Saint Dr. MSG ਨੇ ਸਾਧ-ਸੰਗਤ ਦੇ ਸਵਾਲਾਂ ਦੇ ਜਵਾਬ ਦੇ ਕੇ ਕੀਤੀ ਸਭ ਦੀ ਜਗਿਆਸਾ ਸ਼ਾਂਤ
ਸਵਾਲ: ਇੱਕ ਨੌਜਵਾਨ ਦਾ ਰਹਿਣ-ਸਹਿਣ ਅਤੇ ਪਹਿਰਾਵਾ ਕਿਹੋ-ਜਿਹਾ ਹੋਣਾ ਚਾਹੀਦਾ?
ਜਵਾਬ: ਪੰਜਾਬੀ ਦੀ ਕਹਾਵਤ ਹੈ :- ਪਹਿਨੋ ਜੱਗ ਭਾਉਂਦਾ, ਖਾਓ ਮਨ ਪਾਉਂਦਾ ਸੰਸਾਰ ਵਿਚ ਜੋ ਚੀਜ਼ ਚੰਗੀ ਲੱਗਦੀ ਹੋਵੇ, ਧਰਮ ਕਹਿੰਦੇ ਹਨ, ਉਸ ਨੂੰ ਪਹਿਨੋ ਅਤੇ ਖਾਓ ਉਹ ਜੋ ਖੁਦ ਨੂੰ ਚੰਗਾ ਲੱਗਦਾ ਹੋਵੇ ਦੁਨੀਆ ’ਚ ਤਾਂ ਪਤਾ ਨਹੀਂ ਕਿਸ ਨੂੰ ਕੀ ਚੀਜ ਚੰਗੀ ਲੱਗਦੀ ਹੈ ਤੁਹਾਡੇ ਸਰੀਰ ਲਈ ਕੀ ਪਤਾ ਸਾਈਡ ਇਫੈਕਟ ਕਰਦੀ ਹੋਵੇ, ਐਲਰਜੀ ਕਰਦੀ ਹੋਵੇ ਤਾਂ ਚੰਗਾ ਪਹਿਰਾਵਾ ਸਾਡੇ ਅਨੁਸਾਰ ਉਹੀ ਹੈ, ਚਾਹੇ ਤੁਸੀਂ ਫੈਸ਼ਨ ਕਰੋ, ਪਰ ਜਿਸ ’ਚ ਦੇਖਣ ਵਾਲੇ ਨੂੰ ਪਾਜ਼ਿਟਿਵ ਵੇਵਸ ਆਉਣੀਆਂ ਚਾਹੀਦੀਆਂ ਹਨ ਕਈ ਲੋਕ ਇਤਰਾਜ਼ ਕਰਦੇ ਹਨ ਕਿ ਬੇਟੀਆਂ ਦੇ ਘੱਟ ਕੱਪੜੇ ਹੁੰਦੇ ਹਨ, ਆਦਮੀ ਦੀ ਗੰਦੀ ਸੋਚ ਹੁੰਦੀ ਹੈ, ਜੀ ਨਹੀਂ ਸਾਡੇ ਧਰਮਾਂ ’ਚ ਬੇਟੀ ਨੂੰ ਹੀਰਾ ਕਿਹਾ ਗਿਆ ਹੈ ਅਤੇ ਹੀਰੇ ਨੂੰ ਕੋਈ ਨੰਗਾ ਜਾਂ ਖੁੱਲ੍ਹਾ ਨਹੀਂ ਛੱਡਦਾ।
Saint Dr. MSG
ਅੱਜ ਸਮਾਜ ਇਸ ਦਿਸ਼ਾ ’ਚ ਜਾ ਰਿਹਾ ਹੈ ਸੱਭਿਆਚਾਰ ਸਾਡਾ ਗੁਆਚਦਾ ਜਾ ਰਿਹਾ ਹੈ, ਸੱਭਿਆਚਾਰ ਵਿਚ ਬਦਲਾਅ ਬਹੁਤ ਆਉਂਦੇ ਜਾ ਰਹੇ ਹਨ ਲੋਕ ਵਿਦੇਸ਼ੀ ਕਲਚਰ ਨੂੰ ਅਪਣਾਉਂਦੇ ਜਾ ਰਹੇ ਹਨ ਅਸੀਂ ਇਹ ਨਹੀਂ ਕਹਿੰਦੇ ਕਿ ਤੁਸੀਂ ਕਿਹੋ-ਜਿਹੇ ਕੱਪੜੇ ਪਹਿਨੋ, ਉਹ ਤੁਹਾਡੀ ਮਰਜ਼ੀ ਹੈ ਪਰ ਅਸੀਂ ਧਰਮਾਂ ਅਨੁਸਾਰ ਇਹੀ ਕਹਾਂਗੇ ਕਿ ਬੇਟਾ ਅਜਿਹੇ ਕੱਪੜੇ ਪਹਿਨੋ ਜਿਸ ਨਾਲ ਪਾਜ਼ਿਟਿਵ ਵੇਵਸ ਆਉਣ, ਨਾ ਕਿ ਕੁਝ ਨੈਗੇਟੀਵਿਟੀ ਆਵੇ ਬੇਟੀਆਂ ਨੂੰ ਹੀਰਾ ਕਿਹਾ ਗਿਆ ਹੈ, ਇਹ ਕੋਈ ਛੋਟੀ-ਮੋਟੀ ਗੱਲ ਨਹੀਂ, ਬਹੁਤ ਵੱਡਾ ਦਰਜਾ ਦਿੱਤਾ ਗਿਆ ਹੈ ਅਤੇ ਹੀਰੇ ਨੂੰ ਹਮੇਸ਼ਾ ਸੰਭਾਲ ਕੇ ਰੱਖਿਆ ਜਾਂਦਾ ਹੈ ਢਕ ਕੇ ਰੱਖਿਆ ਜਾਂਦਾ ਹੈ ਇਸ ਲਈ ਸਾਡੇ ਧਰਮਾਂ ’ਚ ਕਿਹਾ ਗਿਆ ਹੈ ਕਿ ਪਰਦਾ ਭਾਵ ਉਸ ਤਰ੍ਹਾਂ ਦੇ ਕੱਪੜੇ ਪਹਿਨੋ, ਜਿਸ ਨਾਲ ਸਮਾਜ ’ਚ ਚੰਗੀਆਂ ਵੇਵਸ ਆਉਣ, ਇਹ ਸਾਰਿਆਂ ਲਈ ਹੈ ਚਾਹੇ ਲੜਕਾ ਹੋਵੇ ਜਾਂ ਲੜਕੀ।
ਸਵਾਲ : ਅੱਜ ਦੇ ਸਮੇਂ ’ਚ ਲੜਕਾ ਅਤੇ ਲੜਕੀ ਦੀ ਮਿੱਤਰਤਾ ਕਿੰਨੀ ਸਹੀ ਹੈ?
ਜਵਾਬ: ਜੇਕਰ ਆਤਮਿਕ ਮਿੱਤਰਤਾ ਹੈ ਤਾਂ ਹਰ ਥਾਂ ਚਾਹੇ ਕੋਈ ਵੀ ਰਿਸ਼ਤਾ ਕਿਉਂ ਨਾ ਹੋਵੇ ਉਹ ਸਹੀ ਹੈ ਅਤੇ ਜੇਕਰ ਆਤਮਿਕ ਮਿੱਤਰਤਾ ਖਤਮ ਹੋ ਜਾਂਦੀ ਹੈ ਅਤੇ ਸਰੀਰਕ ਮਿੱਤਰਤਾ ਆ ਜਾਂਦੀ ਹੈ ਤਾਂ ਗਲਤ ਹੈ ਹਾਂ ਪਤੀ-ਪਤਨੀ ਦਾ ਰਿਸ਼ਤਾ ਜਾਇਜ਼ ਹੈ ਉਸ ਤੋਂ ਇਲਾਵਾ ਜੇਕਰ ਤੁਸੀਂ ਸਰੀਰਕ ਰਿਸ਼ਤਾ ਕਿਸੇ ਨਾਲ ਬਣਾਉਂਦੇ ਹੋ ਤਾਂ ਬਿਲਕੁਲ ਗਲਤ ਹੈ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ
