ਜਡੇਜਾ ਨੇ ਆਖਿਰੀ ਦੋ ਗੇਂਦਾਂ ’ਤੇ ਬਣਾਈਆਂ 10 ਦੌੜਾਂ | TATA IPL 2023
- ਧੋਨੀ ਨੇ ਰੋਹਿਤ ਦੀ ਕੀਤੀ ਬਰਾਬਰੀ
ਅਹਿਮਦਾਬਾਦ, (ਏਜੰਸੀ)। ਚੈੱਨਈ ਸੁਪਰ ਕਿੰਗਜ ਨੇ ਆਈਪੀਐੱਲ (TATA IPL 2023) 2023 ਦਾ ਖਿਤਾਬ ਆਪਣੇ ਨਾਂਅ ਕਰ ਲਿਆ ਹੈ। ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ’ਚ ਖੇਡੇ ਗਏ ਫਾਈਨਲ ਮੁਕਾਬਲੇ ’ਚ ਚੈੱਨਈ ਨੇ ਗੁਜਰਾਤ ਟਾਈਂਟਸ ਨੂੰ 5 ਵਿਕਟਾਂ ਨਾਲ ਹਰਾ ਦਿੱਤਾ। 25 ਗੇਂਦਾਂ ’ਤੇ 47 ਦੋੜਾਂ ਬਣਾਉਣ ਵਾਲੇ ਡੇਵੋਨ ਕਾਨਵੇ ਪਲੇਅਰ ਆਫ ਦਾ ਮੈਚ ਬਣੇ। ਚੈੱਨਈ ਨੂੰ ਆਖਰੀ ਦੋ ਗੇਂਦਾਂ ’ਤੇ 10 ਦੌੜਾਂ ਦੀ ਜ਼ਰੂਰਤ ਸੀ। ਰਵਿੰਦਰ ਜਡੇਜਾ ਨੇ ਪੰਜਵੀਂ ਗੇਂਦ ’ਤੇ ਛੱਕਾ ਅਤੇ ਆਖਰੀ ਗੇਂਦ ’ਤੇ ਚੌਕਾ ਲਾ ਕੇ ਸੀਐਸਕੇ ਨੂੰ ਪੰਜਵੀਂ ਵਾਰ ਆਈਪੀਐਲ ਚੈਂਪੀਅਨ ਬਣਾਇਆ। ਇਸ ਦੇ ਨਾਲ ਹੀ ਕਪਤਾਨ ਮਹਿੰਦਰ ਸਿੰਘ ਧੋਨੀ ਨੇ ਸਭ ਤੋਂ ਵੱਧ ਆਈਪੀਐੱਲ ਖਿਤਾਬ ਜਿੱਤਣ ਦੇ ਮਾਮਲੇ ’ਚ ਰੋਹਿਤ ਸ਼ਰਮਾ ਦੀ ਬਰਾਬਰੀ ਕਰ ਲਈ ਹੈ। ਰੋਹਿਤ ਨੇ ਆਪਣੀ ਕਪਤਾਨੀ ’ਚ ਮੁੰਬਈ ਨੂੰ ਪੰਜ ਵਾਰ ਜੇਤੂ ਬਣਾਇਆ ਹੈ। ਹੁਣ ਧੋਨੀ ਵੀ ਚੇਨਈ ਨੂੰ ਪੰਜ ਵਾਰ ਚੈਂਪੀਅਨ ਬਣਾ ਚੁੱਕੇ ਹਨ। ਚੇਨਈ ਨੇ ਇਸ ਤੋਂ ਪਹਿਲਾਂ 2010, 2011, 2018 ਅਤੇ 2021 ’ਚ ਖਿਤਾਬ ਜਿੱਤਿਆ ਸੀ।
ਇਹ ਵੀ ਪੜ੍ਹੋ : ਐਨਡੀਪੀਐੱਸ ਐਕਟ ਦੇ ਤਹਿਤ ਬਰਾਮਦ ਨਸ਼ੇ ਕੀਤੇ ਨਸ਼ਟ
15 ਓਵਰਾਂ ’ਚ ਬਣਾਈਆਂ 171 ਦੌੜਾਂ | TATA IPL 2023
ਰਿਜਰਵ ਡੇਅ ’ਤੇ ਖੇਡੇ ਗਏ ਫਾਈਨਲ ਮੈਚ ’ਚ ਧੋਨੀ ਨੇ (TATA IPL 2023) ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜੀ ਕਰਨ ਦਾ ਫੈਸਲਾ ਕੀਤਾ। ਗੁਜਰਾਤ ਨੇ 20 ਓਵਰਾਂ ’ਚ ਚਾਰ ਵਿਕਟਾਂ ਗੁਆ ਕੇ 214 ਦੌੜਾਂ ਬਣਾਈਆਂ। ਸਾਈ ਸੁਦਰਸ਼ਨ ਨੇ 47 ਗੇਂਦਾਂ ’ਤੇ 96 ਦੌੜਾਂ ਦੀ ਜਬਰਦਸਤ ਪਾਰੀ ਖੇਡੀ। ਮੀਂਹ ਕਾਰਨ ਚੈੱਨਈ ਨੂੰ 15 ਓਵਰਾਂ ’ਚ 171 ਦੌੜਾਂ ਦਾ ਟੀਚਾ ਮਿਲਿਆ। ਟੀਮ ਨੇ 15ਵੇਂ ਓਵਰ ਦੀ ਆਖਰੀ ਗੇਂਦ ’ਤੇ 5 ਵਿਕਟਾਂ ਗੁਆ ਕੇ ਇਹ ਹਾਸਲ ਕਰ ਲਿਆ। ਸੀਐੱਸਕੇ ਨੂੰ ਆਖਰੀ ਓਵਰ ’ਚ 13 ਦੌੜਾਂ ਦੀ ਜ਼ਰੂਰਤ ਸੀ। ਮੋਹਿਤ ਸ਼ਰਮਾ ਦੇ ਸਾਹਮਣੇ ਸ਼ਿਵਮ ਦੂਬੇ ਅਤੇ ਰਵਿੰਦਰ ਜਡੇਜਾ ਸਟ੍ਰਾਈਕ ’ਤੇ ਸਨ।
ਚਾਹਰ ਨੇ ਗਿੱਲ ਅਤੇ ਸਾਹਾ ਦੋਵਾਂ ਦੇ ਕੈਚ ਛੱਡੇ | TATA IPL 2023
ਦੀਪਕ ਚਾਹਰ ਨੇ ਪਾਵਰਪਲੇ ’ਚ ਰਿਧੀਮਾਨ (TATA IPL 2023) ਸਾਹਾ ਅਤੇ ਸ਼ੁਭਮਨ ਗਿੱਲ ਦੋਵਾਂ ਦੇ ਕੈਚ ਛੱਡੇ। ਦੂਜੇ ਓਵਰ ਦੀ ਚੌਥੀ ਗੇਂਦ ’ਤੇ ਤੁਸਾਰ ਦੇਸਪਾਂਡੇ ਨੇ ਲੈੱਗ ਸਟੰਪ ’ਤੇ ਚੰਗੀ ਲੈਂਥ ਸੁੱਟ ਦਿੱਤੀ। ਗਿੱਲ ਇਸ ਨੂੰ ਫਲਿਕ ਕਰਦੇ ਹਨ, ਗੇਂਦ ਵਰਗ ਲੈੱਗ ’ਤੇ ਚਾਹਰ ਕੋਲ ਜਾਂਦੀ ਹੈ। ਪਰ ਚਾਹਰ ਨੇ ਕੈਚ ਛੱਡ ਦਿੱਤਾ। ਇਸ ਤਰ੍ਹਾਂ ਗਿੱਲ ਨੂੰ 3 ਦੌੜਾਂ ਦੇ ਸਕੋਰ ’ਤੇ ਜੀਵਨਦਾਨ ਮਿਲਿਆ। ਚਾਹਰ ਨੇ ਇਸ ਤੋਂ ਬਾਅਦ ਪੰਜਵੇਂ ਓਵਰ ’ਚ ਆਪਣੀ ਹੀ ਗੇਂਦ ’ਤੇ ਸਾਹਾ ਦਾ ਕੈਚ ਛੱਡ ਦਿੱਤਾ। ਉਸ ਨੇ ਪਹਿਲੀ ਗੇਂਦ ਸ਼ਾਰਟ ਪਿੱਚ ਨੂੰ ਹੌਲੀ ਕੀਤੀ। ਸਾਹਾ ਸਾਹਮਣੇ ਵੱਲ ਸ਼ਾਟ ਖੇਡਦੇ ਹਨ, ਗੇਂਦ ਚਾਹਰ ਵੱਲ ਆਉਂਦੀ ਹੈ, ਪਰ ਉਹ ਕੈਚ ਨੂੰ ਛੱਡ ਦਿੰਦੇ ਹਨ।
ਮੀਂਹ ਕਾਰਨ 2 ਘੰਟੇ ਰੋਕਿਆ ਖੇਡ | TATA IPL 2023
ਪਹਿਲੀ ਪਾਰੀ 9:20 ਵਜੇ ਸਮਾਪਤ ਹੋਣ (TATA IPL 2023) ਤੋਂ ਬਾਅਦ ਦੂਜੀ ਪਾਰੀ ਅੱਧਾ ਘੰਟਾ ਦੇਰੀ ਨਾਲ ਸ਼ੁਰੂ ਹੋਈ। ਵਿਵੀਅਨ ਡਿਵਾਈਨ ਨੇ ਇਸ ਦੌਰਾਨ 10 ਮਿੰਟ ਤੱਕ ਪ੍ਰਦਰਸਨ ਕੀਤਾ। ਇਸ ਕਾਰਨ ਦੂਜੀ ਪਾਰੀ 20 ਮਿੰਟ ਦੀ ਦੇਰੀ ਨਾਲ 9:55 ’ਤੇ ਸ਼ੁਰੂ ਹੋਈ। ਪਰ 3 ਗੇਂਦਾਂ ਬਾਅਦ ਮੀਂਹ ਪੈ ਗਿਆ। 15 ਮਿੰਟ ਹੀ ਮੀਂਹ ਪਿਆ ਪਰ ਮੈਦਾਨ ਗਿੱਲਾ ਹੋਣ ਕਾਰਨ ਦੂਜੀ ਪਾਰੀ 12:10 ਵਜੇ ਸ਼ੁਰੂ ਹੋਈ। 5 ਓਵਰ ਘੱਟ ਹੋਏ ਅਤੇ ਸੀਐਸਕੇ ਨੂੰ 15 ਓਵਰਾਂ ’ਚ 171 ਦੌੜਾਂ ਦਾ ਟੀਚਾ ਮਿਲਿਆ।
