2 ਪਿਸਤੌਲ ਤੇ ਗੋਲੀ ਸਿੱਕਾ ਵੀ ਬਰਾਮਦ
(ਗੁਰਪ੍ਰੀਤ ਸਿੰਘ/ਨਰੇਸ਼ ਕੁਮਾਰ) ਸੰਗਰੂਰ। ਸੰਗਰੂਰ ਪੁਲਿਸ ਨੇ ਤਿੰਨ ਵਿਅਕਤੀਆਂ ਨੂੰ ਕਾਬੂ ਕਰਕੇ ਉਨ੍ਹਾਂ ਕੋਲੋਂ 2 ਪਿਸਟਲ 32 ਬੋਰ, ਤਿੰਨ ਮੈਗਜੀਨ, 20 ਕਾਰਤੂਸ 32 ਬੋਰ ਬ੍ਰਾਮਦ ਕੀਤੇ ਹਨ। ਸਥਾਨਕ ਪੁਲਿਸ ਲਾਈਨ ਵਿੱਚ ਪ੍ਰੈਸ ਕਾਨਫਰੰਸ ਦੌਰਾਨ ਜਿਲ੍ਹਾ ਪੁਲਿਸ ਮੁਖੀ ਮਨਦੀਪ ਸਿੰਘ ਨੇ ਦੱਸਿਆ ਕਿ ਪੁਲਿਸ ਦੀ ਨਾਕਾਬੰਦੀ ਦੌਰਾਨ ਉਭਾਵਾਲ ਰੋਡ ਤੋਂ ਸੁਆ ਪਟੜੀ ਬਰਨਾਲਾ ਰੋਡ ਸੰਗਰੂਰ ਤੋਂ ਰਫੀ ਕੁਮਾਰ ਪੁੱਤਰ ਅਮਰਜੀਤ ਸਿੰਘ ਵਾਸੀ ਸੁੰਦਰ ਬਸਤੀ ਸੰਗਰੂਰ, ਹਰਜੀਤ ਸਿੰਘ ਉਰਫ ਡਿਪਨ ਪੁੱਤਰ ਸੁਰਜੀਤ ਸਿੰਘ ਵਾਸੀ ਸੁੰਦਰ ਬਸਤੀ ਸੰਗਰੂਰ, ਅਵਰਜੀਤ ਸਿੰਘ ਉਰਫ ਬਾਬੂ ਰਈਆ ਪੁੱਤਰ ਲੇਟ ਰਤਨ ਸਿੰਘ ਵਾਸੀ ਰਈਆ ਥਾਣਾ ਬਿਆਸ ਨੂੰ ਕਾਰ ਕਾਰ ਕਾਬੂ ਕਰਕੇ ਉਨ੍ਹਾਂ ਕੋਲੋਂ 2 ਪਿਸਟਲ 32 ਬੋਰ, ਤਿੰਨ ਮੈਗਜੀਨ, 20 ਕਾਰਤੂਸ 32 ਬੋਰ ਬ੍ਰਾਮਦ ਕਰਵਾਏ। ਇਸ ਉਪਰੰਤ ਇਨ੍ਹਾਂ ਦੇ ਖਿਲਾਫ਼ ਪਰਚਾ ਦਰਜ਼ ਕੀਤਾ ਗਿਆ।
ਜ਼ਿਲ੍ਹਾ ਪੁਲਿਸ ਮੁਖੀ ਨੇ ਦੱਸਿਆ ਕਿ ਇਸ ਮਾਮਲੇ ਦੀ ਡੂੰਘਾਈ ਨਾਲ ਪੁੱਛ ਗਿੱਛ ਕੀਤੀ ਜਾ ਰਹੀ ਹੈ। ਪੁੱਛਗਿੱਛ ਦੌਰਾਨ ਇਹ ਗੱਲ ਸਾਹਮਣੇ ਆਈ ਕਿ ਕਥਿਤ ਦੋਸ਼ੀ ਰਫੀ ਕੁਮਾਰ ਦੀ ਪ੍ਰੇਮ ਸਿੰਘ ਉਰਫ ਪ੍ਰੇਮਾ ਵਾਸੀ ਅਜੀਤ ਨਗਰ ਬਸਤੀ ਸੰਗਰੂਰ ਨਾਲ ਆਪਸੀ ਰੰਜਿਸ ਚੱਲੀ ਆ ਰਹੀ ਹੈ। ਆਪਸੀ ਖਹਿਬਾਜ਼ੀ ਤੇ ਪਾਰਟੀਬਾਜ਼ੀ ਹੋਣ ਕਰਕੇ ਰਫੀ ਕੁਮਾਰ ਅਤੇ ਇਸਦੇ ਸਾਥੀ ਹਰਜੀਤ ਸਿੰਘ ਉਰਫ ਡਿਪਨ ਨੇ ਗੈਂਗਸਟਰ
ਅਵਰਜੀਤ ਸਿੰਘ ਉਰਫ ਬਾਬੂ ਰਈਆ ਦਾ ਸਹਾਰਾ ਲਿਆ ਤਾਂ ਜੋ ਕਿ ਇੱਕ ਨਵਾਂ ਗੈਂਗ ਸਥਾਪਿਤ ਕਰਕੇ ਪ੍ਰੇਮ ਕੁਮਾਰ ਉਰਫ ਪ੍ਰੇਮਾ ਤੋਂ ਬਦਲਾ ਲਿਆ ਜਾ ਸਕੇ।
1 ਜੁਲਾਈ 2022 ਨੂੰ ਬੱਸ ਸਟੈਂਡ ਸੰਗਰੂਰ ਦੇ ਸਾਇਕਲ ਸਟੈਂਡ ਦੀ ਪਾਰਕਿੰਗ ਦੇ ਠੇਕੇ ਦੀ ਬੋਲੀ ਹੋਈ ਸੀ ਜਿਸ ਵਿੱਚ ਸਹਾਇਤਾ ਲੈਣ ਲਈ ਰਫੀ ਕੁਮਾਰ ਅਤੇ ਹਰਜੀਤ ਸਿੰਘ ਉਰਫ ਡਿਪਨ ਨੇ ਅਵਰਜੀਤ ਸਿੰਘ ਉਰਫ ਬਾਬੂ ਰਈਆ ਨੂੰ ਬੁਲਾਇਆ ਸੀ ਤਾਂ ਜੋ ਲੜਾਈ ਝਗੜੇ ਦੀ ਸੂਰਤ ਵਿੱਚ ਵਿਰੋਧੀ ਪਾਰਟੀ ਨੂੰ ਡਰਾ ਧਮਕਾ ਕੇ ਬੋਲੀ ਆਪਣੇ ਹੱਕ ਵਿੱਚ ਕਰ ਸਕਣ। ਇਹ ਬੋਲੀ ਹਰਜੀਤ ਸਿੰਘ ਉਰਫ ਡਿਪਨ ਦੇ ਹੱਕ ਵਿੱਚ ਹੋ ਗਈ ਸੀ। ਇਹ ਬਰਾਮਦ ਸੁਦਾ ਅਸਲਾ ਐਮੁਨੀਸ਼ਨ ਉੱਤਰ ਪ੍ਰਦੇਸ਼ ਦੇ ਮੇਰਠ ਸ਼ਹਿਰ ਤੋਂ ਖਰੀਦ ਕੇ ਲਿਆਏ ਸਨ।
ਤਿੰਨਾਂ ਕਥਿਤ ਦੋਸ਼ੀਆਂ ਦਾ ਕ੍ਰਿਮੀਨਲ ਰਿਕਾਰਡ
ਉਨ੍ਹਾਂ ਦੱਸਿਆ ਕਿ 1 ਜੁਲਾਈ 2022 ਨੂੰ ਉਭਾਵਾਲ ਰੋਡ ’ਤੇ ਲੁੱਟ-ਖੋਹ ਦੀ ਵਾਰਦਾਤ ਨੂੰ ਅੰਜਾਮ ਦੇਣ ਦੀ ਤਾਂਘ ਵਿੱਚ ਸਨ, ਪਰ ਵਾਰਦਾਤ ਤੋਂ ਪਹਿਲਾਂ ਹੀ ਪੁਲਿਸ ਵੱਲੋਂ ਮੁਖਬਰੀ ਨੂੰ ਕਾਬੂ ਕਰ ਲਿਆ। ਤਿੰਨਾਂ ਕਥਿਤ ਦੋਸ਼ੀਆਂ ਦਾ ਕ੍ਰਿਮੀਨਲ ਰਿਕਾਰਡ ਹੈ। ਜ਼ਿਲ੍ਹਾ ਪੁਲਿਸ ਮੁਖੀ ਨੇ ਦੱਸਆ ਕਿ ਕਥਿਤ ਦੋਸ਼ੀ ਅਵਰਜੀਤ ਸਿੰਘ ਉਰਫ ਬਾਬੂ ਰਈਆ ਦੇ ਖ਼ਿਲਾਫ਼ 28 ਮੁਕੱਦਮੇ ਹਨ ਅਤੇ ਇਹ ਬੀ ਕੈਟਾਗਰੀ ਦਾ ਗੈਂਗਸਟਰ ਹੈ ਇਸ ਤੋਂ ਇਲਾਵਾ ਰਫੀ ਕੁਮਾਰ ਦੇ ਖ਼ਿਲਾਫ 7 ਮੁਕੱਦਮੇ ਅਤੇ ਹਰਜੀਤ ਸਿੰਘ ਉਰਫ ਡਿਪਨ ਦੇ ਖ਼ਿਲਾਫ਼ 1 ਮੁਕੱਦਮਾ ਦਰਜ ਹੈ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ
