19 ਸਾਲਾ ਜੇਰੇਮੀ ਲਾਲਰਿਨੁੰਗਾ ਨੂੰ ਵੇਟਲਿਫਟਿੰਗ ‘ਚ ਮਿਲੀ ਸਫਲਤਾ
ਬਰਮਿੰਘਮ। ਭਾਰਤ ਨੇ ਰਾਸ਼ਟਰਮੰਡਲ ਖੇਡਾਂ ਵਿੱਚ ਦੂਜਾ ਸੋਨ ਤਮਗਾ ਜਿੱਤਿਆ ਹੈ। ਭਾਰਤ ਦੇ ਖਿਡਾਰੀ ਇਸ ਵਾਰ ਦਮਦਾਰ ਖੇਡ ਵਿਖਾ ਰਹੇ ਹਨ। ਇਹ ਸੋਨ ਤਮਗਾ 19 ਸਾਲਾ ਵੇਟਲਿਫਟਰ ਜੇਰੇਮੀ ਲਾਲਰਿਨੁੰਗਾ ਨੇ ਦਿਵਾਇਆ ਹੈ। ਲਾਲਰਿਨੁੰਗਾ ਮੈਚ ਦੌਰਾਨ ਜ਼ਖਮੀ ਹੋਣ ਦੇ ਬਾਵਜੂਦ ਹਿੰਮਤ ਨਹੀਂ ਹਾਰੀ ਅਤੇ ਪੁਰਸ਼ਾਂ ਦੇ 67 ਕਿਲੋ ਵਰਗ ਵਿੱਚ ਸੁਨਹਿਰੀ ਸਫਲਤਾ ਹਾਸਲ ਕੀਤੀ। ਉਸਨੇ ਸਨੈਚ ਵਿੱਚ 140 ਕਿਲੋ ਅਤੇ ਕਲੀਨ ਐਂਡ ਜਰਕ ਵਿੱਚ 160 ਕਿਲੋ ਭਾਰ ਚੁੱਕਿਆ। ਇਸ ਤਰ੍ਹਾਂ ਉਸ ਨੇ ਕੁੱਲ 300 ਕਿਲੋਗ੍ਰਾਮ ਭਾਰ ਚੁੱਕ ਕੇ ਸੋਨ ਤਗ਼ਮਾ ਜਿੱਤਿਆ। ਸਮੋਆ ਦੇ ਵਾਇਵਾਪਾ ਆਇਓਨੇ (293 ਕਿਲੋਗ੍ਰਾਮ) ਨੇ ਚਾਂਦੀ ਦਾ ਤਗਮਾ ਜਿੱਤਿਆ। ਭਾਰਤ ਦੇ ਹੁਣ ਤਮਗਿਆਂ ਦੀ ਗਿਣਤੀ ਪੰਜ ਹੋ ਗਈ ਹੈ।
ਸਨੈਚ ‘ਚ ਆਪਣੀ ਪਹਿਲੀ ਕੋਸ਼ਿਸ਼ ‘ਚ ਜੇਰੇਮੀ ਨੇ 136 ਕਿਲੋਗ੍ਰਾਮ ਭਾਰ ਚੁੱਕਿਆ ਅਤੇ ਸੋਨ ਤਗਮੇ ‘ਤੇ ਪਹੁੰਚ ਗਿਆ। ਦੂਜੀ ਕੋਸ਼ਿਸ਼ ‘ਚ ਉਸ ਨੇ 140 ਕਿਲੋ ਭਾਰ ਚੁੱਕ ਕੇ ਖੇਡਾਂ ਦਾ ਰਿਕਾਰਡ ਬਣਾ ਕੇ ਆਪਣੀ ਸਥਿਤੀ ਮਜ਼ਬੂਤ ਕਰ ਲਈ ਹੈ। ਜੇਰੇਮੀ ਨੇ 143 ਕਿਲੋਗ੍ਰਾਮ ਭਾਰ ‘ਚ ਤੀਜੀ ਕੋਸ਼ਿਸ਼ ਕੀਤੀ ਪਰ ਉਹ ਇਸ ‘ਚ ਸਫਲ ਨਹੀਂ ਹੋਏ।
ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ
