ਦੋ ਧਿਰਾਂ ਦੀ ਪੁਰਾਣੀ ਰੰਜਿਸ਼ ਕਾਰਨ ਆਪਸੀ ਲੜਾਈ ਚ ਚੱਲੀ ਗੋਲੀ
- ਕਰੀਬ 5 ਰਾਊਂਡ ਫਾਇਰ ਹੋਣ ਦੀ ਸੂਚਨਾ, ਕਰੀਬ ਦਸ ਤੋਂ 15 ਹਮਲਾਵਰਾਂ ਵੱਲੋਂ ਇੱਕ ਧਿਰ ਦੀ ਕਾਰ ਦੀ ਬੁਰੀ ਤਰਾਂ ਕੀਤੀ ਭੰਨਤੋੜ
- ਮੌਕੇ ’ਤੇ ਪੁੱਜੀ ਪੁਲਿਸ ਵੱਲੋਂ ਜਾਂਚ ਸ਼ੁਰੂ
ਫਰੀਦਕੋਟ (ਗੁਰਪ੍ਰੀਤ ਪੱਕਾ)। Faridkot News: ਫਰੀਦਕੋਟ ਸ਼ਹਿਰ ਅੰਦਰ ਗੋਲੀਆਂ ਚੱਲਣ ਦਾ ਸਿਲਸਿਲਾ ਲਗਾਤਾਰ ਜਾਰੀ ਹੈ ਕੁਝ ਦਿਨ ਪਹਿਲਾਂ ਗੱਲ ਕਰੀਏ ਤਾਂ ਫਰੀਦਕੋਟ ਦੇ ਥਾਣਾ ਸਦਰ ਦੇ ਸਾਹਮਣੇ ਸ਼ਰੇਆਮ ਕੁਝ ਵਿਅਕਤੀਆਂ ਵੱਲੋਂ ਫਾਇਰਿੰਗ ਕੀਤੀ ਗਈ ਸੀ ਅਤੇ ਅੱਜ ਮੁੜ ਤੋਂ ਇੱਕ ਵਾਰ ਫਿਰ ਗੋਲੀਆਂ ਚੱਲਣ ਦੀ ਘਟਨਾ ਸਾਹਮਣੇ ਆਈ ਹੈ। ਦੱਸ ਦਈਏ ਕਿ ਦੋ ਧਿਰਾਂ ਦੀ ਆਪਸੀ ਰੰਜਿਸ਼ ਕਾਰਨ ਇਹ ਮਾਮਲਾ ਸਾਹਮਣੇ ਆਇਆ ਹੈ| ਅੱਜ ਦੁਪਹਿਰ ਕੋਟਕਪੁਰਾ ਰੋਡ ਤੇ ਗੁਰਲੀਨ ਸਿੰਘ ਨਾਮਕ ਇੱਕ ਗਰੁੱਪ ਦਾ ਬੰਦਾ ਜਦੋਂ ਆਪਣੀ ਕਾਰ ਤੇ ਜਾ ਰਿਹਾ ਸੀ ਤਾਂ ਉਸ ਤੇ 10 ਤੋਂ 15 ਵਿਅਕਤੀਆਂ ਵੱਲੋਂ ਹਮਲਾ ਕਰ ਦਿੱਤਾ।
Fake RTO Challan Scam: ਵਟਸਐਪ ’ਤੇ ਆਰਟੀਓ ਚਲਾਨ ਦੀ ਐਪ ਖੋਲ੍ਹੀ ਤਾਂ ਠੱਗਾਂ ਨੇ ਕੱਟਤਾ ਹਜਾਰਾਂ ਦਾ ‘ਚਲਾਨ’
ਜਿਸ ਹਮਲੇ ਦੇ ਦੌਰਾਨ ਉਸਦੀ ਕਾਰਨ ਨੂੰ ਬੁਰੀ ਤਰਾਂ ਤੋੜ ਭੰਨ ਦਿੱਤਾ ਤੇ ਨਾਲ ਹੀ ਹਮਲਾਵਰਾਂ ਵੱਲੋਂ ਉਸ ਵਿਅਕਤੀ ਤੇ ਫਾਇਰ ਵੀ ਕੀਤਾ ਗਿਆ, ਫਿਲਹਾਲ ਜਿਹੜੀ ਸੂਚਨਾ ਮਿਲੀ ਹੈ ਉਸ ਮੁਤਾਬਕ ਕਾਰ ਸਵਾਰ ਵੱਲੋਂ ਆਪਣੇ ਬਚਾਅ ’ਚ ਜਵਾਬੀ ਫਾਇਰ ਵੀ ਕੀਤਾ ਗਿਆ। ਪਰ ਇਸ ਨੂੰ ਲੈ ਕੇ ਹਲੇ ਪੁਲਿਸ ਕੁਝ ਵੀ ਸਪਸ਼ਟ ਨਹੀਂ ਦੱਸ ਰਹੀ, ਦੱਸ ਦਈਏ ਕਿ ਇਸ ਘਟਨਾ ਤੋਂ ਬਾਅਦ ਪੁਲਿਸ ਮੌਕੇ ’ਤੇ ਪੁੱਜੀ ਸੀ। ਜਿਸ ਵੱਲੋਂ ਆਲੇ ਦੁਆਲੇ ਦੇ ਸੀਸੀਟੀਵੀ ਖੰਗਾਲੇ ਜਾ ਰਹੇ ਨੇ ਤੇ ਪੁਲਿਸ ਇਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
ਇਸ ਹਮਲੇ ਦੇ ਦੌਰਾਨ ਦੋਨਾਂ ਧਿਰਾਂ ਦਾ ਇੱਕ-ਇੱਕ ਵਿਅਕਤੀ ਜ਼ਖਮੀ ਹੋਇਆ ਜਿਸ ਨੂੰ ਇਲਾਜ ਲਈ ਗੁਰੂ ਗੋਬਿੰਦ ਸਿੰਘ ਮੈਡੀਕਲ ਹਸਪਤਾਲ ਦਾਖਲ ਕਰਾਇਆ| ਦੂਜੇ ਪਾਸੇ ਪੁਲਿਸ ਨੇ ਦਾਵਾ ਕੀਤਾ ਕਿ ਜਲਦ ਹੀ ਇਸ ਘਟਨਾ ’ਚ ਜਿਸ ਵਿਅਕਤੀ ਦਾ ਵੀ ਰੋਲ ਸਾਹਮਣੇ ਆਇਆ ਉਸ ਨੂੰ ਬਖਸ਼ਿਆ ਨਹੀਂ ਜਾਵੇਗਾ ਤੇ ਜਲਦ ਹੀ ਗ੍ਰਿਫਤਾਰ ਕੀਤਾ ਜਾਏਗਾ ਦੂਜੇ ਪਾਸੇ ਜੇ ਜਿਹੜੇ ਉਹਨਾਂ ਵੱਲੋਂ ਹਥਿਆਰ ਵਰਤੇ ਗਏ ਨੇ ਉਹਨਾਂ ਨੂੰ ਵੀ ਜਲਦ ਬਰਾਮਦ ਕੀਤੇ ਜਾਵੇਗਾ। ਦੂਜੇ ਪਾਸੇ ਸ਼ਹਿਰ ਨਿਵਾਸੀਆਂ ਨੇ ਦੱਸਿਆ ਕਿ ਇਹ ਭੀੜ ਭਾੜ ਵਾਲਾ ਇਲਾਕਾ ਹੈ ਤੇ ਕੋਟਕਪੂਰਾ ਨੂੰ ਜਾਣ ਵਾਲੀ ਇੱਕ ਮੇਨ ਸੜਕ ਹੈ ਜਿਸ ’ਤੇ ਹਮੇਸ਼ਾ ਹੀ ਆਵਾਜਾਈ ਰਹਿੰਦੀ ਹੈ।
ਤੇ ਇਸ ਜਗ੍ਹਾ ’ਤੇ ਜੇਕਰ ਅਜਿਹੀ ਘਟਨਾ ਵਾਪਰਦੀ ਹੈ ਤਾਂ ਕਿਸੇ ਵਿਅਕਤੀ ਨੂੰ ਵੀ ਆਉਂਦੇ ਜਾਂਦੇ ਗੋਲੀ ਲੱਗ ਸਕਦੀ ਸੀ, ਉਹਨਾਂ ਦਸਿਆ ਕਿ ਪੁਲਿਸ ਸ਼ਹਿਰ ’ਚ ਅਮਨ ਕਾਨੂੰਨ ਦੀ ਸਥਿਤੀ ਨੂੰ ਦਰੁਸਤ ਬਣਾਏ ਰਖਬ ਵਿੱਚ ਪੂਰੀ ਤਰਾਂ ਨਾਕਾਮਯਾਬ ਸਾਬਤ ਹੋਈ ਹੈ ਤੇ ਆਮ ਆਦਮੀ ਪਾਰਟੀ ਦੀ ਸਰਕਾਰ ’ਚ ਅਜਿਹੀਆਂ ਘਟਨਾਵਾਂ ਆਮ ਹੀ ਵਾਪਰ ਰਹੀਆਂ ਹਨ ਪਰ ਪੁਲਿਸ ਹੱਥ ਤੇ ਹੱਥ ਧਰ ਕੇ ਬੈਠੀ ਹੈ ਤੇ ਸਰਕਾਰ ਵੀ ਕੁਜ ਨਹੀਂ ਕਰ ਰਹੀ ਅਤੇ ਜਨਤਾ ਚ ਹਮੇਸ਼ਾ ਡਰ ਵਾਲਾ ਮਹੌਲ ਬਣਿਆ ਰਹਿੰਦਾ ਹੈ।
