ਘੱਟ ਵਸੀਲਿਆਂ ’ਚ ਇੰਜ ਬਣਾਓ ਘਰ ਬਣਾਉਣ ਦੀ ਰਣਨੀਤੀ | Sweet Home
ਘਰ (Sweet Home) ਖਰੀਦਣਾ ਇੱਕ ਬਹੁਤ ਵੱਡਾ ਨਿਵੇਸ਼ ਹੈ, ਖਾਸ ਤੌਰ ’ਤੇ ਉਨ੍ਹਾਂ ਲਈ ਜਿਨ੍ਹਾਂ ਦੀ ਆਮਦਨ ਸੀਮਤ ਹੈ। ਜ਼ਿਆਦਾਤਰ ਨੌਜਵਾਨਾਂ ਦੀ ਤਨਖਾਹ 15 ਹਜ਼ਾਰ ਰੁਪਏ ਪ੍ਰਤੀ ਮਹੀਨੇ ਤੋਂ ਸ਼ੁਰੂ ਹੋ ਕੇ ਲਗਭਗ ਕਈ ਸਾਲਾਂ ’ਚ 25 ਤੋਂ 30 ਹਜ਼ਾਰ ਰੁਪਏ ਪ੍ਰਤੀ ਮਹੀਨੇ ਤੱਕ ਪਹੁੰਚਦੀ ਹੈ। ਇਸੇ ’ਚ ਕਈ ਖਰਚ ਪੂਰੇ ਕਰਨੇ ਹੁੰਦੇ ਹਨ ਜਿਸ ਤੋਂ ਬਾਅਦ ਘਰ ਦਾ ਸੁਫ਼ਨਾ ਪੂਰਾ ਕਰ ਸਕਣਾ ਲਗਭਗ ਨਾਮੁਮਕਿਨ ਲੱਗਣ ਲੱਗਦਾ ਹੈ। ਇਸੇ ਵਰਗ ਨੂੰ ਧਿਆਨ ’ਚ ਰੱਖ ਕੇ ਅਸੀਂ ਇੱਕ ਅਜਿਹੀ ਰਣਨੀਤੀ ਤਿਆਰ ਕਰਾਂਗੇ ਤਾਂ ਕਿ ਹਰ ਕੋਈ ਆਪਣੇ ਘਰ ਦਾ ਸੁਫ਼ਨਾ ਸਾਕਾਰ ਕਰ ਸਕੇ।
ਸੀਮਤ ਆਮਦਨ ਦੇ ਨਾਲ ਘਰ ਖਰੀਦਣ ਲਈ ਕੁਝ ਮਹੱਤਵਪੂਰਨ ਸੁਝਾਅ ਹੇਠ ਲਿਖੇ ਅਨੁਸਾਰ ਹਨ:-
- ਬਜਟ ਬਣਾਉਣਾ : ਆਪਣੀ ਆਮਦਨ ਤੇ ਖਰਚਿਆਂ ਦਾ ਇੱਕ ਵਿਸਥਾਰਤ ਬਜਟ ਬਣਾਓ। ਘਰ ਖਰੀਦਣ ਲਈ ਕਿੰਨਾ ਪੈਸਾ ਉਧਾਰ ਲੈ ਸਕਦੇ ਹੋ, ਇਸ ਦਾ ਅਨੁਮਾਨ ਲਾਓ। ਆਪਣੀ ਬੱਚਤ ਦਾ ਇਸਤੇਮਾਲ ਕਰੋ ਤੇ ਕਰਜ਼ੇ ਦੀ ਰਾਸ਼ੀ ਘੱਟ ਕਰੋ।
- ਘਰ ਦਾ ਆਕਾਰ ਤੇ ਸਥਾਨ: ਆਪਣੀਆਂ ਜ਼ਰੂਰਤਾਂ ਅਨੁਸਾਰ ਛੋਟੇ ਜਾਂ ਘੱਟ ਸਹੂਲਤਾਂ ਵਾਲੇ ਘਰਾਂ ’ਤੇ ਵਿਚਾਰ ਕਰੋ। ਸ਼ਹਿਰ ਦੇ ਬਾਹਰੀ ਖੇਤਰਾਂ ਜਾਂ ਘੱਟ ਪ੍ਰਸਿੱਧ ਇਲਾਕਿਆਂ ’ਚ ਘਰ ਦੀ ਤਲਾਸ਼ ਕਰੋ। ਪੁਰਾਣੀ ਜਾਂ ਟੁੱਟੀਆਂ-ਫੁੱਟੀਆਂ ਜਾਇਦਾਦਾਂ ’ਤੇ ਵਿਚਾਰ ਕਰੋ ਜਿਨ੍ਹਾਂ ’ਚ ਨਵੀਨੀਕਰਨ ਦੀ ਜ਼ਰੂਰਤ ਹੋਵੇ।
- ਯੋਜਨਾ ਬਣਾਉਣਾ: ਆਪਣੀਆਂ ਜ਼ਰੂਰਤਾਂ ਤੇ ਬਜਟ ਅਨੁਸਾਰ ਘਰ ਦੀ ਯੋਜਨਾ ਬਣਾਓ। ਘਰ ਦੇ ਆਕਾਰ ਤੇ ਸਹੂਲਤਾਂ ਨੂੰ ਆਪਣੀਆਂ ਜ਼ਰੂਰਤਾਂ ਅਨੁਸਾਰ ਬਣਾਓ। ਘੱਟ ਲਾਗਤ ਵਾਲੀ ਨਿਰਮਾਣ ਸਮੱਗਰੀ ਤੇ ਤਕਨੀਕਾਂ ਦਾ ਇਸਤੇਮਾਲ ਕਰੋ।
- ਕਰਜ਼ੇ ਦੀ ਤੁਲਨਾ ਕਰੋ : ਵੱਖ-ਵੱਖ ਬੈਂਕਾਂ ਤੇ ਵਿੱਤੀ ਸੰਸਥਾਨਾਂ ਨਾਲ ਕਰਜ਼ੇ ਦੀ ਤੁਲਨਾ ਕਰੋ। ਸਭ ਤੋਂ ਘੱਟ ਵਿਆਜ਼ ਦਰ ਤੇ ਸਭ ਤੋਂ ਅਨੁਕੂਲ ਸ਼ਰਤਾਂ ਵਾਲੇ ਕਰਜ਼ੇ ਦੀ ਚੋਣ ਕਰੋ।
- ਵਾਧੂ ਖਰਚਿਆਂ ’ਤੇ ਧਿਆਨ ਦਿਓ : ਘਰ ਖਰੀਦਣ ਤੋਂ ਇਲਾਵਾ, ਤੁਹਾਨੂੰ ਰਜਿਸਟ੍ਰੇਸ਼ਨ ਫੀਸ, ਸਟਾਂਪ ਫੀਸ ਤੇ ਹੋਰ ਕਾਨੂੰਨੀ ਫੀਸਾਂ ਦਾ ਵੀ ਭੁਗਤਾਨ ਕਰਨਾ ਹੋਵੇਗਾ। ਇਨ੍ਹਾਂ ਸਾਰੇ ਖਰਚਿਆਂ ਨੂੰ ਧਿਆਨ ’ਚ ਰੱਖਦਿਆਂ ਬਜਟ ਬਣਾਓ।
- ਸਮਝਦਾਰੀ ਨਾਲ ਖਰੀਦਦਾਰੀ ਕਰੋ: ਜਲਦਬਾਜ਼ੀ ’ਚ ਫੈਸਲਾ ਨਾ ਲਓ। ਵੱਖ-ਵੱਖ ਬਦਲਾਂ ਦਾ ਮੁਲਾਂਕਣ ਕਰੋ ਤੇ ਆਪਣੀਆਂ ਜ਼ਰੂਰਤਾਂ ਲਈ ਸਭ ਤੋਂ ਸਟੀਕ ਘਰ ਚੁਣੋ। ਕਿਸੇ ਤਜ਼ਰਬੇਕਾਰ ਰੀਅਲ ਅਸਟੇਟ ਏਜੰਟ ਜਾਂ ਵਕੀਲ ਤੋਂ ਸਲਾਹ ਲਓ।
ਰਿਹਾਇਸ਼ ਯੋਜਨਾ ਵੀ ਇੱਕ ਬਦਲ ਹੈ
ਇਹ ਪਤਾ ਲਾਓ ਕਿ ਤੁਹਾਡੇ ਸ਼ਹਿਰ ’ਚ ਵਿਕਾਸ ਅਥਾਰਿਟੀ ਦੀ ਐੱਲਆਈਜੀ ਤੇ ਐੱਮਆਈਜੀ ਆਮਦਨ ਵਰਗ ਲਈ ਕੀ ਕੋਈ ਰਿਹਾਇਸ਼ ਯੋਜਨਾ ਹੈ? ਆਮ ਤੌਰ ’ਤੇ ਸਾਰੇ ਵੱਡੇ ਸ਼ਹਿਰਾਂ ’ਚ ਹੇਠਲੇ ਤੇ ਮੱਧਮ ਦਰਜੇ ਵਾਲੇ ਆਮਦਨ ਵਰਗ ਦੇ ਪਰਿਵਾਰਾਂ ਲਈ ਰਿਹਾਇਸ਼ ਯੋਜਨਾਵਾਂ ਚਲਾਈਆਂ ਜਾ ਰਹੀਆਂ ਹਨ। ਜਿਹੜੇ ਸ਼ਹਿਰਾਂ ਤੇ ਕਸਬਿਆਂ ’ਚ ਅਥਾਰਿਟੀ ਨਹੀਂ ਹੈ, ਉੱਥੇ ਸਾਨੂੰ ਪ੍ਰਧਾਨ ਮੰਤਰੀ ਰਿਹਾਇਸ਼ ਯੋਜਨਾ ਦੇ ਵਿਸ਼ੇ ’ਚ ਪਤਾ ਕਰਨਾ ਚਾਹੀਦਾ ਹੈ। ਫੋਰਡੇਬਲ ਹਾਊਸਿੰਗ ਸਕੀਮ ਅਧੀਨ ਵੀ ਸਸਤੇ ਘਰ ਬਣਾਏ ਜਾ ਰਹੇ ਹਨ। ਇਨ੍ਹਾਂ ਯੋਜਨਾਵਾਂ ਅਧੀਨ ਬਣਾਏ ਜਾ ਰਹੇ ਘਰਾਂ ਦੀਆਂ ਕੀਮਤਾਂ ਕਾਫ਼ੀ ਕਿਫਾਇਤੀ ਹੁੰਦੀਆਂ ਹਨ।
ਇੱਥੇ ਕੁਝ ਹੋਰ ਸੁਝਾਅ ਦਿੱਤੇ ਗਏ ਹਨ:
- ਕਿਰਾਏ ’ਤੇ ਰਹਿਣ ਦੀ ਬਜਾਇ ਘਰ ਖਰੀਦਣ ’ਤੇ ਵਿਚਾਰ ਕਰੋ।
- ਜੇਕਰ ਤੁਹਾਡੇ ਕੋਲ ਲੋੜੀਂਦੀ ਬੱਚਤ ਹੈ ਤਾਂ ਤੁਸੀਂ ਕਰਜ਼ਾ ਲੈਣ ਤੋਂ ਬਚ ਸਕਦੇ ਹੋ।
- ਜੇਕਰ ਸੰਭਵ ਹੋਵੇ, ਤਾਂ ਤੁਸੀਂ ਪਰਿਵਾਰ ਦੇ ਮੈਂਬਰਾਂ ਜਾਂ ਦੋਸਤਾਂ ਤੋਂ ਆਰਥਿਕ ਸਹਾਇਤਾ ਪ੍ਰਾਪਤ ਕਰ ਸਕਦੇ ਹੋ।
- ਸੀਮਤ ਆਮਦਨ ਨਾਲ ਘਰ ਖਰੀਦਣਾ ਇੱਕ ਚੁਣੌਤੀਪੂਰਨ ਕੰਮ ਹੋ ਸਕਦਾ ਹੈ, ਪਰ ਸਹੀ ਯੋਜਨਾ ਤੇ ਸਮਝਦਾਰੀ ਨਾਲ ਖਰੀਦਦਾਰੀ ਕਰਕੇ ਤੁਸੀਂ ਆਪਣਾ ਸੁਫ਼ਨਾ ਪੂਰਾ ਕਰ ਸਕਦੇ ਹੋ।
Also Read : PAN and Aadhaar card : ਆਧਾਰ ਕਾਰਡ ਤੇ ਪੈਨ ਨੂੰ ਲਿੰਕ ਕਰਨ ਦਾ ਨਵਾਂ ਡਾਟਾ ਆਇਆ ਸਾਹਮਣੇ
