ਪਟੜੀ ’ਤੇ ਰੱਖਿਆ 12 ਫੁੱਟ ਲੰਬਾ ਲੋਹੇ ਦਾ ਪਾਈਪ
Shamli News: ਸ਼ਾਮਲੀ (ਏਜੰਸੀ)। ਦਿੱਲੀ-ਸਹਾਰਨਪੁਰ ਰੇਲਵੇ ਰੂਟ ’ਤੇ ਬਲਵਾ ਪਿੰਡ ਦੇ ਨੇੜੇ, ਸ਼ਰਾਰਤੀ ਅਨਸਰਾਂ ਨੇ ਰੇਲਗੱਡੀ ਨੂੰ ਪਲਟਣ ਦੇ ਇਰਾਦੇ ਨਾਲ ਰੇਲਵੇ ਟਰੈਕ ’ਤੇ ਲਗਭਗ 12 ਫੁੱਟ ਲੰਬਾ ਮੋਟਾ ਲੋਹੇ ਦਾ ਪਾਈਪ ਰੱਖ ਦਿੱਤਾ। ਡਰਾਈਵਰ ਨੇ ਆਪਣੀ ਸਿਆਣਪ ਦਿਖਾਈ ਤੇ ਪਹਿਲਾਂ ਹੀ ਰੇਲਗੱਡੀ ਨੂੰ ਰੋਕ ਦਿੱਤਾ। ਰੇਲਗੱਡੀ ਲਗਭਗ ਇੱਕ ਘੰਟੇ ਤੱਕ ਜੰਗਲ ’ਚ ਖੜ੍ਹੀ ਰਹੀ। ਇਸ ਦੌਰਾਨ ਯਾਤਰੀਆਂ ਨੂੰ ਮੁਸ਼ਕਲ ਦਾ ਸਾਹਮਣਾ ਕਰਨਾ ਪਿਆ। ਦਰਅਸਲ, ਟ੍ਰੇਨ 64021 ਸ਼ਨਿੱਚਰਵਾਰ ਰਾਤ ਲਗਭਗ 10:30 ਵਜੇ ਦਿੱਲੀ ਤੋਂ ਸਹਾਰਨਪੁਰ ਜਾ ਰਹੀ ਸੀ। ਜਿਵੇਂ ਹੀ ਟ੍ਰੇਨ ਬਲਵਾ ਪਿੰਡ ਦੇ ਅੰਡਰਪਾਸ ਦੇ ਨੇੜੇ ਪਹੁੰਚੀ, ਡਰਾਈਵਰ ਨੇ ਐਮਰਜੈਂਸੀ ਬ੍ਰੇਕ ਲਾ ਕੇ ਰੇਲਗੱਡੀ ਨੂੰ ਰੋਕ ਦਿੱਤਾ। Shamli News
ਇਹ ਖਬਰ ਵੀ ਪੜ੍ਹੋ : Nuclear Liability Reform: ਜ਼ਰੂਰੀ ਹੈ ਪਰਮਾਣੂ ਜਵਾਬਦੇਹੀ ਰੁਕਾਵਟਾਂ ਤੋਂ ਮੁਕਤੀ
ਜਦੋਂ ਉਸਨੇ ਹੇਠਾਂ ਉਤਰ ਕੇ ਵੇਖਿਆ ਤਾਂ ਰੇਲਵੇ ਟਰੈਕ ’ਤੇ 12 ਫੁੱਟ ਲੰਬਾ ਲੋਹੇ ਦਾ ਪਾਈਪ ਰੱਖਿਆ ਗਿਆ ਸੀ। ਸ਼ੱਕ ਹੈ ਕਿ ਬਦਮਾਸ਼ਾਂ ਨੇ ਰੇਲਗੱਡੀ ਨੂੰ ਪਲਟਣ ਦੀ ਸਾਜ਼ਿਸ਼ ਦੇ ਹਿੱਸੇ ਵਜੋਂ ਰੇਲਵੇ ਟਰੈਕ ’ਤੇ ਪਾਈਪ ਰੱਖਿਆ ਸੀ। ਹਾਲਾਂਕਿ, ਅਧਿਕਾਰੀ ਅਜੇ ਵੀ ਸਾਜ਼ਿਸ਼ ਦੀ ਜਾਂਚ ਕਰਨ ਦੀ ਗੱਲ ਕਰ ਰਹੇ ਹਨ। ਮਾਮਲੇ ਦੀ ਜਾਣਕਾਰੀ ਮਿਲਣ ’ਤੇ ਐਸਪੀ ਰਾਮਸੇਵਕ ਗੌਤਮ, ਏਐਸਪੀ ਸੰਤੋਸ਼ ਕੁਮਾਰ ਸਿੰਘ, ਜੀਆਰਪੀ ਤੇ ਆਰਪੀਐਫ ਅਧਿਕਾਰੀ ਮੌਕੇ ’ਤੇ ਪਹੁੰਚ ਗਏ। ਉਨ੍ਹਾਂ ਨੇ ਘਟਨਾ ਵਾਲੀ ਥਾਂ ਦਾ ਜਾਇਜ਼ਾ ਲਿਆ। Shamli News
ਪੁਲਿਸ ਨੇ ਬਦਮਾਸ਼ਾਂ ਦੀ ਭਾਲ ’ਚ ਵੀ ਜਾਂਚ ਕੀਤੀ, ਪਰ ਫਿਲਹਾਲ ਉਨ੍ਹਾਂ ਦਾ ਕੋਈ ਪਤਾ ਨਹੀਂ ਲੱਗ ਸਕਿਆ। ਜੀਆਰਪੀ ਸਟੇਸ਼ਨ ਇੰਚਾਰਜ ਚੰਦ ਵੀਰ ਸਿੰਘ ਦਾ ਕਹਿਣਾ ਹੈ ਕਿ ਬਦਮਾਸ਼ਾਂ ਨੇ ਪਾਈਪ ਰੇਲਵੇ ਟਰੈਕ ’ਤੇ ਰੱਖ ਦਿੱਤੀ ਸੀ। ਅਧਿਕਾਰੀ ਮੌਕੇ ’ਤੇ ਮੌਜ਼ੂਦ ਹਨ। ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਟ੍ਰੇਨ ਦੇ ਡਰਾਈਵਰ ਨੇ ਸਮਝਦਾਰੀ ਦਿਖਾਈ। ਜੇਕਰ ਡਰਾਈਵਰ ਨੇ ਪਾਈਪ ਵੱਲ ਧਿਆਨ ਨਾ ਦਿੱਤਾ ਹੁੰਦਾ, ਤਾਂ ਟ੍ਰੇਨ ’ਚ ਸਫ਼ਰ ਕਰ ਰਹੇ ਹਜ਼ਾਰਾਂ ਯਾਤਰੀ ਹਾਦਸੇ ਦਾ ਸ਼ਿਕਾਰ ਹੋ ਸਕਦੇ ਸਨ।
ਨੇੜਲੇ ਟਿਊਬਵੈੱਲ ਤੋਂ ਹੀ ਪੁੱਟ ਲਿਆਏ ਪਾਈਪ | Shamli News
ਆਰਪੀਐਫ ਅਧਿਕਾਰੀਆਂ ਨੇ ਕਿਹਾ ਕਿ ਜਾਂਚ ਤੋਂ ਪਤਾ ਲੱਗਿਆ ਹੈ ਕਿ ਬਦਮਾਸ਼ਾਂ ਨੇ ਬਲਵਾ ਪਿੰਡ ਨੇੜੇ ਇੱਕ ਟਿਊਬਵੈੱਲ ਤੋਂ ਪਾਈਪ ਉਖਾੜ ਦਿੱਤਾ ਸੀ, ਜੋ ਕਿ ਰੇਲਵੇ ਟਰੈਕ ’ਤੇ ਮਿਲਿਆ ਸੀ। ਪੁਲਿਸ ਤੋਂ ਇਲਾਵਾ, ਐਸਪੀ ਨੇ ਜਾਂਚ ਲਈ ਐਸਓਜੀ ਨੂੰ ਵੀ ਤਾਇਨਾਤ ਕੀਤਾ ਹੈ। Shamli News
ਫੋਰੈਂਸਿਕ ਤੇ ਡੌਗ ਸਕੁਐਡ ਦੀਆਂ ਟੀਮਾਂ ਵੀ ਪਹੁੰਚੀਆਂ
ਐਸਪੀ ਦੇ ਨਿਰਦੇਸ਼ਾਂ ’ਤੇ, ਡੌਗ ਸਕੁਐਡ ਅਤੇ ਫੋਰੈਂਸਿਕ ਟੀਮ ਵੀ ਮੌਕੇ ’ਤੇ ਪਹੁੰਚੀ ਤੇ ਮਾਮਲੇ ਦੀ ਜਾਂਚ ਕੀਤੀ। ਐਸਪੀ ਰਾਮਸੇਵਕ ਗੌਤਮ ਦਾ ਕਹਿਣਾ ਹੈ ਕਿ ਰੇਲਵੇ ਅਧਿਕਾਰੀਆਂ ਨਾਲ ਵੀ ਗੱਲ ਕੀਤੀ ਜਾ ਰਹੀ ਹੈ। ਇਸ ਗੱਲ ਦੀ ਜਾਂਚ ਕੀਤੀ ਜਾ ਰਹੀ ਹੈ ਕਿ ਕੀ ਚੋਰ ਟਿਊਬਵੈੱਲ ਤੋਂ ਪਾਈਪ ਚੋਰੀ ਕਰਨ ਤੋਂ ਬਾਅਦ ਪਟੜੀ ’ਤੇ ਛੱਡ ਗਏ ਸਨ ਤੇ ਟ੍ਰੇਨ ਆਉਣ ’ਤੇ ਭੱਜ ਗਏ ਸਨ ਜਾਂ ਟਰੇਨ ਨੂੰ ਪਲਟਣ ਦੀ ਕੋਈ ਸਾਜ਼ਿਸ਼ ਸੀ। ਜਾਂਚ ਤੋਂ ਬਾਅਦ ਹੀ ਕੁਝ ਕਿਹਾ ਜਾ ਸਕਦਾ ਹੈ।
