ਲਖਨਊ। ਗਾਜੀਪੁਰ ’ਚ ਮਾਫੀਆ ਮੁਖਤਾਰ ਅੰਸਾਰੀ ਦੀ ਮ੍ਰਿਤਕ ਦੇਹ ਨੂੰ ਯੂਸਫਪੁਰ ਦੇ ਉਸ ਦੇ ਜੱਦੀ ਕਬਰਿਸਤਾਨ ਕਾਲੀਬਾਗ ’ਚ ਸਪੁਰਦੇ ਖਾਕ ਕਰ ਦਿੱਤਾ ਗਿਆ ਹੈ। ਇਸ ਦੌਰਾਨ ਸੁਰੱਖਿਆ ਦੇ ਭਾਰੀ ਪ੍ਰਬੰਧ ਕੀਤੇ ਗਏ ਸਨ। ਮੁਖਤਾਰ ਦੇ ਪਰਿਵਾਰਕ ਮੈਂਬਰਾਂ ਸਮੇਤ ਉਸ ਦੇ ਵੱਡੇ ਭਰਾ ਸੰਸਦ ਮੈਂਬਰ ਅਫਜਲ ਅੰਸਾਰੀ, ਸਾਬਕਾ ਵਿਧਾਇਕ ਸਿਬਗਤੁੱਲ੍ਹਾ ਅੰਸਾਰੀ, ਭਤੀਜੇ ਮੁਹੰਮਦਾਬਾਦ ਦੇ ਵਿਧਾਇਕ ਸੁਹੈਬ ਅੰਸਾਰੀ, ਪੁੱਤਰ ਉਮਰ ਅੰਸਾਰੀ ਨੇ ਮੁਖਤਾਰ ਦੀ ਕਬਰ ’ਤੇ ਮਿੱਟੀ ਪਾ ਕੇ ਉਨ੍ਹਾਂ ਨੂੰ ਅੰਤਿਮ ਵਿਦਾਈ ਦਿੱਤੀ। ਅੰਤਿਮ ਸੰਸਕਾਰ ਮੌਕੇ ਸਥਾਨਕ ਲੋਕਾਂ ਦੀ ਭਾਰੀ ਭੀੜ ਇਕੱਠੀ ਹੋ ਗਈ। ਜ਼ਿਲ੍ਹਾ ਮੈਜਿਸਟ੍ਰੇਟ ਆਰਿਆਕਾ ਅਖੌਰੀ ਤੇ ਪੁਲਿਸ ਸੁਪਰਡੈਂਟ ਓਮਵੀਰ ਸਿੰਘ ਵੀ ਮੌਕੇ ’ਤੇ ਮੌਜੂਦ ਸਨ ਤੇ ਸੁਰੱਖਿਆ ਸਬੰਧੀ ਅਧਿਕਾਰੀਆਂ ਨੂੰ ਜਰੂਰੀ ਹਦਾਇਤਾਂ ਦਿੰਦੇ ਰਹੇ। (Mukhtar Ansari Death)
ਮੁਖਤਾਰ ਦੇ ਵਕੀਲ ਨੇ ਬਾਂਦਾ ਜੇਲ੍ਹ ਦੀ ਸੀਸੀਟੀਵੀ ਫੁਟੇਜ ਸੁਰੱਖਿਅਤ ਕਰਨ ਲਈ ਅਰਜੀ ਦਿੱਤੀ
ਮਾਫੀਆ ਮੁਖਤਾਰ ਅੰਸਾਰੀ ਦੀ ਮੌਤ ਦੇ ਕੁਝ ਘੰਟਿਆਂ ਅੰਦਰ, ਉਸਦੇ ਵਕੀਲ ਨੇ ਬਾਰਾਬੰਕੀ ਦੀ ਵਿਸ਼ੇਸ਼ ਅਦਾਲਤ ’ਚ ਇੱਕ ਅਰਜੀ ਦਾਇਰ ਕਰਕੇ ਆਪਣੇ ਮਰਹੂਮ ਮੁਵੱਕਿਲ ਦੀ ਮੌਤ ਦੇ ਐਲਾਨ ਦਾ ਹਵਾਲਾ ਦਿੰਦੇ ਹੋਏ ਤੇ ਐਫਆਈਆਰ ਦਰਜ ਕਰਨ ਤੇ ਬਾਂਦਾ ਜ਼ੇਲ੍ਹ ਵਿੱਚ ਸੀਸੀਟੀਵੀ ਫੁਟੇਜ ਨੂੰ ਸੁਰੱਖਿਅਤ ਕਰਨ ਦੀ ਬੇਨਤੀ ਕੀਤੀ ਹੈ। ਗੈਂਗਸਟਰ ਮਾਮਲੇ ’ਚ ਮੁਖਤਾਰ ਅੰਸਾਰੀ ਤੇ ਉਸ ਦੇ 12 ਹੋਰ ਸਾਥੀਆਂ ਦੀ ਸ਼ੁੱਕਰਵਾਰ ਨੂੰ ਪੇਸ਼ੀ ਤੈਅ ਸੀ। ਫਿਲਹਾਲ ਅਦਾਲਤ ਨੇ ਇਸ ਅਰਜੀ ’ਤੇ ਕੋਈ ਫੈਸਲਾ ਨਹੀਂ ਦਿੱਤਾ ਹੈ। (Mukhtar Ansari Death)
ਜ਼ਿਲ੍ਹੇ ’ਚ ਮੁਖਤਾਰ ਅੰਸਾਰੀ ਤੇ ਉਸ ਦੇ 12 ਸਾਥੀਆਂ ਖਿਲਾਫ਼ ਜਾਅਲੀ ਦਸਤਾਵੇਜਾਂ ਨਾਲ ਐਂਬੂਲੈਂਸ ਰਜਿਸਟਰਡ ਕਰਨ ਦੇ ਦੋਸ਼ਾਂ ਤਹਿਤ ਧੋਖਾਧੜੀ ਤੇ ਗੈਂਗਵਾਰ ਦੇ ਕੇਸਾਂ ’ਚ ਵੱਖ-ਵੱਖ ਅਦਾਲਤਾਂ ’ਚ ਸੁਣਵਾਈ ਚੱਲ ਰਹੀ ਹੈ। ਮੁਖਤਾਰ ਅੰਸਾਰੀ ਨੂੰ ਬੰਦਾ ਜ਼ੇਲ੍ਹ ਤੋਂ ਵੀਡੀਓ ਕਾਨਫਰੰਸਿੰਗ ਰਾਹੀਂ ਪੇਸ਼ ਕੀਤਾ ਗਿਆ। ਗੈਂਗਸਟਰ ਮਾਮਲੇ ’ਚ ਸ਼ੁੱਕਰਵਾਰ ਨੂੰ ਐਮਪੀਐਮਐਲਏ ਅਦਾਲਤ ਦੇ ਵਿਸ਼ੇਸ਼ ਜੱਜ ਵਧੀਕ ਸੈਸ਼ਨ ਜੱਜ ਕਮਲਕਾਂਤ ਸ੍ਰੀਵਾਸਤਵ ਦੀ ਅਦਾਲਤ ’ਚ ਹਾਜਰ ਹੋਏ। (Mukhtar Ansari Death)
ਇਸ ਦੌਰਾਨ ਮੁਖਤਾਰ ਅੰਸਾਰੀ ਦੇ ਵਕੀਲ ਰਣਧੀਰ ਸਿੰਘ ਸੁਮਨ ਨੇ ਅਦਾਲਤ ਨੂੰ ਇੱਕ ਅਰਜੀ ਦਿੱਤੀ। ਅਰਜੀ ’ਚ ਮੁਖਤਾਰ ਅੰਸਾਰੀ ਨੂੰ ਬਿਨੈਕਾਰ ਦੱਸਦੇ ਹੋਏ ਕਿਹਾ ਗਿਆ ਹੈ ਕਿ 21 ਮਾਰਚ ਨੂੰ ਮੁਖਤਾਰ ਅੰਸਾਰੀ ਨੇ ਅਦਾਲਤ ਨੂੰ ਇੱਕ ਪੱਤਰ ਦਿੱਤਾ ਸੀ। ਜਿਸ ਵਿੱਚ ਮੁਖਤਾਰ ਨੇ 19 ਮਾਰਚ ਨੂੰ ਬੰਦਾ ਜ਼ੇਲ੍ਹ ’ਚ ਜਹਿਰੀਲਾ ਪਦਾਰਥ ਖੁਆਉਣ ਦੀ ਗੱਲ ਕਹੀ ਸੀ। ਹੁਣ ਉਸ ਦੀ ਭੇਤਭਰੀ ਹਾਲਤ ’ਚ ਮੌਤ ਹੋ ਗਈ, ਇਸ ਲਈ ਮੁਖਤਾਰ ਦੇ ਬਿਆਨ ਨੂੰ ਉਸ ਦੀ ਮੌਤ ਦੀ ਸਜਾ ਮੰਨ ਕੇ ਕੇਸ ਦਰਜ ਕਰਨ ਦੀ ਲੋੜ ਹੈ। (Mukhtar Ansari Death)
