ਪੈਟਰੋਲ-ਡੀਜਲ ਦੀਆਂ ਕੀਮਤਾਂ ‘ਚ ਵਾਧਾ ਜਾਰੀ |
ਨਵੀਂ ਦਿੱਲੀ (ਏਜੰਸੀ)। ਪੈਟਰੋਲ ਅਤੇ ਡੀਜ਼ਲ ਦੀਆਂ ਕੀਮਤਾਂ ਬੁੱਧਵਾਰ ਨੂੰ ਲਗਾਤਾਰ ਚੌਥੇ ਦਿਨ ਤੇਜ਼ੀ ਨਾਲ ਵਧੀਆਂ ਜਿਸ ਕਾਰਨ ਉਨ੍ਹਾਂ ਦੀਆਂ ਕੀਮਤਾਂ ਚਾਰ ਦਿਨਾਂ ਵਿਚ ਤਿੰਨ ਫੀਸਦੀ ਵਧੀਆਂ ਹਨ। ਦੇਸ਼ ਦੀ ਸਭ ਤੋਂ ਵੱਡੀ ਤੇਲ ਮਾਰਕੀਟਿੰਗ ਕੰਪਨੀ ਇੰਡੀਅਨ ਆਇਲ ਕਾਰਪੋਰੇਸ਼ਨ ਦੇ ਅਨੁਸਾਰ ਰਾਸ਼ਟਰੀ ਰਾਜਧਾਨੀ ਦਿੱਲੀ ਵਿੱਚ ਅੱਜ ਪੈਟਰੋਲ ਦੀ ਕੀਮਤ 40 ਪੈਸੇ ਵੱਧ ਕੇ 73.40 ਰੁਪਏ ਪ੍ਰਤੀ ਲੀਟਰ ਹੋ ਗਈ ਹੈ। ਪਿਛਲੇ ਚਾਰ ਦਿਨਾਂ ਵਿੱਚ ਪੈਟਰੋਲ 2.14 ਰੁਪਏ ਪ੍ਰਤੀ ਲੀਟਰ ਭਾਵ ਤਿੰਨ ਫੀਸਦੀ ਮਹਿੰਗਾ ਹੋ ਗਿਆ ਹੈ। ਦਿੱਲੀ ਵਿਚ ਡੀਜ਼ਲ 45 ਪੈਸੇ ਪ੍ਰਤੀ ਲੀਟਰ ਦੇ ਹਿਸਾਬ ਨਾਲ 71.62 ਰੁਪਏ ‘ਤੇ ਪਹੁੰਚ ਗਿਆ।
ਚਾਰ ਦਿਨਾਂ ਵਿਚ ਇਸ ਦੀ ਕੀਮਤ ਵਿਚ 2.23 ਰੁਪਏ ਭਾਵ 3.21 ਫੀਸਦੀ ਦਾ ਵਾਧਾ ਹੋਇਆ ਹੈ। ਪੈਟਰੋਲ ਦੀ ਕੀਮਤ 39 ਪੈਸੇ ਦੇ ਵਾਧੇ ਨਾਲ ਮੁੰਬਈ ਵਿਚ 80.40 ਰੁਪਏ, ਚੇਨਈ ਵਿਚ 35 ਪੈਸੇ 77.43 ਰੁਪਏ ਅਤੇ ਕੋਲਕਾਤਾ ਵਿਚ 38 ਪੈਸੇ 75.36 ਰੁਪਏ ਪ੍ਰਤੀ ਲੀਟਰ ਹੋ ਗਈ। ਡੀਜ਼ਲ ਕੋਲਕਾਤਾ ਵਿਚ 62 ਪੈਸੇ 67.63 ਰੁਪਏ, ਮੁੰਬਈ ਵਿਚ 43 ਪੈਸੇ 70.35 ਰੁਪਏ ਅਤੇ ਚੇਨਈ ਵਿਚ 39 ਪੈਸੇ ਦੀ ਤੇਜ਼ੀ ਨਾਲ 70.13 ਰੁਪਏ ਪ੍ਰਤੀ ਲੀਟਰ ‘ਤੇ ਵਿਕਿਆ।
