RBI News: ਮੁੰਬਈ। ਭਾਰਤੀ ਰਿਜ਼ਰਵ ਬੈਂਕ (ਆਰਬੀਆਈ) ਦੇ ਗਵਰਨਰ ਸੰਜੇ ਮਲਹੋਤਰਾ ਨੇ ਐਲਾਨ ਕੀਤਾ ਹੈ ਕਿ ਮੁਦਰਾ ਨੀਤੀ ਕਮੇਟੀ ਨੇ ਬੈਂਚਮਾਰਕ ਰੈਪੋ ਰੇਟ ’ਚ 26 ਬੇਸਿਸ ਪੁਆਇੰਟ ਦੀ ਕਟੌਤੀ ਕੀਤੀ ਹੈ। ਜਿਸ ਕਾਰਨ ਮੌਜ਼ੂਦਾ ਰੈਪੋ ਰੇਟ ਹੁਣ 6.25 ਫੀਸਦੀ ਹੋ ਗਿਆ ਹੈ। ਰੈਪੋ ਰੇਟ ’ਚ ਇਹ ਕਟੌਤੀ 5 ਸਾਲਾਂ ਬਾਅਦ ਕੀਤੀ ਗਈ ਹੈ। ਆਰਬੀਆਈ ਦੇ ਗਵਰਨਰ ਸੰਜੇ ਮਲਹੋਤਰਾ ਨੇ ਐਲਾਨ ਕੀਤਾ ਕਿ ਆਰਬੀਆਈ ਦਾ ਅਨੁਮਾਨ ਹੈ ਕਿ ਅਗਲੇ ਸਾਲ ਲਈ ਅਸਲ ਜੀਡੀਪੀ ਵਾਧਾ ਪਹਿਲੀ ਤਿਮਾਹੀ ਲਈ ਲਗਭਗ 6.75 ਫੀਸਦੀ, ਦੂਜੀ ਤਿਮਾਹੀ ਲਈ 6.7 ਫੀਸਦੀ, ਤੀਜੀ ਤਿਮਾਹੀ ਲਈ 7 ਫੀਸਦੀ ਤੇ ਚੌਥੀ ਤਿਮਾਹੀ ਲਈ 6.5 ਫੀਸਦੀ ਰਹੇਗਾ।
ਇਹ ਖਬਰ ਵੀ ਪੜ੍ਹੋ : IND Vs ENG: ਭਾਰਤ ਨੇ ਇੰਗਲੈਂਡ ਨੂੰ ਪਹਿਲੇ ਵਨਡੇ ਮੈਚ ’ਚ ਧੋਤਾ, ਸੁਭਮਨ ਗਿੱਲ ਸੈਂਕੜੇ ਤੋਂ ਖੁੰਝੇ
ਆਰਬੀਆਈ ਐਮਪੀਸੀ ਮੀਟਿੰਗ ਫਰਵਰੀ 2025 ਦੇ ਮੁੱਖ ਨੁਕਤੇ ਤੇ ਨਤੀਜੇ | RBI News
ਭਾਰਤੀ ਰਿਜ਼ਰਵ ਬੈਂਕ ਦੇ ਗਵਰਨਰ ਸੰਜੇ ਮਲਹੋਤਰਾ ਵੱਲੋਂ 7 ਫਰਵਰੀ ਨੂੰ ਐਲਾਨੀ ਗਈ ਦੋ-ਮਾਸਿਕ ਮੁਦਰਾ ਨੀਤੀ ਦੇ ਮੁੱਖ ਅੰਸ਼ ਹੇਠਾਂ ਦਿੱਤੇ ਗਏ ਹਨ।
- ਰੈਪੋ ਰੇਟ ’ਚ 25 ਬੀਪੀਐਸ ਦੀ ਕਟੌਤੀ
- ਐੱਸਡੀਐੱਫ ਦਰ 6 ਫੀਸਦੀ, ਐੱਮਐੱਸਐੱਫ ਤੇ ਬੈਂਕ ਦਰ 6.5 ਫੀਸਦੀ
- ਵਿੱਤੀ ਸਾਲ 26 ’ਚ ਮਹਿੰਗਾਈ ਹੋਰ ਘਟੇਗੀ
- ਦੂਜੀ ਤਿਮਾਹੀ ਤੋਂ ਵਿਕਾਸ ਦਰ ’ਚ ਸੁਧਾਰ ਹੋਣ ਦੀ ਉਮੀਦ ਹੈ… ਪਰ ਪਿਛਲੇ ਸਾਲ ਨਾਲੋਂ ਬਹੁਤ ਘੱਟ
- ਕੁਝ ਬੈਂਕ ਕਾਲ ਮਨੀ ਮਾਰਕੀਟ ’ਚ ਬਿਨਾਂ ਜਮਾਨਤ ਦੇ ਕਰਜ਼ਾ ਦੇਣ ਤੋਂ ਝਿਜਕਦੇ ਹਨ।
- ਵਿੱਤੀ ਸਾਲ 26 ’ਚ ਜੀਡੀਪੀ ਵਿਕਾਸ ਦਰ 6.7 ਫੀਸਦੀ ਰਹਿਣ ਦਾ ਅਨੁਮਾਨ
- ਵਿੱਤੀ ਸਾਲ 25 ’ਚ ਸੀਪੀਆਈ ਮਹਿੰਗਾਈ ਦਰ 4.8 ਫੀਸਦੀ ਰਹਿਣ ਦਾ ਅਨੁਮਾਨ
- ਵਿੱਤੀ ਸਾਲ 26 ’ਚ ਸੀਪੀਆਈ 4.2 ਫੀਸਦੀ ਰਹਿਣ ਦਾ ਅਨੁਮਾਨ
ਰੁਪਿਆ 12 ਪੈਸੇ ਡਿੱਗਿਆ
ਅਮਰੀਕੀ ਵਪਾਰ ਟੈਰਿਫਾਂ ਸਬੰਧੀ ਅਨਿਸ਼ਚਿਤਤਾ ਤੇ ਵਿਦੇਸ਼ੀ ਸੰਸਥਾਗਤ ਨਿਵੇਸ਼ਕਾਂ ਵੱਲੋਂ ਲਗਾਤਾਰ ਪੂੰਜੀ ਬਾਹਰ ਕੱਢਣ ਦੇ ਵਿਚਕਾਰ ਅੰਤਰਬੈਂਕ ਮੁਦਰਾ ਬਾਜ਼ਾਰ ’ਚ ਰੁਪਿਆ ਅੱਜ 12 ਪੈਸੇ ਡਿੱਗ ਕੇ ਅਮਰੀਕੀ ਡਾਲਰ ਦੇ ਮੁਕਾਬਲੇ 87.56 ਦੇ ਸਭ ਤੋਂ ਹੇਠਲੇ ਪੱਧਰ ’ਤੇ ਆ ਗਿਆ। ਜਦੋਂ ਕਿ, ਪਿਛਲੇ ਕਾਰੋਬਾਰੀ ਦਿਨ, ਰੁਪਿਆ 87.44 ਰੁਪਏ ਪ੍ਰਤੀ ਡਾਲਰ ਸੀ। ਸ਼ੁਰੂਆਤੀ ਕਾਰੋਬਾਰ ’ਚ ਰੁਪਿਆ ਅਮਰੀਕੀ ਡਾਲਰ ਦੇ ਮੁਕਾਬਲੇ 9 ਪੈਸੇ ਡਿੱਗ ਕੇ 87.53 ’ਤੇ ਖੁੱਲ੍ਹਿਆ ਤੇ ਆਯਾਤਕਾਂ ਤੇ ਬੈਂਕਰਾਂ ਵੱਲੋਂ ਡਾਲਰ ਦੀ ਖਰੀਦਦਾਰੀ ਵਿਚਕਾਰ ਸੈਸ਼ਨ ਦੌਰਾਨ 87.60 ਦੇ ਹੇਠਲੇ ਪੱਧਰ ’ਤੇ ਆ ਗਿਆ। ਇਸ ਦੇ ਨਾਲ ਹੀ, ਵਿਕਰੀ ਕਾਰਨ, ਇਹ 87.52 ਰੁਪਏ ਪ੍ਰਤੀ ਡਾਲਰ ਦੇ ਆਪਣੇ ਉੱਚਤਮ ਪੱਧਰ ’ਤੇ ਰਿਹਾ। ਅੰਤ ’ਚ, ਇਹ ਪਿਛਲੇ ਦਿਨ ਦੇ 87.44 ਰੁਪਏ ਪ੍ਰਤੀ ਡਾਲਰ ਦੇ ਮੁਕਾਬਲੇ 12 ਪੈਸੇ ਡਿੱਗ ਕੇ 87.56 ਰੁਪਏ ਪ੍ਰਤੀ ਡਾਲਰ ਦੇ ਸਭ ਤੋਂ ਹੇਠਲੇ ਪੱਧਰ ’ਤੇ ਆ ਗਿਆ।
 ਦੇ ਗਵਰਨਰ ਸੰਜੇ ਮਲਹੋਤਰਾ ਨੇ ਐਲਾਨ ਕੀਤਾ ਹੈ ਕਿ ਮੁਦਰਾ ਨੀਤੀ ਕਮੇਟੀ ਨੇ ਬੈਂਚਮਾਰਕ ਰੈਪੋ ਰੇਟ ’ਚ 26 ਬੇਸਿਸ.....){kind=link}