ਬੇਹੋਸ਼ੀ ਦੀ ਹਾਲਤ ’ਚ ਕੱਪੜੇ ’ਚ ਲਪੇਟ ਕੇ ਬੋਰਵੈੱਲ ਤੋਂ ਬਾਹਰ ਕੱਢਿਆ | Kotputli Borewell News
ਕੋਟਪੁਤਲੀ (ਸੱਚ ਕਹੂੰ ਨਿਊਜ਼)। Kotputli Borewell News: ਕੋਟਪੁਤਲੀ ’ਚ ਬੋਰਵੈੱਲ ’ਚ ਫਸੀ ਚੇਤਨਾ ਚੌਧਰੀ (3) ਨੂੰ 10 ਦਿਨਾਂ ਬਾਅਦ 170 ਫੁੱਟ ਦੀ ਡੂੰਘਾਈ ਤੋਂ ਬਾਹਰ ਕੱਢ ਲਿਆ ਗਿਆ ਹੈ। ਹਾਲਾਂਕਿ ਬੱਚੀ ਦੀ ਜਾਨ ਨਹੀਂ ਬਚਾਈ ਜਾ ਸਕੀ। ਐੱਸਡੀਆਰਐੱਫ ਦੀ ਟੀਮ ਨੇ ਬੋਰਵੈੱਲ ਦੇ ਸਮਾਨਾਂਤਰ ਇੱਕ ਸੁਰੰਗ ਪੁੱਟ ਕੇ ਬੱਚੀ ਨੂੰ ਬਾਹਰ ਕੱਢਿਆ। ਐੱਸਡੀਆਰਐੱਫ ਰਾਜਸਥਾਨ ਦੇ ਮੁਖੀ ਯੋਗੇਸ਼ ਮੀਨਾ ਨੇ ਦੱਸਿਆ ਕਿ ਬੱਚੀ ਨੂੰ ਬੇਹੋਸ਼ੀ ਦੀ ਹਾਲਤ ’ਚ ਬਾਹਰ ਕੱਢਿਆ ਗਿਆ ਸੀ, ਜਦੋਂ ਉਸ ਨੂੰ ਬਾਹਰ ਕੱਢਿਆ ਗਿਆ ਤਾਂ ਸਰੀਰ ’ਚ ਕੋਈ ਹਿਲਜੁਲ ਨਹੀਂ ਸੀ। 3 ਸਾਲਾਂ ਦੀ ਚੇਤਨਾ ਨੂੰ ਬੁੱਧਵਾਰ ਸ਼ਾਮ 6.25 ਵਜੇ ਬੋਰਵੈੱਲ ਤੋਂ ਬਾਹਰ ਕੱਢਿਆ ਗਿਆ।
ਇਹ ਖਬਰ ਵੀ ਪੜ੍ਹੋ : Barnala News: ਚਾਇਨਾ ਡੋਰ ਖਿਲਾਫ ਮੁਹਿੰਮ, ਟੀਮ ਵੱਲੋਂ ਚੈਕਿੰਗ ਦੌਰਾਨ 60 ਗੁੱਟੇ ਡੋਰ ਜਬਤ
ਐੱਸਡੀਆਰਐੱਫ ਦੇ ਜਵਾਨ ਮਹਾਵੀਰ ਜਾਟ ਨੇ ਚੇਤਨਾ ਨੂੰ ਚਿੱਟੇ ਕੱਪੜੇ ’ਚ ਲਪੇਟ ਕੇ ਬਾਹਰ ਲਿਆਂਦਾ। ਇਸ ਤੋਂ ਤੁਰੰਤ ਬਾਅਦ ਚੇਤਨਾ ਨੂੰ ਐਂਬੂਲੈਂਸ ਰਾਹੀਂ ਕੋਟਪੁਤਲੀ ਦੇ ਬੀਡੀਐਮ ਹਸਪਤਾਲ ਲਿਜਾਇਆ ਗਿਆ, ਡਾਕਟਰਾਂ ਦੀ ਟੀਮ ਨੇ ਬੱਚੀ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਚੇਤਨਾ 23 ਦਸੰਬਰ ਨੂੰ ਕੀਰਤਪੁਰਾ ਦੇ ਬਦਿਆਲੀ ਕੀ ਢਾਣੀ ’ਚ 700 ਫੁੱਟ ਡੂੰਘੇ ਬੋਰਵੈੱਲ ’ਚ ਡਿੱਗ ਗਈ ਸੀ। ਇਸ ਤੋਂ ਪਹਿਲਾਂ ਵੀ ਇਸ ਨੂੰ ਹਟਾਉਣ ਦੀਆਂ 5 ਤੋਂ ਜ਼ਿਆਦਾ ਕੋਸ਼ਿਸ਼ਾਂ ਨਾਕਾਮ ਹੋ ਗਈਆਂ ਸਨ। ਪੂਰੇ ਬਚਾਅ ਕਾਰਜ ਨੂੰ ਲੈ ਕੇ ਪ੍ਰਸ਼ਾਸਨ ਦੀ ਯੋਜਨਾ ’ਤੇ ਵੀ ਸਵਾਲ ਉਠਾਏ ਗਏ। ਬੋਰਵੈੱਲ ’ਚ ਫਸੀ ਚੇਤਨਾ ਕਰੀਬ 8 ਦਿਨਾਂ ਤੋਂ ਕੋਈ ਹਿਲਜੁਲ ਨਹੀਂ ਕਰ ਰਹੀ ਸੀ।
ਸਰੀਰ ਦੇ ਆਲੇ-ਦੁਆਲੇ ਤੋਂ ਮਿੱਟੀ ਨੂੰ ਉਂਗਲਾਂ ਨਾਲ ਹਟਾਇਆ | Kotputli Borewell News
ਬਚਾਅ ਮੁਹਿੰਮ ਚਲਾਉਣ ਵਾਲੇ ਐਨਡੀਆਰਐਫ ਦੇ ਜਵਾਨਾਂ ਨੇ ਦੱਸਿਆ ਕਿ ਚੇਤਨਾ ਦਾ ਸਰੀਰ ਚਿੱਕੜ ’ਚ ਫਸ ਗਈ ਸੀ। ਬੋਰਵੈੱਲ ’ਚ ਦਾਖਲ ਹੋਣ ਤੋਂ ਬਾਅਦ, ਉਸਨੇ ਆਪਣੀਆਂ ਉਂਗਲਾਂ ਨਾਲ ਆਪਣੇ ਸਰੀਰ ਦੇ ਆਲੇ-ਦੁਆਲੇ ਦੀ ਮਿੱਟੀ ਨੂੰ ਹਟਾ ਦਿੱਤਾ ਤੇ ਫਿਰ ਉਸਨੂੰ ਬਾਹਰ ਕੱਢਿਆ। ਬਚਾਅ ਕਾਰਜ ਦੌਰਾਨ ਕਈ ਤਰ੍ਹਾਂ ਦੀਆਂ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ। ਪੱਥਰ ਉੱਛਲ ਕੇ ਅੱਖਾਂ ’ਤੇ ਆ ਰਹੇ ਸਨ। ਸਾਹ ਲੈਣ ’ਚ ਤਕਲੀਫ਼ ਹੋ ਰਹੀ ਸੀ। ਪਏ ਪੱਥਰਾਂ ਨੂੰ ਤੋੜਨਾ ਪਿਆ। ਬੋਰਵੈੱਲ ਉਥੋਂ ਝੁਕਿਆ ਹੋਇਆ ਸੀ ਜਿੱਥੋਂ ਬੱਚੀ ਫਸੀ ਹੋਈ ਸੀ। ਹੇਠਾਂ ਜਾਂਦੇ ਸਮੇਂ ਲੜਕੀ ਉਥੇ ਹੀ ਫਸ ਗਈ।
ਹੁਣ ਤੱਕ ਦੇ ਘਟਨਾਕ੍ਰਮ ’ਤੇ ਇੱਕ ਨਜ਼ਰ… | Kotputli Borewell News
- 23 ਦਸੰਬਰ : ਕੀਰਤਪੁਰਾ ਦੀ ਬਦਿਆਲੀ ਢਾਣੀ ’ਚ ਦੁਪਹਿਰ 2 ਵਜੇ ਚੇਤਨਾ ਡਿੱਗੀ। ਸੂਚਨਾ ਮਿਲਣ ਤੋਂ ਬਾਅਦ ਬਚਾਅ ਦਲ ਪਹੁੰਚ ਗਏ। ਐਸਡੀਆਰਐਫ ਤੇ ਐਨਡੀਆਰਐਫ ਦੀਆਂ ਟੀਮਾਂ ਨੇ ਰਾਤ 9 ਵਜੇ ਬਚਾਅ ਸ਼ੁਰੂ ਕੀਤਾ।
- 24 ਦਸੰਬਰ : ਦੇਸੀ ਜੁਗਾੜ ਵਰਤ ਕੇ 15 ਫੁੱਟ ਤੱਕ ਪੁੱਟਿਆ ਪਰ ਫਿਰ ਕਾਰਵਾਈ ਅਟਕ ਗਈ।
- 25 ਦਸੰਬਰ : ਹਰਿਆਣਾ ਤੋਂ ਆਈ ਪਾਈਲਿੰਗ ਮਸ਼ੀਨ ਨਾਲ ਬੋਰਵੈੱਲ ਨੇੜੇ 40 ਫੁੱਟ ਡੂੰਘਾ ਟੋਆ ਪੁੱਟਣ ਤੋਂ ਬਾਅਦ ਮਸ਼ੀਨ ਬੰਦ ਹੋ ਗਈ। ਗੁਜਰਾਤ ਤੋਂ ਨਵੀਂ ਮਸ਼ੀਨ ਮੰਗਵਾਈ ਗਈ। ਰਾਤ ਨੂੰ ਉਤਰਾਖੰਡ ਤੋਂ ਰੈੱਟ ਮਾਈਨਿੰਗ ਟੀਮ ਪਹੁੰਚੀ।
- 26 ਦਸੰਬਰ : ਰੈੱਟ ਮਾਈਨਿੰਗ ਟੀਮ ਨੇ 170 ਫੁੱਟ ਡੂੰਘਾ ਟੋਆ ਪੁੱਟਿਆ ਤੇ ਸੁਰੱਖਿਆ ਪਾਈਪਾਂ ਪਾਈਆਂ।
- 27 ਦਸੰਬਰ : ਮੀਂਹ ਕਾਰਨ ਰੈਸਕਿਊ ’ਚ ਹੋਈ ਦੇਰੀ।
- 28 ਦਸੰਬਰ : 2 ਸਿਪਾਹੀ ਆਕਸੀਜਨ ਦੇ ਪੱਧਰ ਦੀ ਜਾਂਚ ਕਰਨ ਲਈ ਪਾਈਪ ’ਚ ਉਤਰੇ। ਐੱਲ ਆਕਾਰ ’ਚ ਸੁਰੰਗ ਦੀ ਖੁਦਾਈ ਕੀਤੀ ਗਈ।
- 29 ਦਸੰਬਰ : ਬਚਾਅ ਦਲ ਨੇ 4 ਫੁੱਟ ਤੱਕ ਸੁਰੰਗ ਪੁੱਟੀ ਤੇ ਬੋਰਵੈੱਲ ’ਚ ਉਤਰਿਆ। ਸੁਰੰਗ ਬਣਾਉਣ ’ਚ ਪੱਥਰ ਸਭ ਤੋਂ ਵੱਡੀ ਰੁਕਾਵਟ ਬਣੇ। ਪੱਥਰ ਤੋੜਨ ਲਈ ਮਸ਼ੀਨ ਮੰਗਵਾਈ ਗਈ।
- 30 ਦਸੰਬਰ : SDRF ਕਮਾਂਡੈਂਟ ਨੇ ਸਾਹ ਦੀ ਜਾਂਚ ਕੀਤੀ। ਲੇਜ਼ਰ ਅਲਾਈਨਮੈਂਟ ਡਿਵਾਈਸ ਨਾਲ ਜਾਂਚ ਕੀਤੀ ਗਈ।
- 31 ਦਸੰਬਰ : ਦੁਪਹਿਰ ਬਾਅਦ ਪਤਾ ਲੱਗਿਆ ਕਿ ਖੁਦਾਈ ਗਲਤ ਦਿਸ਼ਾ ਵੱਲ ਚੱਲ ਰਹੀ ਹੈ। ਲੋਕੇਸ਼ਨ ਟਰੈਕ ਕਰਨ ਲਈ ਜੀਪੀਆਰ ਮਸ਼ੀਨ ਮੰਗਵਾਈ ਗਈ।
