ਕਾਂਗਰਸ ਨੇਤਾ ਰਾਹੁਲ ਗਾਂਧੀ ਨੇ ਸ਼੍ਰੀ ਦਰਬਾਰ ਸਾਹਿਬ ਵਿੱਚ ਮੱਥਾ ਟੇਕਿਆ
ਅੰਮ੍ਰਿਤਸਰ। ਕਾਂਗਰਸ ਆਗੂ ਰਾਹੁਲ ਗਾਂਧੀ (Rahul Gandhi) ਵੀਰਵਾਰ ਦੁਪਹਿਰ ਅੰਮ੍ਰਿਤਸਰ ਪੁੱਜਣ ਤੋਂ ਬਾਅਦ ਸਿੱਧਾ ਸ਼੍ਰੀ ਦਰਬਾਰ ਸਾਹਿਬ ਮੱਥਾ ਟੇਕਣ ਗਏ ਅਤੇ ਉਸ ਤੋਂ ਬਾਅਦ ਲੰਗਰ ਛਕਣ ਤੋਂ ਬਾਅਦ ਉਹ ਜਲਿਆਂਵਾਲਾ ਬਾਗ ਲਈ ਰਵਾਨਾ ਹੋ ਗਏ। ਗਾਂਧੀ ਦੀ ਫਲਾਈਟ ਦਿੱਲੀ ਤੋਂ ਸੰਘਣੀ ਧੁੰਦ ਕਾਰਨ ਦੇਰੀ ਨਾਲ ਇੱਥੇ ਪਹੁੰਚੀ ਅਤੇ ਉਹਨਾਂ ਦੀ ਅਗਵਾਈ ਮੁੱਖ ਮੰਤਰੀ ਚਰਨਜੀਤ ਚੰਨੀ, ਕਾਂਗਰਸ ਦੇ ਸੂਬਾ ਪ੍ਰਧਾਨ ਨਵਜੋਤ ਸਿੱਧੂ, ਉੱਪ ਮੁੱਖ ਮੰਤਰੀ ਓਨੀ ਸੋਨੀ ਅਤੇ ਸੁਖਜਿੰਦਰ ਰੰਧਾਵਾ, ਸੰਸਦ ਮੈਂਬਰ ਔਜਲਾ ਅਤੇ ਪਾਰਟੀ ਦੇ ਜ਼ਿਆਦਾਤਰ ਉਮੀਦਵਾਰਾਂ ਨੇ ਉਹਨਾਂ ਦਾ ਸਵਾਗਤ ਕੀਤਾ। ਏਅਰਪੋਰਟ ਤੋਂ ਉਹ ਦਰਬਾਰ ਸਾਹਿਬ ਪਹੁੰਚੇ ਅਤੇ ਓਥੋਂ ਉਹ ਜਲਿਆਵਾਲਾ ਬਾਗ, ਦੁਰਗਿਆਨਾ ਮੰਦਰ ਅਤੇ ਬਾਲਮਿਕੀ ਮੰਦਰ ਜਾਣਗੇ। ਇਸ ਤੋਂ ਬਾਅਦ ਉਹਨਾਂ ਦਾ ਜਲੰਧਰ ’ਚ ਪ੍ਰੋਗਰਾਮ ਹੈ।
ਉਹਨਾਂ ਦੇ ਲੇਟ ਆਉਣ ਕਾਰਨ ਅਤੇ ਇੱਥੇ ਪ੍ਰੋਗਰਾਮਾਂ ਵਿੱਚ ਸਮਾਂ ਲੱਗ ਜਾਣ ਕਾਰਨ ਉਹ (Rahul Gandhi) ਜਲੰਧਰ ’ਚ ਪੰਜਾਬ ਫਤਿਹ ਰੈਲੀ ਨੂੰ ਸੰਬੋਧਨ ਕਰਨਗੇ। ਉਹ ਵਰਚੁਅਲ ਰੈਲੀ ਨੂੰ ਸੰਬੋਧਨ ਕਰਦੇ ਸਮੇਂ ਸੂਬੇ ਦੇ ਕਾਂਗਰਸੀ ਵਰਕਰਾਂ ਨਾਲ ਗੱਲਬਾਤ ਕਰਨਗੇ ਅਤੇ ਚੋਣਾਂ ਦੇ ਹਾਲਾਤ ਦਾ ਜਾਇਜਾ ਵੀ ਲੈਣਗੇ। ਫਤਿਹ ਰੈਲੀ ਨੂੰ ਸੰਬੋਧਨ ਕਰਨ ਦੇ ਨਾਲ ਗਾਂਧੀ ਪੰਜਾਬ ਵਿੱਚ ਚੋਣ ਮੁਹਿੰਮ ਦੀ ਸ਼ੁਰੂਆਤ ਕਰਨਗੇ।
ਪਾਰਟੀ ਦੇ ਸੀਨੀਅਰ ਆਗੂਆਂ ਅਨੁਸਾਰ ਉਹਨਾਂ ਦੇ (Rahul Gandhi) ਆਉਣ ਨਾਲ ਗਾਂਗਰਸ ਵਿੱਚ ਆਪਸੀ ਮੱਤਭੇਦ ਦੂਰ ਹੋਣਗੇ, ਪਾਰਟੀ ਮਜ਼ਬੂਤ ਹੋਵੇਗੀ ਅਤੇ ਚੋਣ ਪ੍ਰਚਾਰ ਨੂੰ ਬਲ ਮਿਲੇਗਾ। ਲੰਬੇ ਸਮੇਂ ਤੋਂ ਸੰਘਰਸ਼ ਕਰ ਰਹੀ ਕਾਂਗਰਸ ਨੂੰ ਸਮਰਥਨ ਮਿਲਦਾ ਹੈ ਤਾਂ ਇੱਕਜੁੱਟਤਾ ਆਵੇਗੀ। ਇਸਦੇ ਤੋਂ ਪਹਿਲਾਂ ਕਾਂਗਰਸ ਵੱਲੋਂ ਪੰਜਾਬ ਵਿੱਚ ਪਾਰਟੀ ਉਮੀਦਵਾਰਾਂ ਦੀ ਦੂਜੀ ਸੂਚੀ ਜਾਰੀ ਕੀਤੀ ਗਈ ਸੀ। ਜਿਸ ਦੇ ਸੂਬਾ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਦੇ ਭਤੀਜੇ ਸਮਿਤ ਸਿੰਘ ਨੂੰ ਅਮਰਗੜ੍ਹ ਤੋਂ ਟਿਕਟ ਦਿੱਤਾ ਗਿਆ ਹੈ। ਇਸ ਦੇ ਨਾਲ ਹੀ ਪੰਜਾਬ ਦੇ ਸਾਬਕਾ ਸੀਐਮ ਹਰਚਰਣ ਸਿੰਘ ਬਰਾੜ ਦੀ ਨੂੰਹ ਕਰਨ ਕੌਰ ਬਰਾੜ ਮੁਕਤਸਰ ਤੋਂ ਚੋਣ ਲੜਨਗੇ।
ਇੱਥੇ ਪੂਰੀ ਸੂਚੀ ਹੈ:-
1. ਬੋਹਾ (ਐਸ ਸੀ) ਤੋਂ ਜੋਗਿੰਦਰ ਪਾਲ
2. ਬਟਾਲਾ ਤੋਂ ਅਸ਼ਵਨੀ ਸੇਖੜੀ
3. ਖਡੂਰ ਸਾਹਿਬ ਤੋਂ ਰਮਨਜੀਤ ਸਿੰਘ ਸਿੱਕੀ
4. ਨਕੋਦਰ ਤੋਂ ਡਾ. ਨਵਜੋਤ ਸਿੰਘ ਦਹੀਆ
5. ਬੰਗਾ (ਐਸਸੀ) ਸੀਟ ਤੋਂ ਤਰਲੋਚਨ ਸਿੰਘ ਸੁੰਧ
6. ਵਿਜੇ ਸ਼ਰਮਾ ਟਿੰਕੂ ਖਰੜ ਤੋਂ
7. ਸਮਰਾਲਾ ਤੋਂ ਰਾਜਾ ਗਿੱਲ
8. ਸਾਹਨੇਵਾਲ ਤੋਂ ਵਿਕਰਮ ਬਾਜਵਾ ਨੂੰ
9. ਗਿਲ (ਐਸਸੀ) ਤੋਂ ਕੁਲਦੀਪ ਸਿੰਘ ਵੈਦ
10. ਜਗਰਾਉਂ (ਐਸਸੀ) ਤੋਂ ਜਗਤਾਰ ਸਿੰਘ ਜੱਗਾ ਹਿੱਸੋਵਾਲ
11. ਫਿਰੋਜਪੁਰ ਦੇਹਤ (ਐਸਸੀ) ਤੋਂ ਆਸ਼ੂ ਬਾਂਗਰ
12. ਗੁਰੂ ਹਰ ਸਾਹੀ ਤੋਂ ਵਿਜੇ ਕਾਲਰਾ
13. ਫਾਜਿਲਕਾ ਤੋਂ ਦਵਿੰਦਰਾ ਗੁਬੀਆ
14. ਮੁਕਤਸਰ ਤੋਂ ਕਰਨ ਕੌਰ ਬਰਾੜ
15. ਕੋਟਕਪੁਰਾ ਤੋਂ ਅਜੇਪਾਲ ਸਿੰਘ ਸੰਧੂ
16. ਜੈਤੂ (ਐਸਸੀ) ਤੋਂ ਦਰਸ਼ਨ ਸਿੰਘ ਦਿਲਵਾਨ
17. ਸਰਦੂਲਗੜ੍ਹ ਤੋਂ ਬਿਕਰਮ ਸਿੰਘ ਮੋਫ਼ਰ
18. ਦਿੜਬਾ (ਐਸਸੀ) ਤੋਂ ਅਜੈਬ ਸਿੰਘ ਰਤੌਲ
19. ਸੁਨਾਮ ਤੋਂ ਜਸਵਿੰਦਰ ਸਿੰਘ ਧੀਮਾਨ
20. ਮਹਿਲ ਕਲਾਂ ਤੋਂ (ਐਸਸੀ) ਹਰਚੰਦ ਕੌਰ
21. ਅਮਰਗੜ੍ਹ ਤੋਂ ਸਮਿਤ ਸਿੰਘ
22. ਡੇਰਾ ਬੱਸੀ ਤੋਂ ਦੀਪ ਇੰਦਰ ਸਿੰਘ ਢਿੱਲੋਂ
23. ਸ਼ੁਤਰਾਨਾ (ਐਸਸੀ) ਤੋਂ ਦਰਬਾਰਾ ਸਿੰਘ
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ
