Heavy Rain: ਬੈਂਗਲੁਰੂ ਸ਼ਹਿਰ ਵਿੱਚ ਇਸ ਸਮੇਂ ਲੱਖਾਂ ਲੋਕਾਂ ਦੀ ਜ਼ਿੰਦਗੀ ਨਰਕ ਬਣੀ ਹੋਈ ਹੈ। ਬੈਂਗਲੁਰੂ ਅਕਸਰ ਬਾਰਸ਼ ਅਤੇ ਟ੍ਰੈਫਿਕ ਜਾਮ ਦੀ ਸਮੱਸਿਆ ਕਾਰਨ ਸੁਰਖੀਆਂ ‘ਚ ਰਹਿੰਦਾ ਹੈ। ਬੈਂਗਲੁਰੂ ‘ਚ ਸ਼ਨੀਵਾਰ ਸਵੇਰੇ ਅੱਧੇ ਘੰਟੇ ‘ਚ ਇੰਨੀ ਜ਼ਿਆਦਾ ਬਾਰਿਸ਼ ਹੋਈ ਕਿ ਦਫਤਰ ਜਾਣ ਵਾਲੇ ਲੱਖਾਂ ਲੋਕ ਟ੍ਰੈਫਿਕ ਜਾਮ ‘ਚ ਫਸ ਗਏ। ਦਰੱਖਤ ਡਿੱਗਣ ਕਾਰਨ ਇਕ ਲੜਕੀ ਦੀ ਜਾਨ ਵੀ ਚਲੀ ਗਈ। ਮੌਸਮ ਵਿਭਾਗ ਮੁਤਾਬਕ ਸਵੇਰੇ 8 ਤੋਂ 8.30 ਦਰਮਿਆਨ 3.6 ਮਿਲੀਮੀਟਰ ਮੀਂਹ ਪਿਆ।
Read Also : Ludhiana News: ਦੁੱਧ ਦਾ ਉਤਪਾਦਨ ਵਧਾਉਣ ਤੇ ਨਸਲ ਸੁਧਾਰਨ ਦਾ ਸੁਨੇਹਾ ਦੇ ਗਿਆ ਇਹ ਸ਼ਾਨਦਾਰ ਮੇਲਾ
ਇੱਕ ਪਾਸੇ ਜਿੱਥੇ ਮੀਂਹ ਕਾਰਨ ਸ਼ਹਿਰ ਵਿੱਚ ਲਗਾਤਾਰ ਵੱਧ ਰਹੀ ਗਰਮੀ ਤੋਂ ਰਾਹਤ ਮਿਲੀ ਹੈ, ਇਸ ਦੇ ਨਾਲ ਹੀ ਤੂਫਾਨ ਅਤੇ ਤੇਜ਼ ਹਵਾਵਾਂ ਨੇ ਲੋਕਾਂ ਨੂੰ ਕਾਫੀ ਪਰੇਸ਼ਾਨ ਕੀਤਾ। ਇਸ ਦੌਰਾਨ ਇਕ ਦਰੱਖਤ ਲੜਕੀ ਉਤੇ ਡਿੱਗ ਗਿਆ, ਜਿਸ ਕਾਰਨ ਉਸ ਦੀ ਮੌਕੇ ਉਤੇ ਹੀ ਮੌਤ ਹੋ ਗਈ। ਦੱਸਿਆ ਜਾ ਰਿਹਾ ਹੈ ਕਿ ਸ਼ਨੀਵਾਰ ਸਵੇਰੇ ਮੀਂਹ ਅਤੇ ਤੇਜ਼ ਹਵਾਵਾਂ ਕਾਰਨ ਬੈਂਗਲੁਰੂ ‘ਚ ਘੱਟੋ-ਘੱਟ 30 ਦਰੱਖਤ ਡਿੱਗੇ। ਮੌਸਮ ਵਿਭਾਗ ਨੇ ਪਹਿਲਾਂ ਹੀ 22 ਅਤੇ 23 ਮਾਰਚ ਨੂੰ ਬੈਂਗਲੁਰੂ ਸ਼ਹਿਰ ਵਿੱਚ ਭਾਰੀ ਮੀਂਹ ਅਤੇ ਹਵਾਵਾਂ ਦੀ ਚਿਤਾਵਨੀ ਦਿੱਤੀ ਸੀ। Heavy Rain
ਟ੍ਰੈਫਿਕ ਪੁਲਿਸ ਦੇ ਹੱਥ-ਪੈਰ ਫੁੱਲੇ | Heavy Rain
ਦੂਜੇ ਪਾਸੇ ਜੇਕਰ ਟ੍ਰੈਫਿਕ ਜਾਮ ਦੀ ਗੱਲ ਕਰੀਏ ਤਾਂ ਸਵੇਰ ਤੋਂ ਹੀ ਲੰਬੇ ਟ੍ਰੈਫਿਕ ਜਾਮ ਕਾਰਨ ਬੈਂਗਲੁਰੂ ਪੁਲਿਸ ਦੇ ਹੱਥ-ਪੈਰ ਵੀ ਫੁੱਲ ਗਏ। ਆਮ ਤੌਰ ‘ਤੇ ਬੈਂਗਲੁਰੂ ਸ਼ਹਿਰ ‘ਚ ਦਫਤਰ ਜਾਣ ਸਮੇਂ ਲੋਕਾਂ ਨੂੰ ਅੱਧਾ ਘੰਟਾ ਸਫਰ ਕਰਨ ‘ਚ ਡੇਢ ਤੋਂ ਦੋ ਘੰਟੇ ਦਾ ਸਮਾਂ ਲੱਗ ਜਾਂਦਾ ਹੈ ਪਰ ਬਾਰਿਸ਼ ਤੋਂ ਬਾਅਦ ਵੱਡੀਆਂ ਕਾਰਪੋਰੇਟ ਕੰਪਨੀਆਂ ‘ਚ ਕੰਮ ਕਰਨ ਵਾਲੇ ਲੋਕ ਘੰਟਿਆਂਬੱਧੀ ਆਪਣੀਆਂ ਕਾਰਾਂ ‘ਚ ਫਸੇ ਰਹੇ। ਪਾਣੀ ਭਰ ਜਾਣ ਕਾਰਨ ਟਰੈਫਿਕ ਪੁਲਿਸ ਨੂੰ ਕਈ ਸੜਕਾਂ ਬੰਦ ਕਰਨੀਆਂ ਪਈਆਂ, ਜਿਸ ਕਾਰਨ ਸਥਿਤੀ ਵਿਗੜ ਗਈ।
ਏਅਰਪੋਰਟ ਰੂਟ ‘ਤੇ ਆਵਾਜਾਈ ਪ੍ਰਭਾਵਿਤ ਹੋਈ
ਹਵਾਈ ਅੱਡੇ ਨੂੰ ਜਾਣ ਵਾਲੇ ਰੂਟ ਉਤੇ ਲੋਕਾਂ ਨੂੰ ਸਭ ਤੋਂ ਵੱਧ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪਿਆ। ਹੰਸਮਾਰਨਹੱਲੀ ਵਿੱਚ ਭਾਰੀ ਪਾਣੀ ਭਰਨ ਦੀ ਸਥਿਤੀ ਪੈਦਾ ਹੋ ਗਈ ਹੈ। ਜਿਸ ਕਾਰਨ ਕਈ ਲੋਕ ਸਮੇਂ ਸਿਰ ਆਪਣੀਆਂ ਉਡਾਣਾਂ ਨਹੀਂ ਫੜ ਸਕੇ। ਨਗਾਵਾੜਾ-ਹੇਬਲ ਰੋਡ ’ਤੇ ਵੀ ਪਾਣੀ ਭਰ ਜਾਣ ਕਾਰਨ ਭਾਰੀ ਟਰੈਫਿਕ ਜਾਮ ਦੀ ਸਮੱਸਿਆ ਰਹੀ। ਦੱਸਿਆ ਗਿਆ ਹੈ ਕਿ ਖਰਾਬ ਮੌਸਮ ਕਾਰਨ ਬੈਂਗਲੁਰੂ ‘ਚ ਘੱਟੋ-ਘੱਟ 19 ਉਡਾਣਾਂ ਪ੍ਰਭਾਵਿਤ ਹੋਈਆਂ ਹਨ। ਇਨ੍ਹਾਂ ਉਡਾਣਾਂ ਨੂੰ ਹੋਰ ਥਾਵਾਂ ਵੱਲ ਮੋੜ ਦਿੱਤਾ ਗਿਆ ਸੀ। ਇੰਡੀਗੋ ਦੀਆਂ 11, ਏਅਰ ਇੰਡੀਆ ਐਕਸਪ੍ਰੈਸ ਦੀਆਂ ਚਾਰ ਅਤੇ ਅਕਾਸਾ ਅਤੇ ਏਅਰ ਇੰਡੀਆ ਦੀਆਂ ਦੋ-ਦੋ ਉਡਾਣਾਂ ਪ੍ਰਭਾਵਿਤ ਹੋਈਆਂ। 10 ਉਡਾਣਾਂ ਨੂੰ ਚੇਨਈ ਵੱਲ ਮੋੜਿਆ ਗਿਆ।
ਲੱਖਾਂ ਘਰਾਂ ਦੀ ਬਿਜਲੀ ਬੰਦ | Bengaluru Rains
ਤੇਜ਼ ਮੀਂਹ ਅਤੇ ਹਵਾਵਾਂ ਨੇ ਨਾ ਸਿਰਫ ਬੇਂਗਲੁਰੂ ਦੇ ਲੋਕਾਂ ਨੂੰ ਪਰੇਸ਼ਾਨ ਕੀਤਾ, ਬਲਕਿ ਗੜੇਮਾਰੀ ਨੇ ਵੀ ਉਨ੍ਹਾਂ ਦੀਆਂ ਮੁਸ਼ਕਲਾਂ ਨੂੰ ਕਈ ਗੁਣਾ ਵਧਾ ਦਿੱਤਾ। ਹੋਸਕੋਟ, ਬੈਂਗਲੁਰੂ ਦਿਹਾਤੀ ਵਿੱਚ ਭਾਰੀ ਗੜੇਮਾਰੀ ਹੋਈ। ਮੌਸਮ ਵਿਭਾਗ ਨੇ ਪਹਿਲਾਂ ਹੀ ਖਦਸ਼ਾ ਪ੍ਰਗਟਾਇਆ ਸੀ ਕਿ ਚਿਕਮਗਲੁਰੂ, ਮੈਸੂਰ, ਕੋਡਾਗੂ ਅਤੇ ਆਸਪਾਸ ਦੇ ਇਲਾਕਿਆਂ ਸਮੇਤ ਦੱਖਣ ਕੰਨੜ ਵਿੱਚ ਹਲਕੀ ਤੋਂ ਭਾਰੀ ਬਾਰਿਸ਼ ਹੋ ਸਕਦੀ ਹੈ। ਅਜਿਹੇ ‘ਚ ਬਿਜਲੀ ਦੀਆਂ ਤਾਰਾਂ ‘ਤੇ ਦਰੱਖਤ ਡਿੱਗਣ ਕਾਰਨ ਕਈ ਥਾਵਾਂ ‘ਤੇ ਬਿਜਲੀ ਬੰਦ ਕਰਨੀ ਪਈ। ਲੋਕਾਂ ਨੂੰ ਘੰਟਿਆਂ ਬੱਧੀ ਹਨੇਰੇ ਵਿੱਚ ਰਹਿਣ ਲਈ ਮਜਬੂਰ ਹੋਣਾ ਪਿਆ।
