Career News: ਆਮ ਦੇਖਣ ’ਚ ਆਉਂਦਾ ਹੈ ਕਿ ਜਦੋਂ ਲੜਕੀਆਂ ਦੀ ਸਿੱਖਿਆ ਦੀ ਗੱਲ ਤੁਰਦੀ ਹੈ ਤਾਂ ਬਹੁਤ ਸਾਰੀਆਂ ਲੜਕੀਆਂ ਨੂੰ ਮਾਪੇ ਬਾਰ੍ਹਵੀਂ ਜਮਾਤ ਪਾਸ ਕਰਨ ਮਗਰੋਂ ਅੱਗੇ ਪੜ੍ਹਾਈ ਕਰਨ ਤੋਂ ਵਾਂਝੇ ਰੱਖ ਲੈਂਦੇ ਹਨ। ਲੜਕੀਆਂ ਦੀ ਪੜ੍ਹਾਈ ਨੂੰ ਇਹ ਸੋਚ ਕੇ ਤਰਜੀਹ ਨਹੀਂ ਦਿੱਤੀ ਜਾਂਦੀ ਕਿ ਉਸ ਨੇ ਤਾਂ ਅਗਲੇ ਘਰ ਹੀ ਜਾਣਾ ਹੈ। ਕੀ ਇਹ ਸਹੀ ਹੈ? ਸਮੇਂ ਦੀ ਨਜ਼ਾਕਤ ਨੂੰ ਸਮਝਦਿਆਂ ਸਾਨੂੰ ਲੜਕੀਆਂ ਨੂੰ ਆਤਮ-ਨਿਰਭਰ ਬਣਾਉਣਾ ਚਾਹੀਦਾ ਹੈ। ਉਨ੍ਹਾਂ ਦੀ ਸਿੱਖਿਆ ’ਤੇ ਉਚੇਚਾ ਧਿਆਨ ਦੇਣਾ ਚਾਹੀਦਾ ਹੈ ਤਾਂ ਜੋ ਉਹ ਆਪਣੇ ਪੈਰਾਂ ’ਤੇ ਖੜ੍ਹੀਆਂ ਹੋ ਸਕਣ। ਗੱਲ ਕਰਦੇ ਹਾਂ ਉਨ੍ਹਾਂ ਕੋਰਸਾਂ ਬਾਰੇ, ਜਿਨ੍ਹਾਂ ਨੂੰ ਕਰਨ ਮਗਰੋਂ ਲੜਕੀਆਂ ਲਈ ਕਈ ਖੇਤਰਾਂ ’ਚ ਨੌਕਰੀ ਦੇ ਮੌਕੇ ਮੁਹੱਈਆ ਹਨ। Career News
ਇਹ ਖਬਰ ਵੀ ਪੜ੍ਹੋ : 1984 Anti-Sikh Riots Case: ਫਿਰਕੂ ਦੰਗੇ ਦੇਸ਼ ਦੇ ਨਾਂਅ ’ਤੇ ਕਲੰਕ
ਡਰੈੱਸ ਮੇਕਿੰਗ | Career News
ਜਿਹੜੀਆਂ ਲੜਕੀਆਂ ਦਸਵੀਂ ਜਮਾਤ 50 ਫ਼ੀਸਦੀ ਅੰਕਾਂ ਨਾਲ ਪਾਸ ਕਰਦੀਆਂ ਹਨ ਤਾਂ ਉਹ ਡਰੈੱਸ ਮੇਕਿੰਗ ਕੋਰਸ ਕਰਨ ਦੇ ਯੋਗ ਹੁੰਦੀਆਂ ਹਨ। ਇਹ ਇੱਕ ਸਾਲਾ ਵੋਕੇਸ਼ਨਲ ਟ੍ਰੇਨਿੰਗ ਕੋਰਸ ਹੈ। ਇਸ ਨੂੰ ਕਰਨ ਉਪਰੰਤ ਤੁਸੀਂ ਆਪਣਾ ਬੁਟੀਕ ਸ਼ੁਰੂ ਕਰ ਸਕਦੇ ਹੋ। ਡਿਜ਼ਾਈਨਰ ਵਜੋਂ ਵੀ ਕਿਸੇ ਬੁਟੀਕ ’ਤੇ ਕੰਮ ਕਰ ਸਕਦੇ ਹੋ। ਜੇ ਇਸ ਖੇਤਰ ’ਚ ਤੁਹਾਡੀ ਦਿਲਚਸਪੀ ਹੈ ਤਾਂ ਤੁਸੀਂ ਆਪਣਾ ਭਵਿੱਖ ਬਣਾ ਕੇ ਵਧੀਆ ਆਮਦਨ ਕਮਾ ਸਕਦੇ ਹੋ।
ਸੈਕਟੇਰੀਅਲ ਪ੍ਰੈਕਟਿਸ | Career News
ਇਹ ਇੱਕ ਸਾਲਾ ਵੋਕੇਸ਼ਨਲ ਟ੍ਰੇਨਿੰਗ ਕੋਰਸ ਹੈ। ਇਸ ਕੋਰਸ ਨੂੰ ਕਰਨ ਮਗਰੋਂ ਵਿਦਿਆਰਥਣਾਂ ਲਈ ਨੌਕਰੀ ਦੇ ਕਈ ਬਦਲ ਹਨ ਜਿਵੇਂ:-
- ਕਲਰਕ
- ਪਰਸਨਲ ਸੈਕਟਰੀ
- ਆਫਿਸ ਅਸਿਸਟੈਂਟ
- ਪਰਸਨਲ ਅਸਿਸਟੈਂਟ
- ਰਿਸੈਪਸਨਿਸਟ
ਕਟਾਈ ਤੇ ਸਿਲਾਈ | Career News
ਇਹ ਕੋਰਸ ਪੰਜਾਬ ’ਚ ਆਈਟੀਆਈ ਕਾਲਜਾਂ ’ਚ ਕਰਵਾਇਆ ਜਾਂਦਾ ਹੈ। ਇਸ ਨੂੰ ਕਰਨ ਉਪਰੰਤ ਲੜਕੀਆਂ ਆਪਣਾ ਖ਼ੁਦ ਦਾ ਕੋਈ ਰੁਜ਼ਗਾਰ ਖੋਲ੍ਹ ਸਕਦੀਆਂ ਹਨ ਜਾਂ ਕਿਸੇ ਬੁਟੀਕ ’ਤੇ ਨੌਕਰੀ ਕਰ ਸਕਦੀਆਂ ਹਨ।
ਕਮਰਸ਼ੀਅਲ ਆਰਟ | Career News
ਇਹ ਵੋਕੇਸ਼ਨਲ ਟ੍ਰੇਨਿੰਗ ਕੋਰਸ ਉਹ ਲੜਕੀਆਂ ਕਰ ਸਕਦੀਆਂ ਹਨ, ਜਿਨ੍ਹਾਂ ਨੇ ਦਸਵੀਂ ਜਮਾਤ 50 ਫ਼ੀਸਦੀ ਅੰਕਾਂ ਨਾਲ ਪਾਸ ਕੀਤੀ ਹੋਵੇ। ਇਸ ਕੋਰਸ ਨੂੰ ਕਰਨ ਉਪਰੰਤ ਲੜਕੀਆਂ ਲਈ ਡਿਜ਼ਾਈਨਰ ਫਾਰ ਐਡਵਰਟਾਈਜ਼ਮੈਂਟ, ਮੈਗਜ਼ੀਨਰ, ਐਪ ਡਿਜ਼ਾਈਨਰ, ਵੈੱਬਸਾਈਟ ਡਿਜ਼ਾਈਨਰ ਵਜੋਂ ਨੌਕਰੀ ਦੇ ਮੌਕੇ ਮੁਹੱਈਆ ਹਨ।
ਐਬਰੋਇਡਰੀ ਤੇ ਨੀਡਲ ਵਰਕਰ
ਇਸ ਕੋਰਸ ਨੂੰ ਕਰਨ ਉਪਰੰਤ ਲੜਕੀਆਂ ਆਪਣਾ ਭਵਿੱਖ ਸੰਵਾਰ ਸਕਦੀਆਂ ਹਨ ਤੇ ਉਨ੍ਹਾਂ ਲਈ ਇਸ ਖੇਤਰ ’ਚ ਕੰਪਿਊਟਰ ਐਬਰੋਇਡਰੀ, ਡਿਜ਼ਾਈਨਰ, ਕਟਿੰਗ ਮਾਸਟਰ, ਅਧਿਆਪਕ, ਗ੍ਰਾਫਿਕ ਡਿਜ਼ਾਈਨਰ ਵਜੋਂ ਨੌਕਰੀ ਦੇ ਮੌਕੇ ਹੁੰਦੇ ਹਨ।
ਬੇਸਿਕ ਕਾਸਮੈਟਾਲੋਜੀ
ਦਸਵੀਂ ਜਮਾਤ 50 ਫ਼ੀਸਦੀ ਅੰਕਾਂ ਨਾਲ ਪਾਸ ਵਿਦਿਆਰਥਣਾਂ ਇਸ ਇੱਕ ਸਾਲਾ ਵੋਕੇਸ਼ਨਲ ਟ੍ਰੇਨਿੰਗ ਕੋਰਸ ਨੂੰ ਕਰਨ ਦੇ ਯੋਗ ਹੁੰਦੀਆਂ ਹਨ। ਇਹ ਬਿਊਟੀ ਨਾਲ ਸਬੰਧਿਤ ਕੋਰਸ ਹੈ। ਇਸ ਕੋਰਸ ਨੂੰ ਕਰਨ ਤੋਂ ਬਾਅਦ ਹੇਅਰ ਸਟਾਈਲਿਸਟ, ਨੇਲ ਕੇਅਰ ਆਰਟਿਸਟ, ਸੇਲ ਕੰਸਲਟੈਂਟ, ਮੇਕਅਪ ਆਰਟਿਸਟ, ਬਿਊਟੀ ਮੈਗਜ਼ੀਨ ਆਰਟਿਸਟ ਵਜੋਂ ਨੌਕਰੀ ਕਰ ਸਕਦੀਆਂ ਹਨ।
ਫਿਜ਼ੀਓਥੈਰੇਪੀ ਤਕਨੀਸ਼ੀਅਨ
ਇਹ ਵੀ ਇੱਕ ਸਾਲਾ ਵੋਕੇਸ਼ਨਲ ਟ੍ਰੇਨਿੰਗ ਕੋਰਸ ਹੈ। ਇਹ ਲੜਕੀਆਂ ਲਈ ਅਜਿਹਾ ਖੇਤਰ ਹੈ, ਜਿਸ ਵਿਚ ਉਨ੍ਹਾਂ ਲਈ ਨੌਕਰੀ ਦੇ ਕਈ ਰਸਤੇ ਖੁੱਲ੍ਹਦੇ ਹਨ, ਜਿਵੇਂ ਫਿਜ਼ੀਓਥੈਰੇਪੀ ਕਲੀਨਕ ’ਚ ਨੌਕਰੀ, ਹਸਪਤਾਲਾਂ ’ਚ ਨੌਕਰੀ, ਹੋਮੀਓਪੈਥੀ ਤੇ ਨੈਚੁਰੋਪੈਥੀ ਸੈਂਟਰ ’ਚ ਨੌਕਰੀ ਆਦਿ।
ਹੇਅਰ ਤੇ ਸਕਿੱਨ ਕੇਅਰ
ਇਹ ਵੀ ਇੱਕ ਸਾਲ ਦਾ ਵੋਕੇਸ਼ਨਲ ਟ੍ਰੇਨਿੰਗ ਕੋਰਸ ਹੈ। 10ਵੀਂ ਪਾਸ ਉਹ ਲੜਕੀਆਂ, ਜਿਨ੍ਹਾਂ ਨੇ 50 ਫ਼ੀਸਦੀ ਅੰਕ ਹਾਸਲ ਕੀਤੇ ਹੋਣ, ਇਹ ਕੋਰਸ ਕਰਨ ਦੇ ਯੋਗ ਹੁੰਦੀਆਂ ਹਨ। ਇਹ ਕੋਰਸ ਸਰਕਾਰੀ ਆਈਟੀਆਈ ਸੰਸਥਾਵਾਂ ਤੋਂ ਕੀਤਾ ਜਾਂਦਾ ਹੈ। ਇਸ ਕੋਰਸ ਨੂੰ ਕਰਨ ਮਗਰੋਂ ਹੇਅਰ ਸਟਾਈਲਿਸਟ, ਨੇਲ ਕੇਅਰ ਆਰਟਿਸਟ, ਸੈਲੂਨ ਸੇਲਜ਼ ਕੰਸਲਟੈਂਟ, ਮੇਕਅੱਪ ਆਰਟਿਸਟ, ਬਿਊਟੀ ਮੈਗਜ਼ੀਨ ਆਰਟਿਸਟ ਵਜੋਂ ਆਪਣਾ ਭਵਿੱਖ ਬਣਾਇਆ ਜਾ ਸਕਦਾ ਹੈ।
ਸਟੈਨੋਗ੍ਰਾਫੀ
ਲੜਕੀਆਂ ਲਈ ਇਹ ਕੋਰਸ ਵਧੀਆ ਰੁਜ਼ਗਾਰ ਪ੍ਰਾਪਤ ਕਰਨ ਲਈ ਸਹਾਈ ਹੁੰਦਾ ਹੈ। ਇਸ ਕੋਰਸ ਨੂੰ ਕਰਨ ਤੋਂ ਬਾਅਦ ਵਿਦਿਆਰਥੀ ਵੱਖ-ਵੱਖ ਨੌਕਰੀਆਂ ਦੇ ਕਾਬਿਲ ਹੋ ਜਾਂਦਾ ਹੈ ਜਿਵੇਂ:-
- ਸਟੈਨੋਗ੍ਰਾਫਰ ਇਨ ਕੋਰਟ
- ਸਟੈਨੋਗ੍ਰਾਫਰ ਵਕੀਲਾਂ ਨਾਲ
- ਸਰਕਾਰੀ ਨੌਕਰੀ
- ਬੈਂਕਾਂ ’ਚ
- ਕਲਰਕ
ਤਨਖ਼ਾਹ
ਇਹ ਉਪਰੋਕਤ ਸਾਰੇ ਕੋਰਸ ਇੱਕ ਸਾਲਾ ਵੋਕੇਸ਼ਨਲ ਟ੍ਰੇਨਿੰਗ ਕੋਰਸ ਹਨ, ਜਿਨ੍ਹਾਂ ਨੂੰ ਦਸਵੀਂ ਪਾਸ ਵਿਦਿਆਰਥਣਾਂ ਕਰਨ ਦੇ ਯੋਗ ਹੁੰਦੀਆਂ ਹਨ ਤੇ 50 ਫ਼ੀਸਦੀ ਅੰਕਾਂ ਨਾਲ ਪਾਸ ਹੋਣਾ ਲਾਜ਼ਮੀ ਹੈ। ਇਨ੍ਹਾਂ ਕੋਰਸਾਂ ਨੂੰ ਕਰਨ ਤੋਂ ਬਾਅਦ ਲੜਕੀਆਂ 15000 ਤੋਂ 20000 ਰੁਪਏ ਮਹੀਨੇ ਤੱਕ ਆਸਾਨੀ ਨਾਲ ਕਮਾ ਸਕਦੀਆਂ ਹਨ। ਇਨ੍ਹਾਂ ਕੋਰਸਾਂ ਨੂੰ ਕਰਨ ਵੇਲੇ ਇਹ ਧਿਆਨ ਰੱਖਣਯੋਗ ਗੱਲ ਹੈ ਕਿ ਜਿਸ ਵੀ ਸਕਿੱਲ ਕੋਰਸ ਨੂੰ ਤੁਸੀਂ ਕਰਨਾ ਚਾਹੁੰਦੇ ਹੋ, ਉਸ ਨੂੰ ਪੂਰੀ ਮਿਹਨਤ ਤੇ ਲਗਨ ਨਾਲ ਕਰੋ ਅਤੇ ਉਸ ਕੰਮ ’ਚ ਨਿਪੁੰਨਤਾ ਹਾਸਲ ਕਰਨਾ ਬਹੁਤ ਜ਼ਰੂਰੀ ਹੈ। ਇਨ੍ਹਾਂ ਕੋਰਸਾਂ ਨੂੰ ਕਰਨ ਲਈ ਜ਼ਿਆਦਾ ਖ਼ਰਚਾ ਵੀਂ ਨਹੀਂ ਆਉਂਦਾ ਤੇ ਪੰਜਾਬ ’ਚ ਬਿਨਾਂ ਕਿਸੇ ਮੁਸ਼ਕਲ ਤੋਂ ਕੀਤੇ ਜਾ ਸਕਦੇ ਹਨ।
ਪੇਸ਼ਕਸ਼: ਵਿਜੈ ਗਰਗ
