ICC ODI Rankings: ਸਪੋਰਟਸ ਡੈਸਕ। ਭਾਰਤ ਦੇ ਮਹਾਨ ਬੱਲੇਬਾਜ਼ ਵਿਰਾਟ ਕੋਹਲੀ ਨੇ ਇੱਕ ਵਾਰ ਫਿਰ ਇੱਕ ਰੋਜ਼ਾ ਕ੍ਰਿਕੇਟ ਵਿੱਚ ਆਪਣਾ ਦਬਦਬਾ ਦਿਖਾਇਆ ਹੈ। ਆਈਸੀਸੀ ਇੱਕ ਰੋਜ਼ਾ ਰੈਂਕਿੰਗ ’ਚ ਬੱਲੇਬਾਜ਼ਾਂ ਵਿੱਚ ਭਾਰਤ ਦਾ ਦਬਦਬਾ ਬਰਕਰਾਰ ਹੈ। ਕੋਹਲੀ ਨੇ ਤਾਜ਼ਾ ਆਈਸੀਸੀ ਇੱਕ ਰੋਜ਼ਾ ਰੈਂਕਿੰਗ ’ਚ ਬੱਲੇਬਾਜ਼ਾਂ ਵਿੱਚ ਦੂਜਾ ਸਥਾਨ ਹਾਸਲ ਕੀਤਾ ਹੈ। ਕੋਹਲੀ ਕੁਝ ਸਮੇਂ ਤੋਂ ਲਗਾਤਾਰ ਪ੍ਰਦਰਸ਼ਨ ਕਰ ਰਹੇ ਹਨ, ਅਤੇ ਦੱਖਣੀ ਅਫਰੀਕਾ ਵਿਰੁੱਧ ਤਿੰਨ ਮੈਚਾਂ ਦੀ ਲੜੀ ਵਿੱਚ ਪਲੇਅਰ ਆਫ਼ ਦ ਸੀਰੀਜ਼ ਚੁਣੇ ਜਾਣ ਤੋਂ ਬਾਅਦ ਕੋਹਲੀ ਦੀ ਰੈਂਕਿੰਗ ਵਿੱਚ ਕਾਫ਼ੀ ਸੁਧਾਰ ਹੋਇਆ ਹੈ।
ਇਹ ਖਬਰ ਵੀ ਪੜ੍ਹੋ : Delhi Air Pollution: ਰਾਜਧਾਨੀ ਦਿੱਲੀ ਦੀ ਹਵਾ ’ਚ ਸੁਧਾਰ, ਪਰ AQI ਅਜੇ ਵੀ ‘ਖਰਾਬ’ ਪੱਧਰ ’ਤੇ
ਕੋਹਲੀ ਦੀ ਸ਼ਾਨਦਾਰ ਫਾਰਮ ਤੇ ਰੈਂਕਿੰਗ ਵਿੱਚ ਵਾਧਾ
2021 ਵਿੱਚ ਪਾਕਿਸਤਾਨ ਦੇ ਬਾਬਰ ਆਜ਼ਮ ਵੱਲੋਂ ਨੰਬਰ ਇੱਕ ਸਥਾਨ ਤੋਂ ਖੋਹੇ ਜਾਣ ਤੋਂ ਬਾਅਦ, ਕੋਹਲੀ ਹੁਣ ਪਹਿਲੇ ਸਥਾਨ ਤੋਂ ਸਿਰਫ਼ ਅੱਠ ਰੇਟਿੰਗ ਅੰਕ ਦੂਰ ਹਨ। ਉਨ੍ਹਾਂ ਦੱਖਣੀ ਅਫਰੀਕਾ ਵਿਰੁੱਧ ਤਿੰਨ ਮੈਚਾਂ ’ਚ 302 ਦੌੜਾਂ ਬਣਾਈਆਂ, ਜਿਸ ’ਚ ਦੋ ਸੈਂਕੜੇ ਸ਼ਾਮਲ ਹਨ। ਕੋਹਲੀ ਨੇ ਲੜੀ ਦੇ ਆਖਰੀ ਇੱਕ ਰੋਜ਼ਾ ’ਚ ਅਜੇਤੂ 65 ਦੌੜਾਂ ਨਾਲ ਭਾਰਤ ਨੂੰ ਜਿੱਤ ਦਿਵਾਈ। ਇਸ ਪ੍ਰਦਰਸ਼ਨ ਨੇ ਰੈਂਕਿੰਗ ਵਿੱਚ ਉਸਦੇ ਪ੍ਰਦਰਸ਼ਨ ਨੂੰ ਦਰਸ਼ਾਇਆ, ਅਤੇ ਉਹ ਦੋ ਸਥਾਨ ਉੱਪਰ ਦੂਜੇ ਸਥਾਨ ’ਤੇ ਪਹੁੰਚ ਗਿਆ।
ਰੋਹਿਤ ਸ਼ਰਮਾ ਦਾ ਦਬਦਬਾ ਜਾਰੀ | ICC ODI Rankings
ਭਾਰਤ ਨੂੰ ਟੀ20 ਵਿਸ਼ਵ ਕੱਪ ਤੇ ਚੈਂਪੀਅਨਜ਼ ਟਰਾਫੀ ਜਿੱਤਵਾਉਣ ਵਾਲੇ ਸਾਬਕਾ ਕਪਤਾਨ ਰੋਹਿਤ ਸ਼ਰਮਾ 2024 ਤੇ 2025 ਦੌਰਾਨ ਵਨਡੇ ਮੈਚਾਂ ਵਿੱਚ ਲਗਾਤਾਰ ਪ੍ਰਦਰਸ਼ਨ ਕਰ ਰਹੇ ਹਨ। ਉਨ੍ਹਾਂ ਦੱਖਣੀ ਅਫਰੀਕਾ ਵਿਰੁੱਧ ਲੜੀ ਵਿੱਚ 146 ਦੌੜਾਂ ਬਣਾਈਆਂ, ਆਪਣੀ ਸਿਖਰਲੀ ਰੈਂਕਿੰਗ ਬਰਕਰਾਰ ਰੱਖੀ। ਕੋਹਲੀ ਤੇ ਰੋਹਿਤ ਨੇ ਆਈਸੀਸੀ ਵਨਡੇ ਬੱਲੇਬਾਜ਼ੀ ਚਾਰਟ +ਚ ਭਾਰਤ ਦੇ ਦਬਦਬੇ ਨੂੰ ਹੋਰ ਮਜ਼ਬੂਤ ਕੀਤਾ ਹੈ। ICC ODI Rankings
ਹੋਰ ਭਾਰਤੀ ਬੱਲੇਬਾਜ਼ਾਂ ਦੀ ਰੈਂਕਿੰਗ | ICC ODI Rankings
ਸ਼ੁਭਮਨ ਗਿੱਲ, ਹਾਲਾਂਕਿ ਉਹ ਵਨਡੇ ਸੀਰੀਜ਼ ’ਚ ਨਹੀਂ ਖੇਡਿਆ ਸੀ, ਪੰਜਵੇਂ ਸਥਾਨ ’ਤੇ ਬਣਿਆ ਹੋਇਆ ਹੈ। ਕਪਤਾਨ ਕੇਐਲ ਰਾਹੁਲ ਦੋ ਸਥਾਨ ਉੱਪਰ 12ਵੇਂ ਸਥਾਨ ’ਤੇ ਪਹੁੰਚ ਗਿਆ ਹੈ। ਇਹ ਭਾਰਤ ਦੀ ਬੱਲੇਬਾਜ਼ੀ ਦੀ ਡੂੰਘਾਈ ਨੂੰ ਦਰਸ਼ਾਉਂਦਾ ਹੈ। ਵਨਡੇ ਗੇਂਦਬਾਜ਼ੀ ਰੈਂਕਿੰਗ ’ਚ ਵੀ ਭਾਰਤ ਦਾ ਦਬਦਬਾ ਜਾਰੀ ਹੈ। ਕੁਲਦੀਪ ਯਾਦਵ ਤਿੰਨ ਸਥਾਨ ਉੱਪਰ ਤੀਜੇ ਸਥਾਨ ’ਤੇ ਪਹੁੰਚ ਗਿਆ ਹੈ। ਟੀ-20 ਰੈਂਕਿੰਗ ਵਿੱਚ, ਅਕਸ਼ਰ ਪਟੇਲ (13ਵਾਂ), ਅਰਸ਼ਦੀਪ ਸਿੰਘ (20ਵਾਂ), ਤੇ ਜਸਪ੍ਰੀਤ ਬੁਮਰਾਹ (25ਵਾਂ) ਸਾਰਿਆਂ ਨੇ ਲਾਭ ਹਾਸਲ ਕੀਤਾ ਹੈ।
ਟੈਸਟ ਰੈਂਕਿੰਗ ’ਚ ਭਾਰਤੀ ਪ੍ਰਦਰਸ਼ਨ
ਟੈਸਟ ਬੱਲੇਬਾਜ਼ਾਂ ਵਿੱਚ, ਯਸ਼ਸਵੀ ਜਾਇਸਵਾਲ ਅੱਠਵੇਂ ਨੰਬਰ ’ਤੇ ਬਣੇ ਹੋਏ ਹਨ, ਜਦੋਂ ਕਿ ਸ਼ੁਭਮਨ ਗਿੱਲ ਅਤੇ ਰਿਸ਼ਭ ਪੰਤ ਇੱਕ-ਇੱਕ ਸਥਾਨ ਉੱਪਰ ਲੜੀਵਾਰ 11ਵੇਂ ਤੇ 13ਵੇਂ ਸਥਾਨ ’ਤੇ ਪਹੁੰਚ ਗਏ ਹਨ। ਜਸਪ੍ਰੀਤ ਬੁਮਰਾਹ ਆਪਣੀ ਸ਼ਾਨਦਾਰ ਫਾਰਮ ਨੂੰ ਜਾਰੀ ਰੱਖਦੇ ਹੋਏ ਟੈਸਟ ਗੇਂਦਬਾਜ਼ੀ ਵਿੱਚ ਸਿਖਰਲੇ ਸਥਾਨ ’ਤੇ ਬਣੇ ਹੋਏ ਹਨ। ਉਨ੍ਹਾਂ ਤੋਂ ਬਾਅਦ, ਮੁਹੰਮਦ ਸਿਰਾਜ, ਰਵਿੰਦਰ ਜਡੇਜਾ ਤੇ ਕੁਲਦੀਪ ਯਾਦਵ ਵੀ ਇੱਕ-ਇੱਕ ਸਥਾਨ ਉੱਪਰ ਆ ਗਏ ਹਨ।
ਦੂਜੇ ਦੇਸ਼ਾਂ ਦੇ ਖਿਡਾਰੀਆਂ ਦੀ ਰੈਂਕਿੰਗ ’ਚ ਬਦਲਾਅ
ਦੱਖਣੀ ਅਫਰੀਕਾ ਲਈ, ਕੁਇੰਟਨ ਡੀ ਕੌਕ, ਏਡਨ ਮਾਰਕਰਾਮ ਤੇ ਤੇਂਬਾ ਬਾਵੁਮਾ ਨੇ ਆਪਣੀ ਰੈਂਕਿੰਗ ਵਿੱਚ ਸੁਧਾਰ ਕੀਤਾ ਹੈ। ਇਸ ਦੌਰਾਨ, ਅਸਟਰੇਲੀਆਈ ਤੇਜ਼ ਗੇਂਦਬਾਜ਼ ਮਿਸ਼ੇਲ ਸਟਾਰਕ, ਜਿਸਨੇ ਦੋ ਐਸ਼ੇਜ਼ ਮੈਚਾਂ ’ਚ 18 ਵਿਕਟਾਂ ਲਈਆਂ ਹਨ, ਟੈਸਟ ਰੈਂਕਿੰਗ ਵਿੱਚ ਤੀਜੇ ਸਥਾਨ ’ਤੇ ਪਹੁੰਚ ਗਿਆ ਹੈ। ਇੰਗਲੈਂਡ ਦੇ ਮਾੜੇ ਬੱਲੇਬਾਜ਼ੀ ਪ੍ਰਦਰਸ਼ਨ ਨੇ ਹੈਰੀ ਬਰੂਕ ਨੂੰ ਚੌਥੇ ਸਥਾਨ ’ਤੇ ਧੱਕ ਦਿੱਤਾ ਹੈ, ਜਦੋਂ ਕਿ ਕੇਨ ਵਿਲੀਅਮਸਨ ਤੇ ਸਟੀਵ ਸਮਿਥ ਨੂੰ ਇੱਕ-ਇੱਕ ਸਥਾਨ ਦਾ ਫਾਇਦਾ ਹੋਇਆ ਹੈ।
