ਜੇਲ ’ਚ ਹੋਈ ਲੜਾਈ ਦੌਰਾਨ ਪੰਜ ਕੈਦੀਆਂ ਦੀ ਮੌਤ
ਕਿਊਟੋ । ਇਕਵਾਡੋਰ ਦੀ ਇਕ ਜੇਲ ਵਿਚ ਹੋਈ ਲੜਾਈ ਵਿਚ ਘੱਟੋ-ਘੱਟ 5 ਕੈਦੀ ਮਾਰੇ ਗਏ ਅਤੇ 23 ਹੋਰ ਜ਼ਖਮੀ ਹੋ ਗਏ। ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ। ਇਕਵਾਡੋਰ ਦੀ ਜੇਲ ਪ੍ਰਸ਼ਾਸਨ ਏਜੰਸੀ ਨੇ ਵੀਰਵਾਰ ਨੂੰ ਟਵੀਟ ਕੀਤਾ ਕਿ ਬੁੱਧਵਾਰ ਨੂੰ ਹੋਈਆਂ ਝੜਪਾਂ ’ਚ ਜ਼ਖਮੀ ਹੋਏ ਲੋਕਾਂ ’ਚ 18 ਕੈਦੀ ਅਤੇ ਪੰਜ ਪੁਲਿਸ ਅਧਿਕਾਰੀ ਸ਼ਾਮਲ ਹਨ। ਏਜੰਸੀ ਨੇ ਦੱਖਣ-ਪੱਛਮੀ ਬੰਦਰਗਾਹ ਸ਼ਹਿਰ ਗੁਆਯਾਕਿਲ ਦੀ ਜੇਲ੍ਹ ਵਿੱਚ ਲੜਾਈ ਨੂੰ ਵਿਰੋਧੀ ਗਰੋਹਾਂ ਦੇ ਮੈਂਬਰਾਂ ਵਿਚਕਾਰ ਝੜਪਾਂ ਵਜੋਂ ਦਰਸਾਇਆ। ਏਜੰਸੀ ਮੁਤਾਬਕ ਜੇਲ੍ਹ ’ਤੇ ਕਾਬੂ ਪਾਉਣ ਲਈ ਨਸ਼ਾ ਤਸਕਰੀ ਕਰਨ ਵਾਲੇ ਗਰੋਹ ਵਿਚਕਾਰ ਝੜਪ ਦੌਰਾਨ ਹਥਿਆਰਾਂ ਦੀ ਵਰਤੋਂ ਕੀਤੀ ਗਈ ਸੀ। ਕੇਂਦਰੀ ਸ਼ਹਿਰ ਲਾਟਾਕੁੰਗਾ ਵਿੱਚ ਸੋਮਵਾਰ ਨੂੰ ਝੜਪਾਂ ਸ਼ੁਰੂ ਹੋਣ ਤੋਂ ਬਾਅਦ ਇਸ ਹਫ਼ਤੇ ਜੇਲ੍ਹ ਵਿੱਚ ਇਹ ਦੂਜੀ ਝੜਪ ਸੀ। ਇੱਕ ਤਸਕਰ ਸਮੇਤ 16 ਕੈਦੀ ਮਾਰੇ ਗਏ ਅਤੇ 43 ਜ਼ਖ਼ਮੀ ਹੋ ਗਏ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ
