ਅੱਜ ਪੈ ਸਕਦਾ ਹੈ ਹਲਕਾ ਮੀਂਹ | Punjab Weather News
Punjab Weather News: ਚੰਡੀਗੜ੍ਹ (ਸੱਚ ਕਹੂੰ ਨਿਊਜ਼)। ਪੰਜਾਬ ਨੂੰ ਅਗਲੇ ਤਿੰਨ ਦਿਨਾਂ ਤੱਕ ਸੰਘਣੀ ਧੁੰਦ ਤੋਂ ਰਾਹਤ ਨਹੀਂ ਮਿਲੇਗੀ। ਮੌਸਮ ਵਿਭਾਗ ਨੇ ਅਗਲੇ ਤਿੰਨ ਦਿਨਾਂ ਤੱਕ ਪੰਜਾਬ ਦੇ ਕੁਝ ਹਿੱਸਿਆਂ ’ਚ ਸੰਘਣੀ ਧੁੰਦ ਲਈ ਪੀਲਾ ਅਲਰਟ ਜਾਰੀ ਕੀਤਾ ਹੈ। ਅੱਜ ਵੀ ਹਲਕੀ ਤੋਂ ਦਰਮਿਆਨੀ ਬਾਰਿਸ਼ ਹੋਣ ਦੀ ਸੰਭਾਵਨਾ ਹੈ। ਐਤਵਾਰ ਨੂੰ ਪੰਜਾਬ ਵਿੱਚ ਬਾਰਿਸ਼ ਦੇ ਨਾਲ ਸੰਘਣੀ ਧੁੰਦ ਨੇ ਆਮ ਜਨਜੀਵਨ ਨੂੰ ਪ੍ਰਭਾਵਿਤ ਕੀਤਾ। ਅੰਮ੍ਰਿਤਸਰ ’ਚ ਵਿਜ਼ੀਬਿਲਟੀ ਪੂਰੀ ਤਰ੍ਹਾਂ ਜ਼ੀਰੋ ਰਹੀ, ਜਦੋਂ ਕਿ ਪਟਿਆਲਾ ’ਚ ਵਿਜ਼ੀਬਿਲਟੀ 10 ਮੀਟਰ ਅਤੇ ਬਠਿੰਡਾ ’ਚ 50 ਮੀਟਰ ਤੋਂ ਘੱਟ ਦਰਜ ਕੀਤੀ ਗਈ। ਪਟਿਆਲਾ ’ਚ 1.5 ਮਿਲੀਮੀਟਰ, ਪਠਾਨਕੋਟ ’ਚ 1.0 ਮਿਲੀਮੀਟਰ ਤੇ ਰੂਪਨਗਰ ’ਚ 1.5 ਮਿਲੀਮੀਟਰ ਮੀਂਹ ਪਿਆ।
ਇਹ ਖਬਰ ਵੀ ਪੜ੍ਹੋ : India vs Pakistan: ਕਨਿਸ਼ਕ ਚੌਹਾਨ ਦੇ ਸ਼ਾਨਦਾਰ ਪ੍ਰਦਰਸ਼ਨ ਸਦਕਾ, ਭਾਰਤ ਪਹੁੰਚਿਆ ਸੈਮੀਫਾਈਨਲ ’ਚ
ਠੰਢ ਵਧੀ, ਅੰਮ੍ਰਿਤਸਰ ਸਭ ਤੋਂ ਠੰਢਾ
ਪੰਜਾਬ ’ਚ ਘੱਟੋ-ਘੱਟ ਤਾਪਮਾਨ 2.5 ਡਿਗਰੀ ਵਧਿਆ ਹੈ, ਜੋ ਹੁਣ 8 ਡਿਗਰੀ ਦੇ ਨੇੜੇ ਪਹੁੰਚ ਗਿਆ ਹੈ। ਅੰਮ੍ਰਿਤਸਰ, ਜਿੱਥੇ ਤਾਪਮਾਨ 5.9 ਡਿਗਰੀ ਤੱਕ ਡਿੱਗ ਗਿਆ, ਸਭ ਤੋਂ ਠੰਢਾ ਰਿਹਾ। ਇਸ ਦੌਰਾਨ, ਫਰੀਦਕੋਟ ’ਚ ਸਭ ਤੋਂ ਜ਼ਿਆਦਾ ਤਾਪਮਾਨ 22.8 ਡਿਗਰੀ ਦਰਜ ਕੀਤਾ ਗਿਆ। ਲੁਧਿਆਣਾ ’ਚ ਘੱਟੋ-ਘੱਟ ਤਾਪਮਾਨ 7.6 ਡਿਗਰੀ, ਪਟਿਆਲਾ ’ਚ 10.2 ਡਿਗਰੀ ਤੇ ਬਠਿੰਡਾ 8.2 ਡਿਗਰੀ ਰਿਹਾ।
ਅੱਗੇ ਦੀ ਭਵਿੱਖਬਾਣੀ | Punjab Weather News
ਮੌਸਮ ਵਿਭਾਗ ਅਨੁਸਾਰ, ਪੰਜਾਬ ’ਚ ਅਗਲੇ ਤਿੰਨ ਦਿਨਾਂ ਤੱਕ ਭਾਰੀ ਧੁੰਦ ਤੇ ਮੀਂਹ ਪੈਂਦਾ ਰਹੇਗਾ। ਇਸ ਨਾਲ ਆਵਾਜਾਈ ’ਚ ਵਿਘਨ ਪੈ ਸਕਦਾ ਹੈ ਤੇ ਸਿਹਤ ਸਮੱਸਿਆਵਾਂ ਵਧ ਸਕਦੀਆਂ ਹਨ।
