ਪਹਿਲੇ ਟੈਸਟ ’ਚ ਭਾਰਤ ਨੂੰ ਕਾਫ਼ੀ ਕੁੱਝ ਸਿਖਣ ਨੂੰ ਮਿਲਿਆ : ਦਿਨੇਸ਼ ਕਾਰਤਿਕ
ਮੁੰਬਈ (ਮਹਾਰਾਸ਼ਟਰ) । ਵਿਕਟਕੀਪਰ ਬੱਲੇਬਾਜ਼ ਦਿਨੇਸ਼ ਕਾਰਤਿਕ ਦਾ ਮੰਨਣਾ ਹੈ ਕਿ ਪਹਿਲੇ ਟੈਸਟ ਤੋਂ ਬਾਅਦ ਭਾਰਤ ਦੀ ਜਿੱਤ ਹੈ। ਕਾਰਤਿਕ ਅਨੁਸਾਰ, ਹਾਲਾਂਕਿ ਟ੍ਰੈਂਟ ਬਿ੍ਰਜ ’ਤੇ ਖੇਡਿਆ ਗਿਆ ਪਹਿਲਾ ਟੈਸਟ ਬਿਨਾਂ ਸ਼ੱਕ ਡਰਾਅ ਰਿਹਾ, ਪਰ ਮੇਜ਼ਬਾਨ ਟੀਮ ਨੂੰ ਭਾਰਤੀ ਟੀਮ ਦੇ ਸਾਹਮਣੇ ਬਹੁਤ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ। ਕਾਰਤਿਕ ਨੇ ਕਿਹਾ ਕਿ ਖੇਡ ਦੇ ਆਖ਼ਰੀ ਦਿਨ ਭਾਰਤੀ ਟੀਮ ਦਾ ਦਬਦਬਾ ਰਿਹਾ। ਇੰਗਲੈਂਡ ਦੇ ਮੁਕਾਬਲੇ ਇਸ ਟੈਸਟ ਮੈਚ ਵਿੱਚ ਭਾਰਤ ਨੂੰ ਬਹੁਤ ਕੁਝ ਸਿੱਖਣ ਨੂੰ ਮਿਲਿਆ। ਮਹਿਮਾਨ ਟੀਮ ਨੇ ਪੂਰੇ ਟੈਸਟ ਦੌਰਾਨ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਕਾਰਤਿਕ ਨੇ ਅੱਗੇ ਕਿਹਾ ਕਿ ਜਿਸ ਤਰ੍ਹਾਂ ਬੁਮਰਾਹ ਨੇ ਖੇਡ ਦੇ ਪਹਿਲੇ ਦਿਨ ਦੇ ਪਹਿਲੇ ਹੀ ਓਵਰ ਵਿੱਚ ਰੋਰੀ ਬਰਨਸ ਨੂੰ ਆਉਟ ਕੀਤਾ ਉਹ ਸ਼ਾਨਦਾਰ ਸੀ।
ਉਥੇ ਭਾਰਤੀ ਗੇਂਦਬਾਜ਼ਾਂ ਨੇ ਆਪਣਾ ਇਰਾਦਾ ਸਾਫ਼ ਕਰ ਦਿੱਤਾ। ਬੱਲੇਬਾਜ਼ਾਂ ਨੇ ਵੀ ਚੰਗਾ ਖੇਡਿਆ। ਮੈਚ ਤੋਂ ਬਾਅਦ ਭਾਰਤੀ ਕਪਤਾਨ ਵਿਰਾਟ ਕੋਹਲੀ ਨੇ ਕਿਹਾ ਕਿ ਅਸੀਂ ਮੈਚ ਜਿੱਤਣ ਦੇ ਬਹੁਤ ਕਰੀਬ ਸੀ। ਸਾਡੇ ਬੱਲੇਬਾਜ਼ ਅਤੇ ਗੇਂਦਬਾਜ਼ ਦੋਵੇਂ ਵਧੀਆ ਪ੍ਰਦਰਸ਼ਨ ਕਰਨ ਵਿੱਚ ਕਾਮਯਾਬ ਰਹੇ। ਇੰਗਲੈਂਡ ਦੇ ਕਪਤਾਨ ਜੋ ਰੂਟ ਨੇ ਮੈਚ ਤੋਂ ਬਾਅਦ ਕਿਹਾ ਕਿ ਅਸੀਂ ਇੱਥੋਂ ਲਾਰਡਸ ਜਾ ਰਹੇ ਹਾਂ, ਜਿਸ ਤਰ੍ਹਾਂ ਟੀਮ ਨੇ ਪਹਿਲੀ ਪਾਰੀ ਵਿੱਚ ਖੇਡਿਆ, ਇਹ ਬਿਹਤਰ ਹੁੰਦਾ ਜੇ ਇਹ ਦੂਜੀ ਪਾਰੀ ਵਿੱਚ ਵੀ ਖੇਡਦਾ। ਟੀਮ ਆਤਮ ਵਿਸ਼ਵਾਸ ਨਾਲ ਭਰੀ ਹੋਈ ਹੈ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, linkedin , YouTube‘ਤੇ ਫਾਲੋ ਕਰੋ
