ਦੇਵਭੂਮੀ ਦੁਆਰਕਾ (ਏਜੰਸੀ)। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਵੀਰਵਾਰ ਨੂੰ ਦੇਵਭੂਮੀ ਦੁਆਰਕਾ ’ਚ ਹੌਸਲੇ ਦੀ ਡੁਬਕੀ ਲਾ ਕੇ ਡੂੰਘੇ ਸਮੁੰਦਰ ’ਚ ਸਮਾਈ ਪੌਰਾਣਿਕ ਨਗਰੀ ਦੁਆਰਕਾ ਦੇ ਦਰਸ਼ਨ ਕੀਤੇ। ਮੋਦੀ ਨੇ ਹੌਸਲੇ ਭਰੀ ਮੰਨੀ ਜਾਣ ਵਾਲੀ ਸਕੂਬਾ ਡਾਇਵਿੰਗ ਕਰ ਕੇ ਡੂੰਘੇ ਸਮੁੰਦਰ ’ਚ ਭਗਵਾਨ ਸ੍ਰੀ ਕ੍ਰਿਸ਼ਨ ਜੀ ਦੀ ਪ੍ਰਾਚੀਨ ਨਗਰੀ ਦੁਆਰਕਾ ਦੇ ਦਰਸ਼ਨ ਕੀਤੇ। ਇਸ ਤੋਂ ਪਹਿਲਾਂ ਉਨ੍ਹਾਂ ਨੇ ਲਕਸ਼ਦੀਪ ’ਚ ਵੀ ਹੌਸਲੇ ਭਰੀ ਸਕੂਬਾ ਡਾਇਵਿੰਗ ਕੀਤੀ ਸੀ। ਉਨ੍ਹਾਂ ਨੇ ਇਸ ਮੌਕੇ ’ਤੇ ਕਿਹਾ ਕਿ ਪੁਰਾਣੇ ਜਾਣਕਾਰਾਂ ਨੇ ਦੁਆਰਕਾ ਨਗਰੀ ’ਤੇ ਕਈ ਖੋਜ਼ਾਂ ਕੀਤੀਆਂ ਹਨ ਜਿਸ ਕਾਰਨ ਮੇਰੀ ਪ੍ਰਾਚੀਨ ਦੁਆਰਕਾ ਨਗਰੀ ਦੇ ਦਰਸ਼ਨ ਕਰਨ ਤੇ ਉਸ ਨੂੰ ਦੇਖਣ ਦੀ ਕਈ ਸਾਲਾਂ ਤਾਂ ਇੱਛਾ ਸੀ। ਇਹ ਮੇਰਾ ਸੁਪਨਾ ਅੱਜ ਪੂਰਾ ਹੋਇਆ ਹੈ।
विकास भी, विरासत भी!
गहरे समंदर में जाकर भारत की महान विरासत प्राचीन द्वारका जी के दर्शन करते पीएम मोदी। pic.twitter.com/U6eZLRAYz9
— BJP (@BJP4India) February 25, 2024
ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਅੱਜ ਦੋਂ ਮੈਨੂੰ ਭਗਵਾਨ ਸ੍ਰੀ ਕ੍ਰਿਸ਼ਨ ਦੀ ਪਵਿੱਤਰ ਧਰਤੀ ’ਤੇ ਜਾਣ ਦਾ ਮੌਕਾ ਮਿਲਿਆ ਤਾਂ ਮੈਂ ਸਮੁੰਦਰ ’ਚ ਸਮਾਈ ਪ੍ਰਾਚੀਨ ਦੁਆਰਕਾ ਨਗਰੀ ਦੀ ਸੁੰਦਰਤਾ ਨੂੰ ਅਨੁਭਵ ਕੀਤਾ। ਮੈਂ ਭਗਵਾਨ ਸ੍ਰੀ ਕ੍ਰਿਸ਼ਨ ਨੂੰ ਯਾਦ ਕਰਦਿਆਂ ਪ੍ਰਾਚੀਨ ਦੁਆਰਕਾ ਨਗਰੀ ਨੂੰ ਮੋਰਪੰਖ ਅਰਪਿਤ ਕਰ ਕੇ ਮਾਣ ਮਹਿਸੂਸ ਕਰ ਰਿਹਾ ਹਾਂ। ਉਨ੍ਹਾਂ ਕਿਹਾ ਕਿ ਇਸ ਦਰਸ਼ਨ ਦੇ ਦੌਰਾਨ ਮੇਰੀਆਂ ਅੱਖਾਂ ਦੇ ਸਾਹਮਣੇ 21ਵੀਂ ਸਦੀ ’ਚ ਭਾਰਤ ਦੀ ਸ਼ਾਨ ਦੀ ਤਸਵੀਰ ਘੁੰਮ ਰਹੀ ਸੀ। ਪ੍ਰਾਚੀਨ ਦੁਆਰਕਾ ਨਗਰੀ ਦੇ ਦਰਸ਼ਨ ਕਰ ਕੇ ਵਿਕਸਿਤ ਭਾਰਤ ਦਾ ਮੇਰਾ ਸੰਕਪਲ ਮਜ਼ਬੂਤ ਹੋਇਆ ਹੈ।
