ਜਵਾਨਾਂ ਨੂੰ ਟ੍ਰੇਨਿੰਗ ਵੀ ਦਿੱਤੀ | IAF
- ਏਅਰਫੋਰਸ ਨੇ ਕਿਹਾ, ਰਾਤ ਨੂੰ ਨਿਗਰਾਨੀ ਅਤੇ ਹਮਲਾ ਕਰ ਸਕਣਗੇ
ਲਦਾਖ (ਏਜੰਸੀ)। ਪਹਿਲੀ ਵਾਰ, ਹਵਾਈ ਸੈਨਾ ਨੇ ਲੱਦਾਖ ਦੇ ਕਾਰਗਿਲ ’ਚ -130 ਸੁਪਰ ਹਰਕਿਊਲਸ ਜਹਾਜ ਦੀ ਰਾਤ ਨੂੰ ਲੈਂਡਿੰਗ ਕੀਤੀ ਹੈ। ਏਅਰ ਫੋਰਸ ਨੇ ਐਤਵਾਰ ਨੂੰ ਸੋਸ਼ਲ ਮੀਡੀਆ ’ਤੇ ਆਪਣੀ ਵੀਡੀਓ ਜਾਰੀ ਕੀਤੀ। ਇਸ ਵੀਡੀਓ ’ਚ ਫੌਜ ਦੇ ਕਮਾਂਡੋ ਵੀ ਨਜਰ ਆ ਰਹੇ ਹਨ। ਵੀਡੀਓ ਦੇ ਨਾਲ ਏਅਰਫੋਰਸ ਨੇ ਲਿਖਿਆ- ਕਾਰਗਿਲ ’ਚ -130 ਜਹਾਜ ਨੂੰ ਲੈਂਡ ਕਰਕੇ ਇਤਿਹਾਸ ਰਚਿਆ ਗਿਆ ਹੈ। ਹੁਣ ਰਾਤ ਦੇ ਹਨੇਰੇ ’ਚ ਵੀ ਦੁਸ਼ਮਣਾਂ ’ਤੇ ਨਿਗਰਾਨੀ ਅਤੇ ਹਮਲੇ ਕੀਤੇ ਜਾ ਸਕਦੇ ਹਨ। (IAF)
ਸੈਨਿਕਾਂ ਨੇ ਭੂਮੀ ਮਾਸਕਿੰਗ ਅਭਿਆਸ ਕੀਤਾ | IAF
ਏਅਰਫੋਰਸ ਵੱਲੋਂ ਜਾਰੀ ਵੀਡੀਓ ’ਚ ਫੌਜ ਦੇ ਕਮਾਂਡੋ ਟੇਰੇਨ ਮਾਸਕਿੰਗ ਅਭਿਆਸ ਕਰਦੇ ਨਜਰ ਆ ਰਹੇ ਹਨ। ਇਹ ਇੱਕ ਖਾਸ ਕਿਸਮ ਦਾ ਫੌਜੀ ਆਪ੍ਰੇਸ਼ਨ ਹੈ, ਜੋ ਦੁਸ਼ਮਣ ਤੋਂ ਛੁਪੇ ਹੋਏ ਮਿਸ਼ਨ ਨੂੰ ਪੂਰਾ ਕਰਨ ਲਈ ਕੀਤਾ ਜਾਂਦਾ ਹੈ। ਹਾਲਾਂਕਿ ਹਵਾਈ ਸੈਨਾ ਨੇ ਇਸ ਅਭਿਆਸ ਨੂੰ ਲੈ ਕੇ ਜ਼ਿਆਦਾ ਜਾਣਕਾਰੀ ਨਹੀਂ ਦਿੱਤੀ ਹੈ। (IAF)
ਇਹ ਵੀ ਪੜ੍ਹੋ : ਗਵਰਨਰ ਨੇ ਮਨਜ਼ੂਰ ਕੀਤੇ ਤਿੰਨ ਹੋਰ ਬਿੱਲ, ਮੁੱਖ ਮੰਤਰੀ ਨੇ ਦਿੱਤੀ ਜਾਣਕਾਰੀ
ਲੱਦਾਖ ’ਚ ਨਾਈਟ ਲੈਂਡਿੰਗ ਬਹੁਤ ਖਤਰਨਾਕ | IAF
ਕਾਰਗਿਲ, ਲੱਦਾਖ ’ਚ ਹਵਾਈ ਪੱਟੀ ਸਮੁੰਦਰ ਤਲ ਤੋਂ 8,800 ਫੁੱਟ ਤੋਂ ਜ਼ਿਆਦਾ ਦੀ ਉਚਾਈ ’ਤੇ ਹੈ। ਇਹ ਇਲਾਕਾ ਉੱਚੀਆਂ ਪਹਾੜੀਆਂ ਅਤੇ ਸੰਘਣੇ ਜੰਗਲਾਂ ਨਾਲ ਘਿਰਿਆ ਹੋਇਆ ਹੈ। ਅਜਿਹੇ ’ਚ ਇੱਥੇ ਉਤਰਨਾ ਕਾਫੀ ਮੁਸ਼ਕਿਲ ਮੰਨਿਆ ਜਾ ਰਿਹਾ ਹੈ। ਰਾਤ ਦੇ ਹਨੇਰੇ ’ਚ ਉਤਰਨਾ ਹੋਰ ਵੀ ਚੁਣੌਤੀਪੂਰਨ ਹੈ। ਇਸ ਦੌਰਾਨ ਤੁਹਾਨੂੰ ਨਾ ਸਿਰਫ ਪਹਾੜਾਂ ਤੋਂ ਬਚਣਾ ਹੋਵੇਗਾ, ਸਗੋਂ ਜਹਾਜ ਨੂੰ ਨੇਵੀਗੇਸ਼ਨ ਰਾਹੀਂ ਹੀ ਲੈਂਡ ਕਰਨਾ ਹੋਵੇਗਾ। (IAF)
ਏਅਰਫੋਰਸ ਨੇ 68 ਹਜ਼ਾਰ ਜਵਾਨ ਲੱਦਾਖ ’ਚ ਭੇਜੇ | IAF
ਭਾਰਤ ਨੇ ਲੱਦਾਖ ’ਚ ਅਸਲ ਕੰਟਰੋਲ ਰੇਖਾ ਯਾਨੀ ’ਤੇ 68 ਹਜਾਰ ਤੋਂ ਜ਼ਿਆਦਾ ਸੈਨਿਕ ਤਾਇਨਾਤ ਕੀਤੇ ਹਨ। ਇਸ ਤੋਂ ਇਲਾਵਾ ਹਵਾਈ ਸੈਨਾ ਦੀ ਮਦਦ ਨਾਲ ਲਗਭਗ 90 ਟੈਂਕ ਅਤੇ ਹਥਿਆਰ ਪ੍ਰਣਾਲੀ ਵੀ ਲੱਦਾਖ ਲਿਜਾਈ ਗਈ। ਸੁਖੋਈ ਐਸਯੂ-30 ਐਮਕੇਆਈ ਅਤੇ ਜੈਗੁਆਰ ਵਰਗੇ ਜਹਾਜਾਂ ਨਾਲ ਦੁਸ਼ਮਣ ਦੇ ਇਕੱਠ ’ਤੇ 24 ਘੰਟੇ ਨਜਰ ਰੱਖੀ ਜਾ ਰਹੀ ਸੀ। (IAF)
