ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਰੂਸ ਯਾਤਰਾ ਨੇ ਭਾਰਤ ਦੀ ਗੁਟਨਿਰਲੇਪਤਾ ਦੀ ਨੀਤੀ ਨੂੰ ਮਜ਼ਬੂਤ ਕੀਤਾ ਹੈ ਭਾਵੇਂ ਨਰਿੰਦਰ ਮੋਦੀ ਦੀ ਉਹਨਾਂ ਦੇ ਹਮਰੁਤਬਾ ਦੀ ਅਲੋਚਨਾ ਯੂਕਰੇਨ ਨੇ ਕੀਤੀ ਹੈ ਪਰ ਜੇਕਰ ਭਾਰਤ ਦੇ ਇਤਿਹਾਸਕ ਰੁਤਬੇ ਨੂੰ ਵੇਖਿਆ ਜਾਵੇ ਤਾਂ ਰੂਸ ਨਾਲ ਨੇੜਤਾ ਉਸ ਗੁਟਨਿਰਲੇਪਤਾ ਦਾ ਸਬੂਤ ਹੈ ਜੋ ਭਾਰਤ ਨੇ ਕਿਸੇ ਵੀ ਇੱਕ ਤਾਕਤਵਰ ਮੁਲਕ ਨਾਲ ਇੱਕਤਰਫਾ ਨਾ ਖੜੇ੍ਹ ਹੋਣ ਦਾ ਸੰਕਲਪ ਲਿਆ ਸੀ ਭਾਰਤ ਨੇ ਅਮਰੀਕਾ, ਤੇ ਉਸ ਦੇ ਸਾਥੀ ਪੱਛਮੀ ਮੁਲਕਾਂ ਨਾਲ ਸਬੰਧ ਮਜ਼ਬੂਤ ਕਰਨ ਦੇ ਬਾਵਜ਼ੂਦ ਕਿਸੇ ਗੁਟ ਨਾਲ ਇੱਕਤਰਫਾ ਨੇੜਤਾ ਨਹੀਂ ਵਧਾਈ ਇਹੀ ਕਾਰਨ ਹੈ ਕਿ ਅਮਰੀਕੀ ਦਬਾਅ ਦੇ ਬਾਵਜ਼ੂਦ ਭਾਰਤ ਨੇ ਰੂਸ ਤੋਂ ਤੇਲ ਖਰੀਦਣਾ ਜਾਰੀ ਰੱਖਿਆ ਸੀ ਰੂਸ-ਯੂਕਰੇਨ ਜੰਗ ’ਚ ਭਾਰਤ ਨੇ ਜੰਗ ਨੂੰ ਮਾਨਵਤਾ ਦੇ ਵਿਰੁੱਧ ਦੱਸ ਕੇ ਅਮਨ ਦੀਆਂ ਕੋਸ਼ਿਸ਼ਾਂ ਦੇ ਹੱਕ ’ਚ ਅਵਾਜ਼ ਉਠਾਈ ਹੈ। (PM Modi)
Read This : Delhi Water Crisis: ਪਾਣੀ ਪ੍ਰਬੰਧਾਂ ਲਈ ਬਣੇ ਸੁਚੱਜੀ ਯੋਜਨਾ
ਉਂਜ ਵੀ ਇਹ ਕਹਿਣਾ ਸਹੀ ਰਹੇਗਾ ਕਿ ਭਾਰਤ ਨੇ ਗੁਟਨਿਰਲੇਪਤਾ ਦੇ ਨਾਲ-ਨਾਲ ਚੀਨ ਨੂੰ ਇਹ ਸੰਦੇਸ਼ ਦੇ ਦਿੱਤਾ ਹੈ ਕਿ ਉਹ (ਭਾਰਤ) ਕੁੂਟਨੀਤੀ ’ਚ ਕਿਸੇ ਵੀ ਤਰ੍ਹਾਂ ਮਾਰ ਖਾਣ ਵਾਲਾ ਨਹੀਂ ਹੈ ਚੀਨ ਲਗਾਤਾਰ ਪਾਕਿਸਤਾਨ ਦੀ ਹਮਾਇਤ ਕਰਕੇ ਭਾਰਤ ਲਈ ਮੁਸ਼ਕਲਾਂ ਪੈਦਾ ਕਰਦਾ ਆ ਰਿਹਾ ਹੈ ਓਧਰ ਪਾਕਿਸਤਾਨ ਵੀ ਚੀਨ ਤੋਂ ਇਲਾਵਾ ਰੂਸ ਦੇ ਗੁਣ ਗਾਉਣ ’ਚ ਲੱਗਾ ਰਿਹਾ ਤਾਂ ਕਿ ਜੰਮੂ ਕਸ਼ਮੀਰ ਮਾਮਲੇ ’ਚ ਰੂਸ ਦੀ ਹਮਾਇਤ ਹਾਸਲ ਕੀਤੀ ਜਾ ਸਕੇ ਰੂਸ ਯੂਕਰੇਨ ਜੰਗ ਸ਼ੁਰੂ ਹੋਣ ਮੌਕੇ ਪਾਕਿਸਤਾਨ ਦੇ ਉਸ ਵੇਲੇ ਦੇ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਵੱਲੋਂ ਰੂਸ ਦਾ ਦੌਰਾ ਕਰਨਾ ਅਜਿਹੀਆਂ ਕੋਸ਼ਿਸਾਂ ਦਾ ਹੀ ਨਤੀਜਾ ਸੀ ਭਾਰਤ ਨੇ ਰੂਸ ਨਾਲ ਸਬੰਧ ਵਧਾ ਕੇ ਚੀਨ ਅਤੇ ਪਾਕਿਸਤਾਨ ਦਿਆਂ ਮਨਸੂਬਿਆਂ ’ਤੇ ਪਾਣੀ ਫੇਰ ਦਿੱਤਾ ਹੈ। (PM Modi)
