ਟੀਮ ਨੇ ਦੂਜੀ ਪਾਰੀ ‘ਚ 132 ਦੌੜਾਂ ‘ਤੇ ਗੁਆਈਆਂ ਅੱਠ ਵਿਕਟਾਂ
ਏਜੰਸੀ /ਰਾਂਚੀ, 21 ਅਕਤੂਬਰ। ਭਾਰਤ ਨੇ ਆਪਣੇ ਗੇਂਦਬਾਜ਼ਾਂ ਦੇ ਦਮ ‘ਤੇ ਅੱਜ ਦੱਖਣੀ ਅਫਰੀਕਾ ਨੂੰ ਫਾਲੋਆਨ ਲਈ ਮਜ਼ਬੂਰ ਕੀਤਾ ਅਤੇ ਲਗਾਤਾਰ ਦੂਜੀ ਪਾਰੀ ਲਈ ਉੱਤਰੀ ਮਹਿਮਾਨ ਟੀਮ ਦੀਆਂ ਤੀਜੇ ਦਿਨ ਦੀ ਸਮਾਪਤੀ ਤੱਕ 132 ਦੌੜਾਂ ‘ਤੇ ਅੱਠ ਵਿਕਟਾਂ ਕੱਢ ਕੇ ਫ੍ਰੀਡਮ ਟਰਾਫੀ ‘ਚ ਆਪਣੀ ਕਲੀਨ ਸਵੀਪ ਯਕੀਨੀ ਬਣਾ ਲਈ ਪੂਨੇ ਤੋਂ ਬਾਅਦ ਰਾਂਚੀ ‘ਚ ਵੀ ਫਾਲੋਆਨ ਦੀ ਸ਼ਰਮਿੰਦਗੀ ਦਾ ਸਾਹਮਣਾ ਕਰ ਰਹੀ ਮਹਿਮਾਨ ਟੀਮ ਨੇ ਦੂਜੀ ਪਾਰੀ ‘ਚ ਹੋਰ ਵੀ ਨਿਰਾਸ਼ਾਜਨਕ ਬੱਲੇਬਾਜ਼ੀ ਕੀਤੀ ਅਤੇ ਟੀਮ ਨੇ ਸਿਰਫ 36 ਦੌੜਾਂ ‘ਤੇ ਆਪਣੀਆਂ ਪੰਜ ਵਿਕਟਾਂ ਗਵਾ ਦਿੱਤੀਆਂ ਮਹਿਮਾਨ ਟੀਮ ਹਾਲੇ 46 ਓਵਰਾਂ ‘ਚ ਅੱਠ ਵਿਕਟਾਂ ‘ਤੇ 132 ਦੌੜਾਂ ਬਣਾ ਚੁੱਕੀ ਹੈ ਅਤੇ ਭਾਰਤ ਦੇ ਸਕੋਰ ਤੋਂ 203 ਦੌੜਾਂ ਪਿੱਛੇ ਹੈ । India
ਉਸ ਦੀਆਂ ਸਿਰਫ ਦੋ ਵਿਕਟਾਂ ਹੀ ਬਾਕੀ ਹਨ ਥਿਊਨਿਸ ਡੀ ਬਰੂਨ 30 ਦੌੜਾਂ ਅਤੇ ਐਨਰਿਚ ਨੋਰਤਜੇ ਪੰਜ ਦੌੜਾਂ ਬਣਾ ਕੇ ਨਾਬਾਦ ਹਨ ਇਸ ਦੇ ਨਾਲ ਭਾਰਤ ਦੀ ਫ੍ਰੀਡਮ ਟਰਾਫੀ ‘ਚ 3-0 ਨਾਲ ਕਲੀਨ ਸਵੀਪ ਹੁਣ ਸਿਰਫ ਰਸਮੀ ਰਹਿ ਗਈ ਹੈ ਦੱਖਣੀ ਅਫਰੀਕਾ ਨੂੰ ਫਾਲੋਆਨ ਕਰਵਾਉਣ ‘ਚ ਭਾਰਤੀ ਗੇਂਦਬਾਜ਼ਾਂ ਦਾ ਭਰਪੂਰ ਯੋਗਦਾਨ ਰਿਹਾ ਤੇਜ਼ ਗੇਂਦਬਾਜ਼ ਉਮੇਸ਼ ਯਾਦਵ ਨੇ ਜਿੱਥੇ ਪਹਿਲੀ ਪਾਰੀ ‘ਚ ਤਿੰਨ ਵਿਕਟਾਂ ਲਈਆਂ ਉਥੇ ਦੂਜੀ ਪਾਰੀ ‘ਚ ਉਨ੍ਹਾਂ ਨੇ 35 ਦੌੜਾਂ ‘ਤੇ ਦੋ ਵਿਕਟਾਂ ਹਾਸਲ ਕੀਤੀਆਂ ਜਦੋਂਕਿ ਮੁਹੰਮਦ ਸ਼ਮੀ ਨੇ 10 ਓਵਰਾਂ ‘ਚ 22 ਦੌੜਾਂ ‘ਦੇ ਦੋ ਵਿਕਟਾਂ ਦੇ ਜਬਰਦਸਤ ਪ੍ਰਦਰਸ਼ਨ ਤੋਂ ਬਾਅਦ ਦੂਜੀ ਪਾਰੀ ‘ਚ ਦੱਖਣੀ ਅਫਰੀਕਾ ਦੀਆਂ 9 ਓਵਰਾਂ ‘ਚ ਸਿਰਫ 10 ਦੌੜਾਂ ‘ਤੇ ਤਿੰਨ ਵਿਕਟਾਂ ਕੱਢੀਆਂ ਲੈਫਟ ਆਰਮ ਸਪਿੱਨਰ ਰਵਿੰਦਰ ਜਡੇਜਾ ਨੇ ਦੋਵਾਂ ਪਾਰੀਆਂ ‘ਚ ਤਿੰਨ-ਤਿੰਨ ਵਿਕਟਾਂ ਹਾਸਲ ਕੀਤੀਆਂ।
ਉਥੇ ਟੈਸਟ ਆਗਾਜ਼ ਕਰ ਰਹੇ ਸਪਿੱਨ ਸ਼ਾਹਬਾਜ਼ ਨਦੀਮ ਨੇ ਪਹਿਲੀ ਪਾਰੀ ‘ਚ 22 ਦੌੜਾਂ ‘ਤੇ ਦੋ ਵਿਕਟਾਂ ਹਾਸਲ ਕੀਤੀਆਂ ਦੂਜੀ ਪਾਰੀ ‘ਚ ਆਫ ਸਪਿੱਨਰ ਰਵੀਚੰਦਰਨ ਅਸ਼ਵਿਨ ਨੇ ਖਾਤਾ ਖੋਲ੍ਹਿਆ ਅਤੇ ਮੈਚ ‘ਚ ਆਪਣੀ ਪਹਿਲੀ ਵਿਕਟ ਹਾਸਲ ਕੀਤੀ ਉਨ੍ਹਾਂ ਨੇ ਕੈਗਿਸੋ ਰਬਾਡਾ (12) ਨੂੰ ਜਡੇਜਾ ਹੱਥੋਂ ਕੈਚ ਕਰਵਾ ਕੇ ਦਿਨ ਦੀ ਆਖਰੀ ਵਿਕਟ ਹਾਸਲ ਕੀਤੀ ਡ੍ਰਿੰਕਸ ਤੋਂ ਬਾਅਦ ਦੱਖਣੀ ਅਫਰੀਕਾ ਦੀ ਪਾਰੀ 56.2 ਓਵਰਾਂ ‘ਚ 162 ਦੌੜਾਂ ‘ਤੇ ਢੇਰ ਹੋ ਗਈ ਅਤੇ ਪਹਿਲੀ ਪਾਰੀ ‘ਚ ਆਪਣੀਆਂ 9 ਵਿਕਟਾਂ ‘ਤੇ 497 ਦੌੜਾਂ ਦੀ ਬਦੌਲਤ ਭਾਰਤ ਨੇ ਉਸ ਨੂੰ ਫਾਲੋਆਨ ਦੇ ਦਿੱਤਾ ।
ਇਹ ਲਗਾਤਾਰ ਦੂਜਾ ਮੌਕਾ ਹੈ ਜਦੋਂ ਉਸ ਨੂੰ ਫਾਲੋਆਨ ਖੇਡਣ ਲਈ ਮਜ਼ਬੂਰ ਹੋਣਾ ਪਿਆ ਹੈ ਇਸ ਤੋਂ ਪਹਿਲਾਂ ਪੂਨੇ ਟੈਸਟ ‘ਚ ਵੀ ਮਹਿਮਾਨ ਟੀਮ ਨੂੰ ਫਾਲੋਆਨ ਖੇਡਣਾ ਪਿਆ ਸੀ ਜਿਸ ਮੈਚ ‘ਚ ਉਸ ਨੂੰ ਪਾਰੀ ਅਤੇ 137 ਦੌੜਾਂ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ ਭਾਰਤ ਨੇ ਪਹਿਲਾ ਟੈਸਟ 203 ਦੌੜਾਂ ਨਾਲ ਜਿੱਤਿਆ ਸੀ ਅਤੇ ਤਿੰਨ ਟੈਸਟਾਂ ਦੀ ਲੜੀ ‘ਚ ਉਹ 2-0 ਨਾਲ ਪਹਿਲਾਂ ਹੀ ਅਜੇਤੂ ਹੈ ਉਸ ਲਈ ਰਾਂਚੀ ‘ਚ ਮਹਿਮਾਨ ਟੀਮ ਦਾ ਕਲੀਨ ਸਵੀਪ ਕਰਨਾ ਹੁਣ ਸਿਰਫ ਰਸਮ ਹੀ ਰਹਿ ਗਈ ਹੈ ਆਖਰੀ ਵਾਰ ਦੋਵਾਂ ਟੀਮਾਂ ਦਰਮਿਆਨ ਫ੍ਰੀਡਮ ਟਰਾਫੀ 2017-18 ‘ਚ ਦੱਖਣੀ ਅਫਰੀਕਾ ਦੀ ਜ਼ਮੀਨ ‘ਤੇ ਜਿੱਥੇ ਮੇਜ਼ਬਾਨ ਟੀਮ 2-1 ਨਾਲ ਜਿੱਤੀ ਸੀ ਉਥੇ ਭਾਰਤ ਇਸ ਲੜੀ ਨੂੰ ਜਿੱਤ ਕੇ ਟੈਸਟ ਚੈਂਪੀਅਨਸ਼ਿਪ ‘ਚ ਵੀ ਆਪਣੀ ਸਥਿਤੀ ਹੋਰ ਮਜ਼ਬੂਤ ਕਰ ਲਵੇਗਾ
Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।
