚਾ 40 ਦੌੜਾਂ ਦਾ ਹੈ, ਜੋ ਯੂਗਾਂਡਾ ਨੇ ਨਿਊਜੀਲੈਂਡ ਖਿਲਾਫ ਰੱਖਿਆ ਸੀ। ਬ੍ਰਾਇਨ ਲਾਰਾ ਸਟੇਡੀਅਮ ਦੀ ਪਿੱਚ ’ਤੇ ਅਸਮਾਨ ਉਛਾਲ ਸੀ।
ਇਸ ’ਤੇ ਘਾਹ ਸੀ ਤੇ ਤਰੇੜਾਂ ਵੀ ਸਨ, ਜੋ ਤੇਜ ਗੇਂਦਬਾਜਾਂ ਲਈ ਫਾਇਦੇਮੰਦ ਹਨ। ਟਾਸ ਜਿੱਤ ਕੇ ਅਫਗਾਨਿਸਤਾਨ ਨੇ ਬੱਲੇਬਾਜੀ ਕਰਨ ਦਾ ਫੈਸਲਾ ਕੀਤਾ ਪਰ ਦੱਖਣੀ ਅਫਰੀਕਾ ਨੇ ਅਜਿਹੀ ਪਿੱਚ ਦਾ ਫਾਇਦਾ ਉਠਾਇਆ। ਪਿੱਚ ਦੇ ਵਿਹਾਰ ਨੂੰ ਨਾ ਸਮਝਣ ਕਾਰਨ ਅਫਗਾਨਿਸਤਾਨ ਦੀ ਜਿੱਤ ਦੀ ਸੰਭਾਵਨਾ ਘੱਟ ਗਈ। ਟੀਮ 56 ਦੌੜਾਂ ’ਤੇ ਆਲ ਆਊਟ ਹੋ ਗਈ, ਜੋ ਦੱਖਣੀ ਅਫਰੀਕਾ ਲਈ ਬਹੁਤ ਮਾਮੂਲੀ ਸਕੋਰ ਸੀ। (Afghanistan vs South Africa)
3. ਇੱਕ ਵੱਡੇ ਮੈਚ ਦਾ ਦਬਾਅ ਤੇ ਉਤਸ਼ਾਹ | Afghanistan vs South Africa
ਅਫਗਾਨਿਸਤਾਨ ਪਹਿਲੀ ਵਾਰ ਕਿਸੇ ਵਿਸ਼ਵ ਕੱਪ ਦੇ ਸੈਮੀਫਾਈਨਲ ’ਚ ਪਹੁੰਚਿਆ ਹੈ। ਟੀਮ ਨੂੰ ਅਜਿਹੇ ਮੈਚਾਂ ’ਚ ਦਬਾਅ ਨਾਲ ਨਜਿੱਠਣ ਦਾ ਕੋਈ ਤਜਰਬਾ ਨਹੀਂ ਸੀ। ਟੀਮ ਦਬਾਅ ਦਾ ਸਾਹਮਣਾ ਨਹੀਂ ਕਰ ਸਕੀ ਤੇ ਬੱਲੇਬਾਜੀ ਕਰਦੇ ਹੋਏ ਟੁੱਟ ਗਈ। ਉਤਸ਼ਾਹ ਵੀ ਇੱਕ ਕਾਰਨ ਸੀ। ਕਪਤਾਨ ਰਾਸ਼ਿਦ ਖਾਨ ਨੇ ਮੈਚ ਤੋਂ ਪਹਿਲਾਂ ਕਿਹਾ ਸੀ, ‘ਅਸੀਂ ਵੱਡਾ ਸਕੋਰ ਚਾਹੁੰਦੇ ਹਾਂ ਤੇ ਉਸ ਤੋਂ ਬਾਅਦ ਸਾਨੂੰ ਆਪਣੇ ਗੇਂਦਬਾਜੀ ਹਮਲੇ ’ਤੇ ਭਰੋਸਾ ਹੈ। ਸਾਡੇ ’ਚੋਂ ਕੋਈ ਵੀ ਜ਼ਿਆਦਾ ਨਹੀਂ ਸੁੱਤਾ ਹੈ, ਪਰ ਹਰ ਕੋਈ ਅਜੇ ਵੀ ਊਰਜਾਵਾਨ ਹੈ। ਇਹ ਸਾਡੇ ਲਈ ਵੱਡੀ ਖੇਡ ਹੈ।’ ਰਾਸ਼ਿਦ ਦੀ ਟੀਮ ਉਤਸ਼ਾਹਿਤ ਸੀ, ਪਰ ਵੱਡੇ ਮੈਚ ਤੋਂ ਪਹਿਲਾਂ ਆਰਾਮ ਦੇ ਮਹੱਤਵ ਨੂੰ ਭੁੱਲ ਗਈ। ਮੈਚ ਤੋਂ ਪਹਿਲਾਂ ਖਿਡਾਰੀਆਂ ਲਈ ਆਰਾਮ ਕਰਨਾ ਬਹੁਤ ਜਰੂਰੀ ਹੈ, ਜੋ ਉਨ੍ਹਾਂ ਨੇ ਨਹੀਂ ਕੀਤਾ। (Afghanistan vs South Africa)
ਟਰਨਿੰਗ ਪੁਆਇੰਟ : ਰਬਾਡਾ ਦਾ 1 ਓਵਰ, 2 ਵਿਕਟਾਂ | Afghanistan vs South Africa
ਅਫਗਾਨਿਸਤਾਨ ਨੇ 3 ਓਵਰਾਂ ’ਚ 2 ਵਿਕਟਾਂ ਗੁਆ ਦਿੱਤੀਆਂ। ਹੁਣ ਜ਼ਿੰਮੇਵਾਰੀ ਕ੍ਰੀਜ ’ਤੇ ਮੌਜੂਦ ਮਜਬੂਤ ਬੱਲੇਬਾਜ ਇਬਰਾਹਿਮ ਜਾਦਰਾਨ ਅਤੇ ਰਹਿਮਤੁੱਲਾ ਉਮਰਜਈ ਦੀ ਸੀ। ਉਨ੍ਹਾਂ ਨੇ ਇੱਕ ਲੜਾਈ ਕੁੱਲ ਪ੍ਰਾਪਤ ਕਰਨ ਲਈ ਸੀ। ਰਬਾਡਾ ਨੇ ਚੌਥਾ ਓਵਰ ਲਿਆਂਦਾ। ਸਲਾਮੀ ਬੱਲੇਬਾਜ ਜਾਦਰਾਨ ਪਹਿਲਾਂ ਬੋਲਡ ਹੋਏ। ਜਦਰਾਨ ਤੇਜ ਗੇਂਦ ’ਤੇ ਵੀ ਨਹੀਂ ਚੱਲ ਸਕੇ ਤੇ ਗੇਂਦ ਬੱਲੇ ਦਾ ਕਿਨਾਰਾ ਲੈ ਕੇ ਸਟੰਪ ’ਤੇ ਜਾ ਲੱਗੀ। ਇਸ ਤੋਂ ਬਾਅਦ ਸਭ ਤੋਂ ਤਜਰਬੇਕਾਰ ਬੱਲੇਬਾਜ ਮੁਹੰਮਦ ਨਬੀ ਆਏ। ਰਬਾਡਾ ਨੇ ਉਨ੍ਹਾਂ ਨੂੰ ਇਸੇ ਤਰ੍ਹਾਂ ਬੋਲਡ ਕੀਤਾ। ਅਫਗਾਨਿਸਤਾਨ ਦੀ ਟੀਮ ਇਸ ਝਟਕੇ ਤੋਂ ਉਭਰ ਨਹੀਂ ਸਕੀ। (Afghanistan vs South Africa)
https://twitter.com/ICC/status/1806157600909635672
