ਪੰਜ ਕਿਲੋਮੀਟਰ ਤੱਕ ਗੂੰਜੀ ਆਵਾਜ | Chittorgarh News
ਚਿਤੌੜਗੜ੍ਹ (ਸੱਚ ਕਹੂੰ ਨਿਊਜ਼)। ਸੋਮਵਾਰ ਰਾਤ ਕਰੀਬ 11 ਵਜੇ ਚਿਤੌੜਗੜ੍ਹ ਜ਼ਿਲ੍ਹੇ ਦੇ ਕਪਾਸਨ ਸਥਿਤ ਰੀਕੋ ਇੰਡਸਟਰੀਅਲ ਏਰੀਆ ’ਚ ਇੱਕ ਕੈਮੀਕਲ ਫੈਕਟਰੀ ’ਚ ਵੱਡਾ ਹਾਦਸਾ ਵਾਪਰ ਗਿਆ। ਬੁਆਇਲਰ ਫਟਣ ਕਾਰਨ ਮਾਰੂਨ ਇੰਡਸਟਰੀਜ਼ ’ਚ ਭਿਆਨਕ ਅੱਗ ਲੱਗ ਗਈ। ਧਮਾਕਾ ਇੰਨਾ ਜ਼ਬਰਦਸਤ ਸੀ ਕਿ ਇਸ ਦੀ ਆਵਾਜ਼ ਕਰੀਬ 5 ਕਿਲੋਮੀਟਰ ਦੀ ਦੂਰੀ ਤੱਕ ਸੁਣਾਈ ਦਿੱਤੀ।
ਇਹ ਖਬਰ ਵੀ ਪੜ੍ਹੋ : Nepal Social Media Bill: ਨੇਪਾਲ ’ਚ ਸੋਸ਼ਲ ਮੀਡੀਆ ’ਤੇ ਪਾਬੰਦੀ ਲਾਉਣ ਵਾਲਾ ਬਿੱਲ ਲਿਆ ਵਾਪਸ
ਐਸਡੀਐਮ ਤਹਿਸੀਲਦਾਰ ਦਫ਼ਤਰਾਂ ਵਿੱਚ ਲੋਹੇ ਦੇ ਟੋਟੇ ਹੋਣ ਕਾਰਨ ਹੋਇਆ ਨੁਕਸਾਨ
ਧਮਾਕੇ ਤੋਂ ਬਾਅਦ ਹਜ਼ਾਰਾਂ ਕਿਲੋ ਵਜ਼ਨ ਵਾਲੇ ਲੋਹੇ ਦੇ ਟੁਕੜੇ ਹਵਾ ’ਚ ਉੱਡ ਗਏ ਤੇ ਕਰੀਬ 300 ਮੀਟਰ ਦੂਰ ਪੰਚਾਇਤੀ ਇਮਾਰਤ ਤੱਕ ਡਿੱਗ ਗਏ। ਇਨ੍ਹਾਂ ਟੁਕੜਿਆਂ ਦੀ ਲਪੇਟ ’ਚ ਆਉਣ ਕਾਰਨ ਪੰਚਾਇਤੀ ਥਾਂ ਦੇ ਨੇੜੇ ਸਥਿਤ ਐਸਡੀਐਮ ਅਤੇ ਤਹਿਸੀਲਦਾਰ ਦਫ਼ਤਰਾਂ ’ਚ ਵੀ ਨੁਕਸਾਨ ਹੋਇਆ ਹੈ। ਐਸਡੀਐਮ ਦਫ਼ਤਰ ਦੀ ਛੱਤ ਦੀ ਕੰਧ ਟੁੱਟ ਗਈ। Chittorgarh News
ਅੱਗ ਨੇ ਨੇੜਲੇ ਸਕਰੈਪ ਫੈਕਟਰੀ ਨੂੰ ਵੀ ਲਿਆ ਆਪਣੀ ਲਪੇਟ ’ਚ
ਅੱਗ ਇੰਨੀ ਭਿਆਨਕ ਸੀ ਕਿ ਕੈਮੀਕਲ ਫੈਕਟਰੀ ਨੇੜੇ ਬਣੀ ਸਕਰੈਪ ਫੈਕਟਰੀ ਵੀ ਇਸ ਦੀ ਲਪੇਟ ਵਿੱਚ ਆ ਗਈ। ਸਕਰੈਪ ਫੈਕਟਰੀ ਦਾ ਟੀਨ ਸ਼ੈੱਡ ਉੱਡ ਗਿਆ ਤੇ ਕੰਧਾਂ ’ਚ ਤਰੇੜਾਂ ਆ ਗਈਆਂ। ਅੱਗ ਲੱਗਣ ਕਾਰਨ ਫੈਕਟਰੀ ਦਾ ਇੱਕ ਹਿੱਸਾ ਢਹਿ ਗਿਆ। ਸਥਾਨਕ ਲੋਕਾਂ ਮੁਤਾਬਕ ਅਚਾਨਕ ਜ਼ੋਰਦਾਰ ਧਮਾਕੇ ਕਾਰਨ ਉਹ ਜਾਗ ਗਏ ਤੇ ਲੋਕ ਡਰ ਗਏ ਤੇ ਘਰਾਂ ਤੋਂ ਬਾਹਰ ਆ ਗਏ। ਚਾਰੇ ਪਾਸੇ ਅੱਗ ਦੀਆਂ ਲਪਟਾਂ ਦਿਖਾਈ ਦੇ ਰਹੀਆਂ ਸਨ। ਉੱਥੇ ਹੀ ਇੱਕ ਘਰ ਦੀ ਛੱਤ ’ਤੇ ਡਿੱਗੇ ਵਾਲਵ ਨੇ ਪਟੜੀ ਨੂੰ ਤੋੜ ਦਿੱਤਾ।
ਪ੍ਰਸ਼ਾਸਨ ਨੇ ਕੀਤੀ ਪੁਸ਼ਟੀ, ਕੋਈ ਜਾਨੀ ਨੁਕਸਾਨ ਨਹੀਂ | Chittorgarh News
ਜ਼ਿਲ੍ਹਾ ਕੁਲੈਕਟਰ ਆਲੋਕ ਰੰਜਨ ਨੇ ਦੱਸਿਆ ਕਿ ਫੈਕਟਰੀ ਮਾਲਕ ਨਾਲ ਗੱਲ ਕਰਕੇ ਮੁੱਢਲੀ ਜਾਣਕਾਰੀ ਇਕੱਠੀ ਕੀਤੀ ਗਈ ਹੈ। ਸ਼ੁਰੂਆਤੀ ਰਿਪੋਰਟਾਂ ਮੁਤਾਬਕ ਇਸ ਘਟਨਾ ’ਚ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ ਤੇ ਅੱਗ ’ਤੇ ਪੂਰੀ ਤਰ੍ਹਾਂ ਕਾਬੂ ਪਾ ਲਿਆ ਗਿਆ ਹੈ। ਕਾਰਨਾਂ ਦੀ ਜਾਂਚ ਜਾਰੀ ਹੈ। Chittorgarh News
