ਓਡੀਸ਼ਾ ਟਰੇਨ ਹਾਦਸੇ ’ਤੇ ਸੀਐਮ ਭਗਵੰਤ ਮਾਨ ਨੇ ਕੀਤਾ ਟਵੀਟ

 ਹਾਦਸੇ ’ਚ ਪ੍ਰਗਟਾਇਆ ਡੂੰਘਾ ਦੁੱਖ (Train Accident)

 (ਸੱਚ ਕਹੂੰ ਨਿਊਜ਼) ਚੰਡੀਗੜ੍ਹ। ਉਡੀਸਾ ਦੇ ਬਾਲਾਸੋਰ ’ਚ ਬੀਤੇ ਸ਼ੁੱਕਰਵਾਰ ਸ਼ਾਮ ਨੂੰ ਵਾਪਰੇ ਵੱਡੇ ਟਰੇਨ ਹਾਦਸੇ ’ਤੇ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਦੁੱਖ ਪ੍ਰਗਟ ਕੀਤਾ ਹੈ। (Train Accident) ਮੁੱਖ ਮੰਤਰੀ ਨੇ ਟਵੀਟ ਕਰਕੇ ਹਾਦਸੇ ’ਤੇ ਡੂੰਘਾ ਦੁੱਖ ਪ੍ਰਗਟ ਕੀਤਾ। ਉਨਾਂ ਟਵੀਟ ’ਚ ਲਿਖਿਆ ਹੈ ਕਿ ਓਡੀਸ਼ਾ ਦੇ ਬਾਲਾਸੋਰ ’ਚ ਵਾਪਰੇ ਟਰੇਨ ਹਾਦਸੇ ਦੀ ਮੰਦਭਾਗੀ ਖਬਰ ਸੁਣ ਕੇ ਕਾਫੀ ਦੁੱਖ ਹੋਇਆ। ਹਾਦਸੇ ’ਚ ਸੈਂਕੜੇ ਲੋਕ ਆਪਣੀ ਜਾਨ ਗੁਆ ਚੁੱਕੇ ਹਨ। ਮ੍ਰਿਤਕ ਦੇ ਪਰਿਵਾਰਾਂ ਨਾਲ ਮੇਰੀ ਡੂੰਘੀ ਹਮਦਰਦੀ ਹੈ। ਪਰਮਾਤਮਾ ਅੱਗੇ ਪ੍ਰਾਰਥਨਾ ਹੈ ਕਿ ਹਾਦਸੇ ’ਚ ਜਖਮੀ ਹੋਏ ਵਿਅਕਤੀ ਛੇਤੀ ਸਿਹਤਮੰਦ ਹੋਣ।

ਇਹ ਵੀ ਪੜ੍ਹੋ : ਸਮਾਜ ਅੰਦਰ ਵਧਦੀ ਸੰਵੇਦਨਹੀਣਤਾ

ਜਿਕਰਯੋਗ ਹੈ ਕਿ ਉਡੀਸਾ ਦੇ ਬਾਲਾਸੋਰ ’ਚ ਬੀਤੇ ਸ਼ੁੱਕਰਵਾਰ ਸ਼ਾਮ ਨੂੰ  ਵਾਪਰੇ ਵੱਡੇ ਟਰੇਨ ਹਾਦਸੇ ’ਚ 261 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ ਅਤੇ 900 ਤੋਂ ਵੱਧ ਲੋਕ ਜ਼ਖਮੀ ਹੋਏ ਹਨ। ਹਾਦਸਾ ਬਾਲਾਸੋਰ ਦੇ ਬਹਾਨਗਾ ਬਾਜ਼ਾਰ ਸਟੇਸ਼ਨ ਕੋਲ ਸ਼ਾਮ ਕਰੀਬ 7 ਵਜੇ ਹੋਇਆ। ਰੇਲਵੇ ਮੁਤਾਬਿਕ ਕਲਕੱਤਾ-ਚੈੱਨਈ-ਕੋਰੋਮੰਡਲ ਐੱਕਸਪ੍ਰੈਸ ਤਅੇ ਯਸ਼ਵੰਤਪੁਰ-ਹਾਵੜਾ ਐੱਕਸਪ੍ਰੈਸ ਬਹਾਨਗਾ ਸਟੇਸ਼ਨ ਕੋਲ ਡਿਰੇਲ ਹੋ ਗਈ ਸੀ। ਇਸ ਤੋਂ ਬਾਅਦ ਕੋਰੋਮੰਡਲ ਐੱਕਸਪੈ੍ਰਸ ਟਰੇਲ ਨਾਲ ਦੇ ਟ੍ਰੈਕ ’ਤੇ ਖੜੀ ਮਾਲਗੱਡੀ ਨਾਲ ਟਕਰਾ ਗਈ।

ओडिशा के बालासोर में हुए ट्रेन हादसे की दुर्भाग्यपूर्ण खबर सुनकर काफी दुख हुआ…हादसे में सैंकड़ों लोग अपनी जान गंवा चुके हैं…शोकाकुल परिवारों के साथ मेरी गहरी संवेदनाएं हैं…
भगवान से प्रार्थना है कि दुर्घटना में घायल हुए लोग जल्द स्वस्थ हों…. https://t.co/o0REt9belp

— Bhagwant Mann (@BhagwantMann) June 3, 2023

ਨਿਊਜ਼ ਏਜੰਸੀ ਮੁਤਾਬਿਕ ਰੇਲਵੇ ਅਧਿਕਾਰੀਆਂ ਨੇ ਦੱਸਿਆ ਕਿ ਪਹਿਲਾਂ (Train Accident) ਯਸ਼ਵੰਤਪੁਰ-ਹਾਵੜਾ ਐੱਕਸਪ੍ਰੈਸ ਡਿਰੇਲ ਹੋਈ ਸੀ। ਇਸ ਦੇ ਕੁਝ ਡੱਬੇ ਦੂਜੀ ਪਟਰੀ ’ਤੇ ਪਲਟੇ ਅਤੇ ਦੂਜੇ ਪਾਸੇ ਤੋਂ ਆ ਰਹੀ ਸ਼ਾਲੀਮਾਰ-ਚੈੱਨਈ ਕੋਰੋਮੰਡਲ ਐੱਕਸਪ੍ਰੈਸ ਨਾਲ ਟਕਰਾ ਗਏ। ਇਸ ਤੋਂ ਬਾਅਦ ਕੋਰੋਮੰਡਲ ਟਰੇਨ ਦੀਆਂ ਕੁਝ ਬੋਗੀਆਂ ਪਟਰੀ ਤੋਂ ਹੇਠਾਂ ਉਤਰ ਗਈਆਂ। ਉਹ ਬੋਗੀਆਂ ਦੂਜੇ ਟਰੈਕ ’ਤੇ ਮਾਲਗੱਡੀ ਨਾਲ ਭਿੜ ਗਈਆਂ। ਕੁਝ ਬੋਗੀਆਂ ਮਾਲਗੱਡੀ ਦੇ ਉਪਰ ਚੜ੍ਹ ਗਈਆਂ।

ਦੋਵਾਂ ਟਰੇਨਾਂ ਦੇ ਬਹਾਨਗਾ ਸਟੇਸ਼ਨ ਪਹੁੰਚਣ ’ਚ 3 ਘੰਟਿਆਂ ਦਾ ਫਰਕ ਸੀ, ਪਰ ਫੇਰ ਵੀ ਇੱਕਠਿਆਂ ਆ ਗਈਆਂ

ਟਰੇਨ ਨੰਬਰ 12864 ਬੈਂਗਲੁਰੂ – ਹਾਵੜਾ ਸੁਪਰਫਾਸਟ ਐਕਸਪ੍ਰੈਸ 1 ਜੂਨ ਨੂੰ ਸਵੇਰੇ 7:30 ਵਜੇ ਬੈਂਗਲੁਰੂ ਦੇ ਯਸ਼ਵੰਤਪੁਰ ਸਟੇਸ਼ਨ ਤੋਂ ਰਵਾਨਾ ਹੋਈ। ਇਸ ਨੇ 2 ਜੂਨ ਨੂੰ ਰਾਤ ਕਰੀਬ 8 ਵਜੇ ਹਾਵੜਾ ਪਹੁੰਚਣਾ ਸੀ। ਇਹ ਆਪਣੇ ਨਿਰਧਾਰਤ ਸਮੇਂ ਤੋਂ 3.30 ਘੰਟੇ ਦੀ ਦੇਰੀ ਨਾਲ 06:30 ਵਜੇ ਭਦਰਕ ਪਹੁੰਚੀ। ਅਗਲਾ ਸਟੇਸ਼ਨ ਬਾਲਾਸੋਰ ਸੀ, ਜਿੱਥੇ ਰੇਲਗੱਡੀ 4 ਘੰਟੇ ਦੀ ਦੇਰੀ ਨਾਲ 7:52 ’ਤੇ ਪਹੁੰਚਣੀ ਸੀ।

ਜਦੋਂ ਕਿ ਰੇਲਗੱਡੀ ਨੰਬਰ 12841 ਸਾਲੀਮਾਰ-ਚੇਨਈ ਕੇਂਦਰੀ ਕੋਰੋਮੰਡਲ ਐਕਸਪ੍ਰੈਸ 2 ਜੂਨ ਨੂੰ ਹੀ 3:20 ਵਜੇ ਹਾਵੜਾ ਤੋਂ ਰਵਾਨਾ ਹੋਈ ਸੀ। ਇਹ 3 ਜੂਨ ਨੂੰ ਸ਼ਾਮ 4:50 ਵਜੇ ਚੇਨਈ ਸੈਂਟਰਲ ਪਹੁੰਚਦੀ ਹੈ। ਇਹ ਸਮੇਂ ’ਤੇ ਸ਼ਾਮ 6:37 ’ਤੇ ਬਾਲਾਸੋਰ ਪਹੁੰਚੀ। ਅਗਲਾ ਸਟੇਸ਼ਨ ਭਦਰਕ ਸੀ ਜਿੱਥੇ ਟਰੇਨ ਨੇ 7:40 ’ਤੇ ਪਹੁੰਚਣਾ ਸੀ। ਪਰ 7 ਵਜੇ ਦੇ ਕਰੀਬ ਦੋਵੇਂ ਟਰੇਨਾਂ ਬਹਿਨਗਾ ਬਜਾਰ ਸਟੇਸ਼ਨ ਨੇੜੇ ਆਹਮੋ-ਸਾਹਮਣੇ ਹੋ ਗਈਆਂ ਤਾਂ ਇਹ ਵੱਡਾ ਹਾਦਸਾ ਵਾਪਰ ਗਿਆ।

ਪ੍ਰਧਾਨ ਮੰਤਰੀ ਅਤੇ ਰੇਲ ਮੰਤਰੀ ਨੇ ਮੁਆਵਜੇ ਦਾ ਕੀਤਾ ਐਲਾਨ | Train Accident

ਪ੍ਰਧਾਨ ਮੰਤਰੀ ਮੋਦੀ ਨੇ ਹਾਦਸੇ ’ਤੇ ਦੁੱਖ ਪ੍ਰਗਟ ਕੀਤਾ ਹੈ। ਉਨ੍ਹਾਂ ਕੇਂਦਰੀ ਰੇਲ ਮੰਤਰੀ ਅਸ਼ਵਨੀ ਵੈਸ਼ਨਵ ਨਾਲ ਗੱਲ ਕੀਤੀ। ਹਾਦਸੇ ’ਚ ਮਰਨ ਵਾਲਿਆਂ ਦੇ ਪਰਿਵਾਰ ਵਾਲਿਆਂ ਨੂੰ 2 ਲੱਖ ਰੁਪਏ ਅਤੇ (Train Accident) ਜਖਮੀਆਂ ਨੂੰ 50 ਹਜਾਰ ਰੁਪਏ ਦੇਣ ਦਾ ਐਲਾਨ ਕੀਤਾ ਹੈ। ਕੇਂਦਰੀ ਰੇਲ ਮੰਤਰੀ ਅਸ਼ਵਨੀ ਵੈਸ਼ਨਵ ਨੇ ਮਾਰੇ ਗਏ ਲੋਕਾਂ ਦੇ ਪਰਿਵਾਰਾਂ ਨੂੰ 10 ਲੱਖ ਰੁਪਏ, ਗੰਭੀਰ ਜਖਮੀਆਂ ਲਈ 2 ਲੱਖ ਰੁਪਏ ਅਤੇ ਜਖਮੀਆਂ ਨੂੰ 50 ਹਜਾਰ ਰੁਪਏ ਦੇਣ ਦਾ ਐਲਾਨ ਕੀਤਾ ਹੈ। ਅਮਰੀਕਾ ਦੇ ਵਿਦੇਸ਼ ਵਿਭਾਗ ਦੇ ਦੱਖਣੀ ਅਤੇ ਮੱਧ ਏਸ਼ੀਆ ਮਾਮਲਿਆਂ ਦੇ ਬਿਊਰੋ (ਐਸਸੀਏ) ਨੇ ਬਾਲਾਸੋਰ ਰੇਲ ਹਾਦਸੇ ’ਤੇ ਦੁੱਖ ਪ੍ਰਗਟਾਇਆ ਹੈ।

ਮਮਤਾ, ਰਾਹੁਲ ਨੇ ਜਤਾਇਆ ਦੁੱਖ, ਵਰਕਰਾਂ ਨੂੰ ਮਦਦ ਦੀ ਅਪੀਲ | Train Accident

ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਹਾਦਸੇ ’ਤੇ ਦੁੱਖ ਜਾਹਿਰ ਕੀਤਾ ਹੈ। ਉਨ੍ਹਾਂ ਨੇ ਟਵਿੱਟਰ ’ਤੇ ਲਿਖਿਆ- ਅਸੀਂ ਓਡੀਸਾ ਸਰਕਾਰ ਦੀ ਮਦਦ ਲਈ 5-6 ਮੈਂਬਰਾਂ ਦੀ ਟੀਮ ਮੌਕੇ ’ਤੇ ਭੇਜ ਰਹੇ ਹਾਂ। ਰਾਹੁਲ ਅਤੇ ਪਿ੍ਰਅੰਕਾ ਗਾਂਧੀ ਨੇ ਵੀ ਹਾਦਸੇ ’ਤੇ ਦੁੱਖ ਪ੍ਰਗਟ ਕੀਤਾ ਹੈ। ਉਨ੍ਹਾਂ ਕਾਂਗਰਸੀ ਵਰਕਰਾਂ ਤੇ ਆਗੂਆਂ ਨੂੰ ਬਚਾਅ ’ਚ ਮਦਦ ਕਰਨ ਦੀ ਅਪੀਲ ਕੀਤੀ।