ਟੀ20 ਵਿਸ਼ਵ ਕੱਪ ਦਾ ਸੈਮੀਫਾਈਨਲ ਗੁਆਨਾ ’ਚ ਖੇਡ ਸਕਦੀ ਹੈ ਭਾਰਤੀ ਟੀਮ | T20 World Cup 2024
- ਮੈਚ ਦੇ ਭਾਰਤ ਦੇ ਦੋਸਤਾਨਾ ਸਮੇਂ ਕਾਰਨ ਗਿਆ ਹੈ ਫੈਸਲਾ
- ਰਿਜ਼ਰਵ-ਡੇ ਵੀ ਨਹੀਂ ਹੋਵੇਗਾ ਉਪਲਬਧ
T20 World Cup 2024 Semi Final : ਸਪੋਰਟਸ ਡੈਸਕ। ਟੀ20 ਵਿਸ਼ਵ ਕੱਪ 2024 ਦੇ ਸ਼ੁਰੂ ਹੋਣ ’ਚ ਹੁਣ ਬਸ ਥੋੜਾ ਹੀ ਸਮਾਂ ਬਾਕੀ ਰਿਹਾ ਹੈ। ਅੱਜ ਦੇ ਹਿਸਾਬ ਨਾਲ ਹੁਣ ਸਿਰਫ 16 ਦਿਨ ਹੀ ਬਾਕੀ ਰਹੇ ਹਨ। 1 ਜੂਨ 2024 ਤੋਂ ਟੀ20 ਵਿਸ਼ਵ ਕੱਪ ਸ਼ੁਰੂ ਹੋਵੇਗਾ। ਇਸ ਵਿੱਚ ਟੀ20 ਵਿਸ਼ਵ ਕੱਪ ਦੇ ਸੈਮੀਫਾਈਨਲ ਮੁਕਾਬਲੇ ’ਤੇ ਨਵੀਂ ਅਪਡੇਟ ਸਾਹਮਣੇ ਆਈ ਹੈ। ਕਿਉਂਕਿ ਜੇਕਰ ਭਾਰਤੀ ਟੀਮ ਆਉਣ ਵਾਲੇ ਟੀ20 ਵਿਸ਼ਵ ਕੱਪ ਦੇ ਸੈਮੀਫਾਈਨਲ ’ਚ ਪਹੁੰਚੀ ਤਾਂ ਗੁਆਨਾ ’ਚ ਹੀ 27 ਜੂਨ ਨੂੰ ਹੋਣ ਵਾਲਾ ਦੂਜਾ ਸੈਮੀਫਾਈਨਲ ਖੇਡੇਗੀ। (T20 World Cup 2024)
ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਮੁਤਾਬਕ ਮੈਚ ਦੇ ਸਮੇਂ ਕਾਰਨ ਆਈਸੀਸੀ ਨੇ ਭਾਰਤ ਨੂੰ ਗੁਆਨਾ ’ਚ ਹੋਣ ਵਾਲੇ ਸੈਮੀਫਾਈਨਲ ਲਈ ਸਲਾਟ ਦਿੱਤਾ ਹੈ। ਤ੍ਰਿਨੀਦਾਦ ’ਚ ਪਹਿਲਾ ਸੈਮੀਫਾਈਨਲ ਸਥਾਨੀ ਸਮੇਂ ਮੁਤਾਬਕ 26 ਜੂਨ ਨੂੰ ਰਾਤ 8:30 ਖੇਡਿਆ ਜਾਵੇਗਾ, ਜਿਹੜਾ ਭਾਰਤ ’ਚ 27 ਜੂਨ ਨੂੰ ਸਵੇਰੇ 6 ਵਜੇ ਹੋਵੇਗਾ। ਨਾਲ ਹੀ ਗੁਆਨਾ ’ਚ ਦੂਜਾ ਸੈਮੀਫਾਈਨਲ ਸਵੇਰੇ 10:30 ਵਜੇ ਸ਼ੁਰੂ ਹੋਵੇਗਾ ਜਦੋਂ ਕਿ ਉਸ ਸਮੇਂ ਭਾਰਤ ’ਚ ਰਾਤ ਦੇ 8 ਵਜੇ ਹੋਣਗੇ। ਜਦਕਿ ਫਾਈਨਲ ਬ੍ਰਿਜਟਾਊਨ, ਬਾਰਬਾਡੋਸ ’ਚ 29 ਜੂਨ ਨੂੰ ਸਥਾਨਕ ਸਮੇਂ ਮੁਤਾਬਕ ਸਵੇਰੇ 10 ਵਜੇ ਤੋਂ ਖੇਡਿਆ ਜਾਵੇਗਾ, ਜਿਹੜਾ ਭਾਰਤ ’ਚ ਸ਼ਾਮ 7:30 ਵਜੇ ਹੋਵੇਗਾ। (T20 World Cup 2024)
ਇਹ ਵੀ ਪੜ੍ਹੋ : BCCI ਨੇ ਭਾਰਤੀ ਟੀਮ ਦੇ ਨਵੇਂ ਮੁੱਖ ਕੋਚ ਲਈ ਮੰਗੀਆਂ ਅਰਜ਼ੀਆਂ, ਇਸ ਦਿਨ ਤੱਕ ਦਾ ਹੈ ਸਮਾਂ
ਦੂਜੇ ਸੈਮੀਫਾਈਨਲ ’ਚ ਰਿਜ਼ਰਵ ਡੇ ਨਹੀਂ ਹੋਵੇਗਾ | T20 World Cup 2024
ਦੂਜੇ ਸੈਮੀਫਾਈਨਲ ਲਈ ਕੋਈ ਰਿਜ਼ਰਵ ਡੇ ਨਹੀਂ ਹੋਵੇਗਾ। ਇਸ ਦੀ ਬਜਾਏ, ਮੈਚ ਲਈ 250 ਮਿੰਟਾਂ ਦਾ ਵਾਧੂ ਸਮਾਂ ਦਿੱਤਾ ਜਾਵੇਗਾ। ਜਦਕਿ, ਪਹਿਲੇ ਸੈਮੀਫਾਈਨਲ ਤੇ ਫਾਈਨਲ ਲਈ 190 ਮਿੰਟਾਂ ਦੇ ਵਾਧੂ ਸਮੇਂ ਨਾਲ ਹੀ ਰਿਜਰਵ ਡੇ ਵੀ ਹੋਵੇਗਾ। ਸੈਮੀਫਾਈਨਲ-2 ’ਚ ਵਾਧੂ ਸਮਾਂ ਇਸ ਲਈ ਜੋੜਿਆ ਗਿਆ ਹੈ ਕਿਉਂਕਿ ਟੂਰਨਾਮੈਂਟ ਦੇ ਸ਼ੈਡਿਊਲ ’ਚ ਕਿਸੇ ਰਿਜ਼ਰਵ ਡੇ ਲਈ ਸਲਾਟ ਨਹੀਂ ਹੈ, ਦੂਜੇ ਸੈਮੀਫਾਈਨਲ ਤੇ ਫਾਈਨਲ ਵਿਚਕਾਰ ਸਿਰਫ ਇੱਕ ਦਿਨ ਦਾ ਫਰਕ ਹੈ। ਮੈਚ ’ਚ ਸੈਮੀਫਾਈਨਲ ਤੇ ਫਾਈਨਲ ਦੋਵਾਂ ’ਚ ਜੇਤੂ ਐਲਾਨ ਕਰਨ ਲਈ ਟੀਚੇ ਦਾ ਪਿੱਛਾ ਕਰਨ ਵਾਲੀ ਟੀਮ ਨੂੰ ਘੱਟ ਤੋਂ ਘੱਟ 10 ਓਵਰ ਖੇਡਣੇ ਹੋਣਗੇ। (T20 World Cup 2024)
ਕੈਨੇਡਾ ਤੇ ਅਮਰੀਕਾ ਵਿਚਕਾਰ ਹੋਵੇਗਾ ਟੂਰਨਾਮੈਂਟ ਦਾ ਪਹਿਲਾ ਮੈਚ | T20 World Cup 2024
ਇਸ ਵਾਰ ਟੀ20 ਵਿਸ਼ਵ ਕੱਪ 2 ਤੋਂ 29 ਜੂਨ ਤੱਕ ਵੈਸਟਇੰਡੀਜ਼ ਤੇ ਅਮਰੀਕਾ ’ਚ ਖੇਡਿਆ ਜਾਵੇਗਾ। ਟੂਰਨਾਮੈਂਟ ਦਾ ਪਹਿਲਾ ਮੈਚ ਕੈਨੇਡਾ ਤੇ ਘਰੇਲੂ ਟੀਮ ਅਮਰੀਕਾ ਵਿਚਕਾਰ ਡਲਾਸ ’ਚ ਖੇਡਿਆ ਜਾਵੇਗਾ। ਫਾਈਨਲ ਮੈਚ 29 ਜੂਨ ਨੂੰ ਵੈਸਟਇੰਡੀਜ਼ ਦੇ ਬਾਰਬਾਡੋਸ ਸ਼ਹਿਰ ’ਚ ਖੇਡਿਆ ਜਾਵੇਗਾ। ਸੁਪਰ-8 ਤੇ ਨਾਕਆਊਟ ਮੈਚ ਵੈਸਟਇੰਡੀਜ਼ ’ਚ ਹੋਣਗੇ। ਸੁਪਰ-8 ਦੀਆਂ ਟਾਪ-4 ਟੀਮਾਂ ਸੈਮੀਫਾਈਨਲ ’ਚ ਦਾਖਲ ਕਰਨਗੀਆਂ। ਟੀ20 ਵਿਸ਼ਵ ਕੱਪ ’ਚ ਗਰੁੱਪ ਸਟੇਜ ਦੇ ਮੁਕਾਬਲੇ 2 ਤੋਂ 17 ਜੂਨ ਤੱਕ ਹੋਣਗੇ। 19 ਤੋਂ 24 ਜੂਨ ਤੱਕ ਸੁਪਰ-8 ਸਟੇਜ ਦੇ ਮੁਕਾਬਲੇ ਹੋਣਗੇ। ਫਿਰ 26 ਜੂਨ ਤੋਂ ਨਾਕਆਊਟ ਸਟੇਜ ਸ਼ੁਰੂ ਹੋਵੇਗਾ। (T20 World Cup 2024)
ਪਾਕਿਸਤਾਨ ਨਾਲ 9 ਜੂਨ ਤੋਂ ਭਿੜੇਗੀ ਭਾਰਤੀ ਟੀਮ | T20 World Cup 2024
ਟੀਮ ਇੰਡੀਆ ਆਪਣਾ ਪਹਿਲਾ ਮੁਕਾਬਲਾ 5 ਜੂਨ ਨੂੰ ਆਇਰਲੈਂਡ ਖਿਲਾਫ ਖੇਡੇਗੀ। ਭਾਰਤੀ ਟੀਮ ਦਾ ਦੂਜਾ ਮੁਕਾਬਲਾ 9 ਜੂਨ ਨੂੰ ਪਾਕਿਸਤਾਨ, 12 ਜੂਨ ਨੂੰ ਤੀਜਾ ਮੁਕਾਬਲਾ ਅਮਰੀਕਾ ਤੇ 15 ਜੂਨ ਨੂੰ ਚੌਥਾ ਮੁਕਾਬਲਾ ਕੈਨੇਡਾ ਨਾਲ ਹੋਵੇਗਾ।
