ਮੇਸੀ ਨੂੰ ਮਿਲਿਆ ਫੁੱਟਬਾਲ ਦਾ ਸਭ ਤੋਂ ਵੱਡਾ ਬੇਲੋਨ ਡਿਓਰ ਐਵਾਰਡ
ਅਰਜਨਟੀਨਾ (ਸੱਚ ਕਹੂੰ ਨਿਊਜ਼)। ਅਰਜਨਟੀਨਾ ਦੇ ਸਟਾਰ ਖਿਡਾਰੀ ਲਿਓਨਲ ਮੇਸੀ ਨੇ ਸੱਤਵੀਂ ਵਾਰ ਫੁੱਟਬਾਲ ਜਗਤ ਦਾ ਸਭ ਤੋਂ ਵੱਡਾ ਖਿਤਾਬ ਬੈਲੇਨ ਡਿਓਰ ਪੁਰਸਕਾਰ ਜਿੱਤਿਆ ਹੈ। ਇਸ ਦੇ ਨਾਲ ਹੀ ਰਾਬਰਟ ਲੇਵਾਂਡੋਵਸਕੀ ਨੂੰ ਸਾਲ ਦਾ ਸਰਵੋਤਮ ਸਟ੍ਰਾਈਕਰ ਚੁਣਿਆ ਗਿਆ ਹੈ। ਮੇਸੀ ਨੇ 2009, 2010, 2011, 2015 ਅਤੇ 2019 ਵਿੱਚ ਇਹ ਐਵਾਰਡ ਜਿੱਤਿਆ ਸੀ। ਇਸ 34 ਸਾਲਾ ਖਿਡਾਰੀ ਨੇ ਪਿਛਲੇ ਸੀਜ਼ਨ ਵਿੱਚ ਬਾਰਸੀਲੋਨਾ ਲਈ 48 ਮੈਚਾਂ ਵਿੱਚ 38 ਗੋਲ ਕੀਤੇ ਸਨ। ਪਿਛਲੇ 10 ਸਾਲਾਂ ਵਿੱਚ ਇਹ ਪਹਿਲੀ ਵਾਰ ਸੀ ਜਦੋਂ ਕ੍ਰਿਸਟੀਆਨੋ ਰੋਨਾਲਡੋ ਇਸ ਪੁਰਸਕਾਰ ਦੀ ਦੌੜ ਵਿੱਚ ਟਾਪ-3 ਵਿੱਚ ਨਹੀਂ ਸਨ। ਇਸ ਤੋਂ ਇਲਾਵਾ ਲਿਓਨੇਲ ਮੇਸੀ ਨੂੰ PSG ਲਈ ਖੇਡਣ ਲਈ ਹਰ ਸਾਲ ਲਗਭਗ 25 ਮਿਲੀਅਨ ਪੌਂਡ (ਕਰੀਬ 258 ਕਰੋੜ ਰੁਪਏ) ਮਿਲਦੇ ਹਨ।
What more to say? Lionel Messi!
🖐✌️#ballondor pic.twitter.com/NLlAXZu4Xb
— Ballon d'Or (@ballondor) November 29, 2021
ਮੇਸੀ ਨੇ ਬਾਰਸੀਲੋਨਾ ਨਾਲ ਕੁੱਲ 35 ਟਰਾਫੀਆਂ ਜਿੱਤੀਆਂ
ਅਰਜਨਟੀਨਾ ਨੇ ਇਸ ਸਾਲ ਜੁਲਾਈ ਵਿੱਚ ਮੇਸੀ ਦੀ ਕਪਤਾਨੀ ਵਿੱਚ ਕੋਪਾ ਅਮਰੀਕਾ ਕੱਪ ਜਿੱਤਿਆ ਸੀ। ਇਹ ਮੇਸੀ ਦੇ ਸ਼ਾਨਦਾਰ ਕਰੀਅਰ ਦਾ ਪਹਿਲਾ ਅੰਤਰਰਾਸ਼ਟਰੀ ਖਿਤਾਬ ਸੀ। ਬਾਰਸੀਲੋਨਾ ਲਈ 21 ਸਾਲ ਤੱਕ ਖੇਡਣ ਵਾਲੇ ਮੇਸੀ ਨੇ ਬਾਰਸੀਲੋਨਾ ਨਾਲ ਕੁੱਲ 35 ਟਰਾਫੀਆਂ ਜਿੱਤੀਆਂ। ਇਸ ਸਾਲ ਉਹ ਪੈਰਿਸ ਸੇਂਟ ਜਰਮੇਨ (PSG) ਕਲੱਬ ਵਿੱਚ ਸ਼ਾਮਲ ਹੋਇਆ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ
