28 ਰੁਪਏ ਦੀ ਉਧਾਰੀ ਚੁਕਾਈ ਅਮਰੀਕਾ ਤੋਂ ਹਿਸਾਰ ਆਏ ਸ਼ਖਸ
ਹਿਸਾਰ (ਸੱਚ ਕਹੂੰ ਨਿਊਜ਼)। ਤੁਸੀਂ ਬਹੁਤ ਘੱਟ ਸੁਣਿਆ ਹੋਵੇਗਾ ਕਿ ਕੋਈ ਵਿਅਕਤੀ 68 ਸਾਲ ਬਾਅਦ 28 ਰੁਪਏ ਦਾ ਕਰਜ਼ਾ ਮੋੜਦਾ ਹੈ। ਦਰਅਸਲ ਹਰਿਆਣਾ ਦਾ ਪਹਿਲਾ ਜਲ ਸੈਨਾ ਬਹਾਦਰੀ ਐਵਾਰਡੀ ਸੇਵਾਮੁਕਤ ਹੋਣ ਤੋਂ ਬਾਅਦ ਆਪਣੇ ਬੇਟੇ ਨਾਲ ਮਿਲਣ ਲਈ ਅਮਰੀਕਾ ਗਿਆ ਸੀ। ਬੀਤੇ ਦਿਨ ਉਹ ਹਿਸਾਰ ਦੇ ਮੋਤੀ ਬਾਜ਼ਾਰ ਸਥਿਤ ਦਿੱਲੀ ਵਾਲਾ ਹਲਵਾਈ ਵਿਖੇ ਪਹੁੰਚਿਆ ਅਤੇ ਉਸ ਨੇ ਵਿਨੈ ਬਾਂਸਲ ਨੂੰ ਦੱਸਿਆ ਕਿ ਮੈਂ 1954 ਵਿੱਚ ਤੁਹਾਡੇ ਦਾਦਾ ਸ਼ੰਭੂ ਦਿਆਲ ਬਾਂਸਲ ਤੋਂ 28 ਰੁਪਏ ਉਧਾਰ ਲਏ ਸਨ ਪਰ ਮੈਨੂੰ ਅਚਾਨਕ ਬਾਹਰ ਜਾ ਕੇ ਨੇਵੀ ਵਿੱਚ ਭਰਤੀ ਹੋਣਾ ਪਿਆ।
ਉੱਪਲ ਨੇ ਦੱਸਿਆ ਕਿ ਤੁਹਾਡੀ ਦੁਕਾਨ ‘ਤੇ ਮੈਂ ਪੇਡੂ ਪਾ ਕੇ ਲੱਸੀ ਪੀਂਦਾ ਸੀ, ਜਿਸ ਦੀ ਕੀਮਤ 28 ਰੁਪਏ ਹੈ। ਨੌਕਰੀ ਦੌਰਾਨ ਮੈਨੂੰ ਹਿਸਾਰ ਆਉਣ ਦਾ ਮੌਕਾ ਨਹੀਂ ਮਿਲਿਆ ਅਤੇ ਸੇਵਾਮੁਕਤੀ ਤੋਂ ਬਾਅਦ ਮੈਂ ਅਮਰੀਕਾ ਚਲਾ ਗਿਆ। ਮੈਨੂੰ ਹਮੇਸ਼ਾ 28 ਰੁਪਏ ਦੇਣ ਦਾ ਚੇਤਾ ਆਉਂਦਾ ਸੀ। ਮੈਂ ਤੁਹਾਡਾ ਕਰਜ਼ਾ ਮੋੜਨ ਲਈ ਵਿਦੇਸ਼ ਤੋਂ ਹਿਸਾਰ ਆਇਆ ਹਾਂ।
ਉੱਪਲ ਨੇ ਕਰਜ਼ੇ ਸਮੇਤ 28 ਰੁਪਏ ਦਾ ਕਰਜ਼ਾ ਮੋੜ ਦਿੱਤਾ
ਉੱਪਲ ਨੇ ਦੁਕਾਨ ਮਾਲਕ ਵਿਨੈ ਬਾਂਸਲ ਨੂੰ 10 ਹਜ਼ਾਰ ਰੁਪਏ ਦਿੱਤੇ ਪਰ ਦੁਕਾਨ ਮਾਲਕ ਨੇ ਲੈਣ ਤੋਂ ਇਨਕਾਰ ਕਰ ਦਿੱਤਾ। ਫਿਰ ਉੱਪਲ ਦੇ ਵਾਰ ਵਾਰ ਕਹਿਣ ‘ਤੇ ਦੁਕਾਨ ਮਾਲਕ ਨੇ ਰਕਮ ਸਵੀਕਾਰ ਕਰ ਲਈ। ਮਹੱਤਵਪੂਰਨ ਗੱਲ ਇਹ ਹੈ ਕਿ ਉੱਪਲ ਉਸ ਪਣਡੁੱਬੀ ਦਾ ਕਮਾਂਡਰ ਸੀ ਜਿਸ ਨੇ ਭਾਰਤ ਪਾਕਿ ਯੁੱਧ ਦੌਰਾਨ ਪਾਕਿਸਤਾਨੀ ਜਹਾਜ਼ ਨੂੰ ਡੁਬੋਇਆ ਸੀ ਅਤੇ ਆਪਣੀ ਪਣਡੁੱਬੀ ਨੂੰ ਸੁਰੱਖਿਅਤ ਵਾਪਸ ਲਿਆਂਦਾ ਸੀ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ
