Rajasthan Budget News Live: ਜੈਪੁਰ (ਸੱਚ ਕਹੂੰ ਨਿਊਜ਼)। ਵਿੱਤ ਮੰਤਰੀ ਦੀਆ ਕੁਮਾਰੀ ਨੇ ਆਪਣੇ ਤੀਜੇ ਬਜਟ ’ਚ 150 ਯੂਨਿਟ ਮੁਫ਼ਤ ਬਿਜਲੀ ਦੇਣ ਦਾ ਐਲਾਨ ਕੀਤਾ ਹੈ। ਮੁਫ਼ਤ ਬਿਜਲੀ ਦੇ ਲਾਭਪਾਤਰੀ ਪਰਿਵਾਰਾਂ ਦੇ ਘਰਾਂ ’ਤੇ ਸੋਲਰ ਪਲੇਟਾਂ ਲਾਈਆਂ ਜਾਣਗੀਆਂ। ਜਿਨ੍ਹਾਂ ਲੋਕਾਂ ਦੇ ਘਰਾਂ ’ਚ ਜਗ੍ਹਾ ਨਹੀਂ ਹੈ, ਉਨ੍ਹਾਂ ਨੂੰ ਕਮਿਊਨਿਟੀ ਸੋਲਰ ਪਲਾਂਟ ਲਾਉਣ ਨਾਲ ਲਾਭ ਹੋਵੇਗਾ। ਬਜਟ ’ਚ 5 ਲੱਖ ਨਵੇਂ ਘਰੇਲੂ ਬਿਜਲੀ ਕਨੈਕਸ਼ਨ ਤੇ 5 ਹਜ਼ਾਰ ਨਵੇਂ ਖੇਤੀਬਾੜੀ ਕਨੈਕਸ਼ਨਾਂ ਦਾ ਵੀ ਐਲਾਨ ਕੀਤਾ ਗਿਆ ਹੈ।
ਇਹ ਖਬਰ ਵੀ ਪੜ੍ਹੋ : Haryana Metro News: ਖੁਸ਼ਖਬਰੀ, ਹਰਿਆਣਾ ਦੇ ਇੱਕ ਹੋਰ ਸ਼ਹਿਰ ’ਚ ਚੱਲੇਗੀ ਮੈਟਰੋ, ਇੱਥੇ ਜਾਣੋ ਮੈਟਰੋ ਦੇ ਵੇਰਵੇ……
ਇਸ ਦੇ ਨਾਲ ਹੀ ਪੀਣ ਵਾਲੇ ਪਾਣੀ ਵਿਭਾਗ ’ਚ 1050 ਨਵੀਆਂ ਤਕਨੀਕੀ ਅਸਾਮੀਆਂ ਲਈ ਵੀ ਭਰਤੀ ਕੀਤੀ ਜਾਵੇਗੀ। ਅਗਲੇ ਇੱਕ ਸਾਲ ’ਚ, ਰਾਜਸਥਾਨ ’ਚ 1500 ਹੈਂਡ ਪੰਪ ਤੇ ਇੱਕ ਹਜ਼ਾਰ ਟਿਊਬਵੈੱਲ ਵੀ ਲਾਏ ਜਾਣਗੇ। ਬਜਟ ਭਾਸ਼ਣ ਸ਼ੁਰੂ ਕਰਦਿਆਂ ਦੀਆ ਕੁਮਾਰੀ ਨੇ ਕਿਹਾ ਕਿ ਸਾਡੀ ਸਰਕਾਰ ਨੇ ਨਵੇਂ ਰਿਕਾਰਡ ਕਾਇਮ ਕੀਤੇ ਹਨ। ਰਾਜ 350 ਬਿਲੀਅਨ ਡਾਲਰ ਦੀ ਆਰਥਿਕਤਾ ਬਣਨ ਲਈ ਵਚਨਬੱਧ ਹੈ। ਵਿੱਤ ਮੰਤਰੀ ਨੇ ਕਿਹਾ ਕਿ ਉਨ੍ਹਾਂ ਦੀ ਸਰਕਾਰ ਨੇ ਪਿਛਲੇ ਬਜਟ ਦੇ 73 ਫੀਸਦੀ ਐਲਾਨ ਪੂਰੇ ਕੀਤੇ ਹਨ।
ਸੜਕ : 9 ਗ੍ਰੀਨ ਫੀਲਡ ਐਕਸਪ੍ਰੈਸ ਵੇਅ ਬਣਾਏ ਜਾਣਗੇ | Rajasthan Budget News Live
- ਸੜਕਾਂ ਤੇ ਪੁਲਾਂ ਦੇ ਨਵੀਨੀਕਰਨ ਦਾ ਕੰਮ 5,000 ਕਰੋੜ ਰੁਪਏ ਤੋਂ ਜ਼ਿਆਦਾ ਦੀ ਲਾਗਤ ਨਾਲ ਕੀਤਾ ਜਾਵੇਗਾ। 2750 ਕਿਲੋਮੀਟਰ ਤੋਂ ਜ਼ਿਆਦਾ ਲੰਬਾਈ ਦੇ 9 ਗ੍ਰੀਨ ਫੀਲਡ ਐਕਸਪ੍ਰੈਸਵੇਅ ਬਣਾਏ ਜਾਣਗੇ।
- ਇਸ ’ਤੇ 60 ਹਜ਼ਾਰ ਕਰੋੜ ਰੁਪਏ ਦੀ ਲਾਗਤ ਆਵੇਗੀ। ਇਹ ਬੀਓਟੀ ਮਾਡਲ ’ਤੇ ਬਣਾਇਆ ਜਾਵੇਗਾ। 6 ਹਜ਼ਾਰ ਕਰੋੜ ਰੁਪਏ ਦੀ ਲਾਗਤ ਨਾਲ 21 ਹਜ਼ਾਰ ਕਿਲੋਮੀਟਰ ਸੜਕਾਂ ਬਣਾਈਆਂ ਜਾਣਗੀਆਂ।
- ਹਰੇਕ ਵਿਧਾਨ ਸਭਾ ਹਲਕੇ ’ਚ 10 ਕਰੋੜ ਰੁਪਏ ਦੀ ਲਾਗਤ ਨਾਲ ਨਾਨ-ਪੈਚੇਬਲ ਸੜਕਾਂ ਦਾ ਕੰਮ ਕੀਤਾ ਜਾਵੇਗਾ।
- ਮਾਰੂਥਲ ਖੇਤਰ ’ਚ, ਇਹ ਰਕਮ ਪ੍ਰਤੀ ਵਿਧਾਨ ਸਭਾ ਹਲਕਾ 15 ਕਰੋੜ ਰੁਪਏ ਦੇ ਰੂਪ ’ਚ ਦਿੱਤੀ ਜਾਵੇਗੀ।
- ਪ੍ਰਧਾਨ ਮੰਤਰੀ ਗ੍ਰਾਮ ਸੜਕ ਯੋਜਨਾ ਤਹਿਤ, 1600 ਬਸਤੀਆਂ ਨੂੰ ਪੱਕੀਆਂ ਸੜਕਾਂ ਨਾਲ ਜੋੜਿਆ ਜਾਵੇਗਾ।
- 5 ਹਜ਼ਾਰ ਤੋਂ ਜ਼ਿਆਦਾ ਪੇਂਡੂ ਸ਼ਹਿਰਾਂ ’ਚ ਸੀਮਿੰਟ ਕੰਕਰੀਟ ਤੋਂ ਅਟਲ ਪ੍ਰਗਤੀ ਮਾਰਗ ਬਣਾਇਆ ਜਾਵੇਗਾ।
- ਇਹ ਕੰਮ ਅਗਲੇ ਸਾਲ 500 ਕਰੋੜ ਰੁਪਏ ਦੀ ਲਾਗਤ ਨਾਲ 250 ਪਿੰਡਾਂ ’ਚ ਕੀਤਾ ਜਾਵੇਗਾ।
ਨਵੇਂ ਬਿਜਲੀ ਕੁਨੈਕਸ਼ਨ ਦਾ ਐਲਾਨ
- 10 ਗੀਗਾਵਾਟ ਪਾਵਰ ਪਲਾਂਟ ਲਾਏ ਜਾਣਗੇ ਤੇ ਦੂਜੇ ਸੂਬਿਆਂ ਤੋਂ ਮਹਿੰਗੀ ਬਿਜਲੀ ਖਰੀਦਣ ਦੀ ਪਾਵਰ ਬੈਂਕਿੰਗ ਪ੍ਰਣਾਲੀ ਨੂੰ ਰੋਕਿਆ ਜਾਵੇਗਾ।
- 20700 ਮੈਗਾਵਾਟ ਬਿਜਲੀ ਸਪਲਾਈ ਕੀਤੀ ਜਾਵੇਗੀ। 5000 ਖੇਤੀਬਾੜੀ ਕੁਨੈਕਸ਼ਨ ਤੇ 5 ਲੱਖ ਘਰੇਲੂ ਕੁਨੈਕਸ਼ਨ ਦੇਣ ਦਾ ਐਲਾਨ।
- 150 ਯੂਨਿਟ ਬਿਜਲੀ ਮੁਫ਼ਤ ਦਿੱਤੀ ਜਾਵੇਗੀ, ਇਹ ਪ੍ਰਧਾਨ ਮੰਤਰੀ ਸੂਰਿਆ ਘਰ ਮੁਫ਼ਤ ਬਿਜਲੀ ਯੋਜਨਾ ਨਾਲ ਜੁੜੀ ਹੋਵੇਗੀ।
