ਸਪੋਰਟਸ ਡੈਸਕ। IPL Final: ਇੰਡੀਅਨ ਪ੍ਰੀਮੀਅਰ ਲੀਗ (IPL) 2025 ਦਾ ਫਾਈਨਲ ਮੈਚ ਅੱਜ ਪੰਜਾਬ ਕਿੰਗਜ਼ ਤੇ ਰਾਇਲ ਚੈਲੇਂਜਰਜ਼ ਬੰਗਲੌਰ (ਆਰਸੀਬੀ) ਵਿਚਕਾਰ ਖੇਡਿਆ ਜਾਵੇਗਾ। ਦੋਵੇਂ 18 ਸਾਲ ਪਹਿਲਾਂ ਖਿਤਾਬ ਦੀ ਉਡੀਕ ਕਰ ਰਹੇ ਹਨ। ਇਹ ਮੈਚ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ’ਚ ਸ਼ਾਮ 7:30 ਵਜੇ ਤੋਂ ਖੇਡਿਆ ਜਾਵੇਗਾ। ਲੀਗ ਨੂੰ 3 ਸਾਲਾਂ ਬਾਅਦ ਇੱਕ ਨਵਾਂ ਚੈਂਪੀਅਨ ਮਿਲੇਗਾ। ਆਈਪੀਐੱਲ ਨੂੰ ਆਪਣਾ ਆਖਰੀ ਨਵਾਂ ਚੈਂਪੀਅਨ 2022 ’ਚ ਮਿਲਿਆ ਸੀ, ਜਦੋਂ ਗੁਜਰਾਤ ਟਾਈਟਨਜ਼ ਨੇ ਫਾਈਨਲ ’ਚ ਰਾਜਸਥਾਨ ਨੂੰ ਹਰਾਇਆ ਸੀ। ਬੰਗਲੌਰ ਚੌਥੀ ਵਾਰ ਤੇ ਪੰਜਾਬ ਦੂਜੀ ਵਾਰ ਫਾਈਨਲ ’ਚ ਪਹੁੰਚਿਆ ਹੈ, ਪਰ ਇਹ ਦੋਵਾਂ ਟੀਮਾਂ ਵਿਚਕਾਰ ਪਹਿਲਾ ਫਾਈਨਲ ਹੋਵੇਗਾ। ਆਰਸੀਬੀ 2009, 2011 ਤੇ 2016 ’ਚ ਫਾਈਨਲ ਹਾਰ ਗਈ ਹੈ, ਜਦੋਂ ਕਿ ਪੀਬੀਕੇਐਸ ਨੂੰ 2014 ’ਚ ਇੱਕੋ ਇੱਕ ਫਾਈਨਲ ਹਾਰਨਾ ਪਿਆ ਸੀ।
ਇਹ ਵੀ ਪੜ੍ਹੋ : Respect Your Parents: ਮਾਤਾ-ਪਿਤਾ ਦੀ ਅਣਦੇਖੀ ਨਹੀਂ, ਉਨ੍ਹਾਂ ਦਾ ਸਨਮਾਨ ਕਰੋ
ਮੈਚ ਸਬੰਧੀ ਜਾਣਕਾਰੀ | IPL Final
- ਟੂਰਨਾਮੈਂਟ : ਇੰਡੀਅਨ ਪ੍ਰੀਮੀਅਰ ਲੀਗ (ਆਈਪੀਐੱਲ)
- ਮੈਚ : ਫਾਈਨਲ ਮੁਕਾਬਲਾ
- ਟੀਮਾਂ : ਆਰਸੀਬੀ ਬਨਾਮ ਪੰਜਾਬ
- ਮਿਤੀ : 3 ਜੂਨ
- ਸਟੇਡੀਅਮ : ਨਰਿੰਦਰ ਮੋਦੀ ਸਟੇਡੀਅਮ, ਅਹਿਮਦਾਬਾਦ
- ਸਮਾਂ : ਟਾਸ, ਸ਼ਾਮ 7:00 ਵਜੇ, ਮੈਚ ਸ਼ੁਰੂ, ਸ਼ਾਮ 7:30 ਵਜੇ
ਕੋਹਲੀ ’ਤੇ ਹੋਣਗੀਆਂ ਨਜ਼ਰਾਂ | IPL Final
ਫਾਈਨਲ ਮੈਚ ’ਚ, ਇੱਕ ਵਾਰ ਫਿਰ ਸਾਰੀਆਂ ਨਜ਼ਰਾਂ ਵਿਰਾਟ ਕੋਹਲੀ ’ਤੇ ਹੋਣਗੀਆਂ, ਜਿਸਨੇ ਹਾਲ ਹੀ ’ਚ ਟੈਸਟ ਕ੍ਰਿਕੇਟ ਨੂੰ ਅਲਵਿਦਾ ਕਿਹਾ ਹੈ। ਕੋਹਲੀ ਇਸ ਸੀਜ਼ਨ ’ਚ ਸ਼ਾਨਦਾਰ ਫਾਰਮ ’ਚ ਹਨ ਤੇ ਉਸ ਤੋਂ ਫਾਈਨਲ ’ਚ ਵੱਡੀ ਪਾਰੀ ਖੇਡਣ ਦੀ ਉਮੀਦ ਕੀਤੀ ਜਾਵੇਗੀ। ਕੋਹਲੀ ਆਈਪੀਐਲ ਦੀ ਸ਼ੁਰੂਆਤ ਤੋਂ ਹੀ ਆਰਸੀਬੀ ਨਾਲ ਜੁੜੇ ਹੋਏ ਹਨ ਤੇ ਇਹ ਉਨ੍ਹਾਂ ਦਾ ਚੌਥਾ ਫਾਈਨਲ ਮੈਚ ਹੋਵੇਗਾ। ਨਰਿੰਦਰ ਮੋਦੀ ਸਟੇਡੀਅਮ ’ਚ ਹੋਣ ਵਾਲੇ ਫਾਈਨਲ ਮੈਚ ’ਚ ਜਰਸੀ ਨੰਬਰ 18 ਪਹਿਨੇ ਹਜ਼ਾਰਾਂ ਪ੍ਰਸ਼ੰਸਕਾਂ ਨੂੰ ਕੋਹਲੀ ਦਾ ਸਮਰਥਨ ਕਰਦੇ ਵੇਖਿਆ ਜਾ ਸਕਦਾ ਹੈ। ਕੋਹਲੀ (614 ਦੌੜਾਂ) ਨੇ ਹਰ ਸਾਲ ਵਾਂਗ ਇਸ ਵਾਰ ਵੀ ਵਧੀਆ ਪ੍ਰਦਰਸ਼ਨ ਕੀਤਾ ਹੈ। ਉਹ ਇਸ ਸਾਲ ਵੀ ਆਰਸੀਬੀ ਦੀ ਬੱਲੇਬਾਜ਼ੀ ਦੇ ਮੁੱਖ ਥੰਮ੍ਹ ਰਹੇ ਹਨ।
ਟਿਮ ਡੇਵਿਡ ਖੇਡਣਗੇ? | IPL Final
ਇਸ ਸਾਲ ਕੋਹਲੀ ਇੱਕਲੇ ਖਿਡਾਰੀ ਨਹੀਂ ਹਨ ਜਿਸ ’ਤੇ ਸਾਰਿਆਂ ਦਾ ਧਿਆਨ ਕੇਂਦਰਿਤ ਰਿਹਾ ਹੈ, ਪਰ ਉਨ੍ਹਾਂ ਚੁੱਪਚਾਪ ਆਰਸੀਬੀ ਨੂੰ ਮਜ਼ਬੂਤ ਕਰਨ ਲਈ ਕੰਮ ਕੀਤਾ ਹੈ। ਫਿਲ ਸਾਲਟ ਨੇ ਭਾਰਤੀ ਸੁਪਰਸਟਾਰ ਦਾ ਸਮਰਥਨ ਕਰਕੇ ਆਰਸੀਬੀ ਨੂੰ ਚੰਗੀ ਸ਼ੁਰੂਆਤ ਦਿੱਤੀ, ਜਦੋਂ ਕਿ ਮਯੰਕ ਅਗਰਵਾਲ, ਕਪਤਾਨ ਰਜਤ ਪਾਟੀਦਾਰ ਤੇ ਜਿਤੇਸ਼ ਸ਼ਰਮਾ ਬੱਲੇਬਾਜ਼ੀ ਲੜੀ ’ਚ ਭਰੋਸੇਯੋਗ ਖਿਡਾਰੀ ਹਨ। ਟਿਮ ਡੇਵਿਡ ਸੱਟ ਕਾਰਨ ਆਰਸੀਬੀ ਦੇ ਆਖਰੀ ਦੋ ਮੈਚਾਂ ’ਚ ਨਹੀਂ ਖੇਡ ਸਕੇ ਸਨ, ਇਸ ਲਈ ਇਹ ਵੇਖਣਾ ਬਾਕੀ ਹੈ ਕਿ ਉਹ ਇਸ ਮੈਚ ਲਈ ਫਿੱਟ ਹੈ ਜਾਂ ਨਹੀਂ। ਉਨ੍ਹਾਂ ਰੋਮਾਰੀਓ ਸ਼ੈਫਰਡ ਦੇ ਨਾਲ ਡੈਥ ਓਵਰਾਂ ’ਚ ਮਹੱਤਵਪੂਰਨ ਭੂਮਿਕਾ ਨਿਭਾਈ ਹੈ।
ਹੇਜ਼ਲਵੁੱਡ-ਭੁਵਨੇਸ਼ਵਰ ਦੀ ਮੌਜ਼ੂਦਗੀ ਕਾਰਨ ਗੇਂਦਬਾਜ਼ੀ ਹੈ ਮਜ਼ਬੂਤ
ਆਰਸੀਬੀ ਲਈ, ਜੋਸ਼ ਹੇਜ਼ਲਵੁੱਡ ਤੇ ਭੁਵਨੇਸ਼ਵਰ ਕੁਮਾਰ ਦਾ ਫਾਰਮ ’ਚ ਹੋਣਾ ਇੱਕ ਰਾਹਤ ਵਾਲੀ ਖ਼ਬਰ ਹੈ। ਜੋਸ਼ ਹੇਜ਼ਲਵੁੱਡ (21 ਵਿਕਟਾਂ) ਨੇ ਆਰਸੀਬੀ ਲਈ ਮਹੱਤਵਪੂਰਨ ਯੋਗਦਾਨ ਪਾਇਆ ਹੈ। ਉਹ ਇਸ ਸਮੇਂ ਆਈਪੀਐਲ ਦੇ ਮੌਜ਼ੂਦਾ ਸੀਜ਼ਨ ’ਚ ਸਭ ਤੋਂ ਜ਼ਿਆਦਾ ਵਿਕਟਾਂ ਲੈਣ ਵਾਲਿਆਂ ਦੀ ਸੂਚੀ ’ਚ ਚੌਥੇ ਸਥਾਨ ’ਤੇ ਹੈ। ਆਰਸੀਬੀ ਨੇ ਇਸ ਵਾਰ ਸ਼ੁਰੂ ਤੋਂ ਅੰਤ ਤੱਕ ਵਧੀਆ ਪ੍ਰਦਰਸ਼ਨ ਕੀਤਾ ਹੈ, ਆਪਣੀਆਂ ਪਿਛਲੀਆਂ ਸਮੱਸਿਆਵਾਂ ਨੂੰ ਪਿੱਛੇ ਛੱਡ ਕੇ। ਉਨ੍ਹਾਂ ਪਹਿਲੇ ਕੁਆਲੀਫਾਇਰ ’ਚ ਪੰਜਾਬ ਨੂੰ 8 ਵਿਕਟਾਂ ਨਾਲ ਹਰਾ ਕੇ ਫਾਈਨਲ ’ਚ ਦਾਖਲ ਕੀਤਾ ਹੈ ਤੇ ਉਨ੍ਹਾਂ ਦੀ ਟੀਮ ਆਪਣੇ ਪ੍ਰਦਰਸ਼ਨ ਨੂੰ ਦੁਹਰਾਉਣ ਲਈ ਵਚਨਬੱਧ ਹੋਵੇਗੀ।
ਪਿੱਚ ਰਿਪੋਰਟ | IPL Final
ਨਰਿੰਦਰ ਮੋਦੀ ਸਟੇਡੀਅਮ ਦੀ ਪਿੱਚ ਬੱਲੇਬਾਜ਼ਾਂ ਦੀ ਮਦਦ ਕਰਦੀ ਹੈ। ਐਤਵਾਰ ਨੂੰ ਇੱਥੇ ਕੁਆਲੀਫਾਇਰ-2 ਖੇਡਿਆ ਗਿਆ। ਇਸ ’ਚ, ਪੰਜਾਬ ਨੇ ਮੁੰਬਈ ਵਿਰੁੱਧ 204 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕੀਤਾ। ਅਜਿਹੀ ਸਥਿਤੀ ’ਚ, ਅੱਜ ਵੀ ਇੱਕ ਉੱਚ ਸਕੋਰਿੰਗ ਮੈਚ ਵੇਖਿਆ ਜਾ ਸਕਦਾ ਹੈ। ਹੁਣ ਤੱਕ ਇਸ ਸਥਾਨ ’ਤੇ 43 ਆਈਪੀਐਲ ਮੈਚ ਖੇਡੇ ਜਾ ਚੁੱਕੇ ਹਨ। ਇੱਥੇ ਪਹਿਲਾਂ ਬੱਲੇਬਾਜ਼ੀ ਕਰਨ ਵਾਲੀ ਟੀਮ ਨੇ 21 ਮੈਚ ਜਿੱਤੇ ਹਨ ਤੇ ਦੂਜੀ ਪਾਰੀ ’ਚ ਬੱਲੇਬਾਜ਼ੀ ਕਰਨ ਵਾਲੀ ਟੀਮ ਨੇ ਵੀ 22 ਮੈਚ ਜਿੱਤੇ ਹਨ। ਨਰਿੰਦਰ ਮੋਦੀ ਸਟੇਡੀਅਮ ਦਾ ਸਭ ਤੋਂ ਵੱਧ ਟੀਮ ਸਕੋਰ 243/5 ਹੈ, ਜੋ ਪੰਜਾਬ ਕਿੰਗਜ਼ ਨੇ ਇਸ ਸੀਜ਼ਨ ’ਚ ਗੁਜਰਾਤ ਟਾਈਟਨਜ਼ ਵਿਰੁੱਧ ਬਣਾਇਆ ਸੀ। ਇੱਥੇ ਪਹਿਲੀ ਪਾਰੀ ’ਚ 210 ਦੌੜਾਂ ਬਣਾਉਣਾ ਇੱਕ ਜਿੱਤ ਦਾ ਕੁੱਲ ਸਕੋਰ ਹੈ। ਜੇਕਰ ਸਕੋਰ ਇਸ ਤੋਂ ਘੱਟ ਹੈ, ਤਾਂ ਟੀਮਾਂ ਪਿੱਛਾ ਕਰਦੀਆਂ ਹਨ।
ਮੌਸਮ ਸਬੰਧੀ ਜਾਣਕਾਰੀ | IPL Final
ਮੈਚ ਨੂੰ ਧਿਆਨ ’ਚ ਰੱਖਦੇ ਹੋਏ ਸੋਮਵਾਰ ਨੂੰ ਅਹਿਮਦਾਬਾਦ ’ਚ ਮੌਸਮ ਚੰਗਾ ਨਹੀਂ ਰਹੇਗਾ। ਦੁਪਹਿਰ ਨੂੰ ਧੁੱਪ ਦੇ ਨਾਲ-ਨਾਲ ਬੱਦਲ ਵੀ ਰਹਿਣਗੇ, ਪਰ ਮੀਂਹ ਦੀ ਸੰਭਾਵਨਾ 62 ਫੀਸਦੀ ਹੈ। ਮੈਚ ਵਾਲੇ ਦਿਨ ਇੱਥੇ ਤਾਪਮਾਨ 27 ਤੋਂ 38 ਡਿਗਰੀ ਸੈਲਸੀਅਸ ਦੇ ਵਿਚਕਾਰ ਰਹਿ ਸਕਦਾ ਹੈ। ਹਵਾ ਦੀ ਗਤੀ 15 ਕਿਲੋਮੀਟਰ ਪ੍ਰਤੀ ਘੰਟਾ ਹੋਵੇਗੀ। ਇੱਥੇ ਕੁਆਲੀਫਾਇਰ-2 ਵੀ ਮੀਂਹ ਕਾਰਨ ਪ੍ਰਭਾਵਿਤ ਹੋਇਆ। ਮੈਚ 2 ਘੰਟੇ ਦੀ ਦੇਰੀ ਨਾਲ ਸ਼ੁਰੂ ਹੋਇਆ। ਜੇਕਰ ਫਾਈਨਲ ’ਚ ਮੀਂਹ ਪੈਂਦਾ ਹੈ, ਤਾਂ 120 ਮਿੰਟ ਦਾ ਵਾਧੂ ਸਮਾਂ ਦਿੱਤਾ ਜਾਵੇਗਾ। ਜੇਕਰ ਉਸ ਸਮੇਂ ਦੌਰਾਨ ਵੀ ਮੈਚ ਨਹੀਂ ਹੁੰਦਾ ਹੈ, ਤਾਂ ਇਹ ਰਿਜ਼ਰਵ ਡੇਅ ਭਾਵ 4 ਜੂਨ ਨੂੰ ਖੇਡਿਆ ਜਾਵੇਗਾ। ਜੇਕਰ ਰਿਜ਼ਰਵ ਡੇਅ ’ਤੇ ਵੀ ਕੋਈ ਨਤੀਜਾ ਨਹੀਂ ਨਿਕਲਦਾ ਹੈ, ਤਾਂ ਟਰਾਫੀ ਦੋਵਾਂ ਟੀਮਾਂ ਵਿਚਕਾਰ ਸਾਂਝੀ ਕੀਤੀ ਜਾਵੇਗੀ।
ਦੋਵਾਂ ਟੀਮਾਂ ਦੀ ਸੰਭਾਵਿਤ ਪਲੇਇੰਗ-11
ਰਾਇਲ ਚੈਲੇਂਜਰਜ਼ ਬੰਗਲੌਰ : ਰਜਤ ਪਾਟੀਦਾਰ (ਕਪਤਾਨ), ਫਿਲ ਸਾਲਟ, ਵਿਰਾਟ ਕੋਹਲੀ, ਮਯੰਕ ਅਗਰਵਾਲ, ਲਿਆਮ ਲਿਵਿੰਗਸਟੋਨ/ਟਿਮ ਡੇਵਿਡ, ਜਿਤੇਸ਼ ਸ਼ਰਮਾ (ਵਿਕਟਕੀਪਰ), ਰੋਮਾਰੀਓ ਸ਼ੈਫਰਡ, ਕਰੁਣਾਲ ਪੰਡਯਾ, ਭੁਵਨੇਸ਼ਵਰ ਕੁਮਾਰ, ਯਸ਼ ਦਿਆਲ, ਜੋਸ਼ ਹੇਜ਼ਲਵੁੱਡ।
ਇੰਮਪੈਕਟ ਖਿਡਾਰੀ : ਸੁਯਸ਼ ਸ਼ਰਮਾ
ਪੰਜਾਬ ਕਿੰਗਜ਼ : ਸ਼੍ਰੇਅਸ ਅਈਅਰ (ਕਪਤਾਨ), ਪ੍ਰਿਯਾਂਸ਼ ਆਰੀਆ, ਪ੍ਰਭਸਿਮਰਨ ਸਿੰਘ, ਜੋਸ਼ ਇੰਗਲਿਸ (ਵਿਕਟਕੀਪਰ), ਨੇਹਲ ਵਢੇਰਾ, ਸ਼ਸ਼ਾਂਕ ਸਿੰਘ, ਮਾਰਕਸ ਸਟੋਇਨਿਸ, ਅਜ਼ਮਤੁੱਲਾ ਓਮਰਜ਼ਈ, ਵਿਜੇ ਕੁਮਾਰ ਵੈਸਾਖ, ਕਾਇਲ ਜੈਮੀਸਨ, ਅਰਸ਼ਦੀਪ ਸਿੰਘ।
ਇੰਮਪੈਕਟ ਪਲੇਅਰ : ਯੁਜ਼ਵੇਂਦਰ ਚਾਹਲ/ਹਰਪ੍ਰੀਤ ਬਰਾੜ।
