ਸਾਇਰਸ ਮਿਸਤਰੀ ਦੇ ਡਰਾਈਵਰ ਦੀ ਵੀ ਹੋਈ ਮੌਤ
(ਸੱਚ ਕਹੂੰ ਨਿਊਜ਼) ਨਵੀਂ ਦਿੱਲੀ। ਟਾਟਾ ਸੰਨਜ਼ ਦੇ ਸਾਬਕਾ ਚੇਅਰਮੈਨ ਸਾਇਰਸ ਮਿਸਤਰੀ ਦੀ ਸੜਕ ਹਾਦਸੇ ’ਚ ਮੌਤ ਹੋ ਗਈ। ਜਾਣਕਾਰੀ ਅਨੁਸਾਰ ਉਹ ਅਹਿਮਦਾਬਾਦ ਤੋਂ ਮੁੰਬਈ ਵਾਪਸ ਜਾ ਰਿਹਾ ਸਨ। ਪਾਲਘਰ ਨੇੜੇ ਇਕ ਪੁਲ ‘ਤੇ ਮਰਸਡੀਜ਼ ਕਾਰ ਨਾਲ ਉਸ ਦਾ ਹਾਦਸਾ ਹੋ ਗਿਆ। ਹਾਦਸੇ ਤੋਂ ਬਾਅਦ ਉਸ ਨੂੰ ਹਸਪਤਾਲ ਲਿਜਾਇਆ ਗਿਆ ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਹਾਦਸਾ ਇੰਨਾ ਭਿਆਨਕ ਸੀ ਕਿ ਕਾਰ ਦਾ ਅਗਲਾ ਹਿੱਸਾ ਉੱਡ ਗਿਆ। ਅਜੇ ਤੱਕ ਇਹ ਪਤਾ ਨਹੀਂ ਲੱਗ ਸਕਿਆ ਹੈ ਕਿ ਇਹ ਹਾਦਸਾ ਕਿਵੇਂ ਵਾਪਰਿਆ।
ਮਿਸਤਰੀ ਚਾਰ ਸਾਲ ਤੱਕ ਟਾਟਾ ਗਰੁੱਪ ਦੇ ਚੇਅਰਮੈਨ ਰਹੇ। ਪੁਲਿਸ ਅਨੁਸਾਰ ਹਾਦਸੇ ‘ਚ ਸਾਇਰਸ ਮਿਸਤਰੀ (Cyrus Mistry) ਦੇ ਨਾਲ ਉਸ ਦੇ ਡਰਾਈਵਰ ਦੀ ਵੀ ਮੌਤ ਹੋ ਗਈ ਹੈ, ਜਦੋਂਕਿ ਕਿ ਦੋ ਵਿਅਕਤੀ ਗੰਭੀਰ ਜ਼ਖਮੀ ਹੋ ਗਏ ਹਨ। ਮਿਸਤਰੀ ਦੀ ਲਾਸ਼ ਨੂੰ ਪੋਸਟਮਾਰਟਮ ਲਈ ਸਰਕਾਰੀ ਹਸਪਤਾਲ ਲਿਜਾਇਆ ਗਿਆ ਹੈ। ਪੁਲਿਸ ਸੁਪਰਡੈਂਟ ਬਾਲਾਸਾਹਿਬ ਪਾਟਿਲ ਨੇ ਇਸ ਦੀ ਪੁਸ਼ਟੀ ਕਰਦਿਆਂ ਦੱਸਿਆ ਕਿ ਇਹ ਹਾਦਸਾ ਦੁਪਹਿਰ ਕਰੀਬ 3.15 ਵਜੇ ਵਾਪਰਿਆ ਜਦੋਂ ਮਿਸਤਰੀ ਅਹਿਮਦਾਬਾਦ ਤੋਂ ਮੁੰਬਈ ਜਾ ਰਹੇ ਸਨ। ਇਹ ਹਾਦਸਾ ਸੂਰਿਆ ਨਦੀ ‘ਤੇ ਬਣੇ ਪੁਲ ‘ਤੇ ਵਾਪਰਿਆ।
ਦੱਸਣਯੋਗ ਹੈ ਕਿ ਸਾਇਰਸ ਟਾਟਾ ਗਰੁੱਪ ਦੇ ਛੇਵੇਂ ਚੇਅਰਮੈਨ ਸਨ। ਉਨ੍ਹਾਂ ਨੂੰ ਕੁਝ ਵਿਵਾਦਾਂ ਕਾਰਨ ਚਾਰ ਸਾਲਾਂ ਦੇ ਅੰਦਰ ਚੇਅਰਮੈਨ ਦੇ ਅਹੁਦੇ ਤੋਂ ਹਟਾ ਦਿੱਤਾ ਗਿਆ ਸੀ। ਇਸ ਤੋਂ ਬਾਅਦ ਰਤਨ ਟਾਟਾ ਨੇ ਖੁਦ ਅੰਤਰਿਮ ਚੇਅਰਮੈਨ ਦਾ ਅਹੁਦਾ ਸੰਭਾਲ ਲਿਆ। ਬਾਅਦ ਵਿੱਚ 2017 ਵਿੱਚ ਇਹ ਅਹੁਦਾ ਐਨ ਚੰਦਰਸ਼ੇਖਰਨ ਨੂੰ ਦਿੱਤਾ ਗਿਆ ਸੀ।
ਟਾਟਾ ਸੰਨਜ਼ ‘ਚ 18.4 ਫੀਸਦੀ ਹਿੱਸੇਦਾਰੀ
ਜਿਕਰਯੋਗ ਹੈ ਕਿ ਸਾਇਰਸ ਮਿਸਤਰੀ (Cyrus Mistry) ਪਰਿਵਾਰ ਦੀ ਟਾਟਾ ਸੰਨਜ਼ ‘ਚ 18.4 ਫੀਸਦੀ ਹਿੱਸੇਦਾਰੀ ਹੈ। ਸਾਇਰਸ ਮਿਸਤਰੀ ਦੂਜੇ ਚੇਅਰਮੈਨ ਸਨ ਜੋ ਟਾਟਾ ਨਹੀਂ ਸਨ। ਉਸਦੀ ਇੱਕ ਭੈਣ ਦਾ ਵਿਆਹ ਰਤਨ ਟਾਟਾ ਦੇ ਭਰਾ ਨੋਏਲ ਟਾਟਾ ਨਾਲ ਹੋਇਆ ਹੈ। ਉਨ੍ਹਾਂ ਦੇ ਪਿਤਾ ਪਲੋਂਜੀ ਮਿਸਤਰੀ ਇੱਕ ਵੱਡੇ ਵਪਾਰੀ ਸਨ ਪਰ ਜਨਤਕ ਥਾਵਾਂ ‘ਤੇ ਘੱਟ ਹੀ ਦਿਖਾਈ ਦਿੰਦੇ ਸਨ। ਸਾਇਰਸ ਮਿਸਤਰੀ ਨੇ ਇਸ ਕਾਰੋਬਾਰੀ ਪਰਿਵਾਰ ਨੂੰ ਵੱਡੀ ਪਛਾਣ ਦਿਵਾਈ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ
