ਮਾਧਵਨ ਦੀ ਫਿਲਮ ‘ਚ ਪੱਤਰਕਾਰ ਦਾ ਕਿਰਦਾਰ ਨਿਭਾਉਣਗੇ ਸ਼ਾਹਰੁਖ!
ਮੁੰਬਈ। ਬਾਲੀਵੁੱਡ ਦੇ ਕਿੰਗ ਖਾਨ ਸ਼ਾਹਰੁਖ ਖਾਨ ਆਰ. ਮਾਧਵਨ ਦੀ ਫਿਲਮ ਵਿਚ ਇਕ ਪੱਤਰਕਾਰ ਦੀ ਭੂਮਿਕਾ ਨਿਭਾਉਂਦੇ ਦੇਖਿਆ ਜਾ ਸਕਦਾ ਹੈ। ਸ਼ਾਹਰੁਖ ਖਾਨ ਦੀ ਆਖਰੀ ਫਿਲਮ ਜ਼ੀਰੋ ਸਾਲ 2018 ਵਿੱਚ ਰਿਲੀਜ਼ ਹੋਈ ਸੀ। ਫਿਲਮ ਦੀ ਅਸਫਲ ਹੋਣ ਤੋਂ ਬਾਅਦ ਸ਼ਾਹਰੁਖ ਫਿਲਮਾਂ ਤੋਂ ਦੂਰ ਰਹੇ ਹਨ। ਚਰਚਾ ਹੈ ਕਿ ਸ਼ਾਹਰੁਖ ਖਾਨ ਵੀ ਆਰ ਮਾਧਵਨ ਦੀ ਇਕ ਫਿਲਮ ਵਿਚ ਅਹਿਮ ਭੂਮਿਕਾ ਨਿਭਾਉਣ ਜਾ ਰਹੇ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਸ਼ਾਹਰੁਖ ਖਾਨ ਆਰ ਮਾਧਵਨ ਦੀ ਫਿਲਮ ਵਿਚ ਇਕ ਟੀਵੀ ਪੱਤਰਕਾਰ ਦੀ ਭੂਮਿਕਾ ਵਿਚ ਨਜ਼ਰ ਆਉਣ ਵਾਲੇ ਹਨ ਅਤੇ ਇਸ ਫਿਲਮ ਦਾ ਨਾਮ ‘ਰਾਕੇਟਰੀ- ਦਿ ਨੰਬੀ ਇਫੈਕਟ’ ਹੋਵੇਗਾ।
ਦੱਸਿਆ ਜਾ ਰਿਹਾ ਹੈ ਕਿ ਇਹ ਫਿਲਮ ਸਾਬਕਾ ਵਿਗਿਆਨੀ ਨੰਬੀ ਨਾਰਾਇਣਨ ਦੀ ਜ਼ਿੰਦਗੀ ‘ਤੇ ਅਧਾਰਤ ਹੈ ਜਿਸ ਨੂੰ ਜਾਸੂਸੀ ਦੇ ਦੋਸ਼ਾਂ ਵਿਚ ਫਸਾਇਆ ਗਿਆ ਸੀ। ਮਾਧਵਨ ਲੰਬੇ ਸਮੇਂ ਤੋਂ ਨੰਬੀ ਨਰਾਇਣ ਦੀ ਜ਼ਿੰਦਗੀ ‘ਤੇ ਇਕ ਫਿਲਮ ਬਣਾਉਣਾ ਚਾਹੁੰਦਾ ਸੀ। ਆਰ ਮਾਧਵਨ ਫਿਲਮ ‘ਚ ਨੰਬੀ ਨਾਰਾਇਣ ਦਾ ਕਿਰਦਾਰ ਨਿਭਾਉਣ ਜਾ ਰਹੇ ਹਨ। ਫਿਲਮ ਵਿਚ ਦਿਖਾਇਆ ਜਾਵੇਗਾ ਕਿ ਸ਼ਾਹਰੁਖ ਇਕ ਪੱਤਰਕਾਰ ਬਣਨਗੇ ਅਤੇ ਨਾਰਾਇਣ ਦੀ ਜ਼ਿੰਦਗੀ ਦੇ ਹਰ ਪਹਿਲੂ ਨੂੰ ਦਰਸ਼ਕਾਂ ਤੱਕ ਲੈ ਜਾਣਗੇ। ਆਰ ਮਾਧਵਨ ਫਿਲਮ ਵਿਚ ਸ਼ਾਹਰੁਖ ਖਾਨ ਨੂੰ ਆਪਣੀ ਸਵੈ-ਜੀਵਨੀ ਬਿਆਨਦੇ ਨਜ਼ਰ ਆਉਣਗੇ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ.
