Winter Hill Stations: ਜਿਵੇਂ ਕਿ ਤੁਸੀਂ ਜਾਣਦੇ ਹੋ ਕਿ ਨਵੰਬਰ ਦਾ ਮਹੀਨਾ ਸ਼ੁਰੂ ਹੋਣ ਵਾਲਾ ਹੈ ਅਤੇ ਇਸ ਦੇ ਨਾਲ ਹੀ ਦੇਸ ਦੇ ਕਈ ਹਿੱਸਿਆਂ ਵਿੱਚ ਬਰਫਬਾਰੀ ਵੀ ਸ਼ੁਰੂ ਹੋਣ ਵਾਲੀ ਹੈ। ਅਜਿਹੇ ’ਚ ਜੇਕਰ ਤੁਸੀਂ ਸਰਦੀਆਂ ਦੇ ਮੌਸਮ ’ਚ ਕਿਤੇ ਘੁੰਮਣਾ ਚਾਹੁੰਦੇ ਹੋ ਤਾਂ ਇਨ੍ਹਾਂ ਥਾਵਾਂ ’ਤੇ ਜਾਣਾ ਤੁਹਾਡੇ ਲਈ ਯਾਦਗਾਰ ਹੋ ਸਕਦਾ ਹੈ। ਦਰਅਸਲ, ਨਵੰਬਰ ਦੇ ਮਹੀਨੇ ਵਿੱਚ ਉੱਤਰੀ ਅਤੇ ਪੱਛਮੀ ਭਾਰਤ ਵਿੱਚ ਠੰਢ ਪੈਣੀ ਸ਼ੁਰੂ ਹੋ ਜਾਂਦੀ ਹੈ ਅਤੇ ਅਜਿਹੀ ਠੰਢ ਵਿੱਚ ਸਫਰ ਕਰਨ ਦਾ ਇੱਕ ਵੱਖਰਾ ਅਹਿਸਾਸ ਹੁੰਦਾ ਹੈ। ਇਸ ਮੌਸਮ ’ਚ ਸੈਲਾਨੀ ਅਕਸਰ ਕਿਸੇ ਬਰਫੀਲੀ ਜਗ੍ਹਾ ’ਤੇ ਜਾਣਾ ਚਾਹੁੰਦੇ ਹਨ ਤਾਂ ਜੋ ਉਹ ਕੁਦਰਤ ਦੀ ਬਖਸ਼ਿਸ਼ ਭਾਵ ਬਰਫਬਾਰੀ ਦਾ ਆਨੰਦ ਲੈ ਸਕਣ। (Snowfall Destinations)
ਇਹ ਵੀ ਪੜ੍ਹੋ : ਜਦੋਂ ਸਰੀਰ ’ਚ ਦਿਖਾਈ ਦੇਣ ਇਹ ਲੱਛਣ ਤਾਂ ਸਮਝ ਜਾਓ ਸਰੀਰ ’ਚ ਹੈ ਪਾਣੀ ਦੀ ਕਮੀ
ਤੁਹਾਡੀ ਜਾਣਕਾਰੀ ਲਈ ਤੁਹਾਨੂੰ ਦੱਸ ਦੇਈਏ ਕਿ ਦੇਸ਼ ਦੇ ਕਈ ਇਲਾਕੇ ਅਜਿਹੇ ਹਨ ਜਿੱਥੇ ਸਰਦੀਆਂ ਦੀ ਸ਼ੁਰੂਆਤ ਤੋਂ ਹੀ ਬਰਫਬਾਰੀ ਸ਼ੁਰੂ ਹੋ ਜਾਂਦੀ ਹੈ ਅਤੇ ਕੁਝ ਥਾਵਾਂ ’ਤੇ ਅਕਤੂਬਰ ਮਹੀਨੇ ਤੋਂ ਹੀ ਬਰਫਬਾਰੀ ਸ਼ੁਰੂ ਹੋ ਜਾਂਦੀ ਹੈ। ਜੇਕਰ ਤੁਸੀਂ ਬਰਫ ਨਾਲ ਭਰੀਆਂ ਪਹਾੜੀਆਂ ਅਤੇ ਮੈਦਾਨੀ ਇਲਾਕਿਆਂ ’ਚ ਜਾਣਾ ਚਾਹੁੰਦੇ ਹੋ ਅਤੇ ਬਰਫੀਲੇ ਸਥਾਨਾਂ ਦਾ ਆਨੰਦ ਲੈਣਾ ਚਾਹੁੰਦੇ ਹੋ ਤਾਂ ਤੁਹਾਨੂੰ ਅਜਿਹੀਆਂ ਥਾਵਾਂ ’ਤੇ ਜਰੂਰ ਜਾਣਾ ਚਾਹੀਦਾ ਹੈ। ਇਸ ਲਈ ਅੱਜ ਅਸੀਂ ਤੁਹਾਨੂੰ ਕੁਝ ਅਜਿਹੀਆਂ ਥਾਵਾਂ ਬਾਰੇ ਦੱਸਾਂਗੇ ਜਿੱਥੇ ਤੁਸੀਂ ਨਵੰਬਰ ਦੇ ਮਹੀਨੇ ਫੁੱਲਾਂ, ਬਰਫਬਾਰੀ ਅਤੇ ਪਹਾੜੀਆਂ ਦਾ ਆਨੰਦ ਲੈ ਸਕਦੇ ਹੋ।
Ladakh
ਲੱਦਾਖ: ਜੇਕਰ ਤੁਸੀਂ ਬਰਫ ਨਾਲ ਭਰੀਆਂ ਵਾਦੀਆਂ ਦੇਖਣਾ ਚਾਹੁੰਦੇ ਹੋ ਤਾਂ ਤੁਹਾਨੂੰ ਸਰਦੀਆਂ ਦੇ ਮੌਸਮ ’ਚ ਲੱਦਾਖ ਜ਼ਰੂਰ ਜਾਣਾ ਚਾਹੀਦਾ ਹੈ। ਤੁਹਾਡੀ ਜਾਣਕਾਰੀ ਲਈ, ਅਸੀਂ ਤੁਹਾਨੂੰ ਦੱਸ ਦੇਈਏ ਕਿ ਇੱਥੇ ਤੁਹਾਨੂੰ ਸੋਸ਼ਲ ਮੀਡੀਆ ਲਈ ਬਹੁਤ ਸਾਰੀਆਂ ਚੰਗੀਆਂ ਤਸਵੀਰਾਂ ਕਲਿੱਕ ਕਰਨ ਲਈ ਸ਼ਾਨਦਾਰ ਬੈਕਗ੍ਰਾਉਂਡ ਵੀ ਮਿਲਣਗੇ। ਕੁਝ ਝੀਲਾਂ ਅਤੇ ਨਦੀਆਂ ਇੱਥੇ ਜੰਮ ਜਾਂਦੀਆਂ ਹਨ ਅਤੇ ਇਸ ਮੌਸਮ ਵਿੱਚ ਵੀ ਵੇਖੀਆਂ ਜਾ ਸਕਦੀਆਂ ਹਨ।
ਇਹ ਵੀ ਪੜ੍ਹੋ : ਮਾਈਗ੍ਰੇਨ ਅਤੇ ਅੱਖਾਂ ਦੀਆਂ ਸਮੱਸਿਆਵਾਂ ਤੋਂ ਛੁਟਕਾਰਾ ਦਿਵਾਉਣਗੇ ਇਹ ਲੱਡੂ, ਜਾਣੋ ਬਣਾਉਣ ਦੀ ਵਿਧੀ ਅਤੇ ਸਮੱਗਰੀ
ਲਾਚੁੰਗ : ਲਾਚੁੰਗ ਸਿੱਕਮ ਵਿੱਚ ਹੈ, ਇੱਥੇ ਇੱਕ ਜੀਰੋ ਪੁਆਇੰਟ ਹੈ ਜੋ ਹਰ ਸਮੇਂ ਬਰਫ ਨਾਲ ਢੱਕਿਆ ਰਹਿੰਦਾ ਹੈ।ਨਵੰਬਰ ਵਿੱਚ ਸਾਂਤਮਈ ਛੁੱਟੀਆਂ ਮਨਾਉਣ ਲਈ ਇਹ ਸਭ ਤੋਂ ਵਧੀਆ ਥਾਂ ਹੈ। ਇੱਥੇ ਬਹੁਤ ਘੱਟ ਸੈਲਾਨੀ ਆਉਂਦੇ ਹਨ ਪਰ ਇੱਥੇ ਦੀਆਂ ਘੰਟੀਆਂ ਬਹੁਤ ਖੂਬਸੂਰਤ ਲੱਗਦੀਆਂ ਹਨ। ਸਰਦੀਆਂ ਵਿੱਚ ਤੁਸੀਂ ਇੱਥੇ ਕੁਦਰਤ ਦੇ ਖੂਬਸੂਰਤ ਨਜ਼ਾਰੇ ਵੀ ਦੇਖ ਸਕਦੇ ਹੋ।
Auli
ਔਲੀ: ਔਲੀ ਉੱਤਰਾਖੰਡ ਵਿੱਚ ਹੈ ਅਤੇ ਨਵੰਬਰ ਮਹੀਨੇ ਵਿੱਚ ਇੱਥੇ ਭਾਰੀ ਬਰਫਬਾਰੀ ਹੁੰਦੀ ਹੈ। ਹਾਈਕਿੰਗ ਅਤੇ ਸਕੀਇੰਗ ਪ੍ਰੇਮੀਆਂ ਵਿੱਚ ਇਹ ਇੱਕ ਵਿਸ਼ਵ ਪ੍ਰਸਿੱਧ ਸਥਾਨ ਹੈ। ਜਦੋਂ ਓਕ ਅਤੇ ਪਾਈਨ ਦੇ ਦਰੱਖਤ ਬਰਫ ਨਾਲ ਭਰੇ ਹੁੰਦੇ ਹਨ, ਤਾਂ ਇੱਥੇ ਹਿਮਾਲਿਆ ਦੀਆਂ ਸ੍ਰੇਣੀਆਂ ਦਾ ਇੱਕ ਮਨਮੋਹਕ ਨਜਾਰਾ ਦੇਖਿਆ ਜਾਂਦਾ ਹੈ। ਉੱਤਰਾਖੰਡ ਸੈਰ-ਸਪਾਟਾ ਵਿਭਾਗ ਵੱਲੋਂ ਇੱਥੇ ਹਰ ਸਾਲ ਵਿੰਟਰ ਸਪੋਰਟਸ ਮੁਕਾਬਲੇ ਵੀ ਕਰਵਾਏ ਜਾਂਦੇ ਹਨ, ਤੁਸੀਂ ਇੱਥੇ ਵੀ ਇਸ ਵਿੱਚ ਹਿੱਸਾ ਲੈ ਸਕਦੇ ਹੋ।
Kashmir
ਕਸ਼ਮੀਰ: ਸੋਨਮਰਗ, ਗੁਲਮਰਗ ਅਤੇ ਪਹਿਲਗਾਮ ਕਸ਼ਮੀਰ ਦੇ ਕੁਝ ਮਸਹੂਰ ਸੈਲਾਨੀ ਸਥਾਨ ਹਨ। ਨਵੰਬਰ ਦੇ ਮਹੀਨੇ ਵਿੱਚ ਇੱਥੇ ਬਹੁਤ ਬਰਫ ਪੈਂਦੀ ਹੈ। ਇੱਥੇ ਤੁਸੀਂ ਕੇਸਰ ਦੇ ਬਾਗਾਂ ਤੋਂ ਲੈ ਕੇ ਕੇਸਰ ਦੀ ਖੇਤੀ ਤੱਕ ਸੈਰ ਕਰ ਸਕਦੇ ਹੋ। ਸਕੀਇੰਗ ਅਤੇ ਸਨੋਬੋਰਡਿੰਗ ਦਾ ਵੀ ਆਨੰਦ ਲਿਆ ਜਾ ਸਕਦਾ ਹੈ। ਬਫ਼ਫ ਨਾਲ ਢਕੀਆਂ ਸੜਕਾਂ ’ਤੇ ਸੈਰ ਕਰਨ ਦਾ ਵੀ ਮਜਾ ਲਿਆ ਜਾ ਸਕਦਾ ਹੈ।
Kufri
ਕੁਫਰੀ: ਹਿਮਾਚਲ ਪ੍ਰਦੇਸ਼ ਦੇ ਕੁਫਰੀ ਵਿੱਚ ਅਕਤੂਬਰ ਮਹੀਨੇ ਵਿੱਚ ਹੀ ਸਰਦੀ ਸ਼ੁਰੂ ਹੋ ਜਾਂਦੀ ਹੈ ਅਤੇ ਮਾਰਚ ਤੱਕ ਇਹ ਮੌਸਮ ਅਜਿਹਾ ਹੀ ਰਹਿੰਦਾ ਹੈ। ਬਰਫਬਾਰੀ ਦੇ ਨਾਲ ਛੁੱਟੀਆਂ ਮਨਾਉਣ ਦਾ ਵੀ ਇੱਥੇ ਆਨੰਦ ਲਿਆ ਜਾ ਸਕਦਾ ਹੈ। ਬਰਫਬਾਰੀ ਦੌਰਾਨ ਇੱਥੋਂ ਦਾ ਨਜਾਰਾ ਮਨਮੋਹਕ ਹੁੰਦਾ ਹੈ। ਇਹ ਸ਼ਿਮਲਾ ਦੇ ਨੇੜੇ ਸਥਿਤ ਇੱਕ ਪਹਾੜੀ ਸਥਾਨ ਹੈ।
ਇਹ ਵੀ ਪੜ੍ਹੋ : ਯੋਗਾਸਨ ਨਾ ਸਿਰਫ ਦੂਰ ਕਰੇ ਤਣਾਅ, ਸਗੋਂ ਬੱਚਿਆਂ ਦਾ ਦਿਮਾਗ ਵੀ ਕਰੇ ਤਰੋਤਾਜ਼ਾ
ਗੁਲਮਰਗ: ਗੁਲਮਰਗ ਨੂੰ ਕਸ਼ਮੀਰ ਦੀ ਧਰਤੀ ਦਾ ਫਿਰਦੌਸ ਕਿਹਾ ਜਾਂਦਾ ਹੈ। ਇਹ ਧਰਤੀ ਆਪਣੇ ਹਿਮਾਲਿਆ ਅਤੇ ਕੁਦਰਤੀ ਸੁੰਦਰਤਾ ਲਈ ਪੂਰੀ ਦੁਨੀਆ ਵਿੱਚ ਮਸ਼ਹੂਰ ਹੈ। ਵੱਡੀ ਗਿਣਤੀ ’ਚ ਸੈਲਾਨੀ ਕਸ਼ਮੀਰ ਘੁੰਮਣ ਆਉਂਦੇ ਹਨ। ਕਸਮੀਰ ਵਿੱਚ ਬਹੁਤ ਸਾਰੇ ਸੈਰ-ਸਪਾਟਾ ਸਥਾਨ ਹਨ। ਇਨ੍ਹਾਂ ਵਿੱਚੋਂ ਇੱਕ ਹੈ ਗੁਲਮਰਗ। ਸਰਦੀਆਂ ਦੇ ਮੌਸਮ ‘ਚ ਗੁਲਮਰਗ ਦੀ ਖੂਬਸੂਰਤੀ ਦੇਖਣ ਯੋਗ ਹੁੰਦੀ ਹੈ। ਜੇਕਰ ਤੁਸੀਂ ਨਵੰਬਰ ਦੇ ਮਹੀਨੇ ’ਚ ਘੁੰਮਣ ਬਾਰੇ ਸੋਚ ਰਹੇ ਹੋ, ਤਾਂ ਤੁਸੀਂ ਗੁਲਮਰਗ ਜਾ ਸਕਦੇ ਹੋ।
ਚੋਪਟਾ: ਮਿੰਨੀ ਸਵਿਟਜਰਲੈਂਡ ਵਜੋਂ ਜਾਣਿਆ ਜਾਂਦਾ ਚੋਪਟਾ ਹਰਿਦੁਆਰ ਤੋਂ ਲਗਭਗ 185 ਕਿਲੋਮੀਟਰ ਦੀ ਦੂਰੀ ‘ਤੇ ਸਥਿਤ ਹੈ। ਜੇਕਰ ਤੁਸੀਂ ਨਵੰਬਰ ਦੀਆਂ ਛੁੱਟੀਆਂ ਦਾ ਆਨੰਦ ਲੈਣਾ ਚਾਹੁੰਦੇ ਹੋ ਤਾਂ ਇਹ ਸਹੀ ਜਗ੍ਹਾ ਹੈ। ਬਰਫਬਾਰੀ ਕਾਰਨ ਇੱਥੇ ਬਰਫ ਦੀ ਮੋਟੀ ਚਾਦਰ ਜਮ੍ਹਾਂ ਹੋ ਜਾਂਦੀ ਹੈ ਜਿਸ ਕਾਰਨ ਸੈਲਾਨੀ ਇਨ੍ਹਾਂ ਖੂਬਸੂਰਤ ਘਾਟੀਆਂ ਦਾ ਖੂਬ ਆਨੰਦ ਲੈਂਦੇ ਹਨ।
