EPFO 3.0: ਕੇਂਦਰ ਸਰਕਾਰ ਭਾਰਤ ਦੀ ਪ੍ਰਾਵੀਡੈਂਟ ਫੰਡ ਪ੍ਰਣਾਲੀ ਵਿੱਚ ਵੱਡੇ ਬਦਲਾਅ ਕਰਨ ਦੀ ਤਿਆਰੀ ਕਰ ਰਹੀ ਹੈ। ਸਾਲ 2025 ਦੇ ਮੱਧ ਤੱਕ ਈਪੀਐਫ਼ਓ ਗਾਹਕਾਂ ਨੂੰ ਡੈਬਿਟ ਕਾਰਡ ਰਾਹੀਂ ਏਟੀਐਮ ਜ਼ਰੀਏ ਪੀਐਫ਼ ਦੇ ਪੈਸੇ ਕਢਵਾਉਣ ਦੀ ਸਹੂਲਤ ਹੋਵੇਗੀ। ਹਾਲਾਂਕਿ, ਇਸ ਨਿਕਾਸੀ ’ਤੇ ਇੱਕ ਸੀਮਾ ਹੋਵੇਗੀ, ਜਿਸ ਨਾਲ ਐਮਰਜੈਂਸੀ ਵਿੱਚ ਪੈਸੇ ਕਢਵਾਉਣ ਦੇ ਨਾਲ-ਨਾਲ, ਕੋਈ ਵਿਅਕਤੀ ਰਿਟਾਇਰਮੈਂਟ ਲਈ ਚੰਗੀ ਰਕਮ ਵੀ ਬਚਾ ਸਕਦਾ ਹੈ। ਇਹ ਪਹਿਲਕਦਮੀਆਂ ਸਰਕਾਰ ਦੀ ਅਭਿਲਾਸ਼ੀ ਈਪੀਐਫ਼ਓ 3.0 ਯੋਜਨਾ ਦਾ ਹਿੱਸਾ ਹਨ। ਸਰਕਾਰ ਕਰਮਚਾਰੀਆਂ ਨੂੰ ਆਪਣੀ ਬੱਚਤ ’ਤੇ ਜ਼ਿਆਦਾ ਕੰਟਰੋਲ ਦੇਣਾ ਚਾਹੁੰਦੀ ਹੈ। ਈਪੀਐਫ਼ਓ 3.0 ਵਿੱਚ ਸਰਕਾਰ ਕਰਮਚਾਰੀਆਂ ਨੂੰ ਕਈ ਸੁਵਿਧਾਵਾਂ ਪ੍ਰਦਾਨ ਕਰਨਾ ਚਾਹੁੰਦੀ ਹੈ।
ਪੀਐਫ਼ ਯੋਗਦਾਨ ਦੀ ਸੀਮਾ ਨੂੰ ਹਟਾਇਆ ਜਾ ਸਕਦੈ | EPFO 3.0
ਰਿਪੋਰਟਾਂ ਦੇ ਅਨੁਸਾਰ, ਸਰਕਾਰ ਪੀਐਫ ਵਿੱਚ ਕਰਮਚਾਰੀਆਂ ਦੇ ਯੋਗਦਾਨ ’ਤੇ 12 ਪ੍ਰਤੀਸ਼ਤ ਦੀ ਸੀਮਾ ਨੂੰ ਹਟਾ ਸਕਦੀ ਹੈ। ਇਸ ਵਿੱਚ ਕਰਮਚਾਰੀਆਂ ਨੂੰ ਆਪਣੀ ਬੱਚਤ ਦੇ ਹਿਸਾਬ ਨਾਲ ਯੋਗਦਾਨ ਪਾਉਣ ਦਾ ਵਿਕਲਪ ਦਿੱਤਾ ਜਾ ਸਕਦਾ ਹੈ। ਇਸ ਨਾਲ ਕਰਮਚਾਰੀ ਪੀ.ਐੱਫ ’ਚ ਜ਼ਿਆਦਾ ਰਕਮ ਜਮ੍ਹਾ ਕਰਵਾ ਕੇ ਵੱਡਾ ਫੰਡ ਬਣਾ ਸਕਦੇ ਹਨ।
Read Also : ਕਰੋੜਾਂ EPFO ਖਾਤਾ ਧਾਰਕਾਂ ਨੂੰ ਮਿਲੀ ਖੁਸ਼ਖਬਰੀ, ਹਰ ਖਾਤੇ ’ਚ ਜਮ੍ਹਾ ਹੋਣਗੇ 10,000 ਰੁਪਏ
ਇਸ ਦੇ ਨਾਲ ਹੀ ਰੁਜ਼ਗਾਰਦਾਤਾ ਦਾ ਯੋਗਦਾਨ ਤਨਖਾਹ ਦੇ ਹਿਸਾਬ ਨਾਲ ਤੈਅ ਕੀਤਾ ਜਾਵੇਗਾ। ਮੌਜ਼ੂਦਾ ਸਮੇਂ ’ਚ ਕਰਮਚਾਰੀਆਂ ਨੂੰ ਆਪਣੀ ਬੇਸਿਕ ਪੇਅ ਦਾ ਸਿਰਫ 12 ਫੀਸਦੀ ਪੀਐੱਫ ’ਚ ਜਮ੍ਹਾ ਕਰਨਾ ਪੈਂਦਾ ਹੈ। ਇਸ ਦੇ ਨਾਲ ਹੀ ਕਰਮਚਾਰੀ ਈਪੀਐਫ਼ਓ 3.0 ’ਚ ਜ਼ਿਆਦਾ ਯੋਗਦਾਨ ਪਾ ਸਕਦੇ ਹਨ। EPFO 3.0
ਪੀਐਫ਼ ਦੇ ਪੈਸੇ ਏਟੀਐਮ ਰਾਹੀਂ ਕਢਵਾਏ ਜਾ ਸਕਣਗੇ? | EPFO 3.0
ਈਪੀਐਫ਼ਓ 3.0 ਵਿੱਚ ਕਰਮਚਾਰੀਆਂ ਨੂੰ ਏਟੀਐਮ ਰਾਹੀਂ ਪੀਐਫ਼ ਦੇ ਪੈਸੇ ਕਢਵਾਉਣ ਦੀ ਸਹੂਲਤ ਮਿਲੇਗੀ। ਇਸ ਦੇ ਨਾਲ ਹੀ ਕਰਮਚਾਰੀਆਂ ਨੂੰ ਅੰਸ਼ਕ ਕਢਵਾਉਣ ਲਈ ਅਰਜ਼ੀ ਦੇਣੀ ਹੋਵੇਗੀ। ਵਰਤਮਾਨ ਵਿੱਚ, ਕਰਮਚਾਰੀ ਕੁਝ ਖਾਸ ਸਥਿਤੀਆਂ ਵਿੱਚ ਹੀ ਪੀਐਫ ਦੇ ਪੈਸੇ ਕਢਵਾ ਸਕਦੇ ਹਨ। ਕਰਮਚਾਰੀ ਈਪੀਐਫਓ ਦੀ ਵੈੱਬਸਾਈਟ ਜਾਂ ਉਮੰਗ ਐਪ ਰਾਹੀਂ ਪੀਐਫ ਦੇ ਪੈਸੇ ਕਢਵਾ ਸਕਦੇ ਹਨ। ਕਰਮਚਾਰੀ ਸੰਗਠਨਾਂ ਵੱਲੋਂ ਲੰਬੇ ਸਮੇਂ ਤੋਂ ਮੰਗ ਕੀਤੀ ਜਾ ਰਹੀ ਸੀ ਕਿ ਈਪੀਐਫ ਵਿੱਚ ਮਿਲਣ ਵਾਲੀ ਪੈਨਸ਼ਨ ਦੀ ਰਕਮ ਵਿੱਚ ਵਾਧਾ ਕੀਤਾ ਜਾਵੇ। ਹੁਣ ਈਪੀਐਫ਼ਓ 3.0 ’ਚ ਪੈਨਸ਼ਨ ਦੀ ਰਕਮ ਵਧਾਉਣ ’ਤੇ ਕੰਮ ਕੀਤੇ ਜਾਣ ਦੀ ਉਮੀਦ ਹੈ। ਸਰਕਾਰ ਦੇ ਇਸ ਉਪਰਾਲੇ ਨਾਲ ਕਰੋੜਾਂ ਮੁਲਾਜ਼ਮਾਂ ਨੂੰ ਫਾਇਦਾ ਹੋਵੇਗਾ।
