57 ਹਜਾਰ ਤੋਂ ਪਾਰ ਪਹੁੰਚਿਆ ਸੈਂਸੈਕਸ, ਨਿਫ਼ਟੀ ਹੋਈ 17 ਹਜਾਰੀ
ਮੁੰਬਈ (ਏਜੰਸੀ)। ਗਲੋਬਲ ਅਰਥਵਿਵਸਥਾ ਦੀ ਰਿਕਵਰੀ ਦੇ ਸੰਕੇਤਾਂ ਅਤੇ ਸਥਾਨਕ ਪੱਧਰ *ਤੇ ਚਾਲੂ ਵਿੱਤੀ ਸਾਲ ਦੀ ਪਹਿਲੀ ਤਿਮਾਹੀ ਦੇ ਲਈ ਜੀਡੀਪੀ ਦੇ ਮਜ਼ਬੂਤ ਅੰਕੜਿਆਂ ਦੀ ਉਮੀਦ ਨਾਲ ਨਿਵੇਸ਼ਕਾਂ ਦੀ ਸਰਬਪੱਖੀ ਖਰੀਦਦਾਰੀ ਦੇ ਮੱਦੇਨਜ਼ਰ ਅੱਜ ਸ਼ੇਅਰ ਬਾਜ਼ਾਰ ਇੱਕ ਵਾਰ ਫਿਰ ਚੜਿ੍ਹਆ। ਇੱਕ ਨਵਾਂ ਰਿਕਾਰਡ ਕਾਇਮ ਕੀਤਾ। ਬੀਐਸਈ ਦਾ ਤੀਹ ਸ਼ੇਅਰਾਂ ਵਾਲਾ ਸੰਵੇਦਨਸ਼ੀਲ ਸੂਚਕ ਅੰਕ ਸੈਂਸੈਕਸ ਪਹਿਲੀ ਵਾਰ 57 ਹਜ਼ਾਰ ਅੰਕਾਂ ਨੂੰ ਪਾਰ ਕਰਦਿਆਂ 662.63 ਅੰਕਾਂ ਦੀ ਛਲਾਂਗ ਲਗਾ ਕੇ 57552.39 ਅੰਕਾਂ ਅਤੇ ਨੈਸ਼ਨਲ ਸਟਾਕ ਐਕਸਚੇਂਜ (ਐਨਐਸਈ) ਦਾ ਨਿਫਟੀ ਵੀ 17 ਹਜ਼ਾਰ ਅੰਕਾਂ ਤੋਂ ਉਪਰ ਪਹਿਲੀ ਵਾਰ 201.15 ਅੰਕਾਂ ਦੀ ਛਲਾਂਗ ਲਗਾ ਕੇ 17132.20 *ਤੇ ਪਹੁੰਚ ਗਿਆ।
ਵੱਡੀਆਂ ਕੰਪਨੀਆਂ ਦੀ ਤਰ੍ਹਾਂ, ਛੋਟੀਆਂ ਅਤੇ ਦਰਮਿਆਨੀ ਕੰਪਨੀਆਂ ਦੇ ਸ਼ੇਅਰਾਂ ਵਿੱਚ ਸਰਬਪੱਖੀ ਖਰੀਦਦਾਰੀ ਉੱਤੇ ਜ਼ੋਰ ਦਿੱਤਾ ਗਿਆ ਸੀ। ਬੀਐਸਈ ਮਿਡਕੈਪ 197.05 ਅੰਕ ਵਧ ਕੇ 23853.43 ਅੰਕ ਅਤੇ ਸਮਾਲਕੈਪ 229.66 ਅੰਕ ਵਧ ਕੇ 26919.94 ਅੰਕਾਂ *ਤੇ ਰਿਹਾ। ਬੀਐਸਈ ਵਿੱਚ ਕੁੱਲ 3341 ਕੰਪਨੀਆਂ ਦਾ ਕਾਰੋਬਾਰ ਹੋਇਆ, ਜਿਨ੍ਹਾਂ ਵਿੱਚੋਂ 1571 ਲਾਭ ਵਿੱਚ ਅਤੇ 1624 ਗਿਰਾਵਟ ਵਿੱਚ ਸਨ ਜਦੋਂ ਕਿ 146 ਵਿੱਚ ਕੋਈ ਬਦਲਾਅ ਨਹੀਂ ਹੋਇਆ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, linkedin , YouTube‘ਤੇ ਫਾਲੋ ਕਰੋ
