ਨਿਤੀਸ਼ ਮੰਤਰੀ ਮੰਡਲ ਦਾ ਵਿਸਥਾਰ, 31 ਮੰਤਰੀਆਂ ਨੇ ਅਹੁਦੇ ਅਤੇ ਗੁਪਤ ਭੇਤਾਂ ਦੀ ਚੁੱਕੀ ਸਹੁੰ
ਪਟਨਾ (ਏਜੰਸੀ)। ਬਿਹਾਰ ‘ਚ ਨਿਤੀਸ਼ ਮੰਤਰੀ ਮੰਡਲ ਦਾ ਮੰਗਲਵਾਰ ਨੂੰ ਵਿਸਥਾਰ ਕੀਤਾ ਗਿਆ ਅਤੇ 31 ਮੰਤਰੀਆਂ ਨੇ ਅਹੁਦੇ ਅਤੇ ਗੁਪਤ ਭੇਤਾਂ ਦੀ ਸਹੁੰ ਚੁੱਕੀ। ਰਾਜ ਭਵਨ ਦੇ ਰਾਜੇਂਦਰ ਮੰਡਪਮ ਵਿੱਚ ਹੋਏ ਸਹੁੰ ਚੁੱਕ ਸਮਾਗਮ ਵਿੱਚ ਰਾਜਪਾਲ ਫੱਗੂ ਚੌਹਾਨ ਨੇ ਰਾਸ਼ਟਰੀ ਜਨਤਾ ਦਲ (ਆਰਜੇਡੀ) ਦੇ 16, ਜਨਤਾ ਦਲ ਯੂਨਾਈਟਿਡ (ਜੇਡੀਯੂ) ਦੇ 11, ਕਾਂਗਰਸ ਦੇ 02, ਹਿੰਦੁਸਤਾਨੀ ਅਵਾਮ ਮੋਰਚਾ (ਹਮ) ਦੇ ਇੱਕ ਅਤੇ ਇੱਕ ਅਜ਼ਾਦ ਨੂੰ ਮੰਤਰੀ ਅਹੁਦੇ ਅਤੇ ਗੁਪਤ ਭੇਤਾਂ ਦੀ ਸਹੁੰ ਚੁਕਾਈ।
ਸਹੁੰ ਚੁੱਕਣ ਵਾਲਿਆਂ ਵਿਚ ਵਿਜੇ ਕੁਮਾਰ ਚੌਧਰੀ, ਵਿਜੇਂਦਰ ਪ੍ਰਸਾਦ ਯਾਦਵ, ਅਸ਼ੋਕ ਚੌਧਰੀ, ਸ਼ਰਵਣ ਕੁਮਾਰ, ਲੈਸੀ ਸਿੰਘ, ਮਦਨ ਸਾਹਨੀ, ਸੰਜੇ ਝਾਅ, ਸ਼ੀਲਾ ਮੰਡਲ, ਸੁਨੀਲ ਕੁਮਾਰ, ਜਯੰਤ ਰਾਜ ਅਤੇ ਰਾਸ਼ਟਰੀ ਜਨਤਾ ਦਲ ਦੇ ਜਾਮਾ ਖਾਨ, ਆਲੋਕ ਕੁਮਾਰ ਮਹਿਤਾ, ਤੇਜ ਪ੍ਰਤਾਪ ਯਾਦਵ ਸ਼ਾਮਲ ਹਨ। ਰਾਸ਼ਟਰੀ ਜਨਤਾ ਦਲ ਦੇ ਸੁਰੇਂਦਰ ਪ੍ਰਸਾਦ ਯਾਦਵ, ਰਾਮਾਨੰਦ ਯਾਦਵ, ਕੁਮਾਰ ਸਰਵਜੀਤ, ਲਲਿਤ ਯਾਦਵ, ਸਮੀਰ ਕੁਮਾਰ ਮਹਾਸੇਠ, ਚੰਦਰਸ਼ੇਖਰ, ਅਨੀਤਾ ਦੇਵੀ, ਸੁਧਾਕਰ ਸਿੰਘ, ਇਜ਼ਰਾਈਲ ਮਨਸੂਰੀ, ਸ਼ਮੀਮ ਅਹਿਮਦ, ਕਾਰਤੀਕੇਯ ਸਿੰਘ, ਸੁਰੇਂਦਰ ਰਾਮ, ਮੁਹੰਮਦ ਸ਼ਾਹਨਵਾਜ਼ ਅਤੇ ਜਿਤੇਂਦਰ ਕੁਮਾਰ ਰਾਏ, ਕਾਂਗਰਸ ਦੇ ਮੋਹ. ਅਫਾਕ ਆਲਮ ਅਤੇ ਮੁਰਾਰੀ ਗੌਤਮ, ‘ਹਮ’ ਦੇ ਸੰਤੋਸ਼ ਸੁਮਨ ਅਤੇ ਸੁਮਿਤ ਕੁਮਾਰ ਸਿੰਘ, ਆਜ਼ਾਦ ਉਮੀਦਵਾਰ ਸ਼ਾਮਲ ਹਾਂ।
ਜ਼ਿਕਰਯੋਗ ਹੈ ਕਿ 10 ਅਗਸਤ ਨੂੰ ਮਹਾਂਗਠਜੋੜ ਸਰਕਾਰ ਦੇ ਗਠਨ ਤੋਂ ਬਾਅਦ ਜਨਤਾ ਦਲ (ਯੂ) ਦੇ ਨੇਤਾ ਨਿਤੀਸ਼ ਕੁਮਾਰ ਨੇ ਮੁੱਖ ਮੰਤਰੀ ਅਤੇ ਰਾਸ਼ਟਰੀ ਜਨਤਾ ਦਲ ਦੇ ਤੇਜਸਵੀ ਪ੍ਰਸਾਦ ਯਾਦਵ ਨੇ ਮੰਤਰੀ ਵਜੋਂ ਸਹੁੰ ਚੁੱਕੀ ਸੀ। ਸਹੁੰ ਚੁੱਕ ਸਮਾਗਮ ਤੋਂ ਬਾਅਦ ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਕਿਹਾ ਕਿ ਮੰਤਰੀਆਂ ਵਿੱਚ ਵਿਭਾਗਾਂ ਦੀ ਵੰਡ ਤੋਂ ਬਾਅਦ ਅੱਜ ਸ਼ਾਮ 4.30 ਵਜੇ ਕੈਬਨਿਟ ਦੀ ਮੀਟਿੰਗ ਵੀ ਹੋਵੇਗੀ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ
