ਨਵੀਂ ਦਿੱਲੀ (ਏਜੰਸੀ)। Namo Bharat: ਨਮੋ ਭਾਰਤ ਰੈਪਿਡ ਟ੍ਰੇਨਾਂ ਦਾ ਟ੍ਰਾਇਲ ਰਨ ਐਤਵਾਰ ਨੂੰ ਪਹਿਲੀ ਵਾਰ ਦਿੱਲੀ ਦੇ ਸਰਾਏ ਕਾਲੇ ਖਾਨ ਤੇ ਮੋਦੀਪੁਰਮ ਵਿਚਕਾਰ ਨਮੋ ਭਾਰਤ ਕੋਰੀਡੋਰ ’ਤੇ ਪੂਰਾ ਹੋਇਆ। ਰੈਪਿਡ ਨੇ 82 ਕਿਲੋਮੀਟਰ ਲੰਬਾ ਸਫ਼ਰ ਇੱਕ ਘੰਟੇ ਤੋਂ ਵੀ ਘੱਟ ਸਮੇਂ ’ਚ ਪੂਰਾ ਕੀਤਾ। ਇਸ ਟ੍ਰਾਇਲ ਦੌਰਾਨ, ਮੇਰਠ ਮੈਟਰੋ ਵੀ ਨਮੋ ਭਾਰਤ ਟ੍ਰੇਨਾਂ ਦੇ ਨਾਲ ਚੱਲ ਰਹੀ ਸੀ। ਇਸ ਦੇ ਨਾਲ ਹੀ, ਸ਼ਤਾਬਦੀਨਗਰ ਤੋਂ ਮੇਰਠ ਦੇ ਮੋਦੀਪੁਰਮ ਤੱਕ ਦੋ ਨਮੋ ਭਾਰਤ ਤੇ ਮੈਟਰੋ ਟ੍ਰੇਨਾਂ ਦਾ ਟ੍ਰਾਇਲ ਲਗਾਤਾਰ ਚੱਲ ਰਿਹਾ ਹੈ।
ਇਹ ਖਬਰ ਵੀ ਪੜ੍ਹੋ : Toll Plaza News: ਇਸ ਹਾਈਵੇਅ ਤੋਂ ਹਟਾਇਆ ਜਾਵੇਗਾ ਟੋਲ ਪਲਾਜ਼ਾ, ਮੁਫ਼ਤ ’ਚ ਲੰਘਣਗੇ ਵਾਹਨ, ਸਰਕਾਰ ਤੋਂ ਮਿਲੀ ਮਨਜ਼ੂਰੀ
ਲੋਕ ਦੋ ਮੈਟਰੋ ਅਤੇ ਦੋ ਨਮੋ ਭਾਰਤਾਂ ਨੂੰ ਇੱਕੋ ਸਮੇਂ ਟਰੈਕ ’ਤੇ ਵੇਖ ਕੇ ਉਤਸ਼ਾਹਿਤ ਹੋਏ ਤੇ ਇਸ ਦੀਆਂ ਫੋਟੋ ਵੀਡੀਓ ਸੋਸ਼ਲ ਮੀਡੀਆ ’ਤੇ ਸਾਂਝੀਆਂ ਕੀਤੀਆਂ। ਇਸ ਟ੍ਰਾਇਲ ਦੌਰਾਨ, ਨਮੋ ਭਾਰਤ ਟ੍ਰੇਨਾਂ ਨੂੰ ਪੂਰੇ 82 ਕਿਲੋਮੀਟਰ ਦੇ ਖੇਤਰ ’ਚ 160 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਆਪਣੀ ਜ਼ਿਆਦਾ ਤੋਂ ਜ਼ਿਆਦਾ ਓਪਰੇਟਿੰਗ ਸਪੀਡ ਨਾਲ ਬਿਨਾਂ ਕਿਸੇ ਰੁਕਾਵਟ ਦੇ ਚਲਾਇਆ ਗਿਆ। ਟ੍ਰੇਨਾਂ ਨੇ ਸਰਾਏ ਕਾਲੇ ਖਾਨ ਤੇ ਮੋਦੀਪੁਰਮ ਦੇ ਵਿਚਕਾਰ ਹਰ ਸਟੇਸ਼ਨ ’ਤੇ ਰੁਕਿਆ ਤੇ ਨਿਰਧਾਰਤ ਸ਼ਡਿਊਲ ਦੀ ਪਾਲਣਾ ਕਰਦੇ ਹੋਏ ਇੱਕ ਘੰਟੇ ਤੋਂ ਵੀ ਘੱਟ ਸਮੇਂ ’ਚ ਇਸ ਦੂਰੀ ਨੂੰ ਪੂਰਾ ਕੀਤਾ। ਇਸ ਵੇਲੇ, 11 ਸਟੇਸ਼ਨਾਂ ਵਾਲੇ ਕੋਰੀਡੋਰ ਦਾ 55 ਕਿਲੋਮੀਟਰ ਪਹਿਲਾਂ ਹੀ ਯਾਤਰੀਆਂ ਲਈ ਕਾਰਜਸ਼ੀਲ ਹੈ।
ਦਿੱਲੀ ’ਚ ਸਰਾਏ ਕਾਲੇ ਖਾਨ ਤੇ ਨਿਊ ਅਸ਼ੋਕ ਨਗਰ ਦੇ ਵਿਚਕਾਰ ਕੋਰੀਡੋਰ ਦਾ ਬਾਕੀ 4.5 ਕਿਲੋਮੀਟਰ ਤੇ ਮੇਰਠ ’ਚ ਮੇਰਠ ਸਾਊਥ ਤੇ ਮੋਦੀਪੁਰਮ ਦੇ ਵਿਚਕਾਰ 23 ਕਿਲੋਮੀਟਰ ਗੈਰ-ਕਾਰਜਸ਼ੀਲ ਭਾਗ ਅੰਤਿਮ ਫਿਨਿਸ਼ਿੰਗ ਕੰਮਾਂ ਦੇ ਨਾਲ-ਨਾਲ ਟ੍ਰਾਇਲ ਰਨ ਅਧੀਨ ਹੈ। ਅਤੁਲ ਮਹੇਸ਼ਵਰੀ ਓਵਰਬ੍ਰਿਜ ਦੇ ਨੇੜੇ, ਦੋ ਨਮੋ ਭਾਰਤ ਤੇ ਦੋ ਮੈਟਰੋ ਟ੍ਰੇਨਾਂ ਦਾ ਰੋਜ਼ਾਨਾ ਟ੍ਰਾਇਲ ਕੀਤਾ ਜਾ ਰਿਹਾ ਹੈ ਅਤੇ ਇੱਥੇ ਪਾਰਕ ਕੀਤਾ ਜਾ ਰਿਹਾ ਹੈ। ਲੋਕ ਇੱਕੋ ਸਮੇਂ ਚਾਰ ਟ੍ਰੇਨਾਂ ਦੀਆਂ ਫੋਟੋਆਂ ਤੇ ਵੀਡੀਓਜ਼ ਲਗਾਤਾਰ ਸਾਂਝੀਆਂ ਕਰ ਰਹੇ ਹਨ। ਉਹ ਖੁਸ਼ੀ ਦਾ ਪ੍ਰਗਟਾਵਾ ਕਰਦੇ ਹੋਏ ਅੰਦਾਜ਼ਾ ਲਾ ਰਹੇ ਹਨ ਕਿ ਟ੍ਰੇਨ ਜਲਦੀ ਹੀ ਸ਼ਹਿਰ ’ਚ ਚੱਲੇਗੀ। Namo Bharat
ਅਗਲੇ ਮਹੀਨੇ ਸਰਾਏ ਕਾਲੇ ਖਾਨ ਤੱਕ ਚੱਲਣ ਦੀਆਂ ਤਿਆਰੀਆਂ | Namo Bharat
ਨਮੋ ਭਾਰਤ ਰੈਪਿਡ ਟ੍ਰੇਨ ਦਾ ਜੁਲਾਈ ’ਚ ਵੀ ਸ਼ਤਾਬਦੀ ਨਗਰ ਤੱਕ ਚੱਲਣਾ ਸੰਭਵ ਨਹੀਂ ਜਾਪਦਾ। ਜੂਨ ਖਤਮ ਹੋਣ ਵਾਲਾ ਹੈ ਤੇ ਰੇਲਵੇ ਸੁਰੱਖਿਆ ਮੁਖੀ (ਸੀਆਰਐਸ) ਨੇ ਅਜੇ ਤੱਕ ਦੌਰਾ ਨਹੀਂ ਕੀਤਾ ਹੈ। ਦੱਸਿਆ ਗਿਆ ਹੈ ਕਿ ਉਨ੍ਹਾਂ ਦੇ ਨਿਰੀਖਣ ਤੋਂ ਬਾਅਦ, ਸੁਝਾਏ ਗਏ ਸੁਧਾਰਾਂ ’ਤੇ ਕੰਮ ਕੀਤਾ ਜਾਵੇਗਾ, ਜਿਸ ’ਚ ਆਮ ਤੌਰ ’ਤੇ ਇੱਕ ਮਹੀਨਾ ਲੱਗਦਾ ਹੈ। ਇਸ ਤੋਂ ਬਾਅਦ ਹੀ ਸ਼ਤਾਬਦੀ ਨਗਰ ਤੋਂ ਟ੍ਰੇਨ ਸੰਚਾਲਨ ਸੰਭਵ ਹੋਵੇਗਾ। ਦੂਜੇ ਪਾਸੇ, ਦਿੱਲੀ ਦੇ ਸਰਾਏ ਕਾਲੇ ਖਾਨ ਤੱਕ ਟ੍ਰਾਇਲ ਤੇਜ਼ ਰਫ਼ਤਾਰ ਨਾਲ ਚੱਲ ਰਿਹਾ ਹੈ। ਸੰਭਾਵਨਾ ਹੈ ਕਿ ਨਮੋ ਭਾਰਤ ਜੁਲਾਈ ’ਚ ਮੇਰਠ ਸਾਊਥ ਤੋਂ ਸਰਾਏ ਕਾਲੇ ਖਾਨ ਤੱਕ ਕੰਮ ਕਰਨਾ ਸ਼ੁਰੂ ਕਰ ਦੇਵੇਗਾ। Namo Bharat
